引用:

原帖由 Tarocake 於 2012-4-8 15:52 發表

好，英國上班一收貨，即蛇去曼谷兩日，12號仲係潑水節，正。Fingerscrossed. ...

Good luck, mate!

引用:

原帖由 Tarocake 於 2012-4-8 15:48 發表


小師弟兄對地勢描述真專業，我記得小時候秋後經常有人在石級兩旁鐵絲網哂臘肉。

嘩，嚇得我吖，未坐定睇老兄段嘢仲以為話見到嗰度經常有人掛臘鴨添，清明時節，真係大吉利是！

引用:

原帖由 mtpen 於 2012-4-8 16:25 發表


芋兄冇熟識官場文化才有此一問。

你估大Sir係人都有資格���謘H我既然同得阿Sir行得咁埋，咁親密，班友唔睇白鴿都睇篤屎喇。

笑我？我只需同大Sir單聲，話剛剛阿乜乜笑我�峈�Sir你喎，嘿，Ü ...

筆兄果然是俊傑，但可否唔好將 Ass-licking,阿筆我就至到家,企响厠格門口
等字眼串連，我會 confuse, Ha Ha

引用:

原帖由 mtpen 於 2012-4-8 16:35 發表


嘩，嚇得我吖，未坐定睇老兄段嘢仲以為話見到嗰度經常有人掛臘鴨添，清明時節，真係大吉利是！  

筆兄提醒我，今晚搵餐圍村臘味食，順便睇下村屋僭建情況。

引用:

原帖由 Tarocake 於 2012-4-8 18:26 發表

筆兄果然是俊傑，但可否唔好將 Ass-licking,阿筆我就至到家,企响厠格門口
等字眼串連，我會 confuse, Ha Ha  

嘩，芋兄將啲敏感字眼咁串連法，我怕會令人「想入排排」，甚至會將一般性��吓人想攞些少着數之輕微性行為，誤會為粗獷性行為就唔係幾好啦，係冇？

引用:

原帖由 Tarocake 於 2012-4-8 18:27 發表

筆兄提醒我，今晚搵餐圍村臘味食，順便睇下村屋僭建情況。

睇時睇，咪多多聲氣呀，拆你骨�謘I

引用:

原帖由 Tarocake 於 2012-4-8 12:06 發表

..不過可唔可以繼續指導如何有機會能找尋小學老師呢？

唉，芋兄你所託非人喇！

你有所不知矣。

小弟家貧，不能常得。故自幼深受家母庭訓，常提到乜鬼嘢「窮在路邊冇人問，富在深山有遠親」。

佢老人家時時咁話: 「阿筆仔呀筆仔，你自己照吓個鏡，咁嘅身世，識咁多人把鬼咩，慳啲喇！」。

啱嘅，屋企攞個銀刮痧都冇，根本afford唔起去跟人social。1962年小學畢業，初初都仲有同啲大坑東官小書友仔聯絡。但大家搬離大坑東後，又話出佐敦聚舊。大佬，有苦自己知，那來昂貴車錢同飲食消費呢？人家富户就冇所謂啫，我要度住蘿柚造褲就呂有慧�謚捸A於是日久自然疏遠，連同學仔都冇埋，又何來老師踪跡呢？

阿媽冇教錯嘅，都係天邊一隻雁咁各自飛，獨來獨往，冇乜喇lung就至襟玩，起碼慳番交際費嘛！

回筆兄：月光光，心慌慌；烏雲光型乜都唸到，短短廿呎橫邊走廊，暗淡黑黑，官小對下山邊
樹影婆娑，風吹起時咪話唔驚，走過都會有點寒。

引用:

原帖由 小師弟 於 2012-4-8 22:04 發表
回筆兄：月光光，心慌慌；烏雲光型乜都唸到，短短廿呎橫邊走廊，暗淡黑黑，官小對下山邊
樹影婆娑，風吹起時咪話唔驚，走過都會有點寒。

冇錯，雖然小師弟此處所指的是月黑風高瞓响「橫頭」嘅滋味，但我嘗試將老兄嘅用字，套入去描述大家九龍仔大坑東老街坊嘅一生，睇吓到唔到題？

那些年大家前景「暗淡黑黑」，當「時咪話唔驚」，雖然家陣大家都大步�N過，但「走過都會有點寒」。

引用:

原帖由 mtpen 於 2012-4-8 20:29 發表


睇時睇，咪多多聲氣呀，拆你骨�謘I  

係呀，今日城市論壇果班鄉紳幾串，不過條秘書長唔錯，好有point

引用:

原帖由 mtpen 於 2012-4-8 20:41 發表


唉，芋兄你所託非人喇！

你有所不知矣。

小弟家貧，不能常得。故自幼深受家母庭訓，常提到乜鬼嘢「窮在路邊冇人問，富在深山有遠親」。

佢老人家時時咁話: 「阿筆仔呀筆仔，你自 ...

