結婚

本來都無乜plan過，不過見最近我兩個堂大佬堂家姐結婚，我覺得家下d人擺酒都係差唔多，無呢新意，等我呢個所謂「捌拾後」講講我既理想結婚：

海灘 / 海邊，響一個欖枝拱圓門下，由證婚人主持行禮。

雀局二十台至三十台，與眾同樂。中國人生性好賭，無香港特色點叫結婚呀？

我唔鐘意拘謹，如果情況許可，或者新娘準許的話，婚紗、禮服可以從簡，下身著短褲得啦，反正係海灘，大家都可以落下水。

liveband演奏 ok啦，唔一定要出錢請人黎表演，自己fd底上台玩番一兩手。

食魚翅鮑魚一d都唔環保，建議自助餐解決問題，鐘意點食就點食。

拿，總之人情隨量，公價五百，有歌聽，有雀打，有野玩，有酒飲，又唔會得失長輩，唔知眾前輩點睇？


p.s：眾前輩，久別不見！祝各位身體健康！