引用:

原帖由 KMY89 於 2012-5-3 09:20 發表


我常覺得呢單野似係輝哥導演，呢隻香蕉對祖國極度不友善
由上任坐 Y Class，去到 Boao 又要住 economical rate
下下對著幹
由上任到而家 已經兩件 入 Embassy
如果繼續如是，US embassy 好快變做做庇護中心

如果真係咁﹐老共瞓著都笑醒
放十萬八萬個弱智、地痞流氓、無業雙失之流去美領館尋求庇護
每年慳番好多國家資源
美國佬唔介意的話放一億人去美國又點話
以前美國佬昂狗狗收咗一批得把口嘅所謂異見/ 民運人士
呢班人去到美國除咗狗咬狗骨內鬥之外﹐一無是處
而早十幾年收咗另一批低學歷無技能嘅發冷功神棍
睇見呢班人除咗食飯屙屎打坐之外﹐真係唔知做乜好


[ 本帖最後由 飛毛腿 於 2012-5-3 17:43 編輯 ]

引用:

原帖由 維圓阿伯 於 2012-5-3 08:44 發表
中共開動國家機器
居然手指尾一卒就死既盲公陳
係無雷公甘遠山東被'軟禁'
離奇預告走甩進出首都美帝竇口
無殊殊做左世界新聞頭條
甘 囗岩 又得甘橋
中美兩國正正有party集合
另一角度'陰毛'論
黑仔總統尼獲食 ...

事實證明大陸比香港公平得多
盲公都可以做律師﹐香港呢 ？
而且又證明一件事 - 盲嘅唔可以揸車唔可以做廚師﹐但就算盲嘅都可以做律師  

以前冷戰年代流行一個叫法 - 叫異見人士
總之晌共產國家內你反對現政權﹐你就被封為異見人士
港燦就提煉一下﹐你反中共就叫民主派人士﹐最能好笑就算你自封共產主義者都歸入民主派 - 長毛
近年大陸佬就時興叫維權
換著晌香港﹐替賓賓爭取居港權﹐反對起高鐵....乜七都歸於維權

老味玩嘅花招來來去去得果幾味
其實今時今日老味再大大聲狗噏咩人權純屬搞笑
但黔驢之技唔炒作吓就冇乜人留意佢
只好爛招都要繼續炒 ﹐而且玩呢 d 爛招唔會辣㷫大陸
明知玩到冇彎轉果 d 險招﹐佢就啋你都傻﹐一於詐傻扮失明

唔好當老味傻嘅﹐炒作吓就冇所謂
無厘頭接個盲公一家人過嚟包食包住真係諗過先
家下世界難撈﹐老味自己失業率都接近 9% ( 千辛萬苦改數據做得好好睇睇 )


陳光誠盼赴美 自認被美使館騙

2012-05-03 09:17
    新聞速報
    【中央社】

    　美媒報導，中國大陸失明維權人士陳光誠離開北京的美國大使館數小時後，懇請美國總統歐巴馬協助他和家人離開中國大陸，表示擔心自身安危，還說覺得「有點」被大使館騙。

    　根據引言翻譯，陳光誠告訴美國有線電視新聞網（CNN）：「我希望向總統歐巴馬表示，請盡一切努力幫助我們全家離開。」路透社也報導，陳光誠今天告訴路透社「如今我希望選擇後者（離開前往美國）」。

    　陳光誠也指控美國大使館官員昨天強力施壓，要他離開大使館的安全保護。陳光誠在山東省自宅逃出軟禁後，據傳進入北京美國大使館躲了6天。

    　陳光誠透過電話告訴CNN：「美國大使館不斷說服我離開，還答應會派人跟我一起待在醫院，但今天下午我一入病房，就發現人全不見了。」



    　他也說，他對美國政府「非常失望」，覺得「有點」被大使館騙。

    　CNN記者葛蘭特（Stan Grant）表示，他今天凌晨3時左右專訪陳光誠和他的妻子袁偉靜。陳光誠人在北京1家醫院，妻子也在病床旁陪伴他。CNN播出兩段短短的專訪錄音。

