引用:

原帖由 亞佳佳 於 2008-7-24 23:57 發表


當年呢本真係謝志榮成名作,代表作,各方面都有好高水平(當年)
不過唔知點解之後無進步過,其後仲退步左

我好鐘意呢本書架....
作者投入感勁高, 我諗佢好鐘意睇神州奇俠

六絶總管氣勢寫得比而家柳五好....

我覺得改得唔錯喎, 原著係一本未成熟既作品
書中充滿別人的陰影, (最重既係古龍)
重視得出, 本書係連載式寫作, 寫寫下作者都迷失方向,
草草完書

漫畫版本到現在反而沒什麼破綻

看原著
超然....
人王.....
朱俠武.....

引用:

原帖由 亞佳佳 於 2008-10-23 00:34 發表
蕭西樓貴為什麼七大名劍,之前已經無咩打過人,今期比朱俠武一招ko左.....

小說係唔係咁化學?

小說比漫畫化學得多, 好似古龍咁, 後期打親都係一兩下
男主角融會貫通少林武當.....之大成後, 果招驚天一式係....
出招......外圍剩係見到閃電咁.....之後近鏡d對手死q曬

另一個問題係.....全世界都係無間道, 好似一個對三十年對你有義氣,
又同你一齊出生入死既人, 無啦啦又話佢四十年前已經係叛徒....
睇到一半, 真係想小一聲......仲有邊q個唔係叛徒呀, 到人王出場.......
就會有周星馳既反樣..."得啦得啦....叛徒0丫嘛...."

溫生初出道作品, 開頭就將自己變成蕭秋水......寫下寫下就上左李沉舟身

又舉多一個改編得好既例子, 柳五出場早左好多, 又有型左好多,一人戰兩大名劍
(十足當年改編鉄血英雄入面既六絕總管), 如果唔咁樣加d筆墨, 後面既根本唔成立,
原著開頭寫到佢好勁, 但第一場主要出失就攪到要閃先, 第二場有戲做就死鬼埋,
當然作者唔係想寫慕容果隻眼高手低啦.......


我本身都好鐘意溫既小說, 大部份武俠作品都睇過, 但神洲奇俠無疑只係起步階段, 生活響白色恐怖令佢呢套作品有點偏離, 之後天下太平後寫既逆水寒反而寫出佢既逃亡心態

講返漫畫, 我覺得改得最好既係抄其意不抄其實鉄血英雄, 不過拿正版權又真係好難改成咁

而家d霸刀同馮志明仲有關係咩
雄獅一派....本本書都係咁架啦

我諗佢無劃好鬼耐啦....
林海峰.裕成之類層數既主筆, 一早就幫霸刀起稿
真係唔明果時d主筆老細係咪當人傻既
想出x暴族,刀劍笑狂沙.....就幾個主筆求其寫....
尤其是重劃刀劍笑, 一個人可以咁樣糟蹋自己成名作
由那一刻就對老馮100%放棄

引用:

原帖由 亞佳佳 於 2008-10-30 01:02 發表


唉,以前馬榮成既中華英雄睇到如痴如醉
之後既馮志明刀劍笑令人熱血沸騰

2人同樣當時對畫漫畫真係好有heart,唔知點解,之後點都畫唔番....

個人意見, 以前都講過, 呢個係做老闆同做漫畫家既分別
一般漫畫家都唔知run一間公司係好難既, 懂漫畫又懂行政既人又唔多
畫家老細又覺得佢地太貴

所以就成日想自己管曬, 當銷售壓力直接在身, 又點畫好漫畫......
亦都係咁, 香港漫畫家成名既時候, 全部都係打緊工既...

睇完今期神洲, 覺得真係比原著做得更好

無論係打鬥,還是橋段, 原著有豪情,
但係太為陰謀而陰謀, 前前後後更加係講唔通.

睇左丘呢一段更加覺得, 當然唔係好關原作者事, 因為第一, 果時佢都係靚仔一個, 初出茅廬, 第二, 書入面既既出賣對佢出講, 係真人真事, 所以感受唔同...

