引用:

原帖由 mtpen 於 2012-4-10 09:04 發表


非也！小弟祖籍廣東南海佛山。

之所以四處遷徙，皆因那些年家族經營出入口生意小買賣。粵、港、湛and/or省、港、澳皆有業務，有段時期甚至遠至安南，即現今越南等地。

可惜吖，冇 ...

大家都係同病相憐. 我老豆原是富甲東莞, 解放後逃至香港,再由零開始. 至1973年之前都衣食無憂. 惜怕重滔大陸屋地被收之教訓, 不敢買樓,並將幾間舗賣掉. 之後又遇老千局, 大火後一鋪清袋. 慘哉!.......

引用:

原帖由 erichowc 於 2012-4-10 18:12 發表
大家都係同病相憐. 我老豆原是富甲東莞, 解放後逃至香港,再由零開始. 至1973年之前都衣食無憂. 惜怕重滔大陸屋地被收之教訓, 不敢買樓,並將幾間舗賣掉. 之後又遇老千局, 大火後一鋪清袋. 慘哉!.......

確實感慨，尤幸與筆兄一樣，苦盡甘來。東莞咁近，國家改革開放後，Eric 兄有無帶令尊回老家走走？

引用:

原帖由 Tarocake 於 2012-4-10 17:09 發表

筆兄，點解見唔到你？

有，在其中，最霉嗰個，不過猜中冇獎！

引用:

原帖由 erichowc 於 2012-4-10 18:12 發表
大家都係同病相憐. 我老豆原是富甲東莞, 解放後逃至香港,再由零開始. 至1973年之前都衣食無憂. 惜怕重滔大陸屋地被收之教訓, 不敢買樓,並將幾間舗賣掉. 之後又遇老千局, 大火後一鋪清袋. 慘哉!.......

咁真係同是天涯淪落人矣！

唉，天呀！

引用:

原帖由 Tarocake 於 2012-4-10 17:47 發表

The Honourable 筆前輩，下次你與兄弟姊妹Reunion會選擇邊處？

At the end of the day, 大家一定會聚首嘅地方乃….天國，no fail！

引用:

原帖由 Tarocake 於 2012-4-10 17:04 發表

筆兄，除了樓上問題外，當年有無區界呢，如果你跨區泡妞又或者跨區爆石，會否引起區間衝突呢？

冇，全無不愉快事件發生過，因為蕉大哥一出，即時變成一區、一界，而阿筆我早已棚尾拉了！

引用:

原帖由 Tarocake 於 2012-4-10 17:03 發表

筆兄，好感動。好彩筆兄苦盡甘來。

有一輪都幾甘嘅，唉！

引用:

原帖由 Tarocake 於 2012-4-10 16:57 發表



蕉園仔兄好，小弟對筆前輩學長的敬意就如滔滔江水......。其實我是六體投地，為左能看見筆兄，所以才抬起頭，變成五體貼地。

嘩，芋兄嘅插沙功確係深不可測，連地都穿埋，犀飛利！

引用:

原帖由 Tarocake 於 2012-4-10 16:59 發表



老街坊兄，現時南昌戲院都無埋，街坊們只能到又一城睇電影。

對, 全深水埗區, 就只得又一城有戲院.

引用:

原帖由 mtpen 於 2012-4-10 07:39 發表
‧

老街坊兄過譽了，小弟都係响呢個forum度浸「淫」日久，跟各前輩、高人、大師，包括老兄在內，偷師臨摹／照抄照搬而成啫！

筆兄過謙了, 能夠收放自如, 的確殊不容易.

引用:

原帖由 erichowc 於 2012-4-10 18:02 發表
在那些年代, 一般朋友仔,唔夠十歲,就要幫屋企担水,揍仔,煮飯. 反觀依家屋企留低個十二歲仔就話要拉佢老母.你話依家D細路仔幾咁經貴呢!

無它嘅，那些年啲人生埋生埋成竇，瓜咁一两件乃閒事，仔死仔還在，next！

引用:

原帖由 Tarocake 於 2012-4-10 17:09 發表

筆兄，點解見唔到你？

好想訪問吓各位大坑東官小書友仔，你哋就讀時還有見過Post #3530附圖上各人背後，操塲旁那幅粗糙建成之小山丘護土牆嗎？

抑或早已整得平滑靚溜咁呢？

引用:

原帖由 Tarocake 於 2012-4-10 17:01 發表

..我有個尷尬問題，以筆兄文釆，才智，樣貌，異稟等條件，估計其街坊中一眾嬌花皆逃不出其五指，唔知筆兄點幫佢班舊菜解決呢 ...

阿筆我份人細細個時早已知書識禮，深明乜鬼嘢叫做「發乎情、止乎禮」、「只可遠觀不可褻玩焉」…等等禮義廉，所以呢亭嘢好少搞。  

引用:

原帖由 Tarocake 於 2012-4-10 17:01 發表

..以筆兄文釆，才智，樣貌，異稟等條件，估計其街坊中一眾嬌花皆逃不出其五指，唔知筆兄點幫佢班舊菜解決呢 ...

