想同大家分享一下小女子嘅經歷, 叫大家小心!!! 因為結婚係人生一件大事, 本身已經好多嘢攪, 請著個唔係幫手嘅就仲激氣… 所以响度同各姐妹講要小心!!!
我啱啱十月同老公去沖繩結婚, 由於我哋一行廿幾人, 好怕好多嘢會處理得唔好, 照顧唔到, 所以決定請planner幫手, 其實問過好幾間大公司… 但收費實在太貴, 所以放棄! 後來响網上見到佢哋廣告, 一間由兩個女仔, Twiny Wong & Mi Wong開嘅planner公司, 懶型咁叫 “Memoria Amoris”, 仲見到佢哋有自己網頁, 仲有blog, 好似幾好咁… 於是約佢哋見面!!
初次見面就知佢哋並唔係好有經驗, 因為個profile好明顯只係plan過幾個wedding同參加過一兩個商場wedding show… 但佢哋好似好有熱誠咁, 願意以低價接我呢單job, 雖然話低, 但係要包佢兩個成個trip嘅expense, 跟本一啲都唔低!!! 而且佢兩個唔識日文, 英文又差… 所以唔知可以幫到幾多… 但係抱住擔心自己真係處理唔到咁多嘢嘅心態, 同埋”幻想”… 無錯… 係”幻想” 佢哋可以幫我做下research, 或者佢哋會有多啲source, network搵到一啲我搵唔到嘅嘢… 所以決定請佢兩個幫手, 諗住自己响其他嘢慳啲啦…
點知佢哋真係咁唔professional…
一開始, 我就俾咗佢兩個一個初步行程安排同時間表要咩時間完成啲咩… 叫佢哋comment, 完全無comment過… 好啦…. 我expect佢哋會提我有咩要做… 幾時要做… 但佢哋無… 相反要我催番佢哋轉頭幫我整呢樣整嗰樣… 一啲都唔professional
等我逐件事講…
行程安排
我emailed咗幾次itinerary俾佢哋, 請佢哋提出意見… 無俾過… 其他嘢都算啦… 只係fill番上頭時間… 都無做過!!! 淨係同我講… 我老公早我一個鐘就得… 成個過程要幾耐又唔同我講… 咁我點安排呀…
男禮
我本身同佢哋講話要訂做, 因為唔想加錢延長租衫時間… standard租都係三日兩夜, 我哋去成5日, 即係要租7日衫… 好唔化算… 而且好多地方都話三千幾已經可以造到套ok嘅tux, 所以一心都係諗住造… 結果佢哋無幫我搵訂做公司, 只不停說服我哋去一間公司租 (只提供一間, 無其他選擇)… 雖然間公司啲tux係幾靚, 不過over咗budget… 都算啦… 我老公都係啲唔想煩嘅人, 所以就响嗰度租咗~~~
掛
我一開始已經同咗哋講我想要類似COCOON嘅掛… 俾哂相佢哋… 叫佢哋幫我問下搵下… 所以我自己無再去搵, 重點去處理其他嘢… 不過原來佢哋無… 佢哋最後都只係勸我用番COCOON… 仲要話市面唔多, 但我同佢哋去睇男禮嗰日已經見到RED WEDDING有… 事後佢哋話有再搵… 不過唔多都係叫我去COCOON…. 但其實佢哋跟本就無去搵過… 點解我知… 因為响我同COCOON signed咗contract之後… 我想搵張相俾mua參考, 所以我上網search咗一陣… 發現市面已經有好多好多間有類似嘅掛.. 當時應該係6月… 除咗RED WEDDING 之外仲有好多間… 無錯, 可能手工無COCOON好… 但睇都未睇過我唔會下定論… 但卻可以肯定佢哋無去搵過… 因為佢哋一直都只係用RED WEDDING同COCOON嚟比較…
婚紗
我之前响中環睇中咗件婚紗… 佢哋話識婚紗廠嘅人, 可以用平價幫我做, 我都知一定唔會一模一樣架啦…. 不過唔係咁差lor…. 响我決定俾佢哋整之前問過可唔可以去廠睇, 佢哋話唔方便… 咁我要求睇下佢哋啲婚紗, 佢兩個就攞咗件聲稱300rmb嘅婚紗俾我睇… 其實以300rmb嘅價錢, 嗰件婚紗真係唔錯… 所以我決定搵佢哋定造… 報價1300rmb, 我諗… 點都唔會太差啦!!! 成4倍價錢wor…. 為怕detail有錯, 我寫咗兩、三個email列明細節… 要自然蓬起, 唔要剛紗, 有小拖尾, 絲帶背etc… 點知佢哋將fitting日子一拖再拖… 我催咗佢哋起碼有三次… 問佢哋廠嗰邊係咪唔明… 佢哋當言話明… 結果比原定日子遲咗成個月佢哋先俾到我fitting… 仲要先send相俾我… 再約時間… 其實睇相已經心感不妙… 好多detail位都唔似original個條… 心諗見到件真嘅再算… 如果唔係太差… 接受咗佢算… 無時間再去訂第二件啦… 見到件婚紗真係同orignal差好遠… 佢無咗拖尾… 仲要好笑到個背係一半絲帶加一半拉鏈… 我真係無話可說!!! 著上身仲大成個碼… 超鬆… 本來諗住改少少算啦… 好怕唔夠時間… 但係諗諗下一生人一次… 我真係接受唔到… 因為所有“重點”都做唔出… 我再同佢哋講… 請佢哋叫廠家同我去睇件真嘅一次… 如果唔係, 佢點改都唔會似… 結果廠家唔肯…. 佢哋反而提出當件婚紗係佢哋買… 退番錢俾我… 响尾數扣… 我當時好多謝佢哋… 不過原來只係順口開河!!! 請各位去文章尾段再睇就會明白!!!
