引用:

原帖由 牛奶蛇 於 2011-10-25 04:18 發表
革命尚未成功, 同志還須勞力., 野心家, 冒險家, 一個去 ...

响機會主義者／野心家來講，就萬望革命尚未成功，咁先至可以長革長有，可以渾水摸魚！

多得中國呢亭生番國長有此市場，又有人蠢到做陪襯、做替死鬼，更有口痕兼身痕友助陣撥火扮正義！

最慘好多無辜冇搞事嘅平民百姓，被沙塵滚滚、殺錯良民，死咗都唔知乜事！人地就革命成功做主席／總統／皇帝，盡享富貴榮華！慘！

引用:

原帖由 bobbystar2100 於 2011-10-26 00:26 發表
..請恕我先表明立場，我絕對是人民力量支持者。 ...

技安呀技安！請聽阿筆我呢亭老鬼勸，咪鬼跟呢班虛無主義流氓文化反社會暴力青年一堆，做埋啲non productive兼乞人憎嘢啦！   

我見老兄寫嘢有紋有路，若日後搞到馬革裹屍還就嘥咗你啦！

嗱！修身、齊家先，日後有機會先至治國平天下吧！   

引用:

原帖由 suewong 於 2011-10-28 12:24 發表


,,,小孩子在成長的過程中犯錯無可避免，最重要的還是能夠從錯誤中汲收經驗 ...

從錯誤中汲收經驗？

前人已有千百次同樣錯誤，點解唔汲收前人嘅經驗去避免重犯，而一定要自己親身再犯行冤枉路才汲收？

打跛嚟醫，正蠢貨！

引用:

原帖由 suewong 於 2011-10-28 12:24 發表


當大家紛紛指摘八十後為人激進的時候，卻從未有示威行動演變起流血衝突。 ...

用Marco兄嘅思維，呢種屬於錫身派，貪生怕死冇胆匪類就住玩！

都唔激嘅，點吸引傳媒，點做大事，點熱身返上去搞乜鬼花革命，點成仁就義做烈士呀？

引用:

原帖由 suewong 於 2011-10-28 18:47 發表


鄭海泉只笑說，年輕人總該胸懷國事，有遠大抱負。

「胸懷」國事？得把口「空」喊口號就唔慌唔「壞」國事矣！

班死�c仔食飽飯得閒示吓威，幫啲經濟罪犯、刁民釘子户、曲線攞美國綠咭叛國份子…隔河叫囂助陣，又或執住阿爺啲「沙石」、「獨立事件」發大嚟搞，如六四之類，長食老本！

今時今日淨係識得打、砸、搶係唔夠�謘I你估依家仲係文革紅衛兵時代，無法無天靠衝擊黨、政、軍機構奪權呀！

胸懷國事亦唔係請客吃飯咁簡單，係要實幹實事嘅！

起碼都要好似振英哥咁，提早愛國，默默耕耘，做定工夫，工餘上去幫吓手，替阿爺搞呢搞路。嗱！要起手上嚟，依家count嘞！

引用:

原帖由 牛奶蛇 於 2011-10-26 21:49 發表


革命二字確是機會主義者／野心家的砌詞, 雖來至西洋, 實乃中國固有,.. 革命確是害人不淺.

我中學時成績好屎，唯有讀Arts Subjects，其中有一科係European History。

我對French revolution最有印象，述及白色恐怖，千萬人頭落地，慘！

而English Literature其中一本text book乃 Charles Dickens之A tale of two cities，故事述及革命時人民以報復式暴力對抗暴政之恐怖過程。

居英時，某日無意中响BBC睇到一出法語片，印象深刻，描述法國大革命暴民湧入皇宮，屍體互叠，血流成河，畫面深沉，但黑暗中影像清晰，刀劍插入人體時霎霎聲，比港產江湖／功夫片更血腥暴力，場面非常震撼！  

以一般人之警惡懲奸，鋤強扶弱觀念，我應該睇到拍爛手掌，一如大家當年細個睇嗰種被美帝種族主義誤導嘅西部牛仔片咁，尊榮藍軍打到啲紅番一仆一碌，大快人心！原來年紀大咗是非標準會有另一番睇法嘅！

我並非响度假人假義悲春秋，只係懷疑革命是否唯一出路？可否靜心等待和平演變呢？歷史告訴我哋，朝代興衰更替乃定律，it’s only a matter of time而已，何必只争朝夕呢！除非你想從革命中得益又作別論！

引用:

原帖由 牛奶蛇 於 2011-10-30 21:56 發表

尊榮的电影誤導觀眾, 突出藍軍的英勇和正真. 其實紅番也並非善類, 双方武器相差不遠 ...

