回筆兄，所言之繩，據我住到十二歲才搬出深水�齞�住等徙置，自己本層五樓有鋪仔，前鋪後居，四樓、七樓等等都有，哥喇汽水，孖條雪條，咸濕寧蒙，借電話打；但未有聽說有用繩仔拉上拉落買野，當時細蚊仔多，隨時可搵到個幫手。反而，我住近官小那邊，樓下是街市，就有這情況，知道的賣鞋的，碼數唔夠屋企有，拉上拉落就見過！

http://www.youtube.com/watch?v=goPInfBSr54 , 這一輯有講電話時代的演變，strowger 的圖就在其中抓的，以我所知，電話鈴聲用 AC70v 脈衝推動，手握兩條電話線係會電親的，基本上兩條就夠，但蟹頭內一定要綁鐘仔，否則唔響！

犀利，這相不錯。有時，這門隙佈滿蟑螂，公廁門邊一樣！當年 無花澆，將人家弄破了的膠桶，入滿水放上石柱頂，好enjoy!但一個人就好驚，聽聞有白粉佬死於沖格，未必在這層，每次入去唔敢行入最後一格，有人陪沖就安樂的！

木虱呢家野，是大場面矣，每逢假期，家家戶戶總動員，我地住最邊一間近官小，有橫頭或叫橫邊，首先燒一大煲大熱水，將床板拿出橫邊，撜、撜、撜、頓時木虱雞飛狗走，隨之拍、拍、拍；血跡班班，各家小孩好雀躍，跟住用一個盆放在床板下，逐塊用熱水淋，週而復始，不斷有收穫！歡呼聲隨著每塊板，被熱騰騰的滾水洗過澡後，畢直地任由烈日當空，滾熱辣的太陽暴曬兩三小時後，隨隨收回放歸碌架床上！這是徙置區奇景之一！

回筆兄，以當時世情，有個有瓦遮頭的地方，應該難得的！單位內擺放是基本型，前後可以放兩張上下層碌架床！蜂窩通風磚，憶起真的背後居者一聲一言十分清晰。我們住在最尾一間，背後是上落的樓梯，好嘈！玩火、掉屎掉尿，吸毒，玩鬧等等，好多時會用紙皮布碎封上，基本上通風作用失效，防蟑螂入侵就真！好多時去人家屋企玩，有爬過上去同隔離屋的街坊玩！

勁，想借問一聲，用偏僻鄉村為例，老電是否一定會想辦法，鋪線到戶呢！舉例，沿途經由棟，拉戶外cable，當然起碼用棟及拉線能到的地方！會否有些地方點到唔會做，及用戶是否要多付額外附加費！

記憶中你是在福華行老電，我家在福榮街210號頂樓，此照片攝於十月一日！

筆兄，我的舊居在中無隔壁，但沒有參與它們的活動！它們常常在天台有講座，有聚會有聚餐！那些年覺得有些左傾意式，反而去保安道《哥林比亞》，旺角花園街東南，官涌街有間?無線電研究！

檀島餐廳，正確位置應為營盤街與青山道交界，結業都一段長時間，元洲街步陞一定無變過；還記得步陞對面是九巴車廠嗎？

請問筆兄，舊時的戶外種棟，有否規定距離多遠就要種一支呢？

老本行，又見一條棟，前後左右飛滿晒衫繩！好野！

目前仍有行走的九龍仔小巴，年青一輩應該無乜印象，九龍仔大坑東，但這個正是大家尋拾舊日的足跡的起源地！

記憶中，起初無人倒垃圾的，拿著垃圾去水喉頭掉，早上清潔工人在水喉頭收拾！當時未興用膠袋，運送垃圾由高層拖到地下，每每的垃圾汁沿樓梯落街，有時索性由高層拋落地下再收集好！基本上每天倒完垃圾就洗太平地！另一方面，住戶會順手拋落街就算，所以好多時鬧交，《做乜樓上個仆街磡家產掉的乜七七落黎整烏遭我件衫，第日生仔無姑姑>，太普通了每天都聽到，比校歌還熟唸！每一邊住房頭尾都有倒水用的水渠口，當然不會單單倒水，比渠口細小小的固體，半固體等等垃圾照掉，亦是半夜小便處，小孩的大便處，過到與過唔倒的野，你話得就掂。所以時時刻刻都有交鬧，但幾熱鬧的。睦鄰關系好好，無飯開實有人知，每家食少少又攬掂，通常返家後會打餐飽，話有食冇食都唔好失禮人家！

