呵呵，見到好多柴，以前有富人才買得起靚柴來燒，如坡柴等。
一般人都會去執一些爛木板、地盤起出來的石屎板回來燒。坡柴有人破好，而石屎板就要執回來自己起釘才破開，十分克苦。
而家D人，電磁爐都嫌慢，以前煲煲水，最少四十分鐘。

引用:

原帖由 suewong 於 2010-8-3 17:24 發表 有個uncle 話我知，1 家 9 口，佢係大哥，帶住班細佬妹，執地盤木板來燒。由細至大，無零食，玩具。 後來做救護第 3 把交椅。香港真是好。

真係差唔多唔買柴架。執得到既野點會用錢去買呢？最多咪辛苦D？

唔記得係六幾年，好似六四，制水，見D人去担D黃泥水番黎用，由於實在太污糟，去藥材舖買一毛子白矾(如冰糖一樣結晶，不過不透明，白色)放在水中，過一晚，讓其沉澱，第二日，就可用黎洗衫。

香港上一代人的辛酸，現代人又如何得知？

引用:

原帖由 suewong 於 2010-8-4 23:51 發表 匪夷所思，從來無想過牛頭角道，咁近海。想起亞哥話，當時中環半山，風涼水冷，有無敵海景。E+ 得條罅。

當年淘大花園，真係豉油廠黎架。

引用:

原帖由 comm 於 2010-8-5 14:20 發表 好多時念舊香港靚定依家香港靚?1

自然美對人工美。

引用:

原帖由 dw194711 於 2010-8-6 14:57 發表 係1963年，嚴重水荒，全港水塘存水量僅夠43天食用。當局宣布由六月十三日開始每隔四天供水四小時。狼狽之情，實難忘懷。

真係唔記得，有水那天，放學回家就問老媽子：今日裝左幾多桶水？

引用:

原帖由 suewong 於 2010-9-2 20:12 發表 亞媽話，嘉林邊道，以前是有錢人住處。嘉林邊道同九龍城寨，真是好近喎。考起!!!

唔出奇架，以前九龍塘森麻實道真光女校，有錢人住區，一入隧道仔，天與地也，那裡就是木屋區，豆腐工廠、五金電鍍廠全部這裡，一過左火車橋一落山，就係九龍仔，同又一村又差不多了。即現今城大附近。