現在稍為退後一步, 反而心清眼亮正在奉行快樂生活, 遊戲人聞呢.
願聞其詳

引用:

原帖由 rfong50/50 於 2012-6-4 23:58 發表


至於小弟如何花掉了兩個物業來協助國家發展, 乃因自視過高, 未有瞭解民情, 再加上生不逢時而投資失販而矣....

方兄是我第N個朋友向我投訴响大陸上高搞China Trade鎩羽而歸者。慘!

有空不妨在此跟各巴打分享老兄之沉痛經歷好嗎, 因為芋兄佢一定要知, 並要以此引以為戒, 以達趨吉避凶之效。

至於水哥之所以亦想知, 怕是物傷其類罷!

昨香港18萬人燭光悼六四,台北中正紀念堂也有六四燭光音樂紀念晚會,但只有數十人參加,新聞也沒多少報導.台灣之冷感,
是因為在中國有龎大利益親中人仕愈來愈多嗎?

非也, 阿水好喜歡吸收人家經驗; 聽聽別人想法而已

對，是一位姓鍾的老婆婆住的．

引用:

原帖由 mtpen 於 2012-6-5 08:25 發表


方兄是我第N個朋友向我投訴响大陸上高搞China Trade鎩羽而歸者。慘!

有空不妨在此跟各巴打分享老兄之沉痛經歷好嗎, 因為芋兄佢一定要知, 並要以此引以為戒, 以達趨吉避凶之效。

至於水哥之 ...

筆兄,水兄明鑑, 小弟自恃紅褲子出身又於番邦閉關數年, 再經寶X高壓力,高層次政治環境打滾凡五年. 自認文武雙全, 業內才俊. (小弟對於 3D CAE/CAD/CAM 生產製造糸統之一體化應用, 認識頗深.) 加上投資有道, 四十餘歲已經有條件可以提高退休了.

但自覺若退下來十分可惜, 既有專業認識, 又有管理經驗, 加上海內外客戶關係良好, 資金更加不成問題, 如此條件再加上國內改革開放, 投資環境和條件看似優越. 加上衹利用其人力資源, 為國家引進技術和製做就業機會而非賺取國家金錢, 即國內稱之 三來一補, 正是各取所需也. 開廠初期雖事務規條繁多, 但若有規可依者, 多花點時間, 多喝點花酒. 始終可以解決的.

由於最初年多時間已經叫做站穩陣腳, 有穩定客戶和自己的基本技術人員班底. 很快自覺公司以上軌道, 大事擴充衹是時間問題而矣. 若此時能稍為退後一步再從其他角度去看當前情況, 定能考慮到當前所謂技術斑底是否可靠及有進步空間, 周邊環境和政府人事的穩定(國內特色)等等因素. 可借當時衹顧全力爭取個人事業的成就, 未有深思熟慮看清富時情況. (即未能心清眼亮), 導至當機會來臨的時候, 亦是惡夢的開始. 再過幾個月當真的有一國外薄有名氣的客戶提供一張很吸引的訂單時, 擴充乃理所當然的事了. 可惜, 跟著下來就夢連場. 原賴以協助和顉政府協調的物業公司老總又換人, 導至新的廠房及設備未能如期使用, 原以為很堅固的技術班底在擴大後不堪一擊(除幾個骨幹成員外, 大部份都缺乏責任心, 但有些人又極度進取, 有破壞冇建設.) 需知小弟所開設的乃專門生產精密模具的工廠. 雖然很大情度上是使用電腦輔助生產, 但員工仍需要有相當技術和經驗, 所以工資絕對下低. 一般在 3000多元至5000 多元之間. 工程師或主管級可達8000多元. 所以基本的工作態度和責任心是期望的. 終於經過七, 八個月的曰以繼夜, 艱苦的努力下, 這個客戶的新產品終於可以試產了, 但已經比原定曰期遲了三個月, 時為2003年四月.大家都知道跟著發生甚麼事喇. 冇錯就係 SARs喇. 客人的相關工程人員根本不敢來中國, 衹能作遙控 debug. Pilot run 就更加遙遙無期.  Eventually, 因預計未能趕及在 11 月內 launch, 因此決定延期一年推出. 經此一役, 公司元氣大傷, 加上股東間芥蒂漸生. 在處理好那些新買回來的機器, 再完成手頭上的訂單, 公司才光榮結業去也.

