引用:

原帖由 arcadia 於 2006-11-12 14:48 發表
肥貓係咪度, 有人搵你呀)))))))))))))))))))

冰個搵肥貓呀

[ 本帖最後由 Garfield 於 2006-11-12 03:52 PM 編輯 ]

引用:

原帖由 arcadia 於 2006-11-12 20:59 發表


有個天真活潑既小朋友搵你呀

即樹冰個呢??? 典解見唔到你講果個人??

引用:

原帖由 johncage 於 2006-11-13 19:55 發表
加肥去唔去睇賽車？~~~~~~~~~~

興趣唔大喇........

今年都係留返o係氹仔好啲~~~唔使塞車迫人嗎!!

何況今年啲飛賣得好快，雖然萄京灣賣到成八舊水一位!!!!

引用:

原帖由 arcadia 於 2006-11-21 17:48 發表
入多黎一次, 都係茅人

因為矛人，所以矛人囉!!

給同事的信:

必定係緣份安排大家由唔同地方走到一個新地方一齊做事，未必會深入了解互相之間o既感受，可以有機會將心裡面o既心事講出黎，一餐刻意安排o既晚飯感覺好舒心，而且珍貴~~

好多人都會因為黎到澳門做事而放低左身邊一部份，其中同親人見面時間減少最難受！無奈行業宿命每當趕工時日以繼夜不見天日見怪不怪，你感覺一個電話三兩訊息已經交待一切，但收到消息o既又會如何反應?? 尤其是你身邊o既伴侶失望表情更令你難受，只係大家都需要克服呢個關，從你入行當日開始..........!!

可以體諒同支持你請就好好珍惜，過去o既由她過去！多年前同樣經歷曾令一個自負少年磨滑稜角變得成熟，相信你都可以做到!!

期待你重拾信心o既笑容!

引用:

原帖由 雍正 於 2006-12-16 01:42 發表
加菲~~~~我取到澳門身份證啦~~~

恭喜晒......以後過關方便快捷好多啦!

祝大家有個溫暖快樂聖誕節!

黑工在澳門

連續兩個晚上留o係警司處至零晨，雖然真係好攰，"忙碌" o既警員又唔會禮貌對待，但係一對對無奈o既眼神反而令自己有另一種感受!??

從賭權開放令建築業突然急速發展，內地工人o既湧入曾令好多本地工人不滿，可惜金錢o既魔力可以令一切道理扭轉讓路~~ 好少會o係夜晚響起o既電話傳黎同事焦急o既聲音："......................地盤有事! 使唔使即刻返去睇睇??"　".............深夜十二點喇，收晒工啦！何況工人全部有工作證架................??!　你休息啦，我去睇睇............!!"

"今晚有警局搜查，捉到好多冇證，你去.......................!!" 冷冰冰o既閘門外聽到冷冰冰o既交代~~

到達警司處，更加冷漠："一樓轉右!"

推門，電影橋段：煙霧迷漫，狹窄走廊，粗口橫飛，幾十個工人或企或坐，一對對無奈眼神！

"旺角卡門???"  

交代資料證件之後，被 "邀請" 留o係一個細房， 發現旁邊一個青年工人，衣衫單薄，掛住死灰表情，緊緊抱住一個背包~~

第二日同事晚飯，電話再響："又要再去........................???????!" 趕緊再到警司處，熟悉o既走廊，但係變左疲累而絕望o既眼神!!! 同樣幾十個工人手推住牆企，同一時間望向木門打開，同一時間又失望咁垂低頭！

心想著："好似唔係幾人道喎!!?"  

再到細房，熟悉o既面孔，緊緊抱住o既背包，由絕望換成放棄o既表情，週圍發生o既事仿佛已經唔再關心，靠住牆邊坐著合上雙眼！

同樣一個年輕人，離開屋企到一個陌生地方工作，可能厚衫都未夠，只為被刻扣後o既微薄工資而以身犯險付出勞力，下場只有任由其他人法落...只係因為出生地方同其他人唔同!?? 背包裡面o係幾多家人o既心願同負擔?? 可以令絕望心靈仍堅持緊抱!

警員仍舊向工人吵鬧，一個個工人又只可以恭恭敬敬答話，好感受到冇證並唔可恥，為家鄉家人盡心盡力幹活，珍惜著家人o既背包，呢晚起碼得到一個素未謀面o既人衷心尊敬，但願你可以解決難題，可以真正到澳門，o係另一個環境之下再見!!

相信你一定可以做到，等你！朋友



[ 本帖最後由 Garfield 於 2007-1-20 06:48 PM 編輯 ]

引用:

原帖由 allure 於 2007-1-26 00:18 發表
鏡湖醫院中醫唔錯... 可以幫人煲埋藥...

Thank you!! 正好呢期啲同事排住隊病........一病仲搞兩三日起碼!!

巧合定係刻意安排呢?? 多謝朋友老遠黎到為嘉菲慶祝...!

