以我非常有限嘅歷史知識去理解
古代中國冇話唔係用軍事擴張版圖
周朝時東夷 ( 指山東、安徽、江蘇一帶 ) 係蠻夷之地
另有吳越、巴蜀、百越...等都唔係周天子封建版圖內
其後歷史一直係圍繞吞併、拒吞併嘅軍事行動
直至秦統一天下
中國嘅地理環境局限咗佢向外再擴張嘅念頭
東邊係大海 - 古時航海技術有限
南邊有原始森林﹐有難以攀越嘅大山 - 喜馬拉雅山
北方一直有野蠻民族威脅﹐而且北方係苦寒之地
中國文化建基於農耕文化﹐依靠固定耕地為生
呢點同西方文明有 d 唔同
西方後其有所謂海洋霸權 - 例如荷蘭﹐西班牙、大陰帝國
歐洲地勢平坦山少﹐一馬平川嘅平原有如陸上海洋
所以西方民族可以晌歐洲土地上無阻隔地擴張領土
而北歐苦寒之地、靠農耕真係食蕉都得啦
所以就靠打打殺殺去搶人哋嘅資源

今時今日就唔同上兩個世紀
唔可以再明刀明槍去殺人攻城佔地 - 好似西班牙佬去屠殺南美洲土人
英國幾乎將印第安人、澳洲紐西蘭土著滅種
家下你如果係拳頭大過砂煲﹐又控制住主要話語權 - 世界性傳霉主導權
就可以指鹿為馬﹐顛倒黑白是非 - 學美國佬咁
話呢個有大殺傷力武器﹐又話果個專制獨裁冇人權﹐阿邊個威脅世界和平
再吹咩人權大過主權...  蒲佢阿麼  
然後就搵藉口﹐藉口就隨便狗噏乜七都得﹐好似卡達菲咁莫須有
最緊要有兩點要考慮清楚 :
1. 揀 d 對手實力懸殊﹐好似泰臣對曾志偉咁獅子撲兔
2. 打仗其實係一種買賣﹐無利可圖你打條毛呀﹐唔通你會攞枝 AK47 去打劫報紙檔？

打低對手後﹐今時今日唔似當年英國佬咁派個總督去管理殖民地
只可以扶植一個傀儡政權
再簽約租個軍事基地﹐留低大棚武裝力量昅實個傀儡﹐有乜衣郁就做低佢哋
好似晌日本、德國、南韓咁﹐家下伊拉克就係咁安排