近日飯局話題，當然是兩日後的特首選舉啦！

   嘻嘻，一提起「涼心鷹 」和「糖應眠 」，食友們立即亢奮，講多過食，阿標就唔理咁多，食左先至講，最多係呢度補番兩句！


「涼心鷹」有冇良心，阿標唔知！  就算係現代「王莽」，頭五年都應有好表現掛！況且由低民望缺蜜月期起步，進步空間極大，只要民望略有寸進，已可打破兩前任特首的「民望下滑」模式，有機會成為香港首個「離任時民望比上任時更高」的特首，形勢十分著數，「鷹」好自為之！


至於「糖應眠」，阿標唔多講勒，贈他四句，當阿標口痕抽水啦：  

      紈絝子弟胸無竹，左支右絀敗象促；
      十年一覺特首夢，賠了夫人又拆屋！

「周公恐懼流言日，王莽謙恭未篡時。設使當日身便死，一生真偽復誰知？」

王莽弄假，都玩左十八年，區區五年，得掛？  

引用:

原帖由 KMY89 於 2012-3-23 13:38 發表

不過，我同意佢上任後民望一定會越來越高
因為民調由中聯辦搞
其他一概不准搞   

   由貼地般低的民望起步，著數極了，有 d 人天生好運，無得好講！


阿標從前跟「涼心鷹」有數度個人接觸，雖然不能從此對「涼心鷹」其它的方面有認識，但頗肯定「涼心鷹」是叻人！

阿標一向都尊重叻人，但至今仍對他曾說過的「n 屆都唔選」講法食言，十分反感！  

引用:

原帖由 KMY89 於 2012-3-23 13:56 發表


要下注嗎？  

   如果「糖應眠」上場我就一定會下注佢做唔完五年！

引用:

原帖由 飛毛腿 於 2012-3-23 18:06 發表

就以靠選票上台嘅總統或者內閣制嘅首相而言
試舉一例係下台時比上台時民望更高 ~~ 只要一例就夠
...

  我都舉唔到！  通例都是在掌聲中上台，噓聲中下台！

不過，這次每論是梁是唐，誰上台都會帶著個人民望新低在噓聲中上台，又一定無前任們的蜜月期，所以肯定在低點起步！

  嘻嘻，低點起步呢，就有一點點撈底入市的味道和好處，只要識得築個靚倉，配合亞爺發功，放些水頭和民主甜頭玉成，呵呵，到時弄到人人分水，黨黨高興，何患不成！ 說不定一舉替亞爺攪掂埋 2017 全面直選之憂添！

引用:

原帖由 KMY89 於 2012-3-23 14:30 發表

KMY 也同佢接觸過，頗肯定佢係奸人 ，KMY 覺得張X強、葉X歡都好叻 ...

Anyway, 奸人當道，只因好人都袖手旁觀，誠然

  叻而奸，亦某類人辦也
叻而直者，往往失諸剛愎偏孰；當特首者，總不能戇而直！

唉 ~ 特首之選，不得不說一句難矣哉！  

引用:

原帖由 飛毛腿 於 2012-3-23 20:49 發表

乜原來你老哥都 03年古董級人物  
果年我哋呢度民怨沸騰
反而冇乜印象見你入過嚟八

   當年註冊時還是舊 Forum 的版面，我是只盲頭烏蠅，linked 入後只在一兩題目出入，根本唔知 Forum 內有咁多版咁多話題，從不識到處八，嘻嘻！

引用:

原帖由 HJ2127_ATR1 於 2012-3-23 22:36 發表

我得呢樣最 buy 。   

其他就。

「曾 & 曾」組合都係派左一年咁大把！  派多次都冇！

引用:

原帖由 fighterplane 於 2012-3-25 17:57 發表
今日出左街食飯，12點半打個電話問戰果，
雖然係預左，但都有影響心情。
唔理咁多，係北京東海擦餐飽。
以後安心係北京做寓公，
得閒上飲食版睇下標兄飲飲食食，
或者過風雨版睇下KMY 風花雪月。

   我呢兩日返左大陸飲飲食食，週日晚上才趕回來，未能目睹香港電視直播 「會展特首與沙田賽馬」( 重要性排名不分先後！) 的戰況，憾甚！

北京咁多好野食，戰機兄有幸能夠長居作寓，興起時又可以客串當一夜姑爺，真係羨煞幾許旁人！


  講返今日賽果，哈哈，直如預告篇般，勾鼻鷹一投大勝馬面年，唔使玩到第二投，盡在監制編劇導演掌握中，

  浮生若夢，太上掌戲，蟻民芻狗，觀眾而矣！

引用:

原帖由 fighterplane 於 2012-3-26 11:16 發表
對， 一定要心狠手辣，
邊個夠膽7－1上街，拉，鎖，
所有新聞媒體要聽特區指揮，
以後香港一定安定繁榮。

