引用:

原帖由 老搜 於 2011-5-1 00:02 發表

附上幾幅菁姐於1976年出席其 LKW所屬之凱聲餐廳開幕典禮.  !

好高興老搜兄搜到我飛佛女星一些舊照！

呢幾幅相比起我樓上嗰幾幅，相距八載，幸見李菁風韻猶存，看似生活康泰，稍感安心！

從個面嚟睇，係肥咗少少。因角度問題，不知其它部位情况如何，於此，還望comm兄跟進，看看有否碍眼！

引用:

原帖由 老搜 於 2011-5-1 21:47 發表


...下圖左一為1963年中學運動會時秦沛, 左三為修哥弟胡瑞華. ...

那老搜兄是否在相內呢？

相信老兄比我早三數年接觸邵氏片場之人與事，能否將見聞（又或其它相片）於此與大家分享呢？

引用:

原帖由 suewong 於 2011-5-1 18:39 發表

還有適量運動

黃小妹妳用「適量」呢两個字相當好！

好多人本末倒置，尤其响减肥方面，不從口着手，迷信運動萬能，忘記了何謂運動創傷、勞損，以至後患無窮！

除咗創傷，我有幾個朋友，行山、打波、游水、喪跑樣樣做足，好奇怪，皆患有高血壓。

究其原因，因運動量大，例如原本食两碗飯，自然有需要食double即四碗。米飯乃澱粉質，炭水化合物，好快在運動時消耗，問題不大。反而係你運動後胃口奇佳，送嗰四碗飯要食多double嘅餸。白飯冇好味嘅餸去送，冇人鍾意食，而好味餸必多是香濃，即多油、多鹽、多醬，日復一日，積聚而成三高禍患矣！大家小心！

引用:

原帖由 老搜 於 2011-5-3 23:58 發表

60年代初, 香港每年元旦日都舉行了國際元旦長途賽跑, 賽跑起點是九龍城聖三一學校. 途經太子道,.

其實除咗老搜兄提及60年初之元旦日國際長途賽跑起點於九龍城聖三一學校側之小型足球場外，當時每個區民政司處都會舉辦一些小型長跑。

大約1968年我曾參加過深水埗區長跑，起點於深水埗警署側波地（我相信係西九龍中心現址）沿長沙灣道去到美乎油庫荔園附近，番頭入荔枝角道回警署。跑完雖未至於嘔白泡，但脚抽筋，抵死！花�c猄，見人跑我跑，全冇賽前操練，後患係以後玩親Judo一發力就脚抽筋，唯有橙帶止步，冇敢再玩落去。

仲好，其實我考到橙帶後早已不想再玩，因見好多師兄弟有傷患，everything happens for areason…，感恩呀！

�M家先至明乜嘢叫做運動創傷，好彩為時未晚也！

引用:

原帖由 理魯竇 於 2011-5-4 14:22 發表
蘇錦棠先生係我兒時偶像，他是上環卜公花園花王（管理員），讀小學時經常見佢操練，淨係記得佢碌腳好粗..

犀利！

理兄咁行法，睇嚟碌腳都唔慌幼得過蘇錦棠先生幾多矣！

引用:

原帖由 老何 於 2011-5-4 18:22 發表

獅子頭..........行到這角度地點, 小心,小心.

各位老鬼有否記得某年某日，Albert兄個前宗主國突然玩嘢，放手發動羣眾，揾咗啲摩星嶺、調景嶺人士組成攀山隊爬上獅子山一嚿大石上畫咗佢哋個黨／區／省�鴃A（我唔敢响度描述得太明顯，驚國安局啲人週我話我搞分裂，總之你哋明係點�豲漶A一個白色圓圈，緄白色狗牙，藍色底）全港人民抬頭皆見，大到連對面海都清楚睇到。

港英政府大為震驚，生怕毛Sir發爛渣話佢管教無方提早收番香江，嗱嗱淋漏夜派遣蜘蛛俠上山剷甩佢，真搞笑！


[ 本帖最後由 mtpen 於 2011-5-4 20:42 編輯 ]

引用:

原帖由 suewong 於 2011-5-4 20:03 發表


曾經有個風水師 (蘇文烽??), 話獅子山是窮山, 所以獅子山下, 住既人都是窮人.

