照片是1963 年，我正正就是在這個位置讀緊小學五年班，在學校窗外就是這個全海景，那時整個上環只看都這兩間高樓，右邊是新光大酒店，左邊那間是電話大廈，樓下是機房和辦事處，樓上是員工宿舍，那時候屋企有沖水馬桶都已經不得了，那宿舍重有埋電梯，真令人羨慕，有一同學住在那里，經常帶我地去搭電梯，真有點入大觀園之感，那同學當然是威到盡。

1972年618雨災，引發山泥傾卸，死人無數，轉眼41年，當年我不知危險，災後不久便專程往現場視察。

引用:

原帖由 dorothytiffany 於 2013-6-27 20:18 發表

大家好! 從澳洲向您們問安!

一看這張相就感覺異常熟悉, 應該是從文武廟後面的聖馬太小學拍的, 可清晰見到樓梯街, 文武廟的屋頂, 上環海皮等!

dorothytiffany 兄，話時話真係幾年無見，整多張照片等你懷舊一翻。

這是大概二年前的山市街石級的谷歌照片，個條石級都幾吃力，旁邊正在興建升降機。

現時升降機已落成啟用，居民們可以慳返大部份腳骨力，唔駛坐轎都可以舒舒服服返屋企矣。

有無人知道鋼線錄音機係乜東東﹖

引用:

原帖由 kyokuen 於 2013-8-11 00:37 發表
只能嘆一句時代進步舊事 只能被遺棄

有時候被遺棄的也可以廢物利用，60年代我在摩囉街和鴨寮街搜購
一餅餅的鋼線，用油漆和玻璃粉臘線，用來放紙鷂去鍇人，一時間
橫掃西營盤的天空，所向無敵。

現今的小孩多幸福...............

在網上無意中發現這1965的照片，立即把它收藏下來。

當年我媽媽在威靈頓餐室做洗碗，暑假期間叫我去做送外賣，後來為了賺零用錢，平時日子都做替工，做過水吧，樓面，廚房小工，雲吞麵師傅等等，個個讚我叻仔，但其實搵我笨，每個鐘一蚊雞，有些好人就俾四蚊三個鐘。

當年那處一列有三間餐廳，分別為威靈頓餐室，皇上皇餐廳和英華餐廳。其中以威靈頓餐室最好生意，因為它乜都有，有西餐，中菜，雲吞麵，連粥都有，當年在中環只此一家。

它的雲吞麵唔錯，因為麵全是用鴨蛋打的，唔知有無師兄試過。

[ 本帖最後由 理魯竇 於 2013-11-3 22:38 編輯 ]

引用:

原帖由 老何 於 2013-11-4 08:53 發表


ne 張照片對你夠晒味....

簡直是百感交集！

老何兄，你應該知威靈頓餐室在那里。

60 年代，中環唔係有幾多食肆，中環街市以東更見少賣少，我估你應該幫襯過。

引用:

原帖由 老何 於 2013-11-7 09:23 發表


學你話齋, ' 中環街市以東更見少賣少，我估你應該幫襯過 '.
對, 那些年, 在中環左穿右插的, 經濟又方便地落脚吹水的地方,
那幾間是熱門處, 而老何幫襯最多的是 " 龍記 ".

不知你記得否, 皇上皇附近有一瘦削 ...

半跛中年漢就真係無乜印象了。

我甚至連中環龍記在那里都唔記得咗。

那些年我最記得人人酒家那間羅富記粥麵，暴動時期晚上放工，在羅富記門前等極都無10號巴士，無聊之際就睇個位阿叔切豬潤，亞叔主理那粥檔足足幾十年，後來我經常教些後生仔要多學習亞叔的敬業樂業精神。

唔該一哥，今午剛好經過，百佳都無埋，但個間大廈原來就叫做龍記大廈。

搵到龍記了，但只係飯店，唔係餐廳啊。