講起紅番，呢隻棋子強國可用之來與花旗抬槓，以子之矛、刺子之盾，長玩長有，么心么肺！

胡主席又或温總，當每次嗰個那媽跌膊神棍响白宮行吓行吓進行所謂國事訪問之辱華行動時，就高規格地响人民大會堂分批接待全花旗各族紅番人民族長共晉晚餐！強烈要求白人與紅番對話，接受紅番人民自決，乘機各自表述，激都激死！

响北京設立紅番對華友好協會，與對口單位互訪，定期舉辦紅番文化藝術交流，實行對着幹！吹呀！

鍾意嘅，可派媽媽生紅超軍拎住個結他率一眾國寶級�c模遠赴大峽谷紅番根據地作和番式親善／親熱訪問，為百年大計，留下雜種，以備中紅建交後，三通時需要之人材可迅速上馬！

仲有，着令北京人民大學嗰班研究咗北京猿人幾十年仲研究、研究、再研究嘅人類學家，放低一切手頭工作，高調咁轉為研究紅學，即紅番學，跟進紅番是否一如外傳，乃當年離家出走，經白令海抵美之失散兄弟後人，追查食人DNA、鬥爭基因、對比異常行為、翻查族譜 (if any)…等等，定期發佈學術報告！




[ 本帖最後由 mtpen 於 2011-10-31 15:03 編輯 ]

引用:

原帖由 牛奶蛇 於 2011-10-31 22:31 發表

如果 send 靚模過來, 那就更加過隱, 讓美帝賞賞二奶少三的嗞味, 從此美帝長墮温柔鄉, 連槍也忘記惦開, 乜通也不用, 搭橋操兵過去, 美帝必亡. ...

正！

到時搞到老美啲後人，人唔似人、鬼唔似鬼、紅番唔似紅番、雞唔似雞…七國咁亂！

引用:

原帖由 牛奶蛇 於 2011-10-31 22:31 發表


紅番區的賭塲現正缺少表演項目, .. 到時宋大媽金口一開, 震醒大峽谷眾多被尊榮所殺的亡魂, 起義搞革命, 美帝可亡也.

Do you mean 番紅花革命？

引用:

原帖由 牛奶蛇 於 2011-11-3 06:11 發表


以我所見, 美國華人後代多與白人, 西斑牙人結緣, 與黑人也漸多, 對什么民族意識沒有特別感覺..

牛Sir你响花旗咁耐，以你觀察所得，我哋華夏子孫响嗰邊算唔算乞人憎嗰隻呢？

引用:

原帖由 牛奶蛇 於 2011-11-15 00:57 發表


平情而論, 華夏子孫不算乞人憎, 以華人第二,三代的地位看,他們幾受主流社会歡迎,  ...

照老兄咁講，睇嚟我哋華人响花旗尚未被白人主流社會target為不受歡迎民族。

以你見解，是否因我哋整體數量上及成就上對佢哋未構成威脅，以致未至於招人妒忌乞人憎呢？

引用:

原帖由 牛奶蛇 於 2011-11-18 10:17 發表

唐人街內烏烟漳氣, 黄賭毒盛行, ... mtpen 兄在英國時, 可有類似感覺....

一春色！Not much difference!

大約响2000年左右，倫敦猪乸街，即唐人街，突然聚集咗成十幾廿檔街邊按摩，一字排成行成市，老奉咁，係璨哥璨嫂搞嘅，Council趕都唔走，最後出動警方先至收科！真肉酸！失禮死人！