話說上星期收到消息牛頭嘜有位營業員應客戶要求外出試車，行駛途中客人欲政電太太想pick up 埋一齊試試力水，但報稱電話無電要求營業員借手機一用，苦主不豫有詐，當行經又一城時客人邊扮同老婆對話中，以手勢示意停車，邊向話中人說：我入黎搵妳，隨即下車走入人群中，苦主被實Q示意不要阻塞交通(因當時車輛已是停在第三行線)不得不開走，當停下來時，賊人當然去如黃鶴，痛失i phone。希望各行各業人士都必需小心防範，唔好當電視短片話：(妹妹...借個電話我打下)係講笑，有心裝無心人好容易中招

送外賣，兼且個客話銀包連車牌ID在漏在家中，所以咪個Sales車佢返又一城叫佢老婆Link落樓比個騙子Law，人地有晒部署，所講每一句說話都精心設計，而且佢口音係竹昇仔，你問佢兩句佢就講D好深既英文字句，你又唔好意思再問落去。呢單野講開原來幾年前已經又行家差D中伏，好彩當時個Sales機警無上當，不過幾年前個騙子唔夠經驗，加上當時又未興I Phone，佢係問個經紀借錢搭的士返屋企拿支票，個Sales話：我車你返去羅。咁樣事敗，不過唔止呢D騙子，90年代頭我都試過比保險sales約試車，過程中佢問我一月搵幾多，我都心知不妙，原來佢黎想揀蟀，之後我話：好呀！不過好頭好尾你幫我買部車，等我對公司有個交代，我聽日就去你公司報到！傳銷又試過，可能我似一個又蠢又不幸既人，所以佢地覺得我會係下一個苦主