童年冇得去旅行，阿媽話太細個，回條簽不同意，冇得去，旅行當日走去買完面包做早餐經過學校，見人地集合排隊出發，好傷心，有次哭了起來。
及後有得去，大約係四年級左右吧。緊張到不得了，成晚訓唔著，老媽子早一日就買定好多野，烚定幾隻旦，買定一罐回鍋肉/五香肉丁或者沙甸魚，一磅枕頭包，兩個生果，臨行前仲裝滿一壺凍滾水，仲俾一蚊做「責袋」，老媽子又千叮萬囑，唔好唔見左，一陣蕩失路都要識搭車番黎！

地點多係沙田萬佛寺或道風山，再唔係就係沙田竹林寺或望夫山，一係紅梅谷。遠既係青山禪院，或荃灣東普陀。

引用:

原帖由 suewong 於 2010-7-3 18:12 發表 早上亞媽會煎定午餐肉 / 蛋. 其實去到唔好食, 不過當時都唔覺. 現在的小朋友, 物質享受比我小時豐富. 但是好像我小時開心 d.

咁樣其實好難食，索晒的汁落面包度。我地興去到先開罐頭夾面包。


回鍋肉係首選。七毫子罐，午餐肉都有，只不過係細罐既，間唔中會用鹵水墨魚，4毫半子一罐。SUE姐有冇食過？

引用:

原帖由 suewong 於 2010-7-3 21:01 發表 亞媽點會比我用罐頭刀. 好像食過. 不過細個最鍾意食煎午餐肉, 即煎即食. 點解你會記得幾錢 (咁好記性) ?而家細罐午餐肉, (大陸出產), 好像要 10 多塊.  d 基層市民,  ...

俾，罐頭刀係擰個種，比較安全。我記呢D真係好好記性架，7毫子罐回鍋肉都唔算平，因為以前係以一毫子做單位，一毫子都買到好多野。不過，而家回鍋肉過十元一罐，真係慘。以前仲有一種罐頭鹵豬什，好好食，都係賣8毫子。老媽子有錢時買罐陳皮鴨做送，每罐 1.2元。

引用:

原帖由 PLAYERalex 於 2010-7-4 01:05 發表 價錢的確是老作,無mygo這樣好記性。但去深圳倒是真的, 另外看文藝表演(?)。

深圳，好細個都唔識性時，老媽子話帶我番鄉下時經過，印象中到七十年代初先真正番去，最記得去深圳前一次先去澳門，坐大船泰山號，晚上十二點鐘開航去到四點鐘，冇地方訓，到天光先上船，個時好多人都係咁。那是第一次去澳門，一早起床剛天光就走去海邊新街地痞茶樓飲茶，點心居然2毫子一碟，那時，香港已冇呢支歌唱久矣。

引用:

原帖由 PLAYERalex 於 2010-7-4 01:12 發表 罐頭墨魚 - - 我也吃過,印象中好好吃。[現在超市好像仍有]早年開始感受到「炒魷魚」的事實,就很拒抗魷魚、墨魚。現時年紀大了,更不想吃了。

而家的確唔敢食太多了。