    　陳光誠受訪前數小時，美國人權團體「對華援助協會」（China Aid）曾表示，根據「可靠消息人士」，異議人士陳光誠「不情願地」離開大使館，消息人士也說，北京當局曾威脅他的親戚。

    　美國國務院發言人努蘭（Victoria Nuland）否認威脅傳言。

    　美中官員稍早表示，陳光誠是按照個人自由意願離開大使館。

引用:

原帖由 ali 於 2012-5-3 17:40 發表
盲公陳被老味利用了！
既然被老味利用了，盲公陳好應運用其律師本能控告幕後黑手和老味大使館，並講出誰協助他逃走，逃走路線。

其實邊個利用邊根本講唔清
不過﹐佢最大功德就係告北京地鐵 - 佢係外地盲人冇北京殘疾人證﹐佢又唔買車票﹐檢票員要佢補票
鬧上北京法庭﹐法庭判北京地鐵敗訴﹐以後外地殘疾人士都可以免費乘搭北京地鐵
呢單 case 換著晌香港﹐港殘就大吹大擂咩香港核心價值、司法獨立
但發生晌大陸就冇理由替老共吹咩司法獨立﹐於是就吹盲公陳不畏強權....blablabla

盲公陳呢鍋嘢搞到變成鬧劇
阿陳神奇地由屋企飛簷走壁逃出所謂 "被軟禁" 家中
仲穿州過省由山東去到北京﹐走入美國領事館﹐以為穩拿一張全家移民人間天堂門票
點知後來無厘頭又由美領事陪同去醫院﹐跟住就九流流一家人晌醫院昂狗狗....
阿陳谷冷氣就向美國佬發爛炸

佢向外國記者講﹐原來留晌美領館時﹐美領館 D 人就嚇佢 :
" 中國當局話如果你唔離開呢度﹐佢哋會對你家人不利﹐話唔定將你老婆打死 " -  係美領館人員一面之詞
我就小人之心去度阿陳﹐可能阿陳認為死個老婆冇所謂﹐最緊要自己安全 ( 我點解咁估佢﹐下面再講 )
美領館 D 人吹佢唔脹﹐唯有繼續氹佢 : 咁啦﹐你去醫院先﹐我哋會一直傍住你﹐中國當局唔敢亂嚟嘅...
我哋安排緊你老婆去醫院會合﹐再接你哋全家返嚟坐飛機去金山嘆世界.....
阿陳蠢唔哂﹐咁安排即係除褲放屁？.但美領館仍然軟硬兼施﹐又嚇又氹
美領館向阿陳 " 再三保證領館人員一直陪住佢晌醫院"
終於就由駱家輝陪住行出美領館坐車去醫院 :

去到醫院之後﹐美領館班人冇耐就含一聲全部快閃
當晚阿陳就打電話去美領館睇吓點安排﹐點知打咗三四次電話都冇人接電話
阿陳就咁昂九九晾晌醫院﹐一直都冇美國官員接觸過佢
所以有外國記者搵到佢﹐佢就發爛炸話  " 對美國非常失望"
而 CNN　就火上加油　：

Did Obama betray a Chinese hero?

May 02, 2012|By Frida Ghitis, Special to CNN

http://edition.cnn.com/2012/05/02/opinion/ghitis-china-dissident/index.html?iid=article_sidebar

美國大選年﹐有呢D 把柄政敵仲唔狂插奧黑
所以盲公陳單嘢變成美國傳霉熱門話題
咁樣會打擊奧黑聲望兼造成選情負面影響
於是官方就要出嚟澄清責任
美國國務院發言人Victoria Nuland  5月2日發表聲明 :
否認向阿陳講過佢家人會受到威脅﹐中國方面亦冇向美國表示過這種威脅
美大使駱家輝亦鄭重澄清 : 阿陳並非被迫離開美領館﹐係佢懷著迫切而激動心情離開使館
我哋有嚴格程序﹐我哋會問明當事人意向 : 這是你的意願嗎？這是你要做的事嗎？
當答覆是肯定的話﹐而且有人證在場﹐我哋先會讓當事人離開使館
美國國務院主管東亞及亞太事務助理國務卿接受 CNN 訪問時強調 :
美方從未遇見過有人進入美領館後仲想回去﹐絕大多數都係以離開自己國家作為結局
但阿陳單嘢好例外﹐係佢自己堅決要離開領館﹐要留晌中國﹐佢好想留晌自己國家