我恐怕芋兄或已老眼昏花矣，我叫「筆山」，番文叫Mt Pen，並非「祿山」，特此更正老兄滿腦子色情思想，並提出嚴正抗議，壞我聲名！

引用:

原帖由 mtpen 於 2012-4-10 20:20 發表


咁真係同是天涯淪落人矣！

唉，天呀！  

"天涯淪落人,相逢何必曾相識，也許不必知道我是誰，無謂....." 20年前K 場較流行的合唱歌

引用:

原帖由 mtpen 於 2012-4-10 20:25 發表


At the end of the day, 大家一定會聚首嘅地方乃….天國，no fail！  

嘩，咁都得？

引用:

原帖由 mtpen 於 2012-4-10 21:30 發表


好想訪問吓各位大坑東官小書友仔，你哋就讀時還有見過Post #3530附圖上各人背後，操塲旁那幅粗糙建成之小山丘護土牆嗎？

抑或早已整得平滑靚溜咁呢？

報告筆學長，小四、五時已起緊 Our Lady of Rosary College, 71年已經有學生。還有，我估左邊背鏡頭果個是你。

引用:

原帖由 mtpen 於 2012-4-10 22:44 發表


我恐怕芋兄或已老眼昏花矣，我叫「筆山」，番文叫Mt Pen，並非「祿山」，特此更正老兄滿腦子色情思想，並提出嚴正抗議，壞我聲名！

Hey! 有麝自然香啦筆兄，反正抗議接受，行動依舊。哈哈

引用:

原帖由 Tarocake 於 2012-4-10 23:36 發表

報告筆學長，..，我估左邊背鏡頭果個是你。

我就想！

唉，芋兄呀芋兄，你呢亭富户有錢仔，又何以得知民間疾苦呢？

蒙正個仔又何來咁豪deserve飲支汽水呀？

君不見背住鏡頭果位哥哥仔，即老兄誤指是我者，正在轉身準備接過佢書友仔手上遞來支汽水呀！仲係極品百事嚟㗎 (Circled in Red)！   

引用:

原帖由 Tarocake 於 2012-4-10 23:36 發表

報告筆學長，小四、五時已起緊 Our Lady of Rosary College, 71年已經有學生。

趁各位大坑東官小書友仔咁人齊，等我放多幅1961年拍攝嘅相上嚟，睇吓大家仲記唔記得母校嘅部份環境，例如課室外此走廊、欄河，與及背景之校務處上落樓梯。

引用:

原帖由 mtpen 於 2012-4-10 20:25 發表

At the end of the day, 大家一定會聚首嘅地方乃….天國，no fail！  

芋兄，我話第日會上天堂，係向好處想㗎咋，我冇乜把握㗎，你要多加保佑你學兄阿筆我呀，否則有今生冇來世，下屆我見唔番老兄你㗎！

我自知罪蘖心重，highly likely係會落地獄嘅。

其它禮義廉輕微罪行唔講，淨係背棄祖國，選擇做逃兵、不仁不義、苟且偷生、醉生夢死、不顧苦難同胞於水深火熱中….等等死罪，我嘅幾兄弟姊妹都deserve下地獄，十七層以上已屬輕判矣！

最罪大惡極者，莫過於不跟風支持反中亂港所謂愛國人士倡議之平反七四、結束七黨專政。更錯誤支持三低、一高，即低唐、低鹹、低油水，及高胆量嘅疑似八產黨員振央哥做特首，可能禍國殃民！

我罪，我罪，告我大罪，望吾主乃念我初犯，而重犯機會只五年一次，平時間歇性有做河蟹、納足税又冇攞綜援，除咗思想上外，physically又冇干犯過非蟻强姦，叫做當過良好市民，請輕判我最低十七層半地獄或以上，而芋兄你亦記緊要打救我呀！

我都係大坑東14座畢業,小學係呢度讀之外

引用:

原帖由 mtpen 於 2012-4-11 08:51 發表


我就想！

唉，芋兄呀芋兄，你呢亭富户有錢仔，又何以得知民間疾苦呢？

蒙正個仔又何來咁豪deserve飲支汽水呀？

君不見背住鏡頭果位哥哥仔，即老兄誤指是我者，正在轉身準備接過佢 ...

筆學長，我其實用苦肉計引你講出真身在那，無想到你咁醒。

引用:

原帖由 mtpen 於 2012-4-11 11:14 發表


芋兄，我話第日會上天堂，係向好處想㗎咋，我冇乜把握㗎，你要多加保佑你學兄阿筆我呀，否則有今生冇來世，下屆我見唔番老兄你㗎！  

我自知罪蘖心重，highly likely係會落地獄嘅。   ...

筆兄，有個方法，你信耶蘇，耶蘇自然打救你。你唔信耶蘇，耶蘇點救你呢？

引用:

原帖由 mtpen 於 2012-4-11 09:18 發表


趁各位大坑東官小書友仔咁人齊，等我放多幅1961年拍攝嘅相上嚟，睇吓大家仲記唔記得母校嘅部份環境，例如課室外此走廊、欄河，與及背景之校務處上落樓梯。

報告學長，仲有印象。走廊是曲線型。課與課之間我們頑皮一族經常搗蛋，派出天文台昅實樓梯，老師一到即回復平靜。你身處的第一間課室對出好似有棵樹，小弟上學時，對面 Regent Court 已入伙，好羨慕當時住戶有洗衣機。中間樓梯可看見兒童院。最關鍵一點，當年仍流行體罰。refine 完個
plan 再聊