本人正是八零出生的, 香港的問題並非一朝一夕形成,九七年前樓價高企,人人在九七大限揾快錢,忽視本土實業發展, 英國人當然不會管. 做成九八年金融風暴後,加上特區政府失當,無有能者領導公務員,做成今天的惡果. 本人幸好能避過最困難時期,向自己的前途奮鬥. 以下是本人的寫中五起的經歷:

1997年: 人生第一份工就是在惠康做理貨員, 人工6500hkd
1999年: 考完A-LEVEL, 入讀cityu 社會及公共行政,同年董建華宣佈停上招請公務員, 當時我覺得香港一定衰唔知以多年, 所以11月就退學唔讀,因為當時家貧,學費又要借grant&loan的,之後在家失業3個月
2000年: 做過統計處個多月的外勤統計訪問員, 在6月找到一份6300hkd 的會所工作,幹到2001年1月, 再在公司註冊處當合約文員,月薪8000 hkd, 當時自覺香港地沒有技能,自己又無人事,又無家底,一定要找安穩工作做,而又可以東家唔打西家既工作.
2001年: 9月開始在理工大學讀護理系,當時政府因為錢既問題關閉香港既護士學校, 要做護士只有交學費讀四年. 當年醫管局只係簽1至2年,到大2時更傳出醫管局不會請人, 分分鐘要出國做外勞,就因為03年的沙士, 突顯護士人手短缺,才有一線生機.
2005年: 畢業出來先在醫管局打工,再到政府衛生署做合約護士月薪17145 hkd, 眼見政府舊制公務員著數就有,工作就無, 他們只想等退休,合約的只是低等人,新制的只叫好少少,最後能轉職為新制公務員,但是待遇及氣氛真係差.
2009年: 我覺得香港只會同大陸慢慢融合, 香港也再難有大發展,好似澳門,明朝時,西洋人的海圖只有澳門,沒有香港. 加上做護士不是我的志向, 於是就向我的志願- 商船海員 進發, 離開政府時人工21145 hkd, 9月開始在ive讀三年的海事文憑,因為行船除咗係志向,更重要係人工好,有前景
2010年: 好好彩,响東華三院的安老院找到一份返長夜的工作,人工反比做公務員更好,有28180 hkd, 我只想除政府刻薄新加入員工外,也沒有理由解釋人工差咁遠, 我現在要一邊日間返學,夜晚返工, 望可以頂到畢業為止. 當日護士長問我為什麼連公務員身份也不要,我只答現在的環境得一門專業也不可保你一世安穩, 學多一門技能就有多一條出路. 你可以話無安全感, 但係十多年的經歷我只知咩叫做危機

人海茫茫,個個人出身,際遇不同,面對的困難都唔同, 但係只人云亦云, 會真有好處嗎? 我當年加入護理業, 也不是吃香科目, 到現在是大學打磞頭的熱門科目, 但有沒有想過只要香港肯進口大陸醫生,護士, 香港的護士也不用這麼高人工, 有人謂香港老人只會越來越多, 安老服務有需求, 但係長期香港安老院多係私營,質素參差, 加上近來政府提出加強家居安老, 即係可能的話要老人自己家居終老, 因為一間好似東華三院的老人院,皮費不輕,係一門蝕本生意, 或者再吸引多啲老人返內地終老,即可減輕政府的開支,

十年前讀行船,根本沒有公司請,到現在所謂運輸局話要發展香港做倫敦式的航運中心, 因為香港貨櫃碼頭只會越來越少生意, 所以要發展多啲船隻買賣,經紀等行業, 但係香港近十幾年沒有人行船,怎會有人才發展? 連政府也不能請到海員做海事主任 (政府專業職系max有 73000 hkd). 可見呢個政府只有口號沒有行動,因為那些高官連基本處理問題的能力也沒有! 只是一班尸位素餐的垃圾.

人生有風有浪不可免也不可少, 與其坐困孤城,倒不如殺出重圍, 衝出香港, 天大地大總有容身處, 香港人大多只會飲飲食食,很少人會反思為何而活,  為人工? 為建設祖國? 為一世人要供的發水樓? 當代年青人大可不必理會上一世的批評,不論批評好壞, 你的人生路也是由你走的, 有清醒頭腦,有用技能, 就算不能大富大貴,最少條路走得輕鬆啲, 睇得遠啲, 在呢個人心消沉,定位不明的城市已經好多了

suewong, 同期比我做得更出色的人有很多很多, 我見近期很多說80零的不是, 所以才講講了, 八十後係第一班中學畢業面對香港轉型既一代, 他們要面對與大陸融合,競爭, 好似我咁, 當代根本唔會有咩普通話讀,到現在還要實行普通話教中文, 教育制度改完又轉. 根本無所識從.