[ 本帖最後由 飛毛腿 於 2012-5-5 22:59 編輯 ]

盲公陳就話被美領館又嚇又氹﹐呃佢離開領事館
而美國方面由駐華大使直到國務院都話係阿陳自己要留晌中國
單嘢就變成羅生門
你信邊個？

( 明日有時間再繼續傾 )

引用:

原帖由 卓倫 於 2012-5-5 23:03 發表
事件最令我感到失望的是，不只是高官，甚至連陳光誠這類平民百姓，一遇到可以離開中國、投奔自由的機會，竟然會趨之若鶩！神州大地不是繁榮強盛、欣欣向榮嗎？為何在這片大地上成長的人們，一有機會就想離開？每當想 ...

90年代初鼻屎國呢種蕞爾小國都成為港燦趨之若鶩移民目標
排隊攞移民表格逼爆玻璃
講民主講自由？鼻屎國有咩？
再退而求其次﹐連咩東加王國、百利茲都大賣移民廣告
投奔自由？ 點解唔投奔去印度、菲律賓？

引用:

原帖由 卓倫 於 2012-5-5 23:21 發表
問題是，當精英都走得七七八八，中國還剩下甚麼？

唔易開稀、柴大媽、王丹、魏京生、李大仙 ... 盲公陳呢 D 精英走哂出國
對中國只有好處冇壞處﹐走得越多越好
真正嘅精英係唔會出嚟噴口水狗噏﹐終日不滿呢樣不滿果樣
真真正正國家棟樑只會默默耕耘﹐人哋追求嘅係自己鐘情領域嘅成就而唔係知名度
例如袁和平
又例如中國氫彈之父于敏 - 有幾多人聽過佢個名？

中共把中國大陸管管到爛熔熔.....
老兄可能係由第二個星球移民到地球﹐定居香港日日睇爛果報

晌美國真正係土生原住民嘅係印第安人
黑人就唔好講嘞﹐其他白鬼黃皮人全部係唔願做本國人而走去做美國人

繼續講阿陳單嘢

阿陳好明顯就正如上面維圓阿伯講係自我膨脹﹐當自己係大人物
弊在佢對國際事務同政治又無知
比如話佢揀呢個時候走入美領館就係一個極差時機 ( 可能係佢 d 蠶蟲師爺諗 d 屎橋 )
正值中美戰略與經濟對話晌北京舉行前夕
除咗部份腦燦港燦外﹐大部份地球人都知道老味今日實力已經今非昔比﹐跟中國拗手瓜能力大不如前
10年前要打伊拉克﹐生安白造一個理由然後手起刀落就將伊拉克亡國
今日想打殘一個比伊拉克更細更弱嘅敘利亞都無能為力
以前係睥睨天下嘅地球大財主﹐用經濟實力吹噓自己制度嘅優越性
今日係靠賒靠借﹐不負責任地印銀紙度日
咁嘅處境叫老味對住大陸口沫橫飛講人權？
自己晌阿富汗燒可蘭經、濫殺平民、侮辱敵方死屍....仲厚起面皮講人權？
更可況阿陳唔係咩軍政大人物﹐老味攞呢件事同大陸佬講係自降身價兼自取其辱
大陸只要一句話 : 哦﹐你咁有愛心就將佢一家人接去你屋企囉﹐我哋冇咩意見
( 事實上前幾日外交部發言人都話阿陳可以循正當途徑申請去美國﹐官方唔會阻止 )

老味身為世界老大﹐點會連呢點都分唔清 - 即係話阿陳根本唔夠班做籌碼
但阿陳自己唔係咁認為
佢晌美領館期間向美方要求安排單獨會見溫家寶﹐佢要向老溫提出要求
咁都不單止﹐佢仲要打電話去美國國會﹐要求安排希拉莉跟佢面對面會談
佢話要得到希拉莉更多幫助﹐要希拉莉保證佢全家可以去美國

