引用:

原帖由 flowingwater 於 2012-9-7 16:20 發表
期子尾市5肯回; 隻牛好有力咁

水哥，早響丫，今日因為約咗去深圳按摩，一早走咗牛仔，得100%, 如果唔係，200幾個%呀，真係走寶，呢個骨就真係貴咯。

btw, 如果你想揾 hkgalbert 叔，去youtube 吧，佢老人家上載咗千幾套影片，最近都仲有上載，得閒你同佢嗲下啦。

引用:

原帖由 老何 於 2012-9-28 19:36 發表
點解10am後冇動作？
明知上証做戲, 港股20900閘住, 沽左等下週了.咁仲有乜好做呢！

有，我臨收市跟咗你些少64471。

64471 呢鋪真係驚濤駭浪，0.055 上船，前日0.053離船，昨天0.044上返船，0.050 跳船，點知今朝起身一睇，沉咗船，今勻真係執翻身彩。

老何兄，呢輪成日借d 意話落西環尾影相，其實亦想去試下有人話好靚點心個間在厚和街那一間新興食家，佢話業主加四倍租，頂唔順，因此做埋28號就關門大吉。

那天十一點去到，全院爆滿，我見位就攝，叫了蝦餃，粉包和輘魚球，味道還可以，勝在新鮮熱辣而已，杯茶就麻麻，但咁價錢，唔好有太多要求了。但收銀阿叔太老了，18+33都要用加數機，但加數機唔掂，攪咗好耐，我無佢咁好氣，擺低51蚊拿拿聲走人，因為地下濕滑又成地骨，分分鐘有人跌親。

後記，好似話在士美菲路揾到鋪了，不過要一月至開得返。

講到飯香，點都唔夠我呢碗飯咁香。先兩年我返鄉下探親，兄弟們為我添飯，個碗飯食落香滑柔軟，飯香撲飯，唔駛夾餸都可以趙兩碗，我問佢究竟係乜野米，佢指住稻田，話就係這些，將穀粒拿去磨成米，即刻拿來煮飯，勝在新鮮。

以前鄉下唔夠米食，幾乎餐餐食粥，糧票時期我亞媽話返鄉下住兩日就好走喇，如果唔係食晒人d 米就唔好啦。我真係試過以香港同胞的名義去公社請求額外供給食米。

現在因為種咗雜交水稻，產量多好多，比前改善好多了，袁隆平真偉大。

[ 本帖最後由 理魯竇 於 2012-11-29 22:10 編輯 ]

隔離亞1149大夫最近話我知，
如果血壓藥屬去水丸類別好易令人眼瞓。

引用:

原帖由 suewong 於 2012-12-12 23:52 發表
http://hk.apple.nextmedia.com/su ... t/20121212/18098143
12月8日，多國駐廣州領事館發起義賣活動，幫助中國殘疾兒童，豈料籌得的善款中，竟然有5000元假幣，全是100元新紙。僅韓國總領事館便收到8張。智利總領事 ...

如果是純屬慈善捐款，你可以先不檢驗那些銀紙，但如果是義賣，始終都是買賣，都涉及利益，就一定要驗鈔，中國最大面額是100元，每一個人收到都細心檢驗，之前有些食肆甚至要客人抄下號碼，以免轉頭話係偽鈔引致爭抝。

交易始終係交易，錢銀要當面驗明，主辦單位好明顯係缺乏經驗，尤其是在中國收錢的經驗。

況且，有偽鈔是很平常，可能連捐款者自己都不知，蘋果想點大家心知肚明。

也是多年經驗之談，實際上由於每人都謹慎檢驗，加上亦有可辨別真假的數鈔機，人民幣偽鈔再不容易在市面流通。

反而銀行最怕是見到美鈔，因為美鈔很難分辨真假，好多時候連老手都中招。

引用:

原帖由 老何 於 2012-12-14 10:12 發表

偽鈔..........理老哥講得arm.


內地假鈔為患, 何以如此, 反而值得深思！
假美鈔, 老何中招多矣, 直情無計, 是以有大頭版, 一樣中招, 老何總是不明, 花旗佬究竟點諗

??

那豈不是花旗除了殺人王之幫，更也淪為盜賊之幫? 無問題，可以話佢係 Made in China, Mexico, North Korea, Iran...........

