嘩！今期赤老溫超勁...如果以後keep住勁落去,睇嚟有機會做下一任〝蒼狼〞
但有一格圖令我諗返起『ＩＱ博士』入面果個則卷千平...由傻樣突然間變得好英偉果個樣 ...
笑到我冇命

風鷹洒酒祭洪大龍果段戲,如果再加長少少...
加插合撒兒對洪大龍的評價,可能會好睇Ｄ

搞鬼咯...今期頭果一章笑到甩肺,女版斷背山...仲要係現代愛情故事版本...
通通做神父就更加搞笑
劉伯温著起套西裝都幾型喎

我反而擔心日陽君的情況...
就算俾老朱救返唔駛死,
但會唔會又因此俾合撒兒打殘而廢功
成兩期都冇講老劉 & 豬扒果面的戰線,
唔知老劉套到Ｄ咩料返嚟

赤老溫 vs 張士誠 ,又幾好睇喎
有一段我自己幾鐘意的...
張士誠用侵蝕掌勁反攻,但赤老溫出拳截擊...
然後再吐勁監生反方向屈手指,指甲再監生飛開...
嘩...detail 到吖 ,幾有迫力

引用:

原帖由 ada1128 於 2008-9-26 22:01 發表
老朱個段得d咁多,,,,,,,,,,

第800篇回覆

引用:

原帖由 不平凡人 於 2008-9-28 05:31 發表

我都覺幾正...
不過呀木兒嫂成日影佢諗呢樣諗o個樣....煩唔煩d???
呢度我減哂分..就算你之後話因為要另木兒愛上老溫...跟住同佢搵地方養傷..o個陣情不自禁攪埋一堆..點知木兒不自覺運起極樂魔功...吸到老溫彈盡人 ...

係 lu...雖然話白鹿遺憾攪到帖木兒對自己完全失哂信心啫,
但都唔好整到蒼狼嫂婆婆媽媽咁啦
以前果個機智冷靜的帖木兒去咗邊呀

今期劉伯溫終於出返場 lu,
同〝虎〞的二師弟鬥法都幾搞笑
不過我估最後出現果個一定係百顏

今朝小弟重溫80 -- 89期 ,有一個想法...
# 80 , 張君寶與宋帝昺君臣一會,期間宋帝昺向張君寶落格殺令追殺朱元璋,
然後武神戰器自行啟動走咗,
當時張君寶就諗 : "連關聖帝君...也不認同主子嗎？"
但今日重溫,突然間有一個想法...
武神戰器有可能係去履行宋帝昺的格殺令,
因為武神戰器極期量只係一部機器,
雖然有關羽的魂魄,冇肉身但有思維意識,
可惜文天祥創造武神戰器的原意是替〝君主〞衝鋒陷陣殺元軍,
所以我估武神戰器有可能係去追殺朱元璋

引用:

原帖由 sammy20072007 於 2008-10-13 13:47 發表
今期結尾�麙曭鷩s又唔知係邊個呢？

一定係魔童陳友諒啦,仲可能係已經快高長大的陳友諒添

唔...今期主要篇幅都係圍繞十三翼最後上場的人物〝十三〞,
由十三的母親懷胎至小朋友階段,都好有悲劇/宿含 feel...
不過十三由閉眼至開眼的感覺,就有Ｄ似聖鬥士的處女座沙加 .
睇嚟依家出場的十三,距可能係有人格分裂...
...除非扎木合揾到黑死病,如果唔係都會做住十三翼入面的二打六 ,

今期都係老劉交待預知的結果...冇乜特別...
但又覺得哩個"十三"可能同陳友諒有Ｄ關係

引用:

原帖由 不平凡人 於 2008-11-8 12:07 發表
真係好耐未試過比一本漫畫touch到....由其港漫...
但係呢本天子..今期真係好正...最正係通通佢喊o個幕...o個段傍白.....睇o個陣個心都痛埋~~~

我睇到心都"up"埋...
估唔到嚟緊100期先搞單咁的嘢 ,
更加估唔到的係扎木合會死 ,
睇到扎木合咁的樣,好唔捨得距死

我就覺得拖雷俾扎木合插完之後...有可能生性好多,
仲可能好績極去完成扎木合的遺願去揾黑死病

今期結尾出現果個武神戰器有Ｄ驚喜 ,
變成射箭為主的遠攻形態,
肯定係常遇春裝上咗武神戰器

引用:

原帖由 不平凡人 於 2008-11-17 01:39 發表

o個下係幾突然ga...e+全場真係冇邊個可以同十三打...(講到佢咁勁...玩哂啦...)
不過..劉伯點會計到武神會黎呢????