好耐冇o係海邊咁盡情講出所有心底話，分享大家感覺，收到你地o既意見同鼓勵，嘉菲會再努力.....雖然佢冇出現!!? 反而就好似更加近~~

多謝

好珍惜一晚同你講出左所有心事，雖然未必可以改變你o既決定，而自己只想令你知道有個人日夜都為你擔心~~~

從未諗過會再有人可以令嘉菲有保護o既責任感，而你突然出現得好似刻意安排一樣，令嘉菲竟然唔識反應！但係剛剛開始認識，你反而做左一個決定，心想又會係另一個短篇小說故事，但係反而可以更多機會見到你....想你知道，當你仍然會留o係澳門，或者你再飛返黎呢個小城市，請媽媽放心，可以照顧你係嘉菲榮幸！

你講得冇錯，只要你有問題，嘉菲一定會o係你身邊，一定！

想搵隻歌 post 下......搵下先!!

[ 本帖最後由 Garfield 於 2007-4-26 16:53 編輯 ]

引用:

原帖由 allure 於 2007-5-29 03:11 發表

我想問下... 究竟澳門教車師父有無正確咁教人... 斑馬線前要減速, 斑馬線如果有人想行出黎, 渣車既都係一定要停架????
但我係澳門見親d人都係... 一見人行出斑馬線就比油衝上去, 同個行人爭路既呢???
我已經 ...

嘉菲第一個o係澳門問既問題就係......." 呢條係咪班馬線黎架??"

引用:

原帖由 allure 於 2007-5-30 20:32 發表

they simply don't see it at all!

look at the bright side, it reminds u to take care all the time!!

引用:

原帖由 allure 於 2007-5-31 23:52 發表

兩度都唔識添....

alu 睇黎我地要請 Richard 兄飲茶傾下喇........

引用:

原帖由 mnywong 於 2007-6-30 01:22 發表

快d買手信, 咪側側膊, 唔多覺啊....

買香港手信過黎?? 定係買咬文手信返去呀？？　

引用:

原帖由 小潔 於 2007-7-4 09:59 發表


電話只會傳來陣陣飛機聲.....

又拎ｄ事實黎講笑啦!??

誤打誤撞咁買左隻 DVD 睇，只係可能因為故事背景係發生o係澳門，而依稀記得有朋友講過套戲拍得幾靚??! 一於睇左先算!

雖然感覺導演眼高手低，但係故事仍然吸引~~畫面同女主角都出色，雖然之前會有偏見唔睇好呢個年青女演員，但係事實又一次證明井底之蛙大錯特錯!! 攞獎的確實至名歸，更加令嘉菲留意既係原來澳門仲有咁多地方係未去過?? 而且係咁靚既地方......

為朋友推介一套值得睇既舊戲: 伊莎貝拉

又一次飯局............

朋友戴隊去左一間小飯店晚飯，地方肖尚算乾淨如澳門一般標準，火鍋比小菜好，朋友想打邊爐，即管一試！

食物新鮮但係冇驚喜，紮紮實實唔會賣弄花巧，份量適中，奇怪係上菜時間好慢？？食得高興時 "葵姐" 就走黎傾計，問下食物好嗎之類，傾談間先知道問題都係出於同一問題："人手短缺" 葵姐雖然只係伙計，但係已經打理小店多年， 近年多間酒店賭場高薪僱用大量人手，令到好多工人有機會增加收入而轉工，但係葵姐反而留低繼續支持，小店每日開門，伙計當然都要開工！

葵姐訴苦近日又有伙計轉工，令致人手更加緊張，另一方面老闆又出手偏低，小店晚晚客似雲來，辛苦工作但仍然笑容可掬，對客人介紹新鮮食物，至難得係每晚宵夜食既都係 "火鍋"!! 而且係 "精選" 後既食物......!!

臨走時見葵姐叫一個女仔早走，方才知道葵姐女兒已經長大，陪伴著母親工作，更令嘉菲敬佩！

享受既不但係一頓晚餐，而且係一浸濃濃既人情味！小店近白鴒巢，店名叫 "富來"

仲有十幾個鐘就可以見到十四個月以來既成果，感覺反而好平靜，雖然每次見到朋友都會推薦一下渡假村如何宏偉漂亮，何等值得一遊.....但係可惜唔可以同您一齊見證開幕！

好耐都冇試過幻得幻失既感覺，直至你要飛之前一個星期，就一直期待電話會見到你既來電顯示 --- 一張偷拍你既相！明知你實在忙著太多飯局聚會 fairwell，明知你唔會諗起有人正等待你可能一個訊息，只係都會失眠到天光 多左時間胡思亂想之後反而羨慕你知道自己要做既就真係可以實行，是瀟灑或者心願也好，只知道你係開心就夠...

儘管近來有太多人大潑冷水，都知道您會返到嘉菲身邊，證明一切！

等你！



[ 本帖最後由 Garfield 於 2007-8-28 03:11 編輯 ]