睇完今期，覺得烈火祖師似乎都係無乜料到咁。聖火神功用上 9 成功力都完全威脅唔到火雲邪神，仲要一野就被人震開十丈咁遠。論功力似乎仲差過金羅漢，劍妖佢地。

如果韋陀，石鐵，青天，小鷹 4 人聯手打老烈火，我唔覺得會輸硬，相反應該仲會有得打。特別係韋陀，咁耐無出場，功力方面都應該會有進境掛。

豬油實力的確令人好 surprised ! 竟然練到 32 層天，即係同白無涯一樣。老天尊仲犀利，出完 35 層天都仲話自己唔止咁o既 level。唔通佢已經練成 39 層天？如果係就應該全書最勁係佢 (暫時) !

豬油上次同邪神對招先練到 28 level，咁快就升左 4 層。莫非佢上次只係隱藏實力？

今期 okay 喎，叫做交足貨，畫功都可以接受，唔算醜樣。  

元始三妖 d 武功似乎就差左 d，同劍妖，老妖佢地幾個 (大家都係妖) 差成條街，造型亦無乜特別，應該玩唔長。

下期絕對令人期待，估計醉魔今次應該死硬。就算俾佢好彩打得嬴西門簫同埋姓東方果條友，跟住仲有個勁野洪東要打。睇落完全無勝算。不過醉魔絕對係抵死 !  

烈火祖師果然唔係一個人去打龍虎門，加埋 total 有成 5 條友咁多。韋陀就算練到九霄 9 章頂級都未必頂得住，何況唔係。真係有 d 擔心群英今次會有人死。  

占基李話會對各種武功強弱重新 classify 過，呢個 idea 好好呀。老黃算係對大家有個交代啦。

雖然我知道無乜可能，但我都希望王伏虎 + 金童可以坐陣響龍虎門，力抗烈火祖師等人。兩大前輩高手武功方面同烈火其實都有 d 相似架。

王伏虎九陽神功，烈火就聖火神功。金童有童子金身，烈火就應該有烈火金身？？？

火鬥火，金身鬥金身，咁樣打法你地話係咪應該好有睇頭呢？

哎，王飛鷹就算回復到巔峰狀態都只係得金鐘 6 關左右實力，即係同佢個仔差唔多，完全係於事無補 !   

王飛鷹死o既機會其實係最大囉。  

話時話，白仇同阿柴係咪都響日本？佢兩個太耐無出場，唔記得左佢地響邊個國家添。

[ 本帖最後由 天下無敵老祖宗 於 2007-4-12 16:57 編輯 ]

風逍遙無啦啦又俾人 ban 左，發生乜野事？係咪查到係佢周圍亂發粗口訊息呢？

似乎大家都一致認為王飛鷹今鋪會死喎，哎，莫非佢真係劫數難逃？

如果無王伏虎 and 金童相助，單憑韋陀，石鐵，青天，小鷹父子，甲賀忍者幾件又點樣能夠抵擋得住烈火兵團進襲？老黃又應該唔會安排群英今次全部陷晒家產。真係想知佢今次點樣搞法。

個人對韋陀絕對有信心。

上次群英攻打蓋世堡，韋陀當時都只係得果 7 章功力咁大把，但竟然都可以捱得住俾老邪神連踢6，7 腳霸腿都唔死。老邪神當時仲要係十足狀態，兼且用易筋經黑級踢出。

家陣韋陀已經去到第 9 章境界，況且烈火祖師亦無可能勁得過老邪神，所以韋陀應該仍有望可以打嬴烈火家族班友仔。

果個咁o既瘋逍遙真係黐孖根 ! 琴日俾人 ban 左，今日就係咁不斷周圍閹人爸，嫖人媽，情緒完全失控。

o岩o岩又收到一封。

做左咁多年人，恕我真係從未遇過有 d 好似佢咁黐 9 線o既人。

佢讀到 master level 但 d 思想都仲咁鬼幼稚架？

去讀屎片啦。  

其實老黃響新著入面係好愛錫各位群英成員，大家應該都有目共睹。

連場大戰裡面，群英o既傷亡人數真係一隻手 d 手指都可以數得晒。

就好似上次蓋世堡血戰老邪神，有一期叫咩野雙妖的災難。我以為老妖同飛妖好大可能會俾老邪神就地正法，結果佢兩個都係無事。

睇到係老黃好多時都寧願死一 d 邪派，都唔願見到群英有乜野閃失。

相信今次烈火家族攻打群英都係為左提高收視率，同埋順便俾韋陀，石鐵佢地 show off 下實力，個個最後都應該無事。

不過小鷹老豆就真係難講 d。。。

響火雲邪神o既角度，消滅龍虎門無疑係好重要。但其實佢到底仲有無心去救老邪神架？點解最近好少聽佢提起？

既然龍虎門都已經有烈火家族招呼緊，佢大可以親自出馬去泰國通天教搵老天尊算帳。整一鑊 "邪神父子浴血通天"，過程肯定慘烈無比 !

