Ccooww師兄:
你所講o既嘅我都無乜印象, 我講緊果間金記茶餐廳以加仲未執, 仲幾旺tim, 但無做夜市, 系係筲箕灣道滙豐銀行對面左近, 超過30年ga la!!
啲餐嘅款式唔多,都無乜點變, 啲人好鍾意絲襪奶茶, 果對殘舊絲襪, 都唔知仲係唔係三十幾年前果對!! ^^

我是不吃飯買汽水飲的
那時邊有多餘錢.
我也經常去問ｄ老闆攞汽水蓋!

金記茶餐廳附近的誠信，我見到也很感嘆！我的中學校褲在那裡買的!

引用:

原帖由 mingkee 於 2008-9-2 22:23 發表
Ccooww師兄:
你所講o既嘅我都無乜印象, 我講緊果間金記茶餐廳以加仲未執, 仲幾旺tim, 但無做夜市, 系係筲箕灣道滙豐銀行對面左近, 超過30年ga la!!
啲餐嘅款式唔多,都無乜點變, 啲人 ...

哦....原來呢間金記,好懷舊feel喎,一年前試過幫趁,其實冇咩特別,係得個舊字,
但唔知點解d人講都好正咁,真係唔明

引用:

原帖由 瞭望台 於 2008-9-2 23:01 發表
金記茶餐廳附近的誠信，我見到也很感嘆！我的中學校褲在那裡買的!

筲箕灣道以前好多呢d時裝舖,當年過年買新衫就係呢度買,
或者華都國貨買校服．
依家筲箕灣道係咪冇哂呢ｄ時裝舖呢？

引用:

原帖由 ccooww 於 2008-9-3 10:56 PM 發表

筲箕灣道以前好多呢d時裝舖,當年過年買新衫就係呢度買,
或者華都國貨買校服．
依家筲箕灣道係咪冇哂呢ｄ時裝舖呢？

近“太湖”酒家好像有一家。

以前也有一間鳳鳴，在新橋過一點的匯豐隔離！
華都這個名字，想起又有一點感概，是當時筲箕灣的icon！

華都國貨，當時都是行，沒錢買東西，頂多在門口買"白雲汽水"喝，所以有時給他們的銷售員白眼

講起華都國貨,呢個都留低左唔少童年回憶,
記得樓下係賣罐頭食品雜貨,二樓就係賣玩具,文具同衣服,
有時自己或者同同學仔去搞下d玩具,d銷售員都會制止我地,唔比我地搞,
佢又睇得出我地冇錢買喎,真利害

你說得對。
在華都，我很少買玩具，因為沒有錢。最多的是買校服褲，餅乾(黑白餅),傷風藥銀翹!

小時，你是否在賽馬會診所看病的嗎?

引用:

原帖由 瞭望台 於 2008-9-9 21:15 發表
小時，你是否在賽馬會診所看病的嗎?

有啊,但唔係好多,因為佢d藥唔得,次次睇完都唔會好,
多數睇私家醫生,中醫就會去金華街,洞天酒樓對面果間藥材鋪,個名好似叫"孔依仁",
而西醫就會去朱家榮，位置就係"金記"行前ｄ.

在金華街一望"孔依仁"的招牌,便可看到東華三院第二小學!
賽馬會診所看病較平,當時$1一次

好多年未入過賽馬會診所了,唔知入面環境是否同以前一樣呢?
記得以前睇病,要一早去輪籌,第一行係公務員同老人籌,
攞完籌就要上二樓等叫名見醫生,好彩會見到個好d既,叫做認真小小睇病,
唔好彩就會見到個求求其其,好冇醫得既醫生,望兩望講兩句就叫睇完,當時d醫生可以好惡咁對病人.
試過有次要求佢寫醫生紙,佢唔肯,話咁小事唔寫,
只好再睇私家醫生,攞返張醫生紙返學校交差.

你的形容，跟我的記憶一樣。看完還要到樓下等藥的.
鐵打有沒有光顧過"梁添"?

哈哈,等藥的位置最搞笑,只有一個好似監倉既窗,唔知做乜保安要咁嚴密.
梁添個名好熟喎,可以形容下個位置嗎?

梁添在金記對面的匯豐，行前一些便是現在的華潤萬家再前轉灣的一座舊樓的樓上，不知現在還在不在。鐵打很好。

哦，有幫趁過一次，我覺得係好傳統鐵打佬，佢幫我斷錯証
而最勁既鐵打醫師，竟然在村上面一個隱世神醫，佢冇掛牌做生意，
透過一個老街坊幫助下，有緣認識到佢，仲醫好我隻腳，
故事都幾長篇,有機會慢慢講你知.

[ 本帖最後由 ccooww 於 2008-9-13 01:48 編輯 ]

很有興趣聽你的鐵打醫師故事，有空便告訴我吧！

引用:

原帖由 ccooww 於 2008-7-27 15:05 發表
好似係叫富斗屈村啊,記得入村條路好多石級同好窄.
梁滿寬比我感覺又唔係好惡,佢教過我兩年,只係口水多過茶,有時講書講到離題老遠.
正校長唔記得了,只係記得佢光頭既

我讀個陣梁滿寬只係訓導主任，花名叫梁寬，都係口水多過茶,有時講書講到離題，佢應該對政治
幾有興趣，有時同我地講 到中國的政局(我地一班小學生，其實都唔知佢up乜)，後來大個的諗起 ，
至明日說話的內容，不過就唔知佢親大陸定親台，因為佢讚毛澤東又讚蔣介石，不過佢鬧鄧小平的
都幾奇！！

記得學校隔離的太平餅乾廠，逢禮拜六返長周會入去買雜餅，五毫子包

記得我的時候學校隔離的太平餅乾，雜餅(做錯的，不能包裝賣的)，兩毫子包罷，是mid 1970's 的事了!

太平賣的雜餅碎 我到過現場看 呈況如下 在廠門前擺上三個及腰高度的大桶 滿載不完整各種餅乾 雖是百鳥歸巢 味道還稍稍分類 餅上插有一鏟子 固定大少的雞皮紙袋 一鏟容量剛好一袋 即買即鏟 但亦確實見過包裝好的 在桶面上鋪塊木板擺買！

你形容的跟我記憶差不多，但我是入內買的，可能是時代不同吧！

引用:

原帖由 瞭望台 於 2008-9-15 20:33 發表
你形容的跟我記憶差不多，但我是入內買的，可能是時代不同吧！

是60年代父親帶過我去買的 我的視角高度與餅干相近 香氣撲面 印象其深！