引用:

原帖由 choihung 於 2011-12-17 00:34 發表


第二張圖構圖很美！剛剛過去的星期天，去過小西灣綜合大樓，規模很大， ...

多謝彩虹大姐欣賞，我原本想趁咁多帆船响海面，輔以水晶瓶發出之陽光折射，真係會有些少rainbow effect，可惜當年尚未認識牛Sir教番两嘢攝影心得，失敗告終！

憑良心講，小西灣的確是港島區少有咁四正之一個new town，路闊、種滿樹，乾淨企理，惟交通的確嚇怕人。

两年前搬離藍灣半島時，小西灣綜合大樓尚在建築中，無緣享用，而至今尚未再踏足該地，一睹此新大樓設施，請問library是否很大？以大姐標準，藏書合格嗎？

引用:

原帖由 choihung 於 2011-12-17 23:15 發表


..體育館好舒服（可能因爲硬件還是新），暖水游泳池很大，...

照彩虹大姐落區巡視所得，我有理由相信凸府想將小西灣打造成國際水平級體育運動比賽場地，前有小西灣運動場，今有小西灣體育館。

當年我居該區時，每逢小西灣運動場有賽事或校際運動會，那一帶必會泊滿校巴之類阻塞交通，並人山人海。而早排的確於此舉辦過多項國際賽事。

所以我往往一見有function，必避開甚或那天不出入，一如當年在英時，每當離我15分鐘車程之Crystal Palace有球賽，必避之則吉。若事非得已，必帶備两隊之banner，隨機應變，show給車前阻路之fans當pass，否則車都會被揼散！

既然小小一個小西灣建造多個體育場館，亦明知當地交通配套不足，是否凸府想利用既成事實，跟着為extend柴灣站地鐵至此作伏筆！

彩虹大姐對此有何補充？



[ 本帖最後由 mtpen 於 2011-12-19 07:38 編輯 ]

引用:

原帖由 牛奶蛇 於 2011-12-18 07:40 發表


.... 看來你家中小擺設與我老婆的有得 fight. 活在其中, 得要小心翼翼.

小弟謹代表老妻，向牛Sir說聲多謝欣賞！

呢啲小擺設我的確冇事話，亦即不得說三道四，更不可亂說亂動，因每個公仔之距離及位置皆有定案！我亦深明老兄那句「小心翼翼」何所指！

若然老兄唔介意，我俾埋你睇佢其它部份「傑作」於附圖，近牆那些對佢嚟講，乃歷史見證，深具個人歷史價值，我都係要眼看手勿動�謘I  

都好嘅，難得老妻有此嗜好，識得get something to do to kill the time。亦因此，在英那些年，當我早出晚歸番咗工，佢一個人stay响屋企亦不覺悶，就咁輕易過咗嗰十年！

其實佢都有自己部車，大可以四圍去串門子、東家長、西家短。慶幸佢深明相識滿天下，at the end of the day都只會係知己無一人，部車於是只用於偶然當我lunch time時，我俩約埋各自揸車去town centre一齊食吓lunch而已！

但太過企理整潔，是要付出代價的！因抹得嘢多、扭得布多，done too much，患上Tennis Elbow及Frozen Shoulder！

引用:

原帖由 choihung 於 2011-12-19 13:00 發表

..，如果小西灣有地鐵，我會提議不如成爲另一個轉車站，直接過海去將軍澳那邊，分流一下 ...

睇嚟彩虹大姐嘅願望大有可能實現，小西灣與將軍澳只一海之隔，兼振英哥就快响佢嘅「施政報告」內會提及土地供應來源，除却邊界河套、元朗平原、屯門一帶外，將軍澳灣將會填平，加埋藍灣半島對面海那幅堆填區，收多一仟萬祖國同胞落嚟住都夠有凸呀！

之不過，要等大姐個仔大咗先見得到香港咁繁盛嘞！

引用:

原帖由 flowingwater 於 2011-12-20 09:29 發表

筆老兄唔睇電視?

You’ve got a good observation, my dear Brother Water!

I’ll get back to you later on this issue, funny though!

引用:

原帖由 CSP 於 2011-12-20 11:56 發表
可能筆兄享受二人世界, 電視裝在睡房也

非也，稍後再跟CSP兄交代！

引用:

原帖由 flowingwater 於 2011-12-20 09:29 發表

筆老兄唔睇電視?