試過有客人提取一萬美金，要求銀行影印，以便一旦有假鈔便返來找晦氣，銀行當然拒絕，於是大吵大鬧，最後協議由銀行派職員逐張抄下號碼，折騰了半天。

老何兄如果見到美鈔上蓋了一些小圖案，咁你應該放心些，那些圖案是有些找換店檢驗後蓋上去的，但當然不會百份百保證。

花旗佬的銀紙真係全世界最水皮，高科技防偽特徵欠奉，顏色單一，不思改進，但係又搏命咁印，問你死未?

引用:

原帖由 理魯竇 於 2012-12-14 11:16 發表

??

那豈不是花旗除了殺人王之幫，更也淪為盜賊之幫? 無問題，可以話佢係 Made in China, Mexico, North Korea, Iran...........

試過有客人提取一萬美金，要求銀行影印，以便一旦有假鈔便返來找晦氣，銀 ...

真係好嘅不靈醜嘅靈，又一單大大劑，又多廿八個冤魂。

又流淚又下半旗都無用，若不徹底改革，呢D 悲劇只會陸續有來......................

[ 本帖最後由 理魯竇 於 2012-12-15 16:16 編輯 ]

原來河南信陽昨天有個狂徒闖入幼稚園，見人就斬，好在無槍，小朋友們只是受傷。

我去全世界都唔驚，但最近去芝加哥就真係有點驚。最近曾經試過某一個週末，當地就發生十宗槍殺案，資料話美國每年死於槍殺案達三萬多人。

集團式罪惡?

死咗幾多人呢? 有無數字? 會唔會在家里，校園，anywhere 無端端被人打死。

今次是講時事，講日後，唔係講歷史。

花旗若不改善，不出一年半載又要再下半旗。

呵呵，原來一年死幾萬都唔算多，死到2000萬人先至算啦。

[ 本帖最後由 理魯竇 於 2012-12-15 21:40 編輯 ]

資料話美國每年死於槍殺案達三萬多人

即係話如果情況無變，日後每年都會死咁多人。

中國日後毒奶粉+地溝油+礦難+追撞+上訪每年都連零頭都未必死到，除非再來一次文革，但應該在香港發生的機會多一點。

[ 本帖最後由 理魯竇 於 2012-12-15 22:57 編輯 ]

哦，如此說來，奧巴馬的眼淚都是白流了，花旗今次死28件，比起盜賊之邦，簡直濕濕碎。

老何兄，萍果呢隻神級股票，先前話睇一千，現在差點500不保，究竟日後何去何從，請指教。

大加拿賣得俾你都差唔多，呢鋪學費相當勁，但慘得過強國有的是錢。

想當年"發發生"話要在港上市，要揾代收銀行，我地拿拿聲請佢地食蛇，點知我地個邊無一個識講普通話，真係雞同鴨講，好彩我旁邊有位哥哥原來係廣西南寧人，咁都無咁驚，卒之攪掂。

後來同佢地多次交手，發覺都唔係咁醒目，唔明點解會做到咁大生意。

老何兄，想請教一下，點解你的文章一時打橫來講，一時又打棟來講。

是否另有含意，抑或係我個電腦壞咗？

引用:

原帖由 choihung 於 2013-2-3 01:07 發表


Sue 姐，支持您的看法，我看到報道後也眼火爆！

彩虹師妹，又唔係用公帑，點解會眼火爆呢，莫非你係國泰股東？

但今次那些受惠的基層們並不是他們主動要求，亦沒有大吵大鬧 / 搖尾乞憐 / 憤世嫉俗啊。

兩位大姐，看來你們應該未捱過窮，在我輩捱窮的時代比現時的淒涼得多，
但那些年那有人幫你，又不懂得求助，真可說是求助無門。

所以我很高興見到窮人得到幫助，雖然有些個別例子會過份一點。

以前長輩教我地不要憎人富貴厭人窮，要雪中送炭，鋤強扶弱，看來都不合時宜了。

那里？ 龍華酒家？

我又跟，65401 0.033 1M。

老何兄，期指近期多天低水，有什麼啟示？

引用:

原帖由 flowingwater 於 2013-3-8 18:49 發表
Chop上chop落;近來好難玩

水哥，唔止好難玩，係好難唔俾人玩...............

[ 本帖最後由 理魯竇 於 2013-3-10 22:40 編輯 ]