引用:

原帖由 suewong 於 2009-12-19 18:36 發表


我只是潦倒寒儒, 寄人籬下 (c6 租既), 唔係業主  ....

我相信因為先有 九龍塘業主會, 所以九龍仔業主會, 個名會咁得意.

入便既酒樓, c6 話好食. 2008 年時 不一定要會員方可幫襯. 而家唔知點...

p ...

九龍仔業主會�堶悸漱今獢A記憶中的確唔錯，但已經無去十幾廿年矣，
如果不一定要會員方可幫襯，有機會都想去再回味一下，可否幫我問
下你 c6 而家價錢貴唔貴呢？有d 乜野係必食呀？

十幾廿年前我老細係會員，佢要威，隔個禮拜就要攪雀局，每次都有
十幾台麻雀，我地做細次次都要到呢 d 俾面派對，山長水遠都要倒塔
咁早趕去開場，真係辛苦過返工，如果輸錢重慘，但我老細就�垣舠m。

後來我老細退休食長糧，耐唔耐都有攪局，點知佢食長糧唔夠一年就
心臟病死左，以後唔駛再去，但佢老婆就幾慘下。

以前九龍仔業主會旁邊有座導航燈，教 d 飛機由個度飛落去啟德機場，
真係好似空襲一樣，好佩服以前住向九龍塘的人，咁都可以頂得住，
請問Sue 姐你有無領教過。

引用:

原帖由 suewong 於 2009-12-21 23:39 發表


有個消防處長就係咁.

哩 d 係消防既 practice...

介唔介意講, 老兄係咪做消防 ?

p.s. 同埋老兄 d 咁講義氣 / 直率 / 恩怨分明 既 性格, 都俾我咁既感覺...

做消防？我都好想，因為可以救人，但一早做左四眼仔，邊有資格。

小弟打左銀行工幾十年，頂唔順，幾年前提早退休。退休前的工作同消防員差不多，
專門撲火。但後來 d 投訴排山倒海而來，走夾唔�W。

引用:

原帖由 suewong 於 2009-12-24 20:41 發表


老兄全不似做金融機構...

我個 Bank Manager, 俾既 advice, 只知向 commission 看, 如果係無知婦孺就慘喇....

小弟是舊版傳統銀行經理，有情有義，現已絕種。

你見的是現代版銀行經理，見利忘義，大行其道。(因為要生存，所以要隨波逐流)

是不是銀行經理和大學生一樣，
一代不如一代。

筆兄，高裝、馬拉你都記得，真係佩服，你唔提起我都忘記得一乾二淨。

西半山有一個叫做「鳶王」，持住自己疊水，配備精良，旗艦為大馬拉，加上用玻璃
魚絲，每晚必定放出來叫陣挑戰，我等山下的小輩出一隻死一隻，一定被佢�隻滿A真
真正正係斷線風箏，整整下無人敢放紙鳶上天。

正在苦無良策之際，唔知邊個去摩囉街�M到一餅幼如頭髮的鋼線，據聞係戰時作錄音
之用，但居然可以用來紙鳶，好處係�健戊ㄜ讕_。於是放隻上天向「鳶王」挑戰，戰
果係打和，互相都�鬼讕_，但有時候可以扯佢隻馬拉落來，作為戰利品。

到後來想到用油漆溝玻璃粉來臘鋼線，鋒利無比，所向披靡，鳶王亦甘拜下風。

摩囉街的鋼線好快賣到斷市，我地跟住撲去鴨寮街掃貨，但無幾耐就全部斷貨矣。
到後來「鳶王」又繼續稱霸西營盤的天空。

引用:

原帖由 suewong 於 2010-11-13 17:08 發表


嘩!.

Ah Sue 唔知米貴 , 橫豎都是潛建, 點解唔起大間 d ? 住得闊落 d ?

1964年，老豆租了一間唐樓連天台，月租370元，個陣時都好貴，老豆間了3間房，全部租晒俾人，
諗住在天台搭間木屋住，點知寮仔部將它全部拆清光，我地一家八口全部要�堁U，面積加埋都應
該無50呎。

後來風聲無咁緊再在天台起一間細屋仔，諗住俾人再拆都無咁肉赤。Ah Sue 姐明未？

引用:

原帖由 suewong 於 2010-11-13 19:55 發表


唔好介意, 點可以迫埋一齊? 始終每人打橫訓, 都佔面積o袈.

姐夫講過, 1 家 7 口, 住公廁儲物室. 夜晚就在公廁打地鋪. 你地應該打無可打...

老豆在廳中搭一個閣仔，約5呎x6呎，閣仔下則朝行晚拆，夜晚做床。
另外有一單人雙層床，3呎x 6呎，係咁多。

頭房面積7x7，個租客仲經典，一家六口，兩公婆同BB�啎W格床，外毋同小姨�啎U格床，
另一個小姨則�啈a下。個外母成日埋怨話無覺好�唌A大家應該明點解。

[ 本帖最後由 理魯竇 於 2010-11-13 21:11 編輯 ]

簡體字是全世界最多人用的文字，
唔識用，唔識睇就out 啦。

美國水兵1952 年拍攝的香港街道..............

