每個年代都有一批唔爭氣o既人, 亦都有一批唔高唔低, 唔好唔差o既人, 亦都有一批出類拔箤o既人. 如果你相信normal distribution, 對於你睇到你覺得唔順眼的80後, 亦都唔應該覺得出奇! 只係你時運低, 撞口撞面都見到佢地!

一竹篙打一船人, 如果資訊好似20年前咁唔發達, 你估你地班80前真係睇到咁多80後的不是? 現今傳媒專挖人瘡疤, 報醜不報美, 你地班80前就好似無獨立分析能力, tv報紙講乜信乜, 我覺得你地真正可悲!

你地真係想知80後有幾咁唔掂, 點解唔親身去同佢地傾下計, 做朋友了解下佢地有幾不濟? 如果你地覺得80後唔掂, 咁我可以話你知90後, 00後仲大鑊.

只識得放大別人缺點的人, 應該諗下自己有乜資格去對人評頭品足.

[ 本帖最後由 papayaroot 於 2010-2-17 11:15 編輯 ]

引用:

原帖由 老何 於 2010-2-17 12:37 發表
我ne個40後真高興見到你/你張帖:verygood,
有空帖多d.

恭祝新春進步！

各位80前, 我都係議事論事. 還記得我仲係細路個陣的80年代, 我老竇晚晚拎本電簿出黎打俾d女人, 佢唔係打俾二三四奶, 係打俾各位熟手女工, 明天記得返工廠車衫, 唔好去第二間廠度炒野. 老竇仲話年三十晚, 新蒲崗大有街人頭湧湧, 極多人去行花市. 各位80前又知唔知現在大有街得返寫字樓, 新年亦都無年宵市場.

如果你地仲以為現在搵野做真係好似以前咁易, 咁你地就真係認真搞笑, 又天真又傻!

我又聽過我間大學講師講, 佢話九十年代年年加薪, 雖則個陣通脹勁, 但個陣都好happy, 因為真係唔擔心無野做! 但今時今日有通脹之餘, 加人工肯定追唔上通脹!

代代人都有佢地困難, 你地成日一沉百踩, 於君何益?

引用:

原帖由 大隻西 於 2010-2-17 15:07 發表


您今日在這裡做了什麼不當的事  自已檢討一會再來發言(先聲明我一向不現理會年齡問題)

反求諸己!

香港問題根本係結構性(structural)問題, 甚麼80後80前, 只係輿論製造出來的話題. 如果只一味標簽80後問題, 根本無助於了解事實本質.

引用:

原帖由 大隻西 於 2010-2-17 15:54 發表


謙遜一點我會給說說您今天不當的地方 繼續冥頑不靈就不說了

行有不得, 反求諸己.

要別人謙遜一點才肯表達自己意見, 這正正是這個社會走向衰敗的原因.

如我是冥頑不靈, 閣下應是擇善而固執, 對嗎?