水兄可能係電視精一名，漏咗你個「飛佛」都俾老兄你spot到！

全屋只有電視一部，放咗响偏廳，我作大稱之為影音室（見附圖）。

老兄睇見呢嚿史前怪獸大籮柚TV一定笑到噴飯！不過好嘢嚟�謘I

Panasonic 28” ，香港叫「画王」，1993年抵英時首件於當地買嘅家電，响Oxford Street之John Lewis度買，約八佰多英鎊(一萬港銀左近)，山長水遠運番返嚟，曾焗响貨櫃長達16個月，到今日仍是我家唯一之TV，仲幾好色，work噃！

呢部嘢有一個special function乃香港買唔到（當然亦用唔到），叫做Teletext。當年移民，梗係乜鬼家電响香港帶過去平得多啦。惟1992年，即移民前一年，踩場探路得知此function港機欠奉。  

乜得咁好？老妻睇番鬼佬電視，會由只明白10%提升到80%！正喇掛？

原來多得聾人唔少，英國所有電視廣播，規定要有字幕，所以要有Teletext，益埋我哋啲異族。此function另有好處乃可在電視互動睇到最新時事、財經、天氣、TV Programme….等等，連每年两次之冬、夏撥快慢鐘時間都可由此接收自動adjust, good, isn’t it? 而在2000年之前，internet尚未普及，此乃不俗之互動網絡！

咁依家點解仲唔揼咗佢？一為環保，仲睇得；二為…唉，萬一「回流」英倫時落地有機即睇！

其實講真，我俩老依家每星期坐定定响電視前，平均不足一小時！

至於呢個所謂影音室，真係得啖笑喇，部SONY HiFi購於1987年，對原裝speaker某日玩大咗聲都拆埋，依家呢對乃英國間屋上手留低响loft嘅bookshelf speaker。買過套？遊牧民族不宜太多隨身家當！

引用:

原帖由 flowingwater 於 2011-12-20 17:40 發表
畫王亦是阿水家人第一部遙控電視機. 同是購於1992年. 記得當年要一萬大洋.

咁水兄你可否申報利益，自從画王之後，到你依家睇緊嗰部，中間換過多少部，你從實招來！

引用:

原帖由 牛奶蛇 於 2011-12-20 02:49 發表

..於是求其亂放, 導致我的活動空間愈來愈少, 亦愈來愈要小心翼翼. 遲早要閙革命.

其實若然我是老兄，就得其所哉，更無須望乜鬼嘢革命！

水清就無魚，兼且毛主席曾教導我們，愈亂愈好呀，擺歪咗都唔多覺，俾事頭婆哦少啲�謘I  

引用:

原帖由 CSP 於 2011-12-20 11:56 發表


可能筆兄享受二人世界, 電視裝在睡房也

趁CSP兄及水兄「質疑」小弟電視擺設位置，就讓我順便講解一吓我藍灣半島呢個擺設跟一般港人相反，亦與電視有莫大關係。

一般港人會將客廳擺近窗，而電視亦多跟隨之，但我這英式擺設，是將飯廳擺近窗，貪其進餐時，一邊欣賞窗外風景，一邊享受佳肴，絕無嘥料。港人話就話會坐响梳化望窗外似覺合理啲，咪只係掛住睇電視！眼定定望窗外？除非有日唔郁得，老人與海喇！  

不能怪港人習慣，因居住環境不同，一般英國人會有前and/or後花園，配以落地玻璃，故會將飯廳擺近窗以增加進食享受！

另一港人習慣，乃興電視送飯，其一原因，是窗外人對人，不看也罷！其二是甚少一家人一齊共晉早／晚餐，就算有，亦不會利用此珍貴時刻共聚天倫，閒話家常以增溝通，雖曰同枱食飯，但各自修行，或情願面向電視，以避眼神接觸！

講到一齊進食，又或另有苦衷，非不為也、實不能也！忙是其一藉口，其二是餐後乃如厠黃金時間，英國一般两房或以上，皆設二或個半厠所，惟港人對此設施並不重視，故若然大家黃金齊發，實在尷尬，為減少麻煩，我還記得我父母策略係妖魔化此自然需要，往往用責駡口吻阻止: 「你哋幾隻嘢做咩呀？家陣疴屎貪高興呀！」慘！我懷疑港人多患腸癌或與此德政有關！

引用:

原帖由 牛奶蛇 於 2011-12-22 00:38 發表


我老婆亂还亂, 記性甚好, 郁少少也跳不过法眼, 那些小擺設乃她的佔領地,  ...

