我都覺得實在太慢喇，好頂癮架~~

引用:

原帖由 my709394 於 2006-10-4 10:31 PM 發表
照道理,曹操聽到成件係許褚和許定攪出來,冇理由仲怪司馬家,為什麼仲要參一腳滅司馬家呢?這問題一直想唔通...今日特地買了單行本重新睇多次睇睇有什麼遺漏,但依然想唔明...覺得認為?

按佢所說，係順住個勢食埋司馬家既錢
始終有山家又有司馬家做後盾，與其要一個估唔到同有可能背叛既財團
不如要一個比較上容易預計既財團好過啦~

引用:

原帖由 小小力 於 2006-10-7 03:24 PM 發表

但問題係過多勁人,賈詡,荀X,郭嘉等當然係勁(那麼將來要寫諸葛亮都幾難...)
但其他武將個個都唔蠢,令我覺得軍師要唔要都得!!
夏候X都咁醒,邊仲有蠢人!!

我就喜歡三國既諸葛亮,...

細心睇，陳某其實一直都舖緊諸葛亮
但係我覺得佢寫得好係因為佢寫到每個人都有弱點有優點，勁真實
武將唔使講，有勇無謀既意義，令到張飛、呂布、文醜、夏侯惇等都立體化
即使八奇
袁方 - 對權力同愛情執著 (唔知官渡之戰佢會唔會死呢?)
荀彧 - 對『漢』朝執著 (埋下左將來被曹操逼死既伏線)
賈詡 - 對黑暗兵法執著 (本人覺得佢用黑暗兵法比郭嘉狠得多)
郭嘉 - 對盡快和平執著 (同佢病有關?)
周瑜 - 對孫家同自我執著 (暫睇佢自我要求都幾高)
龐統 - 對權力的執著 (書中暗示緊將來佢會因想奪權而被諸葛亮用計殺?)
諸葛亮 - 對忠臣的執著 (好難理解將來佢會點重用燎原火)
??? - ???

話實...第八奇係邊個呢?...唔會係陸遜掛= =

我雖然估係陸遜，但係有諗過徐福，不過直覺又話我知唔多似
反而諗緊會唔會係d原創角色，依家實際上既原創角色得番張雷、山家同埋袁方，
其他都好似冇喇(小孟姑且當佢係半原創= =)

anyway我又想問下，有冇人覺得孫淑(袁方以前個指定老婆)，會有可能係孫尚香?

引用:

原帖由 不平凡人 於 2006-10-11 09:32 AM 發表
有個諗法..
會唔會呂布最後死唔去...但係殘廢左...同埋爭雄之心比人打散哂...後尾幾經轉折...做左殘兵同敗將首領....幫司馬家打天下(呀火做左老劉條o靚..幫唔到司馬)........

另有個問題...殘兵d人唔係殘既咩 ...

你想法正路，可惜有一期司馬懿o係佢大哥司馬朗面前燒信物既時候
已經將殘兵既信物燒左，同時遣走張雷郭昂，以防俾曹操算計
即係話屬於司馬家既殘兵已經唔存在
佢地要幫司馬家係佢地既事，已經冇左殘兵呢個組織喇><""

p.s.講起殘兵，想起又聾又啞既三船大隻佬，等我最初仲估佢係徐晃添...

引用:

原帖由 my709394 於 2006-11-3 10:49 PM 發表

係劉備懶醒咁以為燎原火老豆(他殺許臨時混入趙家做義子.)姓趙咋...

作為殺手，燎原火都好樂於做『趙雲』呢個角色
個人反而感覺佢係睇得起張飛而幫劉某人
雖然次次都唔係刻意幫佢