下期個書名好似唔係好老黎咁，好擔心白仇或者林谷是但一個會有事，哎。

各位，其實佢唔係好欣賞佢地呢排搞埋果 d 機關野，就好似當年王小龍俾 disco 激光射死一樣，非常唔討好兼且死得毫無高手 feel。

我希望白仇，林谷佢地，就算真係要 die，唔該可唔可以安排高手同佢地打？俾高手打死，無可厚非會比較有說服力。我唔想見到佢地俾 d 死物整死囉，唔夠轟烈，而且臨死前都無得表現下佢地 d 身手。

今期書名唔應該叫做 "老妖落難"，應該改為群英落難會較為貼切，全部衰埋一堆，睇怕呢鋪要靠王伏虎同小龍先佢地黎營救先得喇。

老黃最尾話老妖將會死喎。。。慘慘。

下期應該輪到小龍發威，亢龍有悔，好呀。

引用:

如果飛仙有邪神既級數，金鐘罩８關根本頂唔浦！

休兄，感覺上飛仙其實只係碎料，完全唔係接近勇哥哥果種 level。

睇表現，同級高手好似金聖老，金如來，even 係金羅漢都感覺上勁過飛仙囉。

飛仙唯一厲害之處就係 d 輕功囉，好似 superman 咁飛來飛去，令敵人睇到眼都花埋。

哎，老黃真係好識得做生意，今期完全無交代過 3 皇同飛仙打成點。

如果大家有興趣知道有關詳情，請多付 14 元購買明天出版o既王小龍傳，咁就可以得知佢地決鬥o既結果。

上次勇哥哥去通天教打果鑊已經係咁，今次又黎，實在有 d 搵笨o既感覺。

玉兒如果鐘意勇哥哥，會比鐘意小龍黎得更有劇力。

勇哥會因此陷入一個進退兩難，正邪兩難存o既局面。玉兒屬於正派，但佢同龍虎群英又有血海深仇。為左討好玉兒，佢又唔敢對群英大開殺戒。但另一方面群英又唔會因為勇哥放軟立場咁樣而手軟，繼續打羅剎教...所以勇哥內心會十分矛盾...呢度可以有 d 內心戲寫下....

我覺得今期幾好睇呀，特別係勇哥同西城權打果段戲，見到西城權俾勇哥打到嘔血，都幾心涼。

不過，西城權實力似乎比想像中弱雞喎，完全唔似有元老王果隻 level，而且佢無咩招式可言，一味淨係識得運功。

睇完呢兩期，我對勇哥有 d 改觀，覺得佢個人都幾有人情味，呢點肯定好過無敵多多聲。唔殺老妖，羅剎女，都係因為念舊情，我幾 buy 佢呢種性格 !

韋陀真係好慘。而家每次打親交，字幕都會大大隻咁寫住 "九霄真經第九章功力" 咁樣，但觀乎佢o既表現就完全係兩碼子o既事。

各位龍迷，我翻睇左今期 N 次，勇哥哥同刀仙完全無任何身體接觸，但刀仙竟然都可以受重傷，真係好令我費解。

勇哥單憑中階黑級浮圖氣勁就已經可以將功力稍次o既刀仙震到嘔血，如果第日真係打中的話，刀仙必定會去賣鹹鴨蛋都似。

老邪神之前都用過黑級浮圖好多次去震開對手，好似以前蓋世堡，又或者響白蓮教，但俾老邪神震開果 d 對手，個個功力都肯定差過刀仙，但事後竟然無一個人係會嘔血，甚至連少少內傷都無，真係奇怪哉。

引用:

Compare with 邪神's Black Level-Mid stage.....no match

家下勇哥功力已經達到黑級中階，成本書裡面只有老祖宗，無敵，同埋老天尊先有資格同佢過兩招，其餘人等都只係一隻手指俾佢捽死o既貨色 !