咩話？嗰陣時冇高樓大厦，阿水抬頭都見到獅子山�豲漶I

我哋九龍仔大坑東啲居民，個山仲直程晌頭頂添。佢用咁傷害人民感情嘅說話去侮辱我唔緊要，因我哋住緊木屋區、七層大厦，都算嘞，但連老何兄住响九龍塘豪宅都辣埋就太不像樣了，我定要誓死捍衛老何兄嘅聲譽，反對呢亭辱民言論！抗議！

妳叫呢條九流風水佬去跳海喇！

引用:

原帖由 老搜 於 2011-5-5 13:46 發表

臨上機前她交給老搜一對親筆句聯, 以代表她此行心意! ...

好一個哀怨纏綿嘅當代偉大愛情故事啊！  

嗱，老搜兄，小弟有理由相信此乃上集而已，小弟正在熱切期待緊下集呀！你咪鬼話我知此乃大結局呀！唔收貨呀！

我之所以咁肯定呢件事尚未解決，皆由於才女Lorita嗰對對聯而引發。

我中文根底唔好，理解力產生障礙，但我係你我就唔理三七廿一，你當我明又好，詐唔明又好，我會故意選擇用我自己鍾意嘅想法去演譯，unless I hear to the contrary from Lorita personally。

上句: 蝶者，Lorita也；風者，泛指大家也；有趣，即係話we both have got lots of fun。  

下句: 人者，老搜兄也；月者，Lorita也；無聊，指Lorita冇瘾！   

老搜兄，革命尚未成功、仍需努力！  


[ 本帖最後由 mtpen 於 2011-5-9 11:00 編輯 ]

引用:

原帖由 suewong 於 2011-5-5 20:55 發表


ah Sue 改慣功課 - ...

嗱，黃小妹做初一，我做十五�謕Q，希望老搜兄玩得莫見怪。

我想試吓改成咁:

蝶來風有趣 -- > 蝶來風有信 -- >時來風送信  
人去月無聊 -- > 人去月無聲 -- >人月两團圓

相信咁更配合老搜兄嘅景／境願！



[ 本帖最後由 mtpen 於 2011-5-5 22:46 編輯 ]

引用:

原帖由 suewong 於 2011-5-5 20:55 發表


與 老搜 兄的文章流露的個性 (重情義), 非常吻合...ah Sue 改慣功課 -...

嗱，一係咁，為賦新詩強作愁，不妨悲情and/or壯啲，橫掂都係阿聾燒炮咯，散就散啦！

蝶來風有趣 -- > 蝶來風有信 -- >時來風送信 -- >蝶來花無意
人去月無聊 -- > 人去月無聲 -- >人月两團�^ -- >人去月有恨

引用:

原帖由 老搜 於 2011-5-5 22:46 發表

no la....風月無聲, 何堪那南洲相隔萬里, 情誼巳有交待  就算神女有心, 那襄王巳無夢.  

未住，老搜兄，最新消息，我剛跟才女Lorita搭上 - 電話，她明示、暗示跟你餘波／情未了，實屬可喜。換句說話，你對她可仍然負有責任，if you so desired。

原來她亦有看xocat此forum，奈何她應承過自己，絕對stick to the principle做個CD Rom，只讀不寫，所以着小弟我代筆。

又因她久居彼邦，腦部思維反應，已將番文自動調校為第一運作語言，故當日贈你之詩／詞／對以漢文書寫，或會過於隱晦以至詞不達意，歉甚。

現重新以番文忠實地咁表達佢自己，以示佢內心原意：

漢文原文:

蝶來風有趣
人去月無聊
南洲山婦書

番文原意:

Here comes the butterfly bringing the wind with fun and smile,
There gone my love leaving the moon without mood to shine.
Composed by Recluse Lady of South Continent

引用:

原帖由 老搜 於 2011-5-6 16:41 發表

哈! 擁電訊專材既筆兄, 聯繫確是神通廣大, 有謝你的心意 !   

老搜兄，襯你响度就啱嘞，我又剛收到才女Lorita長途電話，交帶小弟再贈老兄詩一首。

因內容相當感人，短短十四個漢字，我要擲筆數次，待心情平復良久，才能繼續執筆寫下去，正一聞者傷心、聽者流淚，但願天下有情人同聲一哭：

蝶舞花前人嫌早
等得君時天亦老
南洲山婦書

山盟海逝時唔記得講過乜.? 我曾承諾某人會同佢用12隻腳一齊漫步沙灘,但宜家連電話都唔敢比佢.. [/quote]


版主兄，咁咪即係又多情又冇記性？

今鋪我唔多爭老兄矣！

多口問句，何來12隻腳一齊漫步沙灘？就算四腳爬爬加埋都係八隻啫？

至於打電話我至叻，你話我知曳邊瓣，我幫你打，老搜兄單嘢咪我搞嘅，就嚟埋尾��嘞！

引用:

原帖由 suewong 於 2011-5-6 21:42 發表


有親戚捉姦在床, 仲比丈夫惡言相向, 離婚後, 不停比苛索金錢...