乜牛Sir尊夫人與我老妻行為咁相似嘅？莫非佢哋係失散姊妹？

為咗顯現我哋有幾難兄難弟，老兄不妨偷影一两案例放上，以作比較，if at all possible!

引用:

原帖由 CSP 於 2011-12-22 11:54 發表


謝謝筆兄解迷, 有兄如此雅緻之家, 小第於願足矣.

It's only a matter of time, I've total confidence in you, mate!

引用:

原帖由 牛奶蛇 於 2011-12-23 23:40 發表


早幾日dump 了一支廾年冇用的 ear wax remover 及一個 eye mask, 作天被她發覺, 大興問罪, .

今鋪我又唔多爭牛Sir你矣！

點解老兄你又唔事先問吓皇太后先至揼呢？

假若揼嘅人係佢，而物件係老兄啲看似廢物嘅DIY工具／物料，那老兄又有何感想呢？

比着我係尊夫人我都會嬲！

引用:

原帖由 stary 於 2011-12-23 21:33 發表

60年代剛剛發展的柴灣

Stary兄放上此舊柴灣全景，令我察覺到此地原先可能只是一幅專供殮葬用之荒涼墓地，到後來市區人口澎漲，才將人遷入而出現徙置區於左方。

若然那裡不是墳場，就不會大煞風景，而今天那裡會是風光明媚，那又多好！

唉！此亦令我感概人性之虚偽、口是心非！

若然我哋真個咁偉大，聲稱為子孫後代、為人類千秋萬世、為環保，先不要將自己作大，要後人懷念、景仰，更不要搞乜鬼風光大葬，只要將副爛鬼軀殼，一把火燒光成灰，然後揼落鹹水海，不留一點雲彩於人間，多瀟灑啊！

咁做，無須死人霸生地、破壞地方觀景，甚至連骨灰龕都慳番。所謂己所不欲、勿施於人！自己都唔喜歡附近起骨灰龕喇，即係唔likey呢家嘢喇，又何苦死後再制造多一件掗位嘅垃圾呢？太自私喇！頂哂壟咪一至两代人會去拜你？你何德何能要受人萬世景仰呀？咪作大啦！

最近半年我出席過两個喪禮，發覺極之無謂。燒棺木、燒金銀衣紙香燭、燒殯儀衫褲鞋，唔環保又浪費地球資源，咁點算文明呀？

好心佢哋將啲殯儀衫褲鞋及殯儀洗費捐咗佢俾山區冇書讀嘅小朋友積吓福仲好啦！死都唔益吓人！

引用:

原帖由 stary 於 2011-12-24 17:11 發表

政府已迷途知還，覺今是而昨非，不發展土葬墳場多年、幸甚！

但最重要還是市民自己迷信及民智未開，好多人仲係覺得咁做可得死者保祐，又或要風光大葬才夠派頭，做俾生人睇，懶理自己足襟見肘，而在生家人及子女日後生活費多多未為多之事實！

以我出席過嗰两個喪禮嘅主持人／贊成大搞者，只屬小康之家，亦無商賈習以紅白二事作交際應酬之需，二人年皆五十出頭，何以思想上會與我距離咁大？

再者，以我私下批判，也不見得此二人對死者生前看護、照顧盡心盡力，更有甚者，佢哋皆犯有加速死者死亡之嫌！

以我認為，佢俩點做都洗脫不去其內心之罪惡感，而親朋亦自有定論！

引用:

原帖由 stary 於 2011-12-24 17:15 發表

那些年，幸福的英國國民

So what? 依家咪頻臨破產？

不出數年，英倫三島或要賤賣比我偉大社會主義強國，佢今次衰梗喇！

大家趁有時間，幫手諗諗點樣糟質番啲紅毛鬼，以雪割地之辱！

引用:

原帖由 1149 於 2011-12-24 20:36 發表

台灣近年提倡樹葬,燒成灰後拿到殯儀館,倒在後花園樹下作肥料,完全免費.

