仲有「我係契丹人」的阿家仁哥！好英偉呵！！








同埋「狂躁非常的」萬梓良 ! !







呼之欲出已 ！！





[ 本帖最後由 tangkennis 於 2008-8-13 19:51 編輯 ]

貼多一張阿帥哥黃日華先，靚仔呵！！

今晚貼一張，嘩，好正！

左邊那位小弟仍在思考是誰 … 但中間及右邊兩位 … 嘩 … 個髮型好「時麾」呵 ，小弟心諗都屬於一眼認出，不假思索的題目吧 ...   ...！！

晚安！






[ 本帖最後由 tangkennis 於 2008-8-14 20:23 編輯 ]

引用:

原帖由 wai1960 於 2008-8-16 11:13 發表
左邊的一個，第一眼看去有點像歐錦棠。

似歐錦棠？李小龍之崇拜者？我看圖中那位演員比他還帥呵 ！！

引用:

原帖由 m2a2 於 2008-8-14 23:07 發表
找到了，中間那位叫高雄。

兩位都全中！！是高雄和白彪。小弟原以為他們進入娛樂圈始自七十年代初的功夫電影，卻原來在粵語長片中早已出現。

我最欣賞高雄的騎樓裝髮型，其高聳之處，中外影壇之中，除了貓王皮禮士利勉強可與其並肩外，餘者皆無人能及爾！！

阿「靖哥哥」白彪的髮型亦不錯，這種介乎八二/九一分界裝，小弟看他十多廿年都未變過！！

今晚貼一張，靚！

中、右兩位唔駛多介紹了！！老老實實，當年阿羅蘭姐併埋那些當家花旦一齊，風華正茂，一些都唔輸蝕架 ！！


噢，江雪姐的瓜子俏臉，水汪汪的眼眸，靚呵 ，再加上那少少「歪咀」，更形嬌美 ！！

左邊那位更加厲害，她叫芳萍；大家若然當年有捧場收看過麗記的武俠劇集，飾演「天下第一美人」的一定是她，絕無別號呵   ！！




晚安！



[ 本帖最後由 tangkennis 於 2008-8-17 20:27 編輯 ]

引用:

原帖由 wai1960 於 2008-8-17 01:05 發表

江雪我也很喜歡，但在她的年代，好像永遠給嘉玲、南紅的佔先了。

我不是有太多江雪姐演出的 DVD 影碟，只有這另一套。

在 60 年【難兄難弟】中的演出，清純秀麗 … 是江雪呵！

以前我地阿媽係著妹仔裝做便服架，江雪姐呢種纖體look 非常之好！！今時今日都唔係話有太多人做得到呵 ！！

梨渦含情，低頭之間若顰若笑 ，迷人呵！！

江雪姐有溫柔委婉之氣質，係講野時有少許歪嘴，不過絕對唔係缺點，係缺陷美！！ 今時今日，莫講話係明星，就算真人都好難搵了！！






至於為何現今對當其時女星的「仰慕」，光采多為嘉玲、南紅等等所佔，我就冇這方面的研究了，可能「小家碧玉」不敵「摩登仕女」吧 ... ^_^ ...！！

晚安！




[ 本帖最後由 tangkennis 於 2008-8-17 20:52 編輯 ]

引用:

原帖由 wai1960 於 2008-8-18 14:34 發表
我喜歡江雪多過其他的，但這也可以說是時也命也。

我相信喜歡偶像、明星或歌星，都是非常個人口味的，和他/她們受歡迎與否都沒有必然關係嘅 ... 豈不聞

尊龍麗欣亦有知音之友
詠麟學友都有聽厭之人 … 耶 ！

各有各鐘意囉 ... ...！！

[ 本帖最後由 tangkennis 於 2008-8-19 18:31 編輯 ]

原來我還有一隻 DVD 都有江雪姐份的，便是1968年的【七彩難兄難弟】。

秀髮披肩，充滿青春氣息！！



[ 本帖最後由 tangkennis 於 2008-8-19 18:31 編輯 ]

這副蝴蝶型太陽眼鏡，如今看來，亦非常時款，型呵 ！！

將長長秀髮挽在後面，淡素娥眉，別有韻味呵 ！

站在江雪姐旁邊的「小明友」，大家都認得吧 ！！

1969年的電影【雙鎗沙膽標】，江雪姐少有演出的一部彩色片吧，除了一個靚字，我都再無乜野好寫了 …  就此晚安！！






[ 本帖最後由 tangkennis 於 2008-8-18 20:14 編輯 ]

引用:

原帖由 維圓阿伯 於 2008-8-18 20:58 發表
徐大董事長是也
話事話徐小明真係有尾運
做到頭頭是道
大家由細睇到佢大,有幾多大家心知肚明
除左努力向上有一能幹太座之外
我想他一定一定是遇貴人
阿伯話嘅

小弟淨係知阿小明哥佢玩螳螂拳，又會唱歌！個陣時係麗記佢都制作了好幾套武俠/武打劇集，仲好多時唱埋主題曲添！！

最記得佢北上大陸拍了套【霸王卸甲】，片中他身形開始暴脹，但身手一樣靈活呢。佢徒弟李賽鳳都有份做 … 又記起一則「趣事」，又再胡扯一番！！個陣時有記者訪問阿小明哥，話家下娛樂圈好多人又染惡習又亂攪男女關係，你做師父有冇幫手睇住阿賽鳳妹呵 ... 大家估下阿小明哥佢點樣答吖嗱  ...  