乜話，咁都得？你哋冇人support你親戚嘅咩？  

條C6用乜藉口去苛索金錢呀？打得呀？乜咁怕事�謘H有痛脚？

引用:

原帖由 dynmv 於 2011-5-6 22:18 發表

加埋2個人4隻腳.

版主兄真係搞笑嘞！

唔使咁早用住係話？

引用:

原帖由 dynmv 於 2011-5-6 21:22 發表
[quote]原帖由 mtpen 於 2011-5-6 18:43 發表

最痛唔係人老,而係曾承諾嘅野做唔到,...

咩叫做唔到唧，再上，我十扑你！

老搜兄咪成30幾年後再打電話都掂？唔怕喎！

引用:

原帖由 dynmv 於 2011-5-6 22:56 發表

都係我嘅錯....搞到老婆番大6包2公...離我而去.而某人係我..承諾將來同佢某 ...

咁睇嚟版主呢個現代愛and／or多情故事同老搜兄都有得fight！慘！

可惜小弟文思未到，否則我會代你嗰個某人送首詩俾老兄你，以表心跡。

不過暫時我揾到一首大師級作品，啱啱哋老兄（及老搜兄），聊勝於無。佢嘅作品唔講得笑，比起小弟响樓上代南洲山大嫂作俾老搜兄嗰首乜鬼蝶舞花前…嘻哈塗鴉，真係立分高下。恭整唔在講，有境、有人、有意… you name it。

佢仲多情過版主呀，詩中所提及之情人，有人話可涵括親朋戚友，當然包括honey呀、好兄弟呀…等等啦！

佢就係我飛佛，張九齡大哥，就讓我代某人及南洲山大嫂送俾版主and老搜兄respectively:


《望月懷遠》

海上生明月，天涯共此時。
情人怨遙夜，竟夕起相思。
滅燭憐光滿，披衣覺露滋。
不堪盈手贈，還寢夢佳期。
張九齡

引用:

原帖由 dirtyoldman 於 2011-5-7 10:18 發表


老搜前輩此事令我想到陸游與唐婉，送你兩首釵頭鳳： ...

好！好！

引用:

原帖由 dirtyoldman 於 2011-5-7 10:18 發表


老搜前輩此事令我想到陸游與唐婉，送你兩首釵頭鳳： ...

橫掂大家詩興大發，我仲有一首詩，其意、境都好啱版主及老搜兄嘅，謹代表��两位嘅舊相好送上:

《花非花》

花非花，霧非霧，夜半來，天明去。

來如春夢幾多時？
去似朝雲無覓處。

白居易

引用:

原帖由 理魯竇 於 2011-5-7 17:39 發表

..跟住佢就好順口咁念佢首新詩俾我聽: 從前明月光，亞媽煲靚湯，亞爸落毒藥....全家死清光。..

咁細個就被教到咁evil，真係大鑊！

希望唔成風氣，亦未成文化。

稚子無辜，完完全全係佢哋父母嘅錯！

Who suffers most? Their parents, unless they’re orphans!

引用:

原帖由 dynmv 於 2011-5-7 17:34 發表

多謝mepen,dirtyoldman 關心贈詩. 但我能夠打開多年心結,都係全靠呢首詩.

好詩！  

版主真高人！難得肯受詩經教化，自己又睇得開！

重新上路吧！加油！



[ 本帖最後由 mtpen 於 2011-5-7 22:45 編輯 ]

引用:

原帖由 老搜 於 2011-5-7 19:33 發表


有謝dirtyoldman兄及筆兄嘅釵頭鳳及望月懷遠, 花非花, 現在消化之餘,  

老搜兄你番嚟就好了！

我嘗試跟進老兄單case幫你做賽後檢討，發覺老兄佢乃情場高手。  

首先，主動權從來操縱响你手上，之後又能收放自如，道行之高深，已達至業界之最高景界，犀飛利！

而四大情場金科玉律及業界守則都有兼顧到:

1. 可遠觀不可亵玩焉；
2. 唯女人與小人難養也；
3. 人身自由；及
4. 經濟層面。

小弟不才，但亦嘗試解讀此四大守則之精粹，惟若有錯漏，萬望老兄或各同業指正／叱。

1.女人，尤其是美女，正所謂美女如花，既然係朶花，睇吓就好嘞，何堪俾你摧殘呢？所以陶Sir淵明一啲都冇教錯。兼且獨樂樂不如眾樂樂，咪鬼霸住哂啦，等好嘢可以大家分享吖嘛，係冇？