   將上街人拉拉鎖鎖，只能算「手辣」； 把人心騙得貼貼服服，聖人上身，幾乎連自己都呃埋，也是「心狠」，另類心狠！

狼子獸心變秀心，真真假假莫認真，只從後果論得失，則阿標唔介意佢「心狠」！


(  附郵： 戰機兄，阿標早前試將「好讀」群書移到 Kindle 3 上隨身閱讀，效果理想，機價相宜，好組合也！ 未知你近期有乜好介紹？ )

引用:

原帖由 ivan99 於 2012-3-26 12:09 發表

對我尼講，边个做特首都冇乜所謂。我只希望个d友仔示威唔好阻住條街。

  果 d 友仔以阻街為業，邊個當特首都一樣會返工般去阻，當的阻不了，阻的當不了！   

引用:

原帖由 KMY89 於 2012-3-26 12:17 發表

x2, 只想做得好好睇睇，明明一場喜劇三級肉蒲團 ，甚會做成一場人肉叉燒包  

「三級肉蒲團」固然好好睇睇；「人肉叉燒包」也可以造就出一個影帝。


今期觀察： 唐唐演技生硬； 梁梁深刻貫徹，惜戲路不廣！

引用:

原帖由 ivan99 於 2012-3-26 12:28 發表

好似反雷曼，豆皮甘俾个辦事處佢地扎營。

   反正擋不了，規範化一下也好，亂中有序，哈哈！

  阿標回港睇返選舉報導，眼球被一個旁邊人物深深吸引，哈哈，真係趣味性十足！
這個趣味人物就是，衰左又黎玩過，剛掌家族生意名義上大權的 ~~~ 「純官」！

引用:

原帖由 fighterplane 於 2012-3-26 12:58 發表

佢老豆唔知幾時又要同佢執手尾，可能死左都要係棺材爬番出黎。

  係呢件預見事件發生之前，阿標見佢擒日咁搏，估佢意有所圖，所以也心存小欲，正在計計較較，進行一項個人小投機，搭一程順風車，撈一小票，嘻嘻！

引用:

原帖由 fighterplane 於 2012-3-26 13:19 發表
新世界最近係大陸二線城市大興土木，
我就避之則吉，三年前係大連同佢做完都未收齊錢。
而家又叫我同佢搞瀋陽同貴陽，真係啋佢都傻。

如果買佢個股跌，實賺。

    嘩，原來戰兄有切身之痛，佢地咁都得，離譜！

   嘻嘻，不過我都一定唔會吼果 d 眾目睽睽下既旗艦，阿純生意多多，在香港上市又親當主席的有四，吼不顯眼又不攪地產的，佈局成熟時，是大茶飯！

引用:

原帖由 ivan99 於 2012-3-26 14:12 發表

我相反，我九元入左好多，今日算大升。

  政為經用，經為政輔，此處哥兒倆出政入經，巧取不豪奪，動口不動手，適足為君子示範之窗也！

引用:

原帖由 fighterplane 於 2012-3-26 12:48 發表


小弟已轉用iPad看書，因iPad可以看Gorden兄每天上載的蘋果。
用的是“書僕”軟件，喜它可以直排及繁簡轉換，
但最近這兩個功能已轉為付費，迫於無奈，也付了。

   阿標仲等緊 4D 版 iPad，問多戰機兄一句，在香港，值得買定 4D 版嗎？

引用:

原帖由 fighterplane 於 2012-3-26 12:48 發表

...人心是千年不變，但孔孟的一套已沒人理會，可惜。  

   有有有，也有理會的！

近日阿標在飯局中，一再扮演當年會考生，背誦孟子公孫丑篇：

「詖辭知其所蔽；淫辭知其所陷；邪辭知其所離；遁辭知其所窮。」

眾人在飲食飽醉言不及義之餘，一一將近日熱門場合焦點發言套入歸類，


呵呵，引古證今，拾一輪聖人牙慧，好不快哉！

引用:

原帖由 fighterplane 於 2012-3-26 15:25 發表
香港未有4G版，出唔出到都成問題。
有無用，要看用途，比如你要用黎做導航，Wifi版就一定唔得，wifi版連GPS都無。
但如果好似我咁，淨係用黎睇書，上網，聽收音機，大部份時間係公司同屋企，就wifi都夠用。

謝謝分析，夠用與否是相對的，我見標價差不了多少，今年又有美歐行，所以有點十五十六貪快貪新而已。

我先日帶了 laptop 赴內地，試了一些在香港用香港 IP 登不了或不能下載的網站，發覺一樣無乜作為，但也沒打算付費作長期翻牆安排。你提過的 Gorden Blog，方便的話，可告訴我在那嗎，pm 可以了，免太張揚，謝謝！  

引用:

原帖由 fighterplane 於 2012-3-26 16:20 發表
Gorden 係自己友

  呵呵，失覺晒！

引用:

原帖由 ivan99 於 2012-3-26 14:12 發表

我相反，我九元入左好多，今日算大升。

2012-3-27  

新世界發展

9.720

00017

+0.460(+4.97%)

連續兩日大升！恭喜哂！