超高級用戶組
- 帖子
- 151
- 積分
- 1206
- 金錢
- 334
- 註冊時間
- 2010-10-6
|
9#
大 中
小 發表於 2011-12-6 20:38 顯示全部帖子
引用:原帖由 mtpen 於 2011-12-6 10:03 發表
康兄咁後生識諗嘢咁透澈,唔簡單,日後必有一番事業,唔係托大脚,carry on!
既然話題到,也不妨分享心得以證老兄所言非虛!
小弟當年剛落地Vienna,冇人冇物,曾 ... 筆兄
97年金融風暴, 二千年科網, 03年沙士
福無雙至, 禍不單行, 香港半死不活
前老板問康仔, 可有興趣回國內工作,
思前想後, 未嘗不是一個出路. 去也
香港人對白雪紛飛抱有浪漫情懷,
之不過, 為兩餐而去到無雷公甘遠, 唔係甘過癮
秋去冬來, 雨雪紛至, 話甘快就過左幾個月.
適應環境是人性
國內工作, 甚有規律
七時工作, 十一時午飯, 下午四時半晚飯.
早睡早起, 日日如是.
工廠位處山卡拉之地, 鬼影都唔多隻.
塞翁失馬焉知非福
失去昔日多姿多彩生活,
但也有其他得著.
陌生環境, 一齊從新開始
要多聽, 多看, 多做, 多思考, 少說話
久而久之, 發覺觀察能力, 分析能力大大提升
(如筆兄所說, 思想突然再度發育)
與世隔絕既工作環境, 當然令人寂寞,
但可減少不必要之應酬. 其實係好事
一個人係宿舍都無乜好做,
自然想起家人, 朋友...及想起自己以往做錯之事.
孤獨可以提供獨立思考空間, 真心反省自己
果時問左自己好多問題
將來既路, 應該點樣行 ?
我想要乜野, 我需要乜野 ?
唔怕失禮講句, 廿幾歲仔先明白想要, 需要既分別
我想要三妻四妾, 其實有無甘既需要 ?
一人獨處既時候, 雖然孤獨夾寂寞.
但係可以細心思考, 分析問題
當日初嘗孤獨與寂寞左右相伴, 實乃人生一大幸也.
小弟有一心得,
真理, 道理唔係靠人地講比自己知,
靠自身思考, 實踐,才可領會.
|