睇左今期，可惜無預期中咁精彩，只係中規中矩。

火燒龍虎門只係序幕，因為烈火祖師佢地被谷次郎班差佬包圍，變相反而要走佬。只係得火爆自己去燒，結果就遇上韋陀，惡戰難免。。。

醉魔今鋪肯定係窮途末路。西門，東方，白無涯，白俊，龍虎 3 皇，仲有洪東，憑佢一人之力，根本就實無命。就算僥倖打得嬴洪東，其他人都唔會輕易就放佢走啦，所以佢一定會瓜 !

白俊係咪叫白無涯做二叔？點解白無涯話洪東o既武功會勁過佢o既？佢話晒都有 32 層天功力喎。點解呢？我唔係好明呢度。。。

[ 本帖最後由 天下無敵老祖宗 於 2007-4-19 13:47 編輯 ]

引用:

只不過是說出洪東實力超過32層天而已!勁過白無涯冇乜特別啊!

白無涯勁過閻王，如果洪東仲要勁過白無涯的話，咁洪東實力就真係直迫教主級數啦。

引用:

照理韋陀應可輕取火爆, 但看來又不會如此簡單..........

純粹個人感覺，我覺得韋陀就算點樣無進步都好，九霄 9 章點都可以打得嬴火爆。火爆只係一個後生仔，無理由勁到咁離譜掛？

引用:

今期話洪東是宗師中的宗師,咁佢可能真係直迫教主級數喎!  

其實點解我會對洪東o既實力存有猜疑，係因為之前曾經有讀者問過老黃，問洪東有無資格同無敵打。老黃就話要洪東同無敵過兩招都仲得，但打落去洪東就實輸硬。

That's why 我睇到今期話洪東仲勁過白無涯，我先覺得出奇。。。

引用:

白無涯話洪東實力在佢之上, 會唔會係謙虛說話????  

你係咪都覺得質疑呢？白無涯已經 32 層天，龍虎門入面黎講佢算係勁人級數，應該入到頭 10 位置 !

如今佢竟然話洪東勁過佢一籌，咁洪東有幾勁真係可想而知。。。

引用:

依小弟推斷
32層天只是大約 = 10關 (39層天 = 黑級頂峰)
所以,
洪東勁過白無涯, 但遠不及東方無敵
這是很合理的

Okay，如果 32 層天 = 金鐘 10 關。而白無涯勁過閻王，咁閻王咪應該連 10 關 level 都無？頂到盡都係玄劫 level ! 而小虎又曾經踢死過玄劫，即係話，小虎下次再遇到閻王都唔駛再赦佢，一於再用霹靂狂龍踢爆佢。

如果咁樣計算，洪東真係好勁喎，應該同金聖老差唔多？

引用:

所以話老黃不如以後都唔好講功力高低既野喇!! 越講越亂!!

引用:

如果洪東既功力同金聖老差不多, 就應該接近11關了....

如果洪東係勁過白無涯的話，基本上已經可以食硬醉魔啦。醉魔只係差不多等於老妖，玄劫果 d level，隻 dup 的話洪東肯定係大熱門，sure win !

除非仆街醉魔出蠱惑，例如扮死狗，跟住就偷襲人地要害，否則有死無生。就算佢細佬唐萬仇黎救佢都係無用，因為今時今日o既唐萬仇已經打唔嬴群英佢地。

個人黎講，我當然希望醉魔會去賣鹹鴨蛋。因為呢個角色都幾乞人憎，就好似大家所講佢正一係條人渣。

論武功，而家好多邪派高手都勁過佢 (10 隻手指都數唔晒果種)。

論奸狡，醉魔又唔夠藍浪咁狗咁賤 !