2. 先此聲明，我執孔老二呢個封建祖師口水尾咋，黃小妹睇完千祈咪去平機會舉報我sex discrimination呀！所以當年一貫正確嘅盛世共和祖師嗰位太太毛夫人搞批林批孔，我都有份响香港淪陷區幫手助／叫陣，為拯救嗰啲撑起半邊天而仍受萬惡嘅男權社會所欺凌嘅弱勢婦女發聲。

3. 正所謂不自由、毋寧死。自由乃聯合國憲章指明之基本人權，雖曰一鳥在手，惟一個銀有两面，冇理由因一棵樹失去整個森林，係冇？更失去基本人權中之自由再去選擇，超錯！

4. 食完飯去找數，一個人平抑或两個人平啲？唔使人教係話？

縱觀各項，老搜兄乃大赢家！

至於版主大哥，經佢樓上所述，我亦已放心了，因佢已受胡老先生之詩經教化，經已得道，事情得到完滿解決，人亦幸免於再次被褫奪人身自由了，善哉！

引用:

原帖由 老搜 於 2011-5-7 20:55 發表

嘩 !  玩到咁大劑, 唔知點收科 !      

Let bygones be bygones, 唔好再講啲翳肺嘢，不如講番邵氏啲靚女，老搜兄有否記得一入片場門口更亭，右面是行政大樓，隔條車路對面山邊乃宿舍，李菁、何莉莉等眾星皆居於此呢？

引用:

原帖由 dynmv 於 2011-5-8 08:41 發表

照老兄講咁我咪4違反.

1, 掌握在手嘅野係最實在,
2, 重視女人嘅感受,處處為佢著想,
3, 為表明清白,成日要報到,
4, 男人搵$女人洗,天公地道.

係呀，釘牌事少，日後手尾長事大呀！純粹一個錯誤決定，就累老兄一世冇得甩身矣！  

就讓小弟逐點跟老兄詳細分析，以免萬劫不復呀：

1.掌握在手嘅野係最實在 - 啱，之不過睇揸乜啦，好似金、銀、股、樓就冇問題，但人有脚，尤其是女人，會跟老許呀！

2.重視女人嘅感受,處處為佢著想 - 都啱，之但係揾個拍吓拖做吓honey就算囉，無須定硬一個吖，浪子係咁模式嘅啦！

3.為表明清白,成日要報到 - 初初都幾果制，幾有情趣嘅，honey呀？你家陣响邊度唧？厠所呀？開大定開細唧？用咗幾多格厠紙呀？疴完記得洗手喎！你一廂情願貪得意以為去表明清白，佢慢慢就take it for granted，唔再領你情話係當情趣，烚吓埋啲，烚吓埋啲，借關心為名，行使剩餘權力／利為實，以宣示母儀天威，為監視而監視，咁老兄就蝦碌兼芥辣矣！

4.男人搵$女人洗,天公地道 - 亦唔錯得哂吖，不過跟第二違反相同，想揾人幫老兄你散錢，出句聲由西環排到去到小西灣，一定大把女仔制，定喎！


[ 本帖最後由 mtpen 於 2011-5-9 10:04 編輯 ]

引用:

原帖由 dynmv 於 2011-5-8 14:08 發表

原來咁有學問,早幾十年知咪好囉.
宜家只係睇下有無緣份,有個女人肯陪我終老就心滿意足啦.

老版兄唔使愁喎，�M家至知都一啲唔遲吖！正一Late is better than never呀！

之所以小弟响呢家嘢咁有心得，唔怕爆響口，我係呢瓣嘅遠東權威，因我係國際河東獅子共存管理執業人員協會大中華區分社永遠榮譽主席，我oversee哂两岸三地各分部運作、行政及策略事宜，每日都見落唔少同業落鑊，惟好多時都欲救無從，個個久唔久就退會一陣，話由得佢死啦，叫我唔好多管閒事。

唉，我其實都冇乜瘾再做落去，一隻二隻都唔聽我勸。最衰當初貪過瘾接受咗委任，話明係永遠，一日係主席，就一世席！

嗱，老版兄，想揾個女人肯陪你終老一啲都唔難，三幾仟蚊包搞掂，平嘅有印印，一係豪啲吖，貴少少用賓賓吖，貪佢識幾句番文嚇得吓人，做主人身份都升呢吖，係冇？






[ 本帖最後由 mtpen 於 2011-5-9 11:19 編輯 ]