引用:

Chen Guangcheng Phones Congress, Requests 'Face-to-Face' Meeting with Clinton

By John Parkinson | ABC OTUS News – Thu, May 3, 2012

http://news.yahoo.com/chen-guangcheng-phones-congress-requests-face-face-meeting-205832602--abc-news-politics.html


( yahoo 呢段新聞下面有 d 美國佬評論好搞笑﹐總之人哋認為阿陳真係當自己係世界性大人物 )

無論佢係俾美領館人員又嚇又氹離開領館
定係佢自己離開後反悔 ( 我覺得呢個可能較細 )
佢竟然將矛頭對住自己最大靠山- 老味﹐向外國記者訴苦老味出賣佢
佢根本唔考慮到咁做係得罪佢嘅靠山
令奧黑晌世人面前出醜﹐俾政敵揸住把柄攻擊﹐連駱家輝嘅職業前途都岌岌可危
如果奧黑招架唔住對手攻擊﹐只有棄車保帥﹐由駱家輝出嚟孭起所有指責
或者索性指責阿陳滿口謊言﹐反口覆舌.....
由此可見阿陳政治敏感度極低﹐只顧諗自己處境而無視其他人
佢固然覺得中國政府虧待佢﹐對佢唔住﹐連美國政府都欺騙佢、欠佢...總之全世界都對佢唔住

其實阿陳呢種性格有跡可尋
1996年阿陳爭取殘疾人士減免稅收
2003年上面講過跟北京地鐵打官司爭取外地盲人免費坐北京地鐵
呢 d 爭取殘疾人晌民生上嘅優惠 ( 大陸全部籠統稱為維權 ) 跟當地政府冇咩衝突
佢老家山東省臨沂政府仲晌2003年推舉佢為當年十大新聞人物﹐肯定佢嘅成績 ( 千萬人口中選出 10個 )
點知一有 d 名氣後就有人搭路佢去跟時代周刊記者會面
時代周刊呢 d 西方傳霉要嘅當然唔係你大陸威水史﹐要嘅係臭屎
阿陳自然投其所好﹐挖 d 臭屎了俾時代周刊....

山東省臨沂大概同大陸好多農村傳統一樣 - 重男輕女
所以生女係唔算數﹐一定要追個男丁﹐甚至一個男都未夠要追多個﹐因此超生嚴重
外國人或者好難理解﹐但港燦就體會深刻大陸人為生仔前仆後繼 - 雙非孕婦
而且越窮越要生﹐越生越窮
所以當地計劃生育部門壓力奇大﹐矛盾尖銳
以前港燦講起呢個問題就識講風涼話﹐侃侃而談乜七生育權係天賦人權﹐老共專制冇人權呀...blablabla
好嘞﹐大陸婆蜂擁嚟香港體現生育權﹐最攞命係生下果件有居港權
針拮肉就知痛嘞﹐於是大吵大鬧唔准大陸婆嚟生仔﹐唔好發出世紙俾佢哋....
大陸土幹自然粗暴得多﹐屢勸不聽就用粗暴手法罰款、強迫流產、超生子女唔俾上戶口....
呢種情況落到西霉手中就自然有咁臭寫得咁臭

阿陳呢種反臉不認人做法令當地政府覺得俾人背後捅一刀咁
本來大家一向相處得唔錯
當地政府肯定你阿陳維權努力﹐又從來冇為難你﹐仲推舉你為十大新聞人物
家陣你為咗討好西方傳霉就數臭佢哋土幹
雙方關係由此交惡
2005年香港嘅亞洲周刊評選阿陳為「2005年風雲人物」
2006年時代周刊選佢為2006年時代百大人物
2007年英國人權組織頒發言論自由獎
….
呢 d 係西方白鬼一貫手段﹐佢哋為視為眼中釘嘅國家中嘅反對份子造勢
塑造成世界名人咁款﹐等佢哋大大提高知名度後可以召集更多人組成反對力量去顛覆當地政權
睇吓丟你喇麻、劉小波呢亭跟老共找麻煩嘅人就頒發諾貝爾和平獎
而以非暴力手段爭取獨立嘅印度甘地就連和平獎提名都過唔到﹐點解？
甘地的對頭係大陰蒂國吖嘛
你試吓去顛覆西方政權﹐睇吓你有幾命硬？

引用:

原帖由 KMY89 於 2012-5-7 11:36 發表


飛毛說得令人唏噓，

對頭果班 Houssian 、拉燈 、菲哥... 審都唔審就做瓜你，and 斬草除根

絕對可以拉而不殺

佢老味都費事有手尾跟

做瓜至算

乜野人權、法治、公理 ...