總括黎講，醉魔已經無乜生存價值，係時間去見閻羅王。

我原來有想過老黃可能會安排老妖再同醉魔隻 dup 一鑊甘。閻羅殺鬥醉八魔，你地話係咪超精彩先？ 但洪東同醉魔又有仇口在先，所以由洪東黎解決醉魔的確係十分合理。

我唔想洪東咁快死呀。洪東乃一代宗師，論武功實在係群英之冠。洪東若然真係要死，希望老黃可以安排洪東同教主級數高手比武，例如邪神或者無敵，然後俾佢地打死。咁樣洪東死得會比較轟烈，而且會有說服力 d !

引用:

我想問，洪東勁定金童勁???

金童o既童子金身大概有 9.5 關實力，應該勁過天長老少少，同老妖平排。

但洪東如果仲勁過白無涯，相比之下，咁就應該洪東勁過金童喇。

大家覺唔覺得用層天黎界定功力強弱其實都幾 confused？

似乎用返金鐘關數會好 d d？

我覺得洪東實在唔應該再心軟。

好似你地話齋，佢曾經已經放過醉魔一次，只係醉魔自己不知悔改。

今次比武完全係公平情況下隻 dup。而且醉魔仲要犯規在先，無啦啦用毒噴洪東。但洪東都表現得好大方，佢都無話要其他人幫佢手，讓人地雙眼都仲可以打得嬴，咁仲想點先？醉魔應該心服口服啦。

唔該洪東一掌打爆佢個頭，唔好再徙時間啦。

下期個書名好鬼型 - 九霄，詠春，神鷹奪。

韋陀，等左你發威足足成年幾啦。一於打巢個死人火爆啦。

今期真係幾精彩，因為等左韋陀好耐。

韋陀實力得到肯定及認同，真係令人快慰。連王伏虎都讚賞韋陀功力不下於佢，今次烈火祖師要全身而退睇怕都唔係咁輕易。

下期書名叫做 - 聖火焚軀，灰飛煙滅。聽落好似好恐怖，好得人驚咁。但我相信都只係卓頭野，韋陀同王伏虎點都唔會有事o既 (可能只係將 d 甲賀忍者化灰)。

P.S. 醉魔抵死，哈哈哈。

係呀。

我都好想知道，到底冰火 7 重天勁 d，定係九霄真經第 9 章勁 d 呢？

韋陀同王伏虎可以車輪戰方式對付烈火祖師，應該穩打穩紮，唔會輸。

其餘蛋散可以交由石鐵，青天，小鷹，甲賀忍者對付。我覺得目前形勢黎講，都係龍記佔上風。因為原本無諗過王伏虎會出現，所以先有 d 擔心韋陀一條友唔知頂唔頂得住。但而家已經完全唔會再擔心，相反仲覺得好大機會係 win ! 同埋唔應該有任何龍記o既人會死。

其實龍一都算幾勁，所以照推斷刀仙係應該可以打得嬴烈火祖師。

睇完今期會覺得烈火祖師仲渣過金羅漢。

谷次郎雙眼睇唔到野，但佢 d 聽覺似乎都幾犀利，神火出現時，佢都好似聽得到。其實佢係咪扮豬食老虎架 ？

引用:

谷次郎會唔會已經醫番好雙眼, 而家係樹詐盲誘敵呢???

谷次郎似乎就未好得返晒，但情況應該會好過之前，我諗仲係處於康復階段掛。

佢如果真係詐盲的話，目的就好明顯啦，如你所講，想神火佢地班友仔對佢少 d 戒心，然後就黎個出奇不意，一鑊打巢佢地。但其實神火都唔係弱野，同鐵青天差唔多級數，谷次郎邊係佢手腳丫？

引用:

我估三仙既實力連金羅漢都不如,更何況金聖老!

某程度上都同意金羅漢可能仲勁過東海三仙。金羅漢呢條友仔真係好難整得死。毒又毒唔死，火又燒佢唔死，就算飛仙，刀仙果 d 無影刀，或者乜刀物刀，一樣對金羅漢起唔到咩野作用。條友 10 關金鐘罩，就算無敵用九陽神劍，都唔係一下就可以射得穿佢啦。

哈哈，你地覺唔覺得谷次郎好犀利呀？完全睇唔到野o既情況下都可以打低霹靂火。谷次郎簡直就係武學奇材，如果肯認真練武的話分分鐘會係教主級數都唔出奇。

韋陀唔夠老烈火打主要都係因為功力唔夠人地深厚，輸在年資唔夠，但我始終相信九霄 9 章無可能會差過聖火神功。

不過咁講，如果韋陀都打得嬴老烈火，王伏虎下期又邊有機會表現喎？韋陀應該無事，只係受下輕傷，九霄 9 章自保一定唔成問題o既。