回 1149 兄，D座正是我住的樓下，所述的真確，賣下欄的攤擋我媽時節，加菜就會幫襯！平日會睇住佢賣野，一邊吞口水，好久先有一餐食下！人地話係茶樓晚市餘下的，今天廚餘都唔要喇，無辦法！

仙師姐，撲烏蠅是慣常玩意，用膠袋沿欄河邊捉，儲起來鬥多；有時會拆下翼令牠不能飛；繼而會有火烤，塞進牆孔！各式其式，因為當時無其它野玩！捉烏蠅有試過用空手撲，又係鬥多！

早晨，各師兄師姐，被拆翼不祇烏蠅，凡舉螳螂，龍虱，蟬，金龜，臭屁（那）《臭蟲》，用線綁著一隻腳，飛舞一輪後，詢眾要求，拆翼，之後的刑罰，難以筆墨描述，總之慘無人道，一定無全屍！街頭放的，中間留的，後屍掉的，最後個的唔知去左邊！在歡樂聲中沉寂下來。但又有新目標！

太傳神了，描繪得比現實更實在，有生已來最害怕的害蟲，幼時見到會避開，今天見到會令牠走頭無路，狠狠踏上一腳，你都有今日，哈哈哈！回頭佈依一笑，嘻嘻嘻！有仇不報非君子！

還記得當日買到車輪飽的地方，在 D 及 E 座對面平房，單邊鋪頭！

當時家家戶戶有�奕扔f屋企做，任何膠花，穿牌子........我地一樣。老爸在深水�鶪酊鷐t做，帶小手作返來加工，相信這樣有小小零用錢，另一方面唔晒週街走，通常做完野就走去玩！

回筆兄，細讀所述家事，又多加認知世事無奇不有！發生在身邊的，連粵語長片都未有做過的世事，至親是好戲之人，週旋與子女間搬弄是非，你長他短，黑黑白白，終於有一天子女們在外聚會，閒話中提出疑惑，組合分析再重組，原來始作蛹者終於曝光！但始終是至親，隔星期都會回老家南山�h一趟，避免的是一句《生生生，生咁多個都無得閒睇佢一眼》，曾幾何時我都是被視為透明，為的是無錢俾！奈何！

今天去參觀石硤尾美荷樓開放日，拾回不少舊日情景，回憶昔日去辦公的時候，好多事問下個 Friend 去唔去，兩支公面對面屈在一個�萛璊滿A兩個小宇宙；一息間會留意往下的運河水道，川流不息地從隔壁兵工廠出供，往事只能回味！

今天的美荷樓

一般會揀早上清潔後或午飯後去過下引，如果發現有阻路的物件，會搞下衛生先，都係一種樂趣！當時算幾得意，主要係無聊！付上訓街的相，尼龍床及帆布床！

可能當其時有手作仔做，有尼龍床或帆布床訓，都係到十一二歲，搬出深水�鶡磳玫X年；再搬回南山�h！早期有公屋住，加上少少發奮，叫做有自己的單位，今日的年青一代，樣樣艱難！

筆兄說對了，我地一輩是實力幹出來的，如果我止步於77-78年電話公司，不再進修增值，只有技工一名。但不服於此，開始 G2, 電子Ordinary Cert. 3年，Higher Cert 3年，到1985年。當時都好好用！其間1987到1991 出洋英國劍橋培訓 Philips 5次關於系統通訊。真的讀萬卷書不如行萬里路！1990年又要再在 Open U 再讀，當時工作多要上大陸，輾轉到 2013年先�咧鴙� degree。這 degree 在後期現在又幫到自己一把，56還有得做算好安慰，但心境又去左一個新境界，看破、放下、自在，隨遇而安！