乜 ...

菲哥一定要死﹐仲要杏加橙先得
盟軍狂炸的黎波里﹐反對派入到去燒到變焦土
於是乎卡大佐政府資料化為烏有
歐洲佬欠落卡大佐政府 d 石油數就不了了之
菲哥以私人名義或者信託基金名義存方西方銀行、高盛私人投資帳戶鉅額投資...
邊個係菲哥合法繼承人？ 就算未死都唔敢出嚟亮相
於是菲哥鉅額遺產變成無主財富 - 利比亞班反對派根本就唔知有呢 d 財富
薩達姆有冇呢種私人財富
就天知地知﹐老味都知

至於素雞老豆昂山將軍
今晚有時間再講吓  

>>>個素姬同英國佬 笑口吟吟 .... 佢老豆點死 ？ 死在乜人手上？

簡單講吓素雞老豆昂山經歷先
讀書時期已經熱衷於社會運動﹐搞罷課、組織全緬學生聯合會
讀仰光大學時做學生會宣傳部長﹐並擔任學生雜誌編輯
果份雜誌刊出一篇文章叫《地獄之狗無拘無束》係挖苦做殖民地奴才生活
英國佬要查出作者係邊個﹐昂山拒絕提供資料﹐就被停學三年 -  言論自由喎
之後一直活躍參於政治活動
1939年秘密組成緬甸共產黨﹐佢自任黨總書記
同時佢亦係鼓吹反殖民地統治﹐要爭取民族獨立﹐所以晌緬甸境內寸步難行
要壯大自己組織唯有向國外求援手﹐佢搭船去廈門鼓浪嶼想搵中共幫手
1940年果時中國境內﹐無論老共定係國民黨要對付日軍﹐都係自身難保
因為昂山要對付係英國佬﹐所以就俾日本皇軍睇中
皇軍答應出錢出槍﹐助佢建立緬甸獨立軍跟英國佬作戰
仲安排佢去日本傾合作細節﹐訂立聯日反英計劃
1941年安排佢去其時被皇軍佔領嘅海南島同台灣接受軍事訓練
1941-1942年間﹐昂山就接受日本皇軍武裝返回緬甸跟英軍作戰
1942年大敗中國遠征軍跟英軍聯合軍
1942年7月﹐日軍佔領緬甸大部份領土﹐解散 15000人嘅緬甸獨立軍﹐另組3000人嘅緬甸自衛軍
昂山被委任為自衛軍總司令﹐授與大佐軍銜 ( 即上校 - 跟卡達菲一樣 )
1943年﹐皇軍晉升昂山為少將﹐所以昂山將軍稱號就係咁嚟
同年皇軍操控下組成傀儡政府﹐昂山出任國防部長

晌中國人角度睇﹐呢個緬甸政府跟中國同時期嘅滿洲國、汪精衛南京政府一樣性質
但緬甸人角度卻未必咁諗﹐日本人係侵略者﹐英國人一樣係
傀儡政府起碼係緬甸人自己做﹐而殖民地政府就全部係英國人做

1944年﹐昂山睇到日本皇軍晌太平洋戰區已經力不從心﹐勢色好唔對
於是不失時機速速轉軚﹐成立反法西斯同盟﹐秘密跟印度方面嘅英軍接觸
得到英國方面支持﹐晌 1945年 3月向日本皇軍倒戈一擊
就係咁﹐朝秦暮楚﹐兩邊通吃﹐佢卻成為緬甸眼中抗侵略嘅民族英雄

