我每日食o既野.....

早餐
麥皮1碗(不加糖,奶)

如果遲左起身煮唔切...
白粥1碗/一份麥皮早餐(麥皮, 半份腿旦治, 檸荼-不加糖)-份腿旦治會lunch食


午餐
麥包/豬仔包1個+水果1個(多數會食蘋果/火龍果/木瓜仔)


下午茶(肚餓先食)
梳打餅2片


晚餐
一碗飯
多菜, 少肉


我維持左6-7年喇, 都唔算係減肥o既
不過keep到唔會大上大落囉(102-105磅)
如果加埋做運動會仲fit!!
而星期6,日會多d機會出去食飯, 就會照食野, 都唔會特別要戎口!


其實減肥唔難, 難在keep唔keep到!!
我本身唔好甜品, junk food最好少食啦....
我都有食kfc(一個月一次), 麥記都成半年無食過,
西多都成年無食lu, 奶茶都戒埋!
可能自己食野清淡左, 攪到唔會太想食d油膩野!
不過間唔中一次都唔會太過份!!

引用:

原帖由 waku 於 2006-8-30 22:49 發表

好利害呀你...食得咁清淡都可以維持 6,7年..我食左 3 個月已經成日想住去打邊爐呀..食日左放題呀咁..lor 住本飲食男女睇下都係好...

習慣咖咋....
當你著起件衫令d, 個推動力就更大....
野唔係唔食, 但係唔好食垃圾, 當你食野會揀擇o既話
你肥o既機會就會愈o黎愈細!!
同埋得清淡d個人o既面色都無咁暗啞!!
食日出街食飯, 好多野都泡過油, 當中食左幾多油同味精真係唔可以想像!!
如果真係唔可以自己帶飯
買飯盒我自己習慣走汁(燒味飯)/少汁(碟頭飯), 同佢講多菜少肉(多數都俾), 而有汁o既飯唔食, 只係食白飯, 我d同事成日都話我變態, 食埋d無味野
但係, 我真係唔食汁, 好似鼻涕咁, 點食呀?!
而lunch如果食左飯(多數係夜晚要做facial, 而唔想餓住太夜食)
夜晚都係食個包就算, 因為真係食唔落!!

唔怕話你知, 我無食星洲米同乾牛河都真係唔知幾耐!
而炒飯都係去飲果時食下咁, 買黎食真係no way!
一來肥啦, 同埋而家o既人真係唔見炒得好食!

好多人都知減肥要戒口, 唔食好多野
但係你個飲食習慣改變左, 好多野你自自然然就唔會食喇!

[ 本帖最後由 小丫環 於 2006-8-31 11:00 PM 編輯 ]

引用:

原帖由 sl886 於 2006-9-9 13:20 發表
I wonder whether a man/woman can get enough energy for his/her daily life if taking this menu.

一個坐office 嘅ol....max係1500-1700卡路里一日
好多時肥, 都因為食得太多咋
咁多年都唔死得, 應該無事o既.........

引用:

原帖由 waku 於 2006-9-2 21:52 發表

哈 ~~ 我都同你一樣..出街食飯一定係走汁...我叫果 d 做水彩顏料..尢其係茄汁..no way...炒粉面飯我都介左好耐..去飲我都唔會食..不過可能我係肥底..由高峰期 170 幾磅..減左 40 幾磅之後..反覆肥下瘦下...同埋 ...

so....keep住係最緊要, 因為yoyo效應對身體唔好會出問題