阿伯兄真係至理名言也 ！人有本事，當然是可以幹一番事業喇，但若果有貴人扶一扶或從後幫一幫，咁就真係爭好遠，起碼事半而功倍了！！遠嘅就唔好講喇，就當年阿八號仔可以「鯨吞電話」，你估D大孖沙真係信佢呢位理察李係「青年才俊」咩，只不過係信佢後邊個位「浮雲哥」咋   ！！




[ 本帖最後由 tangkennis 於 2008-8-19 19:34 編輯 ]

這三位又係唔駛小弟多講喇啩   ！

晚安 ！！

引用:

原帖由 Newnam 於 2008-8-20 22:40 發表


江雪的彩色粵片還有一部，叫《浪子》，謝賢做男主角，女角有尹芳玲、苗嘉麗、江雪。曾江做謝賢的弟弟。

小弟對粵語長片的認識就止於記得對他/她們的面孔名字而已，俱屬人云亦云、胡亂吹水而已！其它的就所知不多喇 … 真的多謝 newnam 兄的留言，資料非常詳盡，著實使本主題生色不少也 ，又加上名版友的捧場，嘩 … 「收視率」直線上升呵！！

哎喲，日後如見到【浪子】這隻 DVD 影碟，一定要買呵！

[ 本帖最後由 tangkennis 於 2008-8-23 22:19 編輯 ]

引用:

原帖由 ericykchan 於 2008-8-21 20:36 發表
我記得上官玉的滅絶師太只作普通女俠打扮, 反而李香琴的滅絶師太才是著這個道姑裝的

ericykchan 兄，哦！

鄭少秋版和梁朝偉版【倚天屠龍記】 DVD 小弟都冇，一切只憑記憶，記錯了 ... ，見笑、見笑！ 阿琴姐李香琴好似有兩套戲服，前段戲是穿阿仙姐個種「道袍」，後段講到佢「落難」，就如梁淑卿般戴上道帽了 … 又不知記憶無誤與否呢 … 講講下原來驚覺已經是廿多年前的劇集了 ！！

[ 本帖最後由 tangkennis 於 2008-8-23 22:24 編輯 ]

引用:

原帖由 大隻西 於 2008-8-21 22:55 發表
以前看過江漢演的[七彩奪魂鏢] 及高遠 朱虹演的[金鷹] 老大們有沒有些少零碎 給偶點回憶！

大隻西兄，你府上當年都有很多工會戲飛贈卷o架！這些戲我都沒有睇過呵，江漢做的，阿媽就帶過我去睇過【我來也】和【我又來也】，不錯，亦幾好笑o架，都好似係工會贈卷戲飛 ！！

[ 本帖最後由 tangkennis 於 2008-8-23 22:47 編輯 ]

引用:

原帖由 wai1960 於 2008-8-20 01:18 發表
應該是金雷、麥基、俞明。應該沒有記錯吧！

阿wai，三個之中估中一個阿基哥麥基咋，唔、唔、唔 … 莫非真的是剩下三成記憶不成 ？…畢竟小麒麟和關鍵都唔係話經常在粵語長片中有「常設」角色或演出嘅，尤其是小麒麟，他常做一些無名無姓的打手甲、飛仔乙、嘍囉丙 … 唉，雖云各有前因致每人的際遇亦各有不同，與當年和他在片場一齊碌大的李小龍日後變為功夫巨星，真的有天壤之別，亦使人不勝唏噓已 …

來看這張，會清楚一些吧！





我記得關鍵係做播音的，是商台吧，後來又在澳門綠邨電台做，唔知有冇記錯？當然後來他在大台作幕前演出喇。在粵語長片中，我都真係好少見到佢！

關鍵旅行社以前係彌敦道胡社生行道，我亦曾上過去報名參加旅行，見到關鍵哥係度打點一切，當然仲有上官玉係度坐陣喇！！個次阿「事頭婆」仲遞單張畀我同我講解行程添… 佢把聲真係十足十個陣時做「滅絕師太」咁非常高音震耳呵！！



在1970年電影【我永遠記得你】，上官玉還是做學生妹呵 ！！


[ 本帖最後由 tangkennis 於 2008-8-23 22:42 編輯 ]

再來一張江雪姐的 ！

晚安！！

引用:

原帖由 takli 於 2008-8-20 04:40 發表


應該是小其麟、麥基、 關健.......................

睇漏了眼添，多謝Takli 君上次提供正確答案，謝捧場！

[ 本帖最後由 tangkennis 於 2008-8-25 21:38 編輯 ]

今晚的一位肯定是我們的集體回憶！巨人簫錦！！通常他都穿虎皮，蓬頭垢面拿住枝狼牙棒，做深山大野人！！

不過今次他著民初裝，疏一個蛋撻頭，非常威武呵    ！！





聽講他後來去了台灣和一位非常登對的姑娘結婚，皆因兩位都神高神大呵，在當地成為一時美談呢！！

Good night !




[ 本帖最後由 tangkennis 於 2008-8-25 21:40 編輯 ]

引用:

原帖由 wai1960 於 2008-8-26 01:57 發表
是，也是一位高大的小姐，但可惜蕭錦已離世。
今次沒有認錯，麥基、蕭錦之外，另一個是吳桐。還有一個看不到，認不到。

好叻喎   ！！

阿吳桐叔戲路縱橫，古裝時裝、文藝言情、唱曲武打，通通都有份做，真係厲害！！係大台套【書劍恩仇錄】佢做無塵道人，大家都記得吧。




右下角落個位，得個少少側面，是好難辨認出來的… 不過都有例外嘅   ！！賭神幅背影相，係人都知係周潤發啦   ！！

上圖右下角的演員是此圖左首那位，你又認唔認到吖？

中間那位是林蛟叔，冇需多講！個陣時佢都唔係十八廿二，但在戲中他亦能做出蜈蚣彈，厲害！！唔怪得阿夏惠姨後生個陣時咁冧佢 ！！

右首那兩位年輕人都好面熟，但又想不出是誰 ... ...？