唉，咁無行啦，我地班小學同學時有聚會，80年代仲有同其中一位老師聯絡，90年後已經找唔到。我早年在台灣睇個一個節目玩尋人，卞？亮主持，幾感動，如果香港有，我地班同學一定參加。

話時話，我個3300帖，你都未解釋點解做褲要度住籮柚，度第2度唔得。

引用:

原帖由 1149 於 2012-4-6 15:57 發表
謝謝小師弟的照片,14座公園前身是街市,完全沒印象,
雙喜茶樓兩旁有五金建材行,中藥舖,日用品雜貨行等.

電器行老板娘秀外慧中,娘家在山上種柚子柑桔等,
收成時都會送我水果,她有三個小孩,每次來看病,都會
大聲說 ...

仍記得雙喜茶樓旁有飛髮舗, 字花檔
, 茂春藥房. 藥房開張時買�炾e玩具,當年所送的巴士亦成為我人生第一個玩具.

引用:

原帖由 mtpen 於 2012-4-7 09:26 發表


唉，睇起Eric兄那些年之境況，簡直係現代城市遊牧民族，不但只居無定所，更讀無定校，真慘！

轉校我冇老兄咁多，但居所搬遷之頻密，或可有得揮。

1955年舉家從澳門回流香港後，首居九龍仔大坑 ...

看來學兄才是真正的遊牧民族, 我完全冇得揮啦!
1955年大坑東村剛入伙你就搬入,但1957又搬走,莫非你當時亦是在親友暫住!

引用:

原帖由 Tarocake 於 2012-4-8 22:39 發表

話時話，我個3300帖，你都未解釋點解做褲要度住籮柚，度第2度唔得。 ...

唉，其實籮柚呢個咁敏感部位實不宜响度公開討論的。不過俾芋兄你打到埋身，今鋪避無可避矣！  

嗱，籮柚者，pat pat也。身體最圓潤部份（或 ”之一”，it all depends, you know…），所以姑娘姐姐最鍾意响嗰度同你拮針，貪佢夠實淨厚肉。

古時打人50大板，港英時代早期非蟻未成年少女判打藤（聞說星洲家陣仲興笞刑），阿媽藤搧炆猪肉…皆以此為首選。

言歸正傳，身體好多部位造衫時可以遮遮掩掩，唯獨此part唔得，皆因做得布多布少、太寬太緊，都會坐得唔舒服，所以要忠實咁報導。

另外，因為pat pat跟另一重要部位相連，若同猛男裁褲，記緊要預留些少水位，以防動L時夠位走盞，但亦係嗰句，it all depends, you know....？

就係咁，所以真係要度住籮柚造褲也！

明未？唔明再問，okay？

引用:

原帖由 erichowc 於 2012-4-9 01:27 發表

1955年大坑東村剛入伙你就搬入,但1957又搬走,莫非你當時亦是在親友暫住!

小弟並冇Eric兄咁幸運，有親戚收留過夜。

我哋1955一家七口從澳門回流，一貧如洗，我二姨一家八口襯火燭時大渾亂俾佢搏懵成功响I座（即八座）搞到個單位，經佢指點，得知C座七樓585室個户主霸咗間屋唔住，要嚟非法出租。

我哋住咗两年，後因租金昂貴，連徙置區都住唔起，要搬入深山住，即朱牯仔及大同中學山脚下之寮屋。

引用:

原帖由 erichowc 於 2012-4-9 01:10 發表

..茂春藥房. 藥房開張時買�炾e玩具,當年所送的巴士亦成為我人生第一個玩具.

大家都係出身寒微，當年真係玩具都唔多隻，一個巴士仔已是天賜恩物矣！

多口想訪問吓Eric兄你，細個捱咗咁多年，咁你對你自身現狀滿意嗎？仲有乜投訴咁呢？

想老兄亦跟此forum之兄弟姊妹般，及一如我响樓上答小師弟咁講，大家都大步�N過那苦難了吧？家陣總算衣食無憂了，對嗎？

引用:

原帖由 mtpen 於 2012-4-9 09:31 發表


唉，其實籮柚呢個咁敏感部位實不宜响度公開討論的。不過俾芋兄你打到埋身，今鋪避無可避矣！  

嗱，籮柚者，pat pat也。身體最圓潤部份（或 ”之一”，it all depends, you know…），所以姑 ...

