當年好多人都無錢坐的士，窮人就行路，有幾亳子就坐單車尾(九龍有好多載客單車，由旺角去元洲街都係幾亳子，重有價講，周時一亳斗零講餐飽)再有錢DD就坐東洋車(講好價就坐全程)，好有錢至會坐的士，想坐巴士，但又唔知幾時有車，(當年巴士班次好疏落，人多擠迫成日被文雀抽水)所以我就行路多過坐車，最遠試過由佐敦統一大廈行返去九龍城西頭村，今時今日，肯定無人會行咁遠，我自己都無能力再行咁遠。

我的理解：魚肚就是原隻生曬，花膠應該是指好大隻，加工爆過，好似豬皮咁，未知對否？