ces 兄:
吉慶酒樓？
似曾相識，
請問在那�堙H

多謝各位師兄，
講返起又有多少印象，
好可能幫襯過，
個陣時好多酒家開在地下，
而家舖租咁貴，
真係執下一間少一間，
啱啱先至執埋間「龍門客棧」。

聽聞某舊茶樓有副對聯:

大飽易賣，大錢難賺
同父來少，同子來多

可謂發人深省。

是這一間「得雲」嗎？........

[ 本帖最後由 理魯竇 於 2009-12-13 23:47 編輯 ]

「得雲」茶褸是在中環，

70 年代初，未有 ICAC 之前，
香港真係烏煙瘴氣，
全港幾乎所有茶樓都被用作外圍狗賭檔，
逢週六、日晚全場轉播澳門綠�h電台賽狗，
接受現場投注，免費茶水供應，真係人山人海，
話之你差館就在隔離，照樣開賭，
那時候的紀律部隊全力配合，乜到睇唔到，
真係可以問下  d unlce 個陣時有幾發。

ces 兄:

圖中的一條天橋應該專係用來運送麵粉的，
一袋袋麵粉由運輸帶送到橋尾然後「sir」落躉船再出海，

記得以前在西環海傍都有一條，
兄台有無印像呢？
如果有圖就更好啊。

引用:

原帖由 慈雲六十六人 於 2010-1-6 05:22 發表



是這條嗎？

不大肯定，印象中的海傍是有電車路並轉緊灣的。
無論如何，非常多謝。

引用:

原帖由 meijik622 於 2010-1-5 18:07 發表
冇問題,分享,
貼一幅,幅圖有個名字找找看

上環＿1957

引用:

原帖由 老何 於 2010-1-9 11:30 發表
背景建築物為上世紀初之西環孤兒院,1927年慈幼會接辦為聖類斯工業學校,
1952年港府借出60萬元拆卸重建成聖類斯中小學校。
慈幼會對培訓香港工業人材貢獻良多,照中為Fr. Micheal及孤兒於1924年攝。

我本身並無宗教信仰，但對神職人員的無私奉獻深感敬佩，
小時候(60 年代)，逢星期日下午都會去聖類斯學校玩，叫做
「鮑斯高慶禮院」，主持人為田神父和邱修士，小朋友們見
到佢地兩位就好興奮，好似馬騮仔摟太象，攬住唔放。

院內的活動有集會念經，上課，跟住有游戲，自由活動，仲
可以搵積分換禮物，那時代都算幾好玩，唔駛通街走。

當然戲肉就係臨走時領救濟品，多數係每人一袋麵粉，有時
係粟米粉，奶粉不等，好多小朋友一出院舍門口就賣左俾 d
收買佬，賣得幾毫子一包。

都後來變為每人派一條方飽、麥心飽，每人托一條返屋企，
成街都係麵包，蔚為奇觀。其後因為成條麵包光脫脫，唔衛
生，改為派有包裝的「生命麵包」。

唔知呢度有無老友曾經做過院友呢？

我亞媽話我嚮呢間贊育醫院出世，
舊贊育醫院現時變為西區社區中心。

原來舊贊育前身係咁樣，
多謝老何兄。

順帶一問，第三街崇真堂在第三街邊處？
我住過第三街好多年都唔知。

老兄一言，令我恍然大悟，原來崇真=救恩，真係不講不知。

現在諗返起，30 年前在救恩堂旁邊建成一列唐樓，叫做「崇真樓」，
不知兩者有沒有關係。最近已為政府收購，即將拆卸。

小弟係懷集人，原屬廣西，1952 年改隸廣東，老豆當年落香港，投
靠住在西區之親戚，一住就數十年矣。

順帶一問，
巴色會是否即是「聖巴西流」會？

引用:

原帖由 老何 於 2010-1-14 12:08 發表


這ABM American Board Missions(美部會)位於必列�雂h街2號的會所是上貼言及之溫清溪先生的物業。
1883年ABM派喜嘉理牧 ...