我慶幸回歸十年總算走得比人安穩,我也有朋友是做物業管理,有degree响手, 都係揾八千幾一個月, 八千幾? 我做合約文員嗰時都係少幾百, 我老豆生前响洋行做經理,二萬蚊一個月, 中七程度, 結果九七年給人裁出來, 後做管理員維生, 最後在04年因癌去世, 當時我只係諗,得罪老豆都要講, 佢當時就係無為自己打算先有呢一日, 以佢既性格,打份公務員反而有糧咬,仲好過!  我大佬咩技能都無,最初只係做dhl,後做郵局合約員工,最後同响郵局識既大嫂結婚, 及考到入懲教署做老散, 總算求得安穩. 所以我更可以放手一博.

其實我既經歷唔係有咩特別之處, 只係現在既年青人要認自身既問題, 先找到一條出路, 我都係想找一條出路, 好似美國既年青人無出路,想增加見識, 從軍也有出路, 香港既問題係出路太少,政府只會化妝,不幹實事, 發展教育產業,即係知識工廠, 好似ive只係一間學店, 所以政府講得啱,香港只是亞洲國際都會,不是世界級國際都會

我想香港人生活方式太過局限和單一呢, 早陣子有艘加拿大帆船在巴西對外遇風浪沉沒, 船上都是加拿大,美國來的學生, 你見香港的學生有機會參加這些活動嗎?  
九七前還有義勇軍,華籍英兵做, 我讀大學前打工時也識幾個以前當英軍, 有個更去過波羅洲森林三個月,完全不見天日, 雖然我不鼓勵戰爭,但呢啲經驗和訓練係比課堂更加珍貴. 香港每年都好多人去外遊,但係對呢個世界既認識有幾多呢? 好似當年曾特首又話香港要發展伊斯蘭債劵市場,但香港既中國人中有幾多係識阿拉伯語, 呢個世界頭五大最多人講既語言呢?  綜觀响現今既政府之下,我對香港既發展點可以去樂觀呢?

suewong, 我還有大把要向前人學習呢, 其實特區政府,中央政府都唔會同香港人講, 香港人點同大陸人融合, 香港,澳門永不可能是特區, 全世界只有中國才有三本唔同既護照! 香港年青人收入減少, 還可以長遠頂得住人為造出嚟既高樓價嗎? 現在從灣仔坐直通巴去深圳也比去西貢還要快, 融合為不可避免之事, 住上水同住深圳根本唔相差得遠.
今天財爺所謂派糖, 沒有長遠計劃, 又話制止樓宇炒風, 你有能力買二千萬的樓的話? 我想你都好少會做mortgage 了. 香港又有幾多人可以買二千萬的樓? 二百萬都買不起的大有人在! 香港回歸十二年多毫無寸進, 庸官當道,  這些流水官人工高,夠期就可以落台, 真看不出他們何德何能. 當年大和號沉沒, 船長把自己綁在船舵同沉, 一個水手見到船長咁做, 他說也要與艦共亡,船長聽後即命令水手逃走,因為年青水手的死對日本利益有損, 水手接到的命令是要生存! 現在的高官有這樣的心嘛, 就算做些長遠有損香港利益的事, 到底對自己有利的,何樂而不為?
到底他們只是上一代人, 下一代人既香港何去何從, 無人知,無人曉, 無人理, 但時間不會等人, 我2000年只是二十歲, 今年快三十了, 這十年怎過? 後十年又怎過?  你問香港既年青人無人可以好肯定答得到你,

中國人社會,一朝天子一朝臣, 老路一走,就係洗牌之時, 當無後台之時,就要睇自己的人緣做化了.

做人真係同古人駛帆船,字面話看風駛盡艃, 但架船無咁上下份量, 係會連帆帶船吹反! 眼見小帆船大風時仍能張帆航行, 只因水線下有一大塊板做COUNTER BALANCE, 只睇表面真係死十次都唔掂

我都係有嗰句講嗰句, 無話有咩寫作風格既, 哈哈.