我呢啲都嫌費事，我早已交帶老妻，當我歸西之時，即時通知港大或中大醫學院，將我副嘢捐俾佢哋作教學解剖研究用途，講得出做得到！   


我亦已時不時與親朋戚友述及我此遺願，故到時老妻無須顧忌又或再要向任何人解釋為何不設靈，放胆照做可也！  

引用:

原帖由 stary 於 2011-12-24 22:50 發表
日不落帝國已成過去 ，日之將落！

惟另一更强之古老帝國昇之於東！

Don’t you worry!

引用:

原帖由 stary 於 2011-12-24 23:00 發表
真的、一些人在父母生前未盡孝道，父母死后卻風光大葬，只為面子或使良心好過一點！-_-

仲有，一般人可能睇得多兒童寓言故事，有代入感，覺得每個人死後都會變神仙，話之嗰個先人生前作惡多端！

先人既然會變神仙，死後拜吓佢，又或打堂齋，呢個「自家」神仙就會保�ㄔ敢珅\一家，而啲後人唔使做就有飯食！該多好呀！

君不見多少人拜山唔係去懷念先人，而係口中念念有詞: 「阿乜乜呀！你保祐我哋成家富貴呀！」。吹脹！

有啲不義之財嘅，就四圍睇風水，争住葬風水穴，等家山發，真funny!

引用:

原帖由 牛奶蛇 於 2011-12-25 09:07 發表

如真有此日, 你豈非冇祖家回, suggest 你早些回大陸住, 橫點都是大陸人的.

牛Sir果真好介紹！

我之所以好地地都要回流香江，正如老兄所述，怕有朝英倫陷共，未能適應！  

後聞說香江己間接赤化，於是提早隔河親近吓強國子民習俗，以備日後再長居英倫時都唔會揦手唔成勢吖！

引用:

原帖由 牛奶蛇 於 2011-12-25 02:55 發表


那两件束西是我 n 年前買給自已用, 她的東西不要说 dump, 摸下都有罪. 現在的渗況是, 她連我的東西都當她自已.

乜牛Sir你花旗嗰邊咁「前進」，己行緊共產制喇咩？

搞緊赤化嗱家陣？

引用:

原帖由 牛奶蛇 於 2011-12-25 10:23 發表
.... 冰島賣島偏不賣與中國人, 此其理在.

呢啲叫做敬酒唔飲飲罰酒！

等我強國先切低蘇修，打通北冰洋／北極圈，响佢頭頂進軍，到時一個人仔都唔使俾！

等着睢！

引用:

原帖由 理魯竇 於 2011-12-25 12:17 發表

...另外，強國的每年新增發電量都大過英倫三島整個發電量，肯賣的話，買起幾次都得。 ...

賣家當俾強國唔難，只怕收錢難！

強國真個咁有米？聽我勸，穩陣啲，COD (Cash On Delivery) ，一手交貨、一手交銀，咪到頭來俾幾隻熊貓就算數呀！

引用:

原帖由 牛奶蛇 於 2011-12-25 21:00 發表
老兄將一個仇視社会的暴力少年比擬一個成熟穩健的政党, 有插贜架禍之謙, 那些搞議会暴力及街頭暴力的乃人民力量及社民連, 泛民早已與之劃清界線, 為何要糢糊焦點呢 ?

我始終唔明，香港議會應該將香港民生之事擺top priority，犯民不專注審議更緊急法案，週不時騎劫議會，提乜鬼平反六四、結束一黨專政，搞亂檔，嘥時間，跟那些暴力黨有乜分別？

引用:

原帖由 牛奶蛇 於 2011-12-26 07:37 發表


泛民利用六四及結束一党專政來騎劫議会是非不得己, 香港的議席由不合理的功能組別把持, 無公道可言, ...

請恕小弟又再頂撞牛Sir了！

犯民所犯嘅幼稚行為，一如時下香港叛逆青年所犯一樣，眼見父母感情缺失，男包女勾，甚或離異，終於找到藉口乘機作反無皇管，逃學、濫交、打機、拍丸仔。更衝擊父母，咬住佢哋其身不正、冇認受性、冇資格管佢！

難道勤力讀書、做一個守法守規矩嘅學生，可因父母行為缺失而可get exemption嗎？

父母只是一時（橫惦這些狗男女父母不要也罷），自己一世呀！日後離開父母自立時，咁嘅反社會行為，社會會接受你嗎，你可生存嗎？