打敗日本人﹐英國恢復殖民統治緬甸﹐英國派史密斯爵士為駐緬甸總督
昂山鬥爭對象由日本人又變番英國人
1946年﹐邱吉爾下台後魏得禮接任首相﹐邀請昂山到英國傾緬甸獨立問題
終於 1947年1月簽訂昂山 - 魏德禮協議
同年4月緬甸舉行建國議會選舉﹐昂山毫無對手當選議員
7月19日﹐舉行6人部長會議﹐昂山被殺手刺殺於會議室
昂山死時 32歲

[ 本帖最後由 飛毛腿 於 2012-5-8 22:28 編輯 ]

誰是幕後黑手？

事後追查﹐呢單謀殺係緬甸愛國黨主席吳素主謀
吳素自稱愛國﹐最恨一 d人唔堅持民族利益﹐只看眼前利益向上爬...
好明顯佢係指昂山﹐但好多人唔信內情咁簡單
( 起碼 kmy 就唔信 )  
點都好﹐吳素就自己孭起哂﹐被判死刑﹐1948年5月被處決

到底邊個要做瓜昂山？

昂山當年去英國傾緬甸獨立問題
如果邱吉爾仲掌權﹐根本就冇得傾
老邱最憎呢條反骨仔﹐當初勾結日軍打英軍就係昂山
而另一個憎昂山嘅係戰後派駐緬甸總督史密斯爵士
昂山利用戰時累積嘅人氣聲望去煽動緬甸人反對英國繼續殖民統治
搞到總督史密斯頭大如斗﹐雞毛鴨血
當魏德禮首相答應昂山給與緬甸獨立時
反對最激烈就係邱吉爾﹐不過佢已經落台﹐嘈都冇用

呢單嘢有關資料被英國外交部列為機密封存
直到 50年後﹐部份解密
於是 BBC 就搜集有關資料﹐嘗試解開呢個謎 -  Who really killed Aung San?

引用:

A recent release of classified documents from British Foreign office regarding the assasination of Aung San has prompted an investigation by BBC. BBC reported that the assasination plot was far more complicated then previously thought. It was suggested that the involvement of high ranking British government officials were hidden by British Foreign office until 1997. BBC traced back some links between Sir Reginald Dorman-Smith (an ex governer of Burma) and U Saw - the convicted assassin.

youtube 上面有呢個紀錄片﹐分為五個片段
有興建就可以去睇吓點講 :

http://www.youtube.com/watch?v=N003jRV75kc

阿陳好快就完成移民夢
去金山嘆世界享受自由民主幸福人生   

陳光誠抵美語錄                                                                                                                                        「公平正義是沒有國界的。」
「世上無難事，只怕有心人。」
「沒有甚麼事情是不可能做成的，只要我們堅持。」
「各國領導人都應該有『興天下之利、除天下之害』的大智慧。」
「環境再艱難，只要想做、只要想辦法去做，事情總是可以做的。」
「我們應該攜起手，為社會的公平正義、為所有的善努力，制止社會不公。」
「對美國大使館和政府的幫助，我十分感謝，希望今後繼續得到他們的幫助。」
「希望中國政府繼續解放思想，推進政治體制改革，維護社會公平正義，取得更多民眾信任。」


陳光誠一家四口乘 UA88航班飛向自由的13個小時，美方人員全程陪同。有說美國國務院更包下商務艙，並在機組嚴格「佈防」之下，只有一位美國媒體記者獲准與陳光誠夫婦促膝交談。他說，赴美的心情複雜，很多要做的事情都沒有做完，並希望有天可以當面見到飾演《蝙蝠俠》的影星基斯頓比爾（ Christian Bale）。                                    

[ 本帖最後由 飛毛腿 於 2012-5-23 21:50 編輯 ]

引用:

原帖由 全軍盡 於 2012-5-25 02:56 發表

家人被長期毒打喎....

幾令班網絡糞人如痴如醉呀可.....

慘得過有腦殘信唧...

香港傳霉夠成日喊苦喊忽話冇新聞自由
爛果日日話中聯辦插手管呢樣管果樣
香港腦殘多到你唔信