回復 1171# 的帖子
第一, 個電話壞呢樣野, 你知又好唔知都好, 重點係, 你之前有無打電話同你老婆講左話有野做/有客見會遲返? 睇你老婆既反應, 我覺得你無, 亦根本無諗過咁做, 你老婆果晚既反應, 係一般正常老婆遇到老公咁情況既反應, 亦都一d都唔出奇, 到第二日, 對你咁好係俾緊機會你, 無論你呃佢又好哄佢又好, 第二日你就應該再同佢解釋多次, 等佢得個安心, 但係你呢? 唔好俾我又估中, 你以為佢當無事你就乜都唔講, 自己又當無事, 當咁既情況發生, 女人只係俾緊機會個男人, 希望佢對自己"坦白", 但係, 好多時真係出軌既男人就會以為過左骨, 就咁當無事就算!
第二, 產後抑鬱症係情緒病, 你要知道, 有情緒病既人大部份都唔知自己有問題, 而要好返, 係必須要搵醫生, 有可能要心理輔導, 嚴重既可能要藥物治療, 呢d病唔係傷風感冒, 唔係擺下就會好, 你無幫你老婆一齊面對呢個問題, 只係留俾你老婆自己解決, 我唔知你所講既"呵護備至"係d咩, 但係, o係咁既情況下, "早晚一吻"根本就無作用, 你有睇電視, 之前政府個廣告扮老公果個都講:你今日未陪老婆睇電視wor", 要知道, 兩個人相處, 溝通好重要, 如果大家係無計傾既, 關係好極有限, 你無將問題攤出黎講過, 將自己既不滿放o係心入面, 久而久之, 人就會將對方既問題放大再放大, 就好似你而家咁, 而你既言論, 只會俾人覺得你根本就無真真正正咁關心過你老婆!
第三, 既然d相無日期, 唔可以係之前去旅行既相黎咩? 拎返出黎俾你睇之嘛, 再講, 去旅行就唔可以玩多p架啦咩? 邊個話唔得架? 幾多女人去旅行同同團既男人攪野啦, 咩都玩tim, 根本就完全唔出奇, 你姨仔講呢樣野, 真係得你會信囉, 真係唔知應該話你低能定幼稚!
去到呢度, 我可以講你係一個極度自私兼無責任感既xx, 所有野只會為自己諗, 將所有責任推俾人, 只會關心自己, 完全唔理身邊人既感受, 做你老婆真係好可憐, 遇著一個又幼稚又自私既老公, 你根本就唔知咩叫做反省, 都係果句, 你好不知所謂!
提多你一句, 帶你老婆睇心理醫生, 呢d病唔會自己好, 如果驚老婆反感亂諗, 可以先一齊去見社工, 話係幫你地夫妻增進瞭解又好咩都好, 你老婆認知到佢既問題先可以有好返既機會, 否則, 再咁落去, 只會愈來愈嚴重, 你自己亦都可以順便醫下你既"性上癮症", 都係一種情緒病, 而你已經有晒病徵(並唔係串你, 係講事實), 要知道呢d病, 愈早醫, 好返既機會愈大!
相關搜索目錄: 廣告