老何兄，請勿介意，小弟總是覺得這間漂亮的建築物可能是在必列者士街68號(拆建後現為公理堂大廈)，旁邊的梯級應為
樓梯街，照片右上方可見到兩條緊貼的街道分別為「老沙路街」及「裕(儒)林臺」，如無記錯，該建築物曾為「華美小學」，
曾有網友話係呢度讀過書(好似係 dorothytiffany 兄)。

唔知我有無推斷錯？

引用:

原帖由 rqrj 於 2010-1-17 01:04 發表
必列者士街
小弟大鄉里,
聽都未聽過!

必列者士街係香港最古老街道之一，
1882 年之前早已存在，
你雖然未聽過，但一定見過，
因為此街其中一舊建築物青年會，
經常為電視劇取景之處，(上海灘........)，
諗下係咪？

多謝老何兄。

原來如此，
換言之必列者士街２號以前也為公理堂，
如果能有該堂之照片就更好了。

引用:

原帖由 老何 於 2010-1-17 17:58 發表


Re : 263

此照理兄所指之疑點, 老何初見察視時, 亦有同一觀點, 奈何此照說明謂為喜嘉理牧師於1905年前其本人拍攝及 ...

老何兄，小弟住在西區，亦曾在必列者士街某小學讀過幾年，但印象亦甚模糊，現只用環境事物來求証而已。
此建築物應在樓梯街旁，小弟曾往視察，第一段石級之數目亦相近，另有一幅由樓梯街下望之照片亦可見有
一建築物，無論屋簷、窗戶、屋頂之煙囪亦極相似。

曾到必列者士街2號(街市)一看，原來政府有介紹，說道街市前身為「公理堂」，為一棟「三」層高建築物，
但無清楚的圖片介紹。其實舊照片年代久遠，一時溝亂亦不足為奇。

試舉一例，下圖為 Hedda Morrison 1946 的照片，描述為灣仔交加街，大家知唔知其實係在那�堙H

[ 本帖最後由 理魯竇 於 2010-1-17 19:06 編輯 ]

無錯係正街，
但我多次看見這照片是亦都認唔到，
直至到有網友指出係正街先至知，

最奇妙的是我70年代曾經在其中一間舊樓�埳L幾晚，
咁都認唔到，
想唔認老到唔得。

引用:

原帖由 老何 於 2010-1-17 22:16 發表
請問黃框內是否學士,桃李那7個台 ？

讓我試試看，

海傍最大的建築物係均益倉，現為均益大廈第三期，
貨倉後第一個塔尖係聖彼得堂，現為七號差館，
對上少少的教堂塔尖為「救恩堂」，在第三街，
黃格內的建築物群可能係香港大學院舍，
照片右上角斜斜地向上的山路應為克頓道，
圖片覆蓋範圍屬西營盤，
桃李、學士、太白等七個台在堅尼地城，
應該不在圖中。

[ 本帖最後由 理魯竇 於 2010-1-18 02:03 編輯 ]

引用:

原帖由 老何 於 2010-1-18 09:26 發表
re : 283

理兄,

真係常有所思,至有張冠李戴。稍稍留神便知非七台, 七台那有如此近西營盤之理 。
常有所思者乃因七台名稱如斯文雅, 推想發展時, 拓者腹中藏墨, 致有該稱。
理兄西區地�e, 可否一說七 ...