Travel Package
5月已經開始叫佢哋搵…結果只去搵大社… 同佢哋講過, 大社會貴好多, 幫我問下細agent, 結果只問咗一間(係呀… 只得一間呀!!!) 報價仲要貴過我自己搵嗰啲(我自己搵咗十幾間,有4, 5間報價)… 都算啦… 因為報價貴唔係佢哋問題… 不過佢哋有幾落力就好睇得到lor….
遊艇
我同時响5月要求佢哋幫我搵沖繩當地嘅遊艇agent… 佢哋話有日本friend嘛… 可以search到當地嘅agent, 唔駛經香港agent!!! 結果我等咗佢哋成個幾月…之前我仲比埋係網睇到我想租嗰隻遊艇嘅website佢哋… 佢哋卻遲遲唔contact嗰邊... 結果我催佢哋都無用…佢哋話個日本朋友俾咗大船家… 所以無用… 我唔知係藉口定係咩… 因為我自己上網一search已經有三間可以租嗰隻遊艇… 我自己都唔識日文, 都係用web translator睇website, 搵contact… 結果我sent email俾嗰邊, 第二日已經有其中一間公司覆我啦!!!
花球
我已經唔記得幾時開始叫佢哋問定沖繩嗰邊訂花球嘅資料… 催咗無數次… 但係一直都唔做… 直至我9月要炒佢哋先至俾咗一個website我咁大把… 佢哋話同嗰間花鋪傾過下… 我真係唔知真定假… 不過我sent email去就無人reply lor!!! 當言我自己再另外搵咗好幾間啦!!!
蛋糕
同花球一樣… 都只係俾個website我!!! 當言我又係自己再搵啦!!!
過大禮
呢樣係導火線… 因為我同我老公完全唔識呢啲嘢… 一心指意佢哋… 因為其他嘢佢哋都幫唔上忙, 心諗呢樣佢哋話讀過架嘛… 一定ok啦… 我有個細佬… 媽咪好緊張, 勁問我關於“舅仔鞋”嘅嘢… 我唔知咩嚟, 咪問佢哋… 點知佢哋同我講話無聽過… 我真係覺得好出奇… 連我同我阿媽都聽過, 只係唔清楚係咩… 佢哋suppose係professional… 竟然同我講話未聽過, 仲要話以前上堂都無學過… 仲要我叫先話幫我問下… 我當時真係開始懷疑佢哋識幾多… 我要求8月尾過大禮, 因為想早啲派請柬, 因為入面有啲簽証同去沖繩嘅資料想大家早啲知… 叫佢哋俾幾日我揀… 但係我一同我阿爸阿媽講… 佢哋第一個反應就話”唔得”… 因為”撞”正農曆七月… 阿爸阿媽話點可以七月過大禮?!?!? 咁叫professional wedding planner咩? 佢兩個提都無提過我… 我雖然唔係太在意… 不過我屋企人好大反應… 我阿爸阿媽直頭問佢兩個係咪真係識… 之後我再叫佢哋再擇日… 結果就話佢哋自己呢個好日唔得閒, 嗰個好日唔得閒,幫唔到我哋過大禮, 又求其揀咗3日俾我哋再揀… 因為開始唔係好信佢哋, 所以問咗個神婆friend有關“舅仔鞋”同嗰三個日子, 點知佢同我講話其中一日係“不吉日”, 仲幫我睇埋通勝話 "是日四離,大事勿用"… 唉… 呢件事令我真係覺得佢哋唔單只唔professional, 仲好無心…我個friend講得啱… 唔識都唔好亂嚟呀…
而且“舅仔鞋”一事, 佢兩個一直都無覆我… 稍為有心上網一search已經有好多資料… 再唔係去金都一問都一清二楚…
連過大禮都幫唔到手… 所以我哋決定終止合約… send咗個email俾佢哋, 佢哋都同意終止合約… 亦响email答應會退還1300rmb俾我哋, 不過要六個星期後先可以退, 話係公司policy~ 心諗算啦! 6個星期就6個星期啦… 我仲以為可以好嚟好去啦… 點知6個星期後又話自己打工, 老闆唔肯… 大話連編… 根本成間所謂嘅公司得佢兩個… 又話唔可以退錢, 只可以俾番件婚紗我… 講下講下原來係婚紗廠個老闆唔肯退錢俾佢哋… 佢哋就唔想退錢俾我哋… 仲話最多俾番一半… 我條氣已經頂住… 佢哋白賺我嘅deposit… 無咩有貢獻嘅嘢做過… 本來佢哋按承諾退番錢俾我, 我亦唔會浪費時間寫咁大編嘢指名道姓嚟講佢哋… email係佢自己寫… 呢個退錢offer係佢哋自己講… 無人迫過佢兩個… 自己講過嘅嘢唔算數… 仲話去青島開班為人師表, 教人wedding planning!!! 真係笑大人個口!!!
仲有好多細節嘢我自己做咗就算, 好似book餐廳食飯, gather客人點菜單, 佢兩個無提出過要幫手… 仲要我三催四請佢兩位俾passport no.我幫佢哋book機票!!! 好彩未book就炒咗佢哋, 如果唔係仲傷!!!
各位姐妹… 你哋要搵wedding planner就小心啦… 扮到幾有誠意, 收得幾平都無用… 佢兩個無心又唔professional, 仲毫無誠信, 毫無口齒!!!
Memoria Amoris
Ms. Twiny Wong
Ms. Mi Wong
www.memoriaamoris.com
http://hk.myblog.yahoo.com/memoria_amoris/
