引用:

原帖由 理魯竇 於 2012-3-2 22:59 發表


點只又嘈又雜呀，
我試過響第三街個間真光戲院�堶掃簳鴢邟r.....

唔係話？咁杰？

請問理兄當日是否上影猛鬼片？  

或者套戲真個驚嚇度十足，嚇到條友標屎咋係嘛？

引用:

原帖由 dw194711 於 2012-3-3 16:21 發表


樂宮於1973年3月結業。 ...

多謝黃大夫回覆！

再問多個stupid question，開幕當年有冷氣否？

我見廣告上個招牌「樂宮」二字鋪咗啲雪，是否understood有冷氣呢？

引用:

原帖由 dw194711 於 2012-3-3 17:08 發表


筆兄考起咗小弟。事關樂宮開幕事，我只得六歲，小學畢業前亦冇去睇過戲，所以筆兄問到，當堂擘大個口...

之所以咁緊張問黃大夫有冇冷氣，皆因個艷舞團又話噴火又剩，小弟担心啲觀衆睇到�菸z烚冇冷氣降温會出事咁啫！

引用:

原帖由 dw194711 於 2012-3-3 16:31 發表


我都唔好得你幾多，試過係九龍城福佬村道國際戲院睇戲，坐落發覺腳下成灘水，仲陣陣尿壓味攻上黎，
當堂冇晒mood睇戲...

睇嚟黃大夫跟理兄遇到啲咁不幸事故純屬時運高而已！

旺角及深水埗夠晒狗反區喇啩？小弟1967年會考後等放榜，曾响大世界戲院做過約两個月summer job，好聽叫做帶位，唔好聽叫做雜工。

To be honest，大小二事都未遇過，我散埸後負責掃地及久唔久全埸洗太平地，當然仲要洗埋幾個男女厠，問我就最清楚！

引用:

原帖由 dw194711 於 2012-3-4 13:50 發表


筆兄真係愛心爆棚，咁關心D色途老兄...

要嘅，惻隱之心 ，人皆有之！  

況且，…you know…兔死狐悲、物傷其類嘛！

引用:

原帖由 dw194711 於 2012-3-4 13:59 發表

仗義每多屠狗輩，狗反之地有時仲安全！

Absolutely！

古龍成日都係咁講啦，乜鬼嘢最危險嘅地方就最安全吖嘛！  

引用:

原帖由 dw194711 於 2012-3-5 12:39 發表


筆兄真坦白！同聲相應，同氣相求！

咁我哋大家真個係臭味相投矣！

引用:

原帖由 dw194711 於 2012-3-7 17:07 發表


筆兄誤會了。我係話你同果D色途老兄同聲相應而已。

鎖你，我仲以為黃大夫都有份响度添，諗住你唔嫌我臭、我唔嫌你臭，大家物以類聚、蛇鼠一窩咋！

哦，我醒起喇，戲院裡面黑嘛嘛，伸手不見五肢，加上戴錯眼鏡點錯相，好人當賊扮，請大夫恕罪！下次飲茶我嘅，okay？

引用:

原帖由 dw194711 於 2012-3-8 14:45 發表


筆兄言重了，你唔嫌我，我更加唔會嫌你啦！個艷舞團演出之日，我只係八、九歲的孩童，筆兄大概六、七歲吧?我同你應該都冇份喎。你梗係好似隻老鼠仔咁趁個戲院職員唔為意偷偷鼠咗入去及餐飽仲以為我都有去? ...

都係黃大夫明察秋毫，滾你唔到！

坦白從寬，其實當日我同你两隻老鼠仔都在埸，係抿個叔叔衫尾入去嘆冷氣啫！  

我同你咁細個都唔知啲姐姐仔做咗咩運動咁�窗A熱到除吓一件、除吓一件咁，换衫之嘛，都唔好睇嘅，又唔係影卡通片！

我同你响後座玩捉「衣因」，玩玩吓，弊，開大，太急，就地正法！

我有理由相信理兄踩到嗰篤嘢係我嘅歷史遺物！

鎖你囉阿理兄！餐茶預埋你！

引用:

原帖由 dw194711 於 2012-3-9 14:23 發表


筆兄好嘢！服得你好緊要！
一拖一拉，咁就拉咗我落水。
你唔攞番個大狀牌，真係嘥料。

黃大夫唔使封我做大狀咁抬舉，只要咪嬲我無大無細，連前輩都敢玩埋就於願已足矣！

引用:

原帖由 dw194711 於 2012-3-10 16:23 發表

仲有我唔會嬲人，就算有都係嬲一陣，不可含怒到日落丫碼。嬲人-谷住一肚氣，其實非常辛苦，有D人嬲足人一世，真 ...

