[原創] 九龍城太子道西---竹園,好耐無試過的兩種味道

  阿標還記得竹園創業於黃大仙竹園附近，潮州兄弟班於八十年代初遷至太子道入舖，

幫襯者晚晚企街圍店候位，人山人海，極一時之盛 !


好記得當時等到位後要在門口魚缸指指點點，選擇海鮮一輪，其中當然必包括招牌菜芝士炒龍蝦，

之後吃到杯盆狼藉，海鮮亂飛，又生啤又橙汁又蔗水又生果，乜都食勻之後，到門口找數，

龍哥祇睇睇你幾多個人食，擺明將人數乘以 $100 ，就是埋單銀碼 !

嘻嘻，我地都知佢之前唔記單，吃後乘人頭呢個公式，所以一向揀海鮮都唔會點留手 !  此亦竹園趣事之一也 !

後來隨物價上漲，公式開始變為乘 $110 、乘 $120......係咁上漲，我也因其它環境因素轉變而慢慢少去了 !

估不到現在已變為定額收費套餐方式經營，這不正正就是龍哥當年心算埋單法的正規化嗎 !


竹園在八十年代中還有一個非海鮮類潮州拿手野，唔知有冇人食過 ? 仲有冇人記得 ?  


有一次宵夜時間去，食完海鮮，龍哥行埋黎問 : 剛巧煲左一煲翅，有幾碗多，吃不吃 ?

當然吃喇 ! 盛出來一看，大大碗，深深色，熱騰騰的，吃在口中，嘩，大大條翅，湯濃膠滑，必落重火腿豬皮，甚或豬油埋獻，

當時我地後生擦得，衹覺得好吃，那有而家咁計往哂乜野�e固醇�� !

吃後問價，龍哥收我地五十蚊一碗，之後再也吃過三兩次，再隨後店內有冇常設此物供應，阿標就不大了了 !  



再補充一�鵅A阿標最後幫襯九龍的竹園，已是九十年代初的事了，未知現在食物水準如何 ? 也不知龍哥仍在否？

至於香港跑馬地的竹園，記憶中在新開張頭半年去了幾次，印象中是沒特色，頗普通，之後也沒光顧了！

[ 本帖最後由 billchan1969 於 2006-8-25 11:08 PM 編輯 ]