地�e則不敢當，只做個幾年西環街坊而已，七台之資料所知不多，唯有求救維基百科，借花敬佛：


西環七臺是香港堅尼地城的一個歷史悠久的住宅區和街道群，東為李寶龍路，西為山市街。堅尼地城在填海前，房屋依山而建，而在山上開墾用作建屋的平地稱為「臺」。西環七臺約有70至80年的歷史，七臺分別為太白臺、羲皇臺、青蓮臺、桃李臺、學士臺、李寶龍臺和紫蘭臺。。


歷史

這幅地皮最初由李陞購入，其後將西環山交給兒子李寶龍（李寶椿兄長）打理，發展住宅物業。李陞於1900年代逝世，家族業務開始衰落。在1924年，李寶龍因生意失敗，被迫出售西環山還債，以致青蓮臺的魯班先師廟幾乎要拆卸。後來買家合興公司的老闆李星衛和譚煥堂答允不拆該廟，並交由廣悅堂管理。現今街道裡的許多住宅已經改建，部分唐樓依然保留古風，是電影和電視劇集的取景地點。

名字起源

這些臺的名字跟中國唐朝詩人李白有關，原因是該住宅區的地產商李寶龍十分鍾愛李白之故。而後人為了紀念這位地產商，住宅區於另一邊的街道被命名為李寶龍路，其中一個臺則命名為李寶龍臺。
太白臺的「太白」正是李白的字；
青蓮臺取自李白的別號；
桃李臺的出處源於《春夜宴桃李園序；
羲皇臺的由來是李白曾在《戲贈鄭溧陽》的詩句中自稱羲皇人；
學士臺指的是唐玄宗任李白為翰林學士；
紫蘭臺的「紫蘭」曾在李白的《答杜秀才五鬆見贈》提及過。

[ 本帖最後由 理魯竇 於 2010-1-18 11:23 編輯 ]

引用:

原帖由 flowingwater 於 2010-1-18 18:04 發表
在港大附近好像有一近十年建成的學士臺.未知是否同一位置重建?

無錯，廿多年前，新世界發展收購全部學士台業權，重建為兩棟大廈，
名都費事改，就用返「學士台」。

聞說當年因地處斜坡，地基都攪左好耐，整個計劃用左好多年。

引用:

原帖由 suewong 於 2010-1-18 16:28 發表


多謝提點. 一 向只懂 把 太白臺, 青蓮臺 成對. 現在恍然大悟...

校長言重矣，其實咁詳細的資料我都係今朝查「維基百科」至知，多謝佢至啱。

順帶一問，聞說校長曾入住港大何東夫人宿舍，原來與西環七台只是一步之遙，未知當
年有否到此一遊，沾染多一點文化氣息？

引用:

原帖由 老何 於 2010-1-18 19:30 發表
�M七台全貌照片, �M足幾個鐘..........都冇
反而�Mtao...................

小弟仲有最後兩張私人珍藏、供諸同好......

引用:

原帖由 老何 於 2010-1-19 09:46 發表


THX！

50幾年前, 上山在山市街口有轎坐, 理兄見過未。

有轎坐咁正？真係未見過，唔知道要幾多錢呢？
但係條山市街口 d 石級咁企，唔駛錢都唔敢坐。

講返以下幅照片，有樣野想請教一下，聖彼得堂位處靚地，
點解會俾番政府起七號差館？因為向來教會都會堅守陣地，
或者和地產商合作發展，我真係百思不得其解。

如果唔拆，我相信個教堂和尖塔都會成為地標。

引用:

原帖由 suewong 於 2010-1-21 19:48 發表


山坡上個 d 係咪 木屋 ? 咁多既 ?

校長有此問題，可喜可賀，因為:

1. 你重後生;
2. 你都未算好窮

那時候莫講話山邊，就算市區行人路有條罅都有人搭木屋。

天后柏景台起好，山邊木屋都未清拆晒。

引用:

原帖由 suewong 於 2010-1-21 22:46 發表


我窮到冇錢搭巴士出街...

真係好多嘛.

雨淋日晒 又 咁逼, 好慘...

我都住過十幾年天台木屋，仲要係鐵皮屋頂，
，天熱好似火爐一樣，真係幾慘呀，

c9都算唔話得，嫁俾我個陣都係住天台木屋，
住左幾年先至有瓦遮頭。