醫師叫我再去照多次x光,發現本來只是骨裂,經過多次勁捽鐵打酒後,現在變成斷骨了,(腳骨都比佢捽斷,你可以諗下係幾恐怖)
醫師話我咁細個,如果切左隻腳好可憐,所以佢用盡所有名貴藥材黎醫我,有d好珍貴而且用晒就冇,最記得係"鴉片",佢話呢種藥佢係醫生先可以擁有,但用晒就買唔返,但都一樣用黎幫我敷藥，而藥費每次只係象徵性收幾十蚊，係我人生中第一次遇見真真正正懸壼濟世，宅心仁厚的再世華佗．
經醫師一天一天的治療，病情好轉了，而每天醫師都能預計我康復的程度，腳部會有什麼感覺，而準備下次所需要使用的藥，呢樣本領我覺得很利害．
直到有一天，他說我的腳骨已經接合了，試試企起身，行出一步．．．
當我踏出傷瘉後第一步，感覺真係難以形容，第一個感覺係：
好感激同多謝醫師你送返隻腳比我，今後我會好好珍惜！

點解我會稱呼這位醫師為神醫，醫師話佢的醫術係因一次緣份機會下，由他的師傅經夢中傳授給他，故此治療方式同其他鐵打醫館唔同，至於詳細我唔敢問了，因為我當年十歲左右，只係行得返後到過醫師屋企別一層樓上香給他師傅，而呢層樓好似神壇，每次去上香我都驚驚地．
呢個經歷對我好深刻，令我相信世上真係有隱世高人，而令我疑惑又不得不信的夢中傳授醫術，事實又真係從我險成傷殘邊緣拯救返來，給予我今日可以行得走得．

聽起來都幾驚險，真可幸有這個神醫!
說時說，我也經常到聖馬可玩的。

係啊,自從遇上呢位神醫後,已經對其他鐵打醫生冇乜信心,
亦都因為呢件事之後,都唔敢再亂跳,
可惜呢位神醫80年代中期搬離淺水碼頭村,再無聯絡了.

各位師兄如果真係唔好彩要睇鐵打醫生,真係要好小心選擇,唔好彩遇著無良醫生,真係可大可小啊!

大家有去 金記 吃早餐嗎.............................   發覺 金記老板娘 .現在態度 十分差


我有時去吃早餐....       服務九流.....  味道一流

可惜未見過呢位神醫。
ccooww曾經受傷，也要多多保重!

真的嗎？你現在還有去光顧?

多謝瞭望台關心
小弟依家年紀大了，而且見過鬼怕黑，學識左錫身同緊慎，多得老天爺保佑，廿幾年都未睇過鐵打了

財記兄
金記都有幫趁過，我只係覺得得個舊字，可能細個冇幫趁過，對佢冇乜感情．
現在佢門口夜晚有幾檔夜市宵夜，有冇幫趁過呢？

講番淺水碼頭村，ccooww你有沒有印象一個"牛奶仔"的人?

有啊,記得佢個子短小,帶眼鏡,
有一年人口統計佢來我屋企做統計,搵我老媽子做問卷.
佢年紀同你都差不多喎,是否你同學呢?

不是同學，但經常一起玩耍！有沒有他的近況?
我媽媽跟他媽媽很熟的!

引用:

原帖由 ccooww 於 2008-9-22 19:59 發表
財記兄
金記都有幫趁過，我只係覺得得個舊字，可能細個冇幫趁過，對佢冇乜感情．
現在佢門口夜晚有幾檔夜市宵夜，有冇幫趁過呢？

　　太多人　　，，， 燒烤　　太無益

引用:

原帖由 瞭望台 於 2008-9-22 21:38 發表
講番淺水碼頭村，ccooww你有沒有印象一個"牛奶仔"的人?

牛奶仔　　 　　五呎　不足　那位　哥哥嗎


我以前　成日去他家　　　他養　了條　　（豬仔魚）

引用:

原帖由 瞭望台 於 2008-9-24 20:58 發表
不是同學，但經常一起玩耍！有沒有他的近況?
我媽媽跟他媽媽很熟的!

他好像80年代初已搬出,我已經沒有他消息了

我曾經在87-88在中環見過他!但已沒有打招呼!
你跟楊同學還有沒有聯絡?

楊同學已經沒有聯絡好多年了，
而且有十年沒見他，相信他已搬離我居住的地區．
但好偶然會見到他的家人，但真係好耐先見到一次啊．

找了很久，終於找到一幅75年的斜路照片，各位可以描述一下嗎?

嘩!絕對係珍貴圖片,謝謝瞭望台兄!
可以放張大size給我收藏嗎?
圖片中所見紅色呢間屋,就係瞭望台啦,下小小那度白色石呢個位置牆,今日依然存在.留意石牆那棵榕樹還未長大,我估呢張相都幾耐歷史囉....
圖中男子望住的那間屋,如果冇記錯就係一個叫"魚雷仔"的人居住,佢養左隻大狼狗啊.

我遲一點e-mail一張給你，可惜解像度不很好。看看可否做好一點才e-mail你。
紅色和白色的大廈，你知道名字嗎?當年真想在這些大廈住

好的，你有時間才ｓｅｎｄ給我啦．
如果冇睇錯，紅色是"啟生大押"那棟大廈，白色的叫"鴻利大廈"．
瞭望台兄，住村時期我又冇想過住這些大廈，當時都係覺得住村好玩ｄ，
如果住樓就冇咁多地方比我走動，住村可以上山玩，公園可以踩單車，斜路玩滑板，水井可以釣魚，屋頂可以睇星星．．．．大多了，數唔晒
住木屋最特別之處係每間屋建造同設計都唔同，去到每個朋友仔屋企都有唔同玩意同唔同禁地，諗返起都開心啊

ccooww, 我其實想法跟你一樣。每當想在這些大廈住的時候，必然是打風的時間 。我的木屋，曾經因為颱風倒塌
當時我有朋友在鴻利大廈住，高高的景觀，很有趣。

我的木屋都試過因颱風被大水沖去一部份,成個廚房連廁所冇左,
打風其間住木屋真係好鬼恐怖,我住的位置在水坑邊,
一落大雨就見到洪水暴發......

想起都很驚。我記得一打八號風球(當時還是有五號風球),便要預備隨時走頭
培記也試過屋頂被明福台的樹跌下打穿!

我自己住舊樓，有很多親人及同學住山區，esp淺水碼頭村，所以也是經常在山上溜連，由一個同學的家串門子至另個同學的家，也識哂眾多上山的路，很好玩。

有一次有個舊樓的街坊買了山上的木屋，我們又去玩，那木屋是在條坑之上，間了很多上下細得可憐的房仔，就是連4x6也沒有，初時我以為是用作儲物，卻原來上一手是全屋分作小房仔作分租，住上幾十人的。

有時會有些賣豆花、麥芽糖的挑擔巡迴山區叫賣。