今期o既小龍明顯地好睇過龍虎門。   特別係小龍 + 玉兒同勇哥哥打果段，幾有新鮮感，金童 + 玉女威力連易筋白級都頂唔順，真係勁過舊著時代萬倍。

小龍經已完全復功喇，九陰真經 7 章 + 金童寶典，唔知等於幾多關功力呢？

新著玉兒無論樣貌，身型，武功都比以前進步好多，值得一讚。  

小龍 + 玉兒最終都肯定會唔夠勇哥打，劍痴無可避免實要出手，3 人聯手應該會有得打。

哈哈，估唔到新著o既天妖只係一期完貨色，成為小虎突破至 8 陽功力後o既試驗品。

唔係好同意今期果個功力排行表。老天尊無理由勁過勇哥同埋無敵，頂多平手。

劍魔亦無理由打得嬴王伏虎同埋銀聖老。

另外，金如來同金聖老應該係同級先o岩。

老黃話刀仙功力 = 飛仙，兩仙功力都係接近勇哥 level。呢個神秘人能夠一招就將刀仙隻手斬落黎，功力一定高過兩仙。

成本書裡面功力高得過兩仙真係唔多，只有勇哥，無敵，老天尊，老祖宗。。。但呢 4 個人都唔似會咁做喎。

我覺得今期好好睇呀，估唔到飛仙同刀仙會聯手抗敵，希望佢地可以打死老仙，就算同歸於盡都無所謂，因為老仙真係好乞人憎，最好快 d 死。

好開心見到黑龍有感情線出現，如無意外，伊賀愛做硬黑龍條女。咁咪好囉，3 皇個個都有著落，唔駛食齋。

老邪神想學吸星大法，十成十係為左復功，大家話係咪？

感覺上密宗活佛應該唔係金如來果班，甚至可能連金羅漢都打唔嬴，哈哈。

今期白就個樣畫得好正派，感覺同之前好唔同。

其實老黃係咪一直都打算繼續出外傳？睇佢個樣好似出野出到上晒癮，一本又一本咁接力落去。老祖宗出完，無敵，黑龍果 d 都似乎會排住隊咁出落去。

風雷出外傳，我 100% support ! 好想睇佢延續王海蛟當年果種無敵霸氣。話晒都係 7 重天喎，起碼都要有 11 關 level 先至似返個人喇。

今期真係好春悶，唔睇都唔會係損失。韋驚世其實都死左喇，仲翻佢舊賬黎做乜？好能無聊囉。

我完全唔會擔心小鷹o既安危，我覺得佢一定會無事。

有韋陀響度，而且仲有個即將升級至第 9 關o既黑龍，佢兩個聯手的話，密宗活佛睇怕都佔唔到 d 咩便宜。

箭腿毒龍鑽只係招式，如果配合小苦 8 陽功力打出，要密宗活佛嘔幾碗血都唔成問題。但可惜小鷹只係得達摩功金級，即係等於 6 關左右，極其量都只係可以鑽盲活佛對眼咁大把，但咁做只會辣慶活佛，跟住就會俾佢打到仆街。

[ 本帖最後由 天下無敵老祖宗 於 2008-4-10 09:45 編輯 ]

他日老邪神如果練到吸星大法末段，想搵個內力深厚o既高手黎補身，倒不如直接搵星宿老仙黎祭旗好過。老仙功力絕對合乎資格，而且都已經係傷殘人仕，性格又仆街反骨，我係老邪神的話，一定會盡快將佢解決，免得養虎為患。

龍尊者真係好能廢柴，想當年佢響東京鐵塔同小虎，黑龍，石鐵佢地決鬥，大殺四方果個樣，至今都令我好懷念。

但如今佢個衰樣淪落到同嘍囉一樣，連金鐘 8 關功力都肯定無，真係唔出好過出喇。

[ 本帖最後由 天下無敵老祖宗 於 2008-4-11 09:56 編輯 ]

兩人o既打鬥只係屬於 ok 精彩。因為龍尊者好快就俾石鐵以壓倒性打到訓響地下，毫無反撲之力。

活佛出到第 5 層功力都可以輕易被韋陀搞掂，證明韋陀功力同金羅漢，金如來果 d 已經係同 level。

我反而有 d 擔心石鐵真係會被人廢左武功，好慘 !  

哈哈，我都係估下架咋。同埋我希望老黃遲 d 真係會俾返個功力定位俾韋哥，到底佢而家九霄真經 9 章練到乜野境界，大約等於金鐘罩幾多關呢？

其實我都唔想石鐵衰，但老黃臨尾講到咁樣，又話咩凶多吉少。一係佢就故弄玄虛，一係佢就真係想石鐵步青天後塵囉。

今期風雷話將會收金羅漢皮。

但睇完佢上次響白蓮教同金鵬聯手打金羅漢果個頹廢樣，我都唔知信唔信佢好。