引用:

原帖由 wai1960 於 2008-9-5 02:44 發表
404的那張左三，是不是陳觀泰？

第二張的吳桐身旁那個不是吳宇森，但真的忘記了名字。

對吖，是陳觀泰，憑半邊臉都認得出來，厲害！你說不止一人曾飾演凌雲佳亦啱，勁！

陳觀泰是大聖擘掛門人，當年得武術比賽冠軍而進身影壇。當年佢亦曾在關德興的【黃飛鴻系列】中，飾演過凌雲佳 (好似得一次，之後就係曾江做)。我都估唔到會在此粵語長片中見到他呢。







今時今日，相信我們都未必記得他拍過什麼的馬永貞或大哥成，但是就一一一一一一一一一一定記得那一段  ... 當年令到很多版友都好難接受嘅 … 陳黃戀 … 「天生一副明星相」的黃造時姐姐 竟然跟咗阿陳觀泰呵 ！！只能說一句，男的就既羨慕又嫉忌，女的就只能歎一聲為何會如此呢  ...？

[ 本帖最後由 tangkennis 於 2008-9-6 19:57 編輯 ]

引用:

原帖由 ali 於 2008-9-5 00:07 發表
左面兩個膊頭之間，只見到頭部個後生仔好鬼似韓義生。
睇埋下一張相我身形，真係佢

勁！是韓義生。記得他在麗的是做武術指導的，有很多經典武俠劇都出自他的手筆。當然啦，以他的粗獷外形，就通常會做一些大哥飛仔、偷呃拐騙兼姦淫擄掠的角色了。

他不幸英年早逝，在其它論壇中有人說他因做義工幫佛寺維修，而發生意外逝世，不是拍戲駕車出事，不知實情是否如此呢？





[ 本帖最後由 tangkennis 於 2008-9-6 19:57 編輯 ]

今晚又貼一張。相中只餘下兩位並未曾特別指出名字，亦很容易的！！

引用:

原帖由 維圓阿伯 於 2008-9-6 23:18 發表
矮冬瓜,金麥基,戴偉光,關健,小麒麟,謝老四

阿伯兄，全中呵！！(註：金麥基好似係【猛鬼差館】阿張學友的角色喎，有冇亂籠咗吖 ！！)



矮冬瓜演過咁過多角色，相信都未有如此威猛，納住枝機關槍，其神武之姿，直頭比美【第一滴血】的蘭保，特貼一圖以誌其事！！

矮冬瓜最為人記得的角色相信是演大蕃薯了，當然係配高魯泉的老夫子、張清的秦先生喇！著實令人懷念矣
…






佢好似後來在邵氏重拍的電影【老夫子】中又再作馮婦，再次扮演大蕃薯，可見呢個角色，已成其商標，冇人可以超越已  ... ... ！！

戴偉光專演小人物詼諧角色，側埋個頭戚起條八字眉，是其特色也！！記得佢以前係麗的有線劇集【王老五】已經有演出了。

以前細路仔覺得佢的表情流於浮面，非常跨張，今時今日睇番又竟然有另一番的體會喎 … 喂、喂、喂，而家有邊個唔係咁做戲架，阿星爺佢又唔係咁 ... ... ！！

唉 … 唔通而家已經進化到「懷舊回憶」已經壓倒一切，乜野都係舊嘅好 ！！

晚安！

今晚一次過貼埋江雪姐在戲中其餘的相！！

再貼這一張穿上妹仔裝的相。

穿黑色旗袍頭戴大紅花，豔麗！！嗱、嗱、嗱，真係冇講假，羅蘭姐穿上呢件絹黃色長衫企埋一齊，一些也不輸蝕呵！

在茶樓買唱，又換上另一套粉紅色長衫 ！

全套戲中，以這套湖水綠絹面衫褲套裝顯得江雪姐更加俏麗！！











咁有冇版友心水清的數一數，江雪姐在此戲中總共穿過幾多套戲服吖！！

一套粵語長片中的女主角竟然亦可穿上八套不同的戲服，各位認為厲唔厲害，而全部都好靚過喎 ！！試問當年天后級的寶珠姐芳芳姐亦未必有咁多喇！！咁呢套1969年的【雙鎗沙膽標】為何會如此特別呢？？

好簡單，片商肯落本 ！！咁為何又要這樣做呢？？小弟膽粗粗又一味靠估 ！！

據云粵語片的產量自 61 年達至頂峰後，盛況延續至 64 年之後就開始盛極而衰，在往後數年的產量，有如 97回歸後香港的樓價，急速滑落，如江河日下矣  (註：唯一不同的是當年冇人企出里話要每年拍片「八萬五」 … 喎   ！！) 在 68,69 和 70年之間，每年十零廿部制作，71年得幾部，72年是零產量！雖然這段時候有些電影走情色路線，但亦有一些是行嚴謹制作方向的，希望可以力挽狂瀾，救華厦於既倒 … 它們大多是彩色濶銀幕制作，演員陣容極盛，可講套套都星光熠熠 ！！劇本認真有故事性，喜實景拍攝，服裝佈景道具亦考究很多，而拍攝分鏡明顯地多起來亦令電影變得細膩有電影感 ！！故此這段時期的粵語片雖然產量少，但制片人亦寧缺不濫，希望在資源集中的情況下，可以再制作出一些水準較高的作品來，再吸引觀眾買飛入場 … 小弟相信【雙鎗沙膽標】都是屬於這種情況下的一部電影呢。

其實這段時期的粵語片都有很多值得欣賞的地方架！！ 好可惜，正所謂大勢氣候已成亦不能逆轉，粵語長片最終是息微了 …

引用:

原帖由 sfyung 於 2008-9-13 12:00 發表

我記得呢part係江雪唱"張生驚艷"俾四哥聽
不過有個疑問, 佢係用邊種語言唱架?好似廣東話又好似唔係
以前睇大戲, 有d戲目又係咁

sfyung 君記憶力果然驚人，我自己睇完隻 DVD 都冇維意隻歌叫《張生驚豔》，一個字曰勁 ！！

呢場戲係講呢位「十三少」謝賢約咗阿「琵琶娟」江雪姐上酒樓唱曲。阿江雪姐就在戲中自已揀了這隻《張生驚豔》「唱出」，我唔敢講阿江雪姐唔識唱曲，不過在戲中似是有人幕後代唱呢。







嗱、嗱、嗱，由女方自動唱出這種「含情挑逗而兼有豔詞」的歌，實則係話畀阿「十三少」聽，我都「對你有意思」！！以前的戲的表達方式是含蓄兼有韻味，唔同而家果D，一係踫面後就連隨玩「埋身肉搏」，一係就玩疏離大講廢話都唔知佢嗡乜 ！！




[ 本帖最後由 tangkennis 於 2008-9-13 21:23 編輯 ]

小弟對曲藝這一門學問並無認識，戲中「十三少」話同意用平喉獻唱，類似是梁無相或徐柳仙的。至於唱法我就更加唔識，聽來就像是粵腔和京腔互相夾雜。







好似呢一句咁，除了那四字「三生有幸」用國語唱出之外，餘字皆用廣東話唱出。望有認識曲藝的版友指教一下了。

片未阿「琵琶娟」又上茶居唱曲，係全實景拍攝，唔知有冇版友認得是那處湮沒了的茶樓呢？





大家留意看一下柱上貼的碟頭飯麵的價錢… 1969 年一碟牛腩飯是個半銀錢，今時今日唔知要幾多錢了 …

其實我都認不到這間茶樓。 首先呢間茶樓應有歌星駐場唱歌喎！！見有「繞樑三日」錦旗掛於其中，還有一個小舞台可供演奏呢。以前阿媽只係帶過我去一些新式酒樓，純粹飲茶，冇人唱歌個喎！！

現貼多幾張相希望有版友認得出喇。

樓頂裝有吊扇，乃當時茶居特色了。木枱櫈椅，玻璃枱面，標準設備已！話時話，今時今日仲有冇餐廳用玻璃枱面呢？

在茶廳中有幾條一個人都攬吾哂的大石柱，此亦舊式茶居特式也。

左首邊有扶手樓梯，亦見下吊光管；右首見樓面櫃檯，夠古舊。


唔知有冇版友再認得出呢？

唐古詩有云《海內存知已，天涯若比鄰》，適逢今夕中秋佳節 ，



雖身懸海外，小弟亦祝各位中秋節快樂  ！！

上過 youtube 略略搜索，發覺好像未有人貼上 《雙槍沙膽標》 的 movie clip (可能已被移除都未定喎！) ；見版友可能都有興趣重溫一下這段 《張生驚豔》，故而大費周章了幾天終於成功截了一段〝視頻〞 (唔係講笑，對於此種上傳下載之功夫，的確不太懂呵 )，剛剛放在 … 不是 youtube 而是 youku ！由「琵琶娟」江雪姐應約上酒樓唱曲，初頭唔制後尾見到「十三少」謝賢之後，o答哂糖又肯制 ！！至到唱罷《張生驚豔》為此，約四分鐘原汁原味全無刪剪 ！！ (不多久我想亦會將它移除的)  ... 無謂再多講，去片！

http://v.youku.com/v_show/id_XNDM1Nzk5NDA=.html

[ 本帖最後由 tangkennis 於 2008-9-21 13:16 編輯 ]

Anti-air-gunner 君所言甚是，這間茶居未必真有歌星駐唱。聽前輩講以前的茶樓真係有歌聽吖！其後新式茶樓興起，這種「聽歌飲茶」的玩意便息微了。不過古老當時興，而家好似又有番喎 ！！

咁不如小弟再截一段〝視頻〞，多顯示一些這間茶居的佈置，希望再有版友可以認它出來啦。亦順便播埋結局時「琵琶娟」江雪在茶居獻唱的《郎歸晚》，片段中有江雪回憶起與「十三少」謝賢相識與共之片段，以前有介紹過的一眾粵語片演員都可以見到哂呵！！去片！！

引用:

原帖由 sfyung 於 2008-9-21 13:57 發表
睇番hkfa提供既資料
係直接話係江雪主唱, 冇註明代唱係邊個

http://ipac.hkfa.lcsd.gov.hk/ipac20/ipac.jsp?session=12Q1119C7Q915.1323&profile=hkfa&uri=full=3100024@!4728@!3&ri=1&aspect=basic_search&menu ...

多謝 sfyung 君提供精確資料，厲害！

引用:

原帖由 wai1960 於 2008-9-21 02:03 發表
有些茶餐廳都有玻璃枱面，通常都喜歡將菜牌放在裡面給客人看。

聽過「張三驚艷」，應該是梁無相代唱的，是以粵曲夾雜京腔而唱出。

係吖，有些深水埗茶餐廳都有用玻璃枱面。

我初初都以為係梁無相唱「張生驚艷」，之後我去搵佢的歌來聽，覺得都唔係太似，片中的平喉比較嬌聲一點。Ali 君又話佢早早嫁咗去英國了…

片頭只是寫著 ：曲詞 羅寶生。可能是當時新錄音再唱都未定。現經sfyung 君的資料查明，相信是由江雪姐自已唱番的吧都話唔定喎 … 以前的明星，聲色藝俱全，唔興咪咀o架o麻 ... ！！

[ 本帖最後由 tangkennis 於 2008-9-21 20:16 編輯 ]