我都唔想打爛你飯碗，不過你咁賣廣告法，我就比少少意見，我好多車行行家都遇到你地所謂專業既驗車，老實講，行外人就覺得你好Pro，我有個行家就比你地行家(費事講到咁明)打壓落水箱試漏而谷穿水箱，睇車身重攪笑，用部度漆機黎度厚度，我地一眼就眼到有無返噴，你有無見過車行用呢D咁既野睇車，其中最攪笑用部機度偈油是否要換，大佬，直情換油咪重平過搵你地度油，你地度電都咁死，電池老左就要換架啦，度乜鬼呀換舊電都係幾舊水，唔通因為架2手車電池舊就唔買部車咩！你再0係度賣廣告我就唱你一次，睇你重來唔來

引用:

原帖由 Jeff9394 於 2010-11-30 15:46 發表

真 係 唔 講 唔 知
我 係 想 知 佢 有 冇 帶 X 光 機 同 架 車 個 藍 圖 同 parts list

X光機就無見到(可能未出動)，笑彈就爆到全行都知，所以聽到準買家話要驗車就會問清楚，上架就無問題，呢間尖端科技你就睇第架啦，唔好搞我，無一次會話你架車正常，夾硬都要話架車有事，之後就對準買家話買唔買你自己決定，以往我跟準買家去車房上架，D師父有事就有事，要幾錢整，正形就話正形，咁人地先有預算買要比多幾錢維修

[ 本帖最後由 車行初哥賣車人 於 2010-12-3 03:16 編輯 ]