小說係無乜武功可言, 想寫格鬥, 但係又怕唔夠勁, 同埋八大天王都無戴面具架...總之原著真係睇到幾失望, 只係憑一腔熱血寫,離經典有好遠距離....
黃易都出收訂版, 溫卻唔作收訂, 可能佢真係好懷念,亦唔想破壞呢段回憶

買了今期的神洲, 真係比原著正, 而且不是一點點

香港讀者習慣係又罵唔係又罵, 我諗呢個係網上港人特色掛,
有很多pk(請勿對號入座), 仲好笑, 網上做完賊,之後又話乜唔掂, 又話cut書咁, 真係笑q死, 舉個例就好似強完個女人,重要話佢身裁唔好...用pk形容真係已經好比面

講返今期, 除左畫功製作已經縮左皮之後, 整體故事性同人物性格刻劃亦比原著精彩....可惜....

我覺得係銷量問題, 其實改溫瑞安小說係好難架
佢本身既情節係唔適合改成漫畫, 尤其係漫畫唔同小說電影
扭橋出來效果通常都係好差
比小說好的例子有...
蕭秋水既劍脈- 有點似令一套改篇既鉄血英雄咁,比原著合理
唐大既加墨, 原著全部唐門既都奇奇怪怪既, 而且全部都唔會令人留下深刻印象
左超- 原著講佢反面無情係好突然, 甚至有點無厘頭,後尾夾硬講佢d師父比人捉左...感覺求其犯駁
南海兩兄弟 - 細佬就無啦啦死q左, 大佬就無啦啦一刻間攪左條女,又無啦啦話自己就係人王, 又無啦啦咁死q左

如果有篇幅比老馮佢寫柳五同埋李沉舟應該會幾好睇

個人覺得老馮好難東山再起,因為香港再無適合佢既編劇,就自再拍劉定堅都無用, 因為後者走火入魔程度比佢還要高 佢自己主導, 最好都只會係另一套劍十三...

引用:

原帖由 阿左 於 2008-12-2 02:25 發表

佢應該驚好似說英雄咁有頭冇尾,所以唔大宣傳,說英雄其實寫得幾好,唔點做咩後期走哂樣~

果套野, 浪費左果時狀態大勇既葉明發, 其實都係四大名捕闖既禍
唔大幅改, 溫既作品根本唔合做漫畫, 大幅改, 又無咁既水準同埋會比喜歡原著既讀者罵

支持左咁多期, 都要認同幾位網友既意見
呢個結局完全令我諗起, 玉皇朝既天龍八部
原著個結局只要唔係高潮位落幕, 響呢佢眼中一定覺得唔會漫畫
所以會改成咁. 連大都無啦啦要d宗主出多一次場

回冰河兄
原著寫得李沉舟更好, 因為佢加埋蕭秋水先至係作者本人
原著說李的權力幫是兄弟會一般的, 可惜死剩佢地亖個, 柳五排第五, 所以叫柳五
溫寫這書於白色恐怖時期, 書中有很多暗喻...
套用一句現在流行語:黑社會都有愛國的

引用:

原帖由 不平凡人 於 2009-1-20 01:48 發表

我覺得其實呢套既畫功都有佢以前6~7成左右既霸氣(一刀兩斷真係型爆)...
不過我始終覺得個故事差左幾條街...
以前老劉都係改溫生d故仔姐..點解e+仲差過以前???

因為而家呢一代既編劇都唔睇武俠小說,
反轉來說. 再寫舊式武俠, 可能呢一代既人已經覺得悶

好似我響第二個網咁人討論, 佢地話洪金寶過時(講緊葉問套戲, 洪是武指)
我就話葉問果d實感好, 動作與演員配合一流
佢地就話"功夫"果d先係武打, 攪到我 o 曬咀.....

正如而家d漫畫全部刀斬唔入, 乜野內玏都擋刀擋槍, 一拳打爆個星球.....
我就覺得無以前咁好睇啦....