回復 1157# 的帖子
女人生完仔好多都會有少少情緒問題, 有可能係出於o岩o岩生完之後, 外形有所改變, 對自己失去信心, 但係你當時做過d乜? 唔好俾我估中你犯左部份老公既毛病, 諗住佢自己攪得掂, 又或者認為自己返工好辛苦之類, 無去好好地咁關心愛護自己老婆, o係果段時間, 女人因為要照顧bb, 就會專注左o係自己家庭裏面, 好多平時唔多覺既野, 都會敏感左好多, 而部份老公好多只會話佢疑神疑鬼, 從來都唔會做多少少野去另自己老婆安心, 或者有d甚至連好好地同老婆傾計都唔願, 亦係呢d野令佢唔信你, 所以都係果句, 你老婆唔信你係你抵死, 仲有, 你唔止一次話自己係好老公, 我諗無一個"好老公"會認為得閒既時間陪老婆就等如無自由囉, 真係唔該你反省下啦!
你成日話人地唔係當時人唔明/領悟唔到, 但你有無聽過當局者迷? 你既字裏行間已經透露左你唔覺得自己係責任者黎, 成日話自己無得選擇只可以咁樣落去, 實際上並唔係咁樣, 有決心既, 一樣可以解決到, 而家只係你自己唔去做!
至於壞電話成晚搵唔到, 你自己既責任就更大, 出得去做野, 一定要俾人搵得到, 見客又好點都好, 假如個客臨時改時間改地點咁你點? 無左單生意要同公司解釋到時賴壞電話你估你老世會點? 而且, 明知自己夜, 有責任心既老公都會打電話返屋企講低聲, 我老豆甚至我男人都會咁做, 知既就講埋大約幾點返, 唔知既都會問我返黎駛唔駛打俾我, 你有無諗過o係屋企等極未等到人返果種心情? 咁夜都唔返又電話都無個, 點知你會唔會有咩意外? 加上就算壞電話, 香港地你要搵唔會搵唔到電話打, 你老婆出左trip都會打返黎俾你亦係一樣道理, 你自己做少左野, 俾人懷疑係你自己既責任, 唔好又諗住賴落老婆度!
你自己記錄唔好, 做老公做得唔好, 所以你老婆唔信你, 你應該檢討自己, 等你老婆對你建立返信心, 而唔係諗住佢係咁架啦就由得佢, 你呢種態度, 造就左你俾人鬧俾人插, 你唔反省不特止, 仲怪人地好話你, 你真係枉為人!
方法已經教左你, 你點做係由你自己決定, 根本佢話係呃你睇你反應果時你就有好好機會走, 你大可以話: 既然你無發生呢d咁不愉快既事, 咁就好啦, 但係我而家覺得對你家姐好有罪疚感, 我唔想再傷害你家姐, 我想做返個好老公好好對你家姐, 我地就咁算啦! 你咁大條道理, 佢權衡利弊之後, 都唔會做d乜, 而你又可以睇清佢反應, 一舉兩得, 但係你當時個腦只有攪野, 你根本當時就好開心可以繼續攪野, 你無諗過去停, 所以就算有咩方法, 你都唔會停, 唔好話人唔俾方法你, 就算有幾好既方法, 你唔去做, 都唔會有用, 你要做既, 人地唔教你, 結果都會分開到!
所以, 你抵俾人鬧, 抵俾人話你係狗公, 春袋男, 因為人地一直提你果時你當耳邊風, 仲話人地唔抵得, 但係自己就根本完全唔用腦(或者根本係無腦可用)!
[ 本帖最後由 luciferdevil 於 2008-8-18 12:46 編輯 ]