黃大夫夠豁達呀！

小弟絕對同意大夫所言，並身體力行添！

我在港英時代有個舊老細有份合謀坑害我至打柴，家陣同埋一個屋苑住，週不時飲茶大家隔離枱，嘻嘻哈哈都唔知幾好傾添！

若果我選擇嬲咗佢，少咗好多開心時段呀！

引用:

原帖由 dw194711 於 2012-3-10 17:03 發表


筆兄好大量，好嘢！

跟得黃大夫多，唔學多都學少喇！

引用:

原帖由 dw194711 於 2012-3-10 17:03 發表


而家我哋又臭味相投喇喎！

大鑊，怕唔怕人哋見我哋两個成日孖住上，叫我哋做色慾雙雄�謘H

引用:

原帖由 dw194711 於 2012-3-11 15:43 發表


阿筆兄，都係我唔啱，用錯咗兩個字，令人諗咗隔籬。應該用"志趣"相投至啱，即係話我哋兩個都唔鍾意嬲人，咁人哋就冇咁容易誤會勒。...

黃大夫所言甚是，都係表白性（格）取向在先好啲，免生誤會。  

不過明就明，唔明就唔明，都冇計�瞴A係冇？  

但世界上真係有千百萬樣人，係人都知嬲人首先會令自己唔開心，那又何苦咁去虐待自己呢？

又再响大夫面前拋書包，「人不知而不愠﹔不亦君子乎？」。

請大夫批改有否拋錯書包，若有，就當擲物傷人案處理，甘願受大夫體罰！

引用:

原帖由 dw194711 於 2012-3-11 15:43 發表

人哋點講點諗唔到我哋控 ...

當然控制唔到喇，連希特拉、史太林、毛主席都做唔到呀！


鎖你，講大咗，死鬼儍金得！

引用:

原帖由 dw194711 於 2012-3-12 15:08 發表


筆兄學富五車，中、英均勁，我極欽佩。

黃大夫咪玩我喇！  

响大夫你面前班門弄斧，未俾你醒两嘢教訓都算偷笑呀！

引用:

原帖由 dw194711 於 2012-3-10 16:23 發表

仲有我唔會嬲人，就算有都係嬲一陣，不可含怒到日落丫碼。嬲人-谷住一肚氣，其實非常辛苦，有D人嬲足人一世，真 .倒不如原諒咗人，自己成身輕鬆晒..

不巧跟黃大夫講起舊史，再次勾起啲前塵往事，同大夫呻開唔收得嘴！

當被害事發十多年後回港初次再遇此仇家時，佢主動同我打招呼，我內心實在經過一輪爭札才肯回應佢，並扮到完全忘記佢有份坑害我。

老妻見我跟佢言笑晏晏，事後問我佢乜水，得知是仇家時笑我乜咁敦厚？

我可選擇怒目而視，甚或惡言相向，但肯定當場會好唔開心。惟我明智之舉，採用黃大夫之策略「倒不如原諒咗人，自己成身輕鬆晒」！

兼且家陣真係成日响屋苑商場食肆大家都會遇見，反樂得長久開心而唔係大家篤眼篤鼻咁冇瘾！Let bygones be bygones嘛！

引用:

原帖由 stary 於 2012-3-14 22:05 發表
很欣賞筆兄、自問我自已是記仇的人，真要向你好好多多學習！

遲咗睇Stary兄個post，聽日我跟你詳談開解吓老兄！

引用:

原帖由 stary 於 2012-3-14 22:05 發表
很欣賞筆兄、自問我自已是記仇的人，真要向你好好多多學習！

真抱歉未有即時回應Stary兄之post，皆因呢一、两日我有個九龍仔大坑東老街坊巴打要去Vienna出巡，我有責任24小時monitor住佢嘅行程，務求令佢行程愉快。

佢老哥亦是出身寒微，靠發憤圖強、不懈打拼而成今日青年才俊，業務遍全球，值得大家好好學習！

Stary過譽喇，講真小弟並非一個咁豁達之人。老兄只是「記」仇而已，我比你更前進，屬有仇不報非君子，以牙還牙、以眼還眼果隻！

我之有今日咁高道行，全賴有黃大夫，即黃教授之春風化雨所致。所謂名師出高徒，我係黃大夫教授嘅學生中最渣嗰個，都得道如斯，其它學生，個個現已成社會賢達，對香港政經舉足輕重，可想而知大夫功力如何，真個To Sir With Love呀！

至於我嗰筆，我會於下回分解點樣可將我仇家嘅角色轉化為恩人，與兄共享心得。

引用:

原帖由 stary 於 2012-3-16 23:10 發表

虛心以待，願聽其詳！

我想跟Stary兄分享嘅係凡事要識得用「延後想法」去視事，當然亦非常適合用於對付／處理「仇人」之類令人疲憊兼無奈惡夢。當中有人將之歸類為阿Q精神，我並不反對！

要知仇人之為仇人，皆因你响鬥爭中佢係winner而你係loser，你之所以不敵／不還拖，非不為也、實不能也。所謂形勢比人強，又或事出有因、查無實據，吹佢唔脹。衡量還拖得失，不成正比，不值硬碰，故只有硬食，即冇仇報。