呀筆泰斗，筆學長，你唔去State
Council 做 spokesman 真係溫總損失，我俾你帶我遊完一輪花園都未明箇中真諦，其實係唔係慳得就慳的意思？

引用:

原帖由 Tarocake 於 2012-4-9 13:18 發表

..我俾你帶我遊完一輪花園都未明箇中真諦，其實係唔係慳得就慳的意思？

錯！响道德層面嚟講就更加大錯特錯！

皆因「慳」呢個字係貶詞，含侮辱性、羞辱性，比較敏感。

佢一般泛指「刻薄」，而刻薄成家，永無久享。又可指皇帝風吹褲浪，罵人用詞。故不可亂說亂用，尤其是對阿筆呢亭窮鬼出身者，更要小心，以防佢自卑自大，崩口人忌崩口碗，反咬你為富不仁，勾起佢童年陰影，打壓弱勢社羣，此嚴重指控，我怕老兄担當不了。

事實亦然，若果老兄為咗慳果少少布，大動作後條褲擘咗，露出小鳥，又或好似阿超佢咁，那就太失儀了。

嗱，咁喇，「度住籮柚造褲」一詞，以現今文明解讀，可指「應洗得洗」、「睇餸食飯」、「就住嚟洗」、「夠就算」、「啱啱好」、「環保、唔浪費」、「Fit到漏油」、「Enough is enough」….。

仲明唔明，唔明問到明，okay?


[ 本帖最後由 mtpen 於 2012-4-9 15:09 編輯 ]

小弟執一句以前我老細的口水尾----善用資源。

引用:

原帖由 erichowc 於 2012-4-9 01:27 發表

看來學兄才是真正的遊牧民族, 我完全冇得揮啦!  

我有時都懷疑緊我哋筆氏祖先，是否真個遊牧民族來，故基因上傾向於四處遷徙！  

我有五兄弟姊妹，居然有四個不同出生地！

我大佬湛江出生、家姐跟我廣州、細佬香港，而細妹澳門。

長大之後一樣四散東西（或作鳥獸散 ）。五人有五種國籍，分別係中、英、美、加、葡。

而曾有一段超過十年以上時間，各人分别定居於中（香港）、英、美及加等四個不同國家，very funny, isn’t it?

引用:

原帖由 理魯竇 於 2012-4-9 15:20 發表

小弟執一句以前我老細的口水尾----善用資源。

Sounds good!

引用:

原帖由 mtpen 於 2012-4-9 14:57 發表


錯！响道德層面嚟講就更加大錯特錯！

皆因「慳」呢個字係貶詞，含侮辱性、羞辱性，比較敏感。

佢一般泛指「刻薄」，而刻薄成家，永無久享。又可指皇帝風吹褲浪，罵人用詞。故不 ...

簡直博學，小弟服到五體投地。

引用:

原帖由 erichowc 於 2012-4-9 01:27 發表

看來學兄才是真正的遊牧民族, 我完全冇得揮啦!  

我要略作解釋，點解我細個時閻家可咁輕易四處流徙，無它嘅，秘訣係「輕身上路」而已！  

家徒四壁、身無長物（上天賜與之跟身基本用具另計 ），而每人都有一個衣櫃，但屬流動式（因所有衣物都箸哂上身了，故形有實冇）。

最貴「重」（貴都幾貴，以資產比例嚟計，但重就真係幾重吓，講真）家檔係張焗漆鐵碌架床，一家老少七個人夾手夾脚担頭担尾，加四塊半x 2，尚可活動自如！

大坑東官小是否改成英基九龍小學,
旁邊聖母玫瑰書院從前是小山丘
小學生在圓環踢足球(膠球),踢到山丘反彈回來,非常方便,
路口Primrose大樓看著它起,也常在那地盤玩
上午班放學,下午班上學,玫瑰路口有阿叔賣卤味,東風螺
他會講故事,西遊記,三國演義,也會變摩術.小朋友3-50人
常圍在一起.直到上課.

引用:

原帖由 Tarocake 於 2012-4-8 22:36 發表
係呀，今日城市論壇果班鄉紳幾串，不過條秘書長唔錯，好有point

唉，呢嚿歴史遺留落嚟嘅蘇州屎，簡直係香港人嘅nightmare呀！

算了吧！呢班鄉下佬，全部姓馮嘅，仲好老果隻，更屬巨蟹座！

既然佢哋學識少，大家又唔同文化，再搞落去，又話你打壓弱小社群，倒不如用「不統不獨」方式，作「無限期」、「無限政策」處理好了。

但願港人家山發，唔好搞出啲乜鬼嘢「巴斯克（拾嚿鄉）分離主義份子」、「愛爾蘭（拾嚿鄉）共和軍」，又或「阿蓋達（拾嚿鄉）分支」响香港搞搞震就阿彌吉帝矣！