[ 本帖最後由 理魯竇 於 2011-5-11 19:30 編輯 ]

作為國際語言，英文始終係一哥，
中文未有 Loi。
但地位日益重要就不容置疑，
否則唔會左一句: 逢山開路，遇水撘橋
右一句: 有福同享，有難同當。

以前你想美國佬擦你鞋，咪駛旨意。

下面這張照片同火災有沒有關連？

1997年，小弟唔知好彩定唔好彩，抽中灝景灣，第590幾籌，中六合彩都無咁高興，幾經辛苦，揀到一個800呎單位，490萬。

點知未入伙都無咗100萬，住住下無咗大半，最低時好似200萬都無人要，變咗負負資產，痛苦處不足為外人道。

2006年小弟退休，住唔起咁貴嘅樓，買咗間平樓去住，間屋就放售，自問間屋都唔錯，開價300萬，賣咗9個月都無人問津，唯有放租。

租咗10個月，經紀話有人想連租約買，最後340萬成交。點知最近再網上睇到，該單位於3年後以510萬售出。

香港人好奇怪，平個陣時又唔買，貴個陣時就一窩蜂搶，搶唔到就鬼殺咁嘈，怨天怨地，之前就鬧董先生好搞跌個樓市，而家就鬧煲呔唔㩒住個樓市，真係難服侍。

引用:

原帖由 1149 於 2011-8-5 18:19 發表
第7天
返回長沙,參觀土司王府, 土家族有哭嫁習俗,小女孩出嫁,母親姊妹要陪哭三天
下午參觀嶽麓山嶽麓書院,古代四大書院之一,現為湖南大學一景
第八天
睡到自然醒,早餐後團友一起去血拼,買了不少湘綉,畫功徵 ...

1149兄，多謝簡而精彩的旅遊報導，
想問一問，去張家界點解會用七天咁耐？
是不是搭高鐵？

1149 兄

小弟星期六去張家界6天團，
請問那-魅力湘西-是否必看？
因為要自費180人仔。

靚sin 姐，唔好意思，多口一問，
咁夜仲未瞓？
2.45 剛剛歐聯開波，
睇巴塞抑或車路士？

看來應該小弟是最oldman,
1970-1972 Part Time Day Release Course,
那時候紅隧尚在興建中，仍未通車，
後來為了貪錢讀讀下走左去打銀行工。

我的外孫也是個早產嬰兒，早到了兩個月，幸好在他婆婆(我老婆)的悉心照料下，
追磅都追得幾快，是個開心BB啊。

[ 本帖最後由 理魯竇 於 2011-12-22 20:49 編輯 ]

引用:

原帖由 Tarocake 於 2011-12-22 01:20 發表
在當年環境，百厭一般都較平常。康兄當時的行為已算斯文，話說小弟於孩時某年春節前後某個寒夜與幾個無良童黨吹水之際，剛巧一個對我輩經常不友善的大叔如厠並選擇近窗一格排毒。我等立即發動了一次炮竹轟茅&# ...

Tarocake 兄，小弟並非九龍仔街坊，但在那些年，天下街童都同樣百厭，炮仗轟炸茅
廁亦都係我的強項，但我地係用計時炸彈方式，方法是將一個炮仗綁在一支點著左的
香上，然後插在較結實米田共，勇士然後施施然撤退，支香慢慢燒落去就會燃點那藥
引爆炸，咁樣就唔會有機會被人當場捉到啦。

仙姐，百厭仔現在快六歲了，明年就做小學雞。

我老婆湊細路的確係有一手，無辦法，工多藝熟，連自己生個兩個，總共湊
大了七八個，但湊這個很辛苦，這幾年很明顯老了很多。

引用:

原帖由 西南風 於 2011-12-28 20:07 發表


pen兄，50/60年代的香港貧民窟又是豈止大坑東呢，港島東都唔少。

不同者是你住山邊而我住海皮而矣

西南風兄，你住在港島東？海皮？貧民窟？
咁係愛秩序灣抑或亞公岩？

兩者都經過大火災劫。

Oh My God.

引用:

原帖由 西南風 於 2011-12-30 09:05 發表


係亞公岩，東大街祟真堂對落的海傍。

大火 災就未遇過，但50/60年代的幾場風就.....

尤其是"溫黛"........

當年境況多見08年的標題 "懷舊圖片大放送"~~eric54(樓主)

後記:--年前小姪女( ...

溫黛來時，鬼哭神嚎，溫黛過後，滿目瘡痍。

亞公岩大火發生於1970年，那時候我在東大街尾某工廠大廈一電子廠工作，某天上班聽到哭聲震天，原來是昨晚一場大火，很多女工都無家可歸，但唔返工要罰錢，所以個個喊住開工，真淒涼.

可能西南風兄當年已經上樓或另覓居所矣。

引用:

原帖由 mtpen 於 2011-12-30 12:40 發表


變哂 yellow submarine！  

溫黛過後，呢隻沉船我在西環岸邊親眼見過，
過左一二天後，成隻反轉咗，
真係十足十一隻submarine.

引用:

原帖由 prettysin 於 2012-1-1 00:02 發表
Happy New Year 搶先做今年第一個留言

Happy New Year. 雖然矇矇地，搶先第一個上載圖片。

容許小弟插嘴，
上傳照片的size 最好不要超過500K，
我通常會將照片downsize 到700*700像素左右，
用小畫家也可以將照片downsize。

引用:

原帖由 mtpen 於 2012-1-15 21:53 發表


Asia Miles 揾老襯啦！  

啲分有Expiry Date要侷住用，由Credit Card轉分入Asia Miles户口好似又要俾錢，可用分嘅商店又少，無喇喇侷住要揾轉飛機搭用咗佢！:f ... 我與芋兄同一見解，超過八個鐘嘅機is an awful nightmare!

但願有日Hong Kong - London只需三個鐘！

小弟個女都係CX空姐，我退休前都經常出平機票周圍飛。

剛退休都有一鴻圖大計，要飛勻全世界，但可能有長途飛行恐懼症，六年來，只去過韓國，上海和重慶，真係超過八小時的機程都唔好預我。

水哥，你話唔係做個行都要再問你，
A380 機翼再發現更多裂紋，怎麼辦？

數年前睇過記錄片，得悉機翼係威爾斯造的。