呢間咖啡室同我一樣咁大年紀，所以特別有感情，
但我都係最近至幫襯，
60年代，屋企無電視，夜晚好鬼悶，有時會行路去港澳碼頭的平民夜總會找免費娛樂，
一定會經過「海安」，見到呢個冰櫃，
那時候�堶授\放的唔係礦泉水，而係一支支自製汽水樽裝的凍奶茶，
個陣時好想飲，但係窮學生邊度有錢幫襯，
到幾十年後想幫襯，但已經停止生產，
某日同老闆傾起點解無做，佢笑笑口話做都無人飲啦，
大家心照地笑一笑，咁就半個世紀。

引用:

原帖由 suewong 於 2010-5-4 00:01 發表


理兄這麼年輕就願意退休, 君子有所為, 有所不為. 真難得...

我有飯票, 轉工, 都掙扎很久.

p.s. 嫂夫人冇哦, 仲難得...   

Sue 姐你無講錯，我真係願意退休，仲要提早退休，53歲未夠就自己要求食「肥雞餐」，
因為想長命少少。銀行工唔係咁易捱，老細既煩，無理取鬧的刁客仲煩，做左卅幾年，乜
都夠，我眼見有幾個同事真係在職死亡。

點解我可以咁早退休？無他�鵅A結婚早，生仔早，仔女出身早，有權炒老細魷魚。臨尾個
幾年，我經常不經意地向老細晒馬，佢地先止唔敢洽我。我親耳聽過一個老細同佢直屬馬
仔咁講，「呢條友要養妻活兒，可以玩得」，你話恐唔恐佈？

嫂夫人乃典型肥師奶一名，要求好簡單，有食有住就得，難得有人幫手看住隻馬騮，求
之不得，無乜點哦。