話時話..金兄..多謝你加分..^^

加分少意思嚟啫
我估陳友諒主導十三的身體係有時限,
畢竟＋三的身體都唔係陳友諒的真身,
情況就好似韓山童上待女身咁掛
何況聽陳友諒的語氣...可能仲有另外12個意識存在...
如果果班意識群揪陳友諒,
陳友諒都幾唔得閒
如果個武神真係常遇春裝備咗,
咁十三翼中完全冇乜攻擊力的拉琪又點呢...
常遇春到咗...咁武當七俠又會唔會哂冷咁到齊救群雄？

引用:

原帖由 sammy20072007 於 2008-12-1 16:08 發表
今期�嚗@情其實幾好睇，十三�鶿q幾感人，令讀者好清楚感受到十三成為十三翼�鴾葚籉P十三翼各人�儱P情，另外神棍同合撒兒一句說話令大家醒水call大鷹幫拖都幾有神來之筆，睇得出佢地係一樣醒水�鴾H！

我就覺得武神•常遇春力敵魔童元神幾有power,
而且當拉琪叫春 果陣,起初以為常遇春會分心俾魔童元神一嘢掌刀劈一嘢...點知原來係因為〝愛〞(同通通的情節差唔多)而打高幾班,仲一嘢將魔童元神劈開兩件...都好驚喜吓 ...
但話時話...韓林兒同魔童都係元神出竅,唔知距地兩個會唔會開拖呢？

最後...胡大海駛唔駛死呢？

咁仲揾唔揾〝天翔五靈〞�謘H

今期都係冇講武神戰器點樣遇上常遇春...
老劉又點樣估到常遇春會嚟？
美中不足的是〝虎〞俾奇后一刀殺死...但咁樣死真係益咗距,但又可以話係報應...
〝虎〞最起碼都死喺朱元璋的《乾天龍爪手》手上吖 ,
起碼俾老朱報咗〝虎〞圍剿洪大龍之仇嘛

引用:

原帖由 iamkennyger 於 2008-12-19 21:51 發表
今期老朱卒之對上世尊之子，不過冇預期中o既大戰，因為老朱攻入金陵後養尊處優、縱情酒色，功力大倒退，輸得好慘！
我幾喜歡呢種人物描寫，唔會話一面倒咁升lv，話俾人知主角都係人，都有懶散o既一面同其他缺點，睇 ...

世尊之子出場,最估唔到的係月影姬做咗波斯明教的教主夫人...
徐達 & 常遇春用武神戰器都運用到得心應手,好勁...個 feel 好似〝戴志偉 & 麥泰來〞咁

我都覺得寫主角退步都幾搞鬼...
去夜總會俾大婆踢竇...
諗住喺班�c面前表演自己有幾勁,仲要一打二...點知 ...
老朱著戰甲先攪笑...我搭巴士果陣都唔覺意笑咗一聲

同武神戰器匹敵的會係呂布 , 夏侯惇 or 劉備呢？

引用:

原帖由 元朗躉 於 2009-1-5 02:43 發表
睇完風雷傳，佢後面專欄有d乜乜08回顧o既野
佢地話天子6 會o係150期完~
你地覺得佢地可唔可以o係唔那西、唔飛書o既情況150完?

...

你太唔了解老黃的作風喇
根據以前《神兵３》變做《神兵３.５》的經驗
《洪武》到時150完咗後...
就會立刻出《洪武大帝１.５》或者《洪武大帝２》,信唔信

引用:

原帖由 ada1128 於 2009-1-23 00:05 發表
朱升後期又無比老朱屈到死呢

朱升獻「九言策」後，即被拜為中順大夫，備受朱元璋器重，連年被征召問策，助朱元璋克饒州，下處州，搗江州，在鄱陽湖大戰中，朱升知彼知己，以先發火器、次發弓弩、再短兵擊之等計，大敗陳友諒，創造了以少勝多的戰例。朱元璋南征北戰十餘年，終于在元至正二十八年（1368）都于南京，朱升被征召入京充當謀臣，先後被授侍講學士，知制誥、同修國史、翰林學士，並與諸儒編修《女誡文》、《齋戒文》。明王朝建立後，朱升深知伴君如伴虎的道理，毅然決然地選擇了退隱。果然，朱升離開南京後，南京有了血腥之災。朱元璋在20年不到的時間里，由於看到功臣佔據高位，兒孫十分文弱，為保萬代江山，害怕開國元勛擾亂，製造了一系列冤案。他將原封的64名國公、列侯、大將等，殺了34個，受株連的竟達十幾萬人之多，許多功臣死於非命。而朱升卻因及早抽身得以保全，終老于鄉間的林泉之下。

今期幾鐘意睇合撒兒果段內心戲,
眼見十三翼殘缺不全,大哥鐵木真早已經死咗,軍師帖木兒又因私怨而擅離職守走去咩,脫胎換骨的赤老溫 & 札木合又死得早,哲別...王罕&柯額侖又瓜埋,拉琪跟咗俾魔童上身的〝十三〞而行縱不明,百顏又要扮一世皇帝去穩住元朝大局,拖雷 & 朮赤又有待磨鍊...自己又因為同張君寶對戰而受內傷,功力不斷流失...
老一輩死咗大半,除咗拖雷 & 朮赤...後生果一輩又睇得唔打得...青黃不接咁,漢人果面的勢力又不斷急速成長威脅元朝,外憂內患加埋自己的內傷所營造的壓力,我哩個作為旁觀者的讀者都睇到身同感受.
哩段內心戲真係幾正