Sue姐講香港男人沒有男子氣慨，可能中學都要開始教點做一個男人，哈哈。成熟如否都係睇有幾多經歴，同會唔會反省。不過女人睇男人基本要求係咪有責任感。因為愛人與否係感性既事，照顧愛人係好理性，一定係左度右度。當日同ex分手，佢老豆有末期肺癌，一個月要兩萬銀化療藥，佢自己都要賣車，但呢啲病無話幾時完，個個月都係負數，自己唔忍心，最後每個月都俾幾千佢，講到明唔使還，不論外人點睇，無啲經濟實力都做唔到。男人係要有情有義，太多又唔得，男人真係唔易做

  PEN兄前輩即係前輩,都睇得相當部份既港女既思維好有問題, 我試過同一個同行姑娘响FACEBOOK認識,咁傾過一次電話,都發覺大家唔係咁啱咀形,咁都算呀,佢仲即刻DELETE埋我,雖然係無咩損失, 只不過係欠啲風度囉. 就算係分咗手,我覺得值得幫既我都會幫,但最少EX都會APPRECIATE我嘛,人對你好唔係老馮架,但好多港女都唔明呢一點, 以為男人咁做係應份.

問心我拍幾次拖,除咗係某幾次黑面外, 一句都唔會鬧啲女朋友, 愛得你自然唔想你難受, 但係好多港女以為咁樣係個男既怕佢, 其實男人忍受都有限度,到一日頂唔順, 正如船沉一樣,唔會仲响船度左鬧右鬧,當然係九秒九放舢舨鬆人.

啲港女話成日啲港男無個好, 但係人哋係好仔唔代表人哋係博愛,咩女都愛,正如我每個月科水去幫EX, 咁我好肯定個現任女朋友一定大發雷霆,點解仲要藕斷絲連, 係咪同佢仲有路,   

我可以對女朋友好好,但最少我係覺得值得先,但香港地好女仔唔少,只不過壞既更多.哈哈.

SUE姐呢個問題的確問得好, 我諗錢係佢揾既,佢點洗係好難去管, 科水一事自己都做得出, 咁呢個世界都會有另一個人都會咁做, 只不過係值唔值得幫, 因為男人係好小氣架,哈哈,不過我無女朋友喎, 科水一事都係同自己負責, 當然呀,我都計過自己既能力, 現在個個月最少1/3人工淨.

認識一港女,佢人工多過佢男朋友一倍, 佢男朋友三張尾,結婚有一子, 女的三張頭,打政府工,都好樣既, 男既對女既都夠差啦,騙財騙色,住又住响女既,白食白住,離離合合幾次,個女都係要樁過頭埋去,為條佬連仔都落過,條女身邊既朋友個個都唔贊成佢哋响埋一齊, 四月尾女同男既分開,晚晚收工女既去飲酒消愁, 最後女既又揾番男既, 咁又响番埋一起, 早兩日响面書度傾,女既一樣申訴男又同佢嘈. 感情既嘢無得好講,好主觀值就值,唔值就唔值, 女既問我會唔會覺得佢係抵死, 我只係答:如果最後都係分開,我替你所托非人而可惜, 就算你鬧爆佢,女既唔死心一日無嘢好講.....  你話港女一味係衰, 呢個一定唔係衰,只係無諗到自己嗰ART, 去戀一場無幸福既愛. 最大優點係最大缺點, 有無好男人打救佢呀  

當然啦,如果唔係玩玩吓, 自然係要計劃將來, 只不過人人計劃唔同,咪有爭執囉, 好似80後好多工作人工低,工時長,無錢點計劃將來喎,呢啲係大家都要面對現實. 連返工既同事都問我點解要行船,又辛苦,又危險, 呢啲都係個人取向唔同, 但係要有將來,一定有啲嘢今日要付出,

只不過好多港女唔認同呢個諗法, 行船十年,係長定短? 現今人們都係有酒今朝醉, 自然係長, 但對我嚟講,無十年前讀護士,根本唔會有今日既翻身機會, 以現今既環境,到四十歲時人到中年不愁衣食, 唔使怕失業, 已經係好難得, 但將來既嘢唔係建响空中樓閣,都係靠今日既基礎, 要有幸福生活係一個到死嗰日先會完結既任務  

所以我好鍾意上世紀七十年代羅德西亞(今津巴布韋)白人政府軍招兵廣告 "BE A MAN AMONG MEN", 為一國(等同愛一女)而戰係帶感情既COMMITMENT, 但上陣殺敵係要有實力,勇敢同清晰冷靜及能受壓力既頭腦, 有幾多人可以做得到? 現在既港男又有幾多人肯試去做一個男兒中男兒?  

老何兄,PEN兄同其他前輩係時候過吓料好喎

[ 本帖最後由 liao_marco 於 2011-5-15 02:27 編輯 ]

  PEN兄所言甚是, 不過要做MAN OF MEN 係為自己,唔係為啲變態港女,哈哈.    
既然選擇行船十年,就放長雙眼睇吓變態港女下場如何,哈哈