在此unfavourable condition下，想條氣順，只有調節自己而已。

學識放下好重要，最好能達到黃大夫所述之「不可含怒到日落」。我承認it’s easier said than done，但原來at the end of the day你會領略到everything happens for a reason….係真理。

上天做嘢，當場唔會跟你解釋何以如此發生，遲啲你先會知！

我講你未必信，老兄細心數數以前行過之路，你一定會發覺經「仇人」阻路後之改變，當場你認為係末日，好久之後，你先知道多得佢唔少呢！

…….待續


[ 本帖最後由 mtpen 於 2012-3-19 15:20 編輯 ]

引用:

原帖由 stary 於 2012-3-19 21:30 發表

筆兄言之有理;十分同意！先謝!   小弟近年多看了佛經，亦已學懂了凡事有因有果，  一切事不會單獨存在，要了解因綠和合，所以對很多事懂得放下自在！

那實在太好了，Stary兄能夠修心，定必得享太平！  

魔由心生，只要能夠戰勝心魔、戰勝自己，便坦途在前，海闊天空矣！

老兄若然能夠昇華到不拘形式，不重參拜，只重明白／鑽研佛理此上乘之道，那就更好、更快得道矣！

引用:

原帖由 dw194711 於 2012-3-22 15:35 發表

pen兄，乜咁大整估呀！唔好玩我喇！因事出咗埠幾日，番黎見到Pen兄咁搞嘢法，當堂....為之脹焉！

係就係嘛，我代表黃大夫啲學生寫嘅！  

大夫之脹乃旅途好食好住，肚脹啫！

去咗邊度出巡？唔怪之得冇見一排喇！

引用:

原帖由 dw194711 於 2012-3-23 13:42 發表

"市中有虎竟成疑?！"呵呵，領教到Pen兄呢招"三人成虎"既八成功力，我既桃花島落英掌法都頂唔順，彈我出幾丈遠，高手即係高手，佩服佩服！...

多謝黃大夫承讓！

小弟呢幾招花拳繡腿，除咗部份偷師於大夫外，師承於當年我落脚之中宣部。

我哋最叻無中生有、搞風搞雨、轉移視線、落井下石、煽風點火….，強項係能做到「蒼蠅間白黑、讒巧令親疏」效果，所以我作古最到家。

有見大夫中場小休，小弟負責插科打諢，等啲街坊冇咁悶啫！


[ 本帖最後由 mtpen 於 2012-3-23 15:32 編輯 ]

引用:

原帖由 dw194711 於 2012-3-23 13:42 發表

..去咗花旗電腦之谷及以前尋金之地。...

舊金山離黃盧遠嗎？  

使唔使打飛機，抑或自駕便可？

大夫此行可有重大收獲？

引用:

原帖由 stary 於 2012-3-19 21:30 發表
筆兄言之有理;十分同意！先謝!   小弟近年多看了佛經，亦已學懂了凡事有因有果,  一切事不會單獨存在，要了解因綠和合，所以對很多事懂得放下自在！

再跟Stary兄講吓佛偈！

其實所謂放下，說穿了不外乎是用消極心態、阿Q精神去令自己減輕唔開心而已！而嗰種心酸，講真，仍會隱藏在心寧暗處，是歴久不散的。

之不過我學會用日後所遇到幸運／幸福之事，將之聯想／引伸由仇人出現以致改變命運而得出。

我用呢一種獨步單方去解釋仇人出現變成命運轉機啟示，視之為上帝之手。又令自己將之相比生仔要經歴陣痛，屬自然及必經過程，no matter you like it or not！

家陣望過去，發覺此解釋確實合乎以上邏輯。若當年冇被佢哋共謀坑害，我唔會失意官場而的起心肝放棄一切並跳出煉獄火坑及遠走他方！

初時老妻見到仇家佢俩公婆仍會有响佢哋背後嘴喵喵及口噏嗡，後經我列舉事實，指出佢其實係我大恩人，才慢慢變成而家一見到面大家鬼咁好傾。

我跟老妻擺開事實，若當日冇移民，我俩肯定冇今日咁健康，亦未必有今日之小康。

回望各舊同事於我俩離港後，所知嘅，自殺、猝死、中風、黐線、生Cancer／死於Cancer、三高、糖尿…。亦有多人因捱唔住要early retired及選擇食肥雞餐。

若然我哋唔走，工作壓力、Office War等一定會摧殘我俩，而令我哋必中其一。加上香港生態，定必好食少動，更死快啲！

今時今日，咁嘅年紀，我俩冇使成為要定時食藥之長期病患者，冇三高，行得走得瞓得食得，實屬萬幸。

最離奇老妻做家務時twist咗隻脚，原本一定跛硬，有幸在英冇跌打或針灸之類另類治療，侷住要專攻物理治療一種，故冇延醫診治，最後能回復九成九功力。

而我從佢做物理治療中，明白原來我最喜好之運動如Tennis， Squash ，Badminton等皆非老鬼如我之年紀可玩，令我完全give up，免除日後運動創傷之苦。

一句講哂，多得我仇家唔少，咁佢仲唔算係我恩人咩？