現在小弟衹在蛇囗(登良站)設有一小 office 做一些 五金零件的Trading生意, 一星期才回去一兩天, 有生意低風險的才做 冇生意就打吥牙較囉. 凡事得留有餘地, 不刻意去追求金錢, 成就和名利. 人生的無形壓力大減, 反而輕身上路, 股, 波, 馬時有斬獲呢. 看 筆兄評論時事, 時而義正辭嚴, 時而嘻笑怒罵, 當知乃此道高人, 道行登峰造極者也.

多謝方兄分享經驗,也是我們的一面鏡子,

板橋市,台北縣的一個城市,鄰近台北市,本是2-3線城市,
但現在是高鈇,火車,捷運,輕軌及各長途巴士的總站,已成
1線城市,我在1991年買了一個房子,1坪19萬,現在那褢
新建大樓一坪要百萬,
  不知香港高鈇總站在那,在那買房子總沒錯,雖有人反對
高鈇延伸至香港,但作為一個現代城市,怎能沒有高鈇,
若沒有,就會淪落成2-3線城市了,

謝謝分享

引用:

原帖由 rfong50/50 於 2012-6-5 13:58 發表

看 筆兄評論時事, 時而義正辭嚴, 時而嘻笑怒罵, 當知乃此道高人, 道行登峰造極者也. ...

方兄太過譽了,實在令小弟汗顏喱!

I tell you what? 我係中國人 (等於話阿媽係女人一樣之廢話)!

但我係一隻衰仔契弟之中國人!

我冇咁偉大可以連命都唔要而去做英雄、烈士!  

好似係J.F. Kennedy (Please correct me if I’m wrong), 或邊條木咀講, 大意話, 不要問國家為我們做了甚麼, 只要問我們為國家做了甚麼?

我stupid, 我只理解到一點, 乃我才是第一, 一切要從我哋個人開始, 冇了《我》就萬事皆休矣!  

國, 我愛! 我中學時有讀中國歷史, 亦有讀European/World History , 但我不是想找藉口, 好多所謂戰爭乃別有用心之《英雄》所制造、創造, 好多平民百姓參戰, 死咗都唔知乜事, 真冤枉!

正所謂識時務者為俊傑, 好漢不吃眼前虧, 強國事強國了, 我哋唔想俾人滾去做《英雄》就要珍惜香港這片得來不易之暫且偏安之太平地。而我哋一定要信奉《河水井水》論, no matter you like it or not, 這是現實, 別無選擇!

我理得佢乜七四,想搞革命做孫中山, 好吖, 唔該返大陸上高搞, 仲要即日去搞, 唔好剩係响度齋噏搞亂檔!不過請聽阿筆我講 (而唔係隨便聽啲人講), 搞革命唔係請客吃飯咁簡單呀!!

毛主席話, 一萬年太久, 只爭朝夕。我就話何需只爭朝夕?

我怕事, 我去過好多地方, 我獨愛香港, 我唔要見乜鬼Civil War,  我只希望國家自我完善, 我愛和平演變!

惟良禽擇木而棲, at the end of the day, if condition is considered unfavourable, 我會毫不猶疑, 離棄我心愛之香港, 因為我是一隻正宗衰仔契弟精也!







[ 本帖最後由 mtpen 於 2012-6-5 17:18 編輯 ]

引用:

原帖由 rfong50/50 於 2012-6-5 13:58 發表


筆兄,水兄明鑑, 小弟自恃紅褲子出身又於番邦閉關數年, 再經寶X高壓力,高層次政治環境打滾凡五年. 自認文武雙全, 業內才俊. (小弟對於 3D CAE/CAD/CAM 生產製造糸統之一體化應用, 認識頗深.) 加上投資有道, 四十餘 ...

多謝方兄分享。又係SARS 累事，頓覺同病相憐。趁這兩天充了小小電，我亦湊湊熱鬧，分享小弟在SARS 期間的慘痛經驗，如何一鋪清袋。

小弟創業初期薄有成就（下刪兩萬字芋記創業奮鬥史），有見於主業基礎雖穩，但發展局限，而且電信市場急速變化，若要轉型，upfront 會好大，新技術投入不菲。而且需時ramp up , operation break-even 保守估計都要2年多，加上概念新，縱使有抵押，銀行都唔容易批loan. 當時做中期規劃時，決定將公司diversify,qualify 過幾個項目後，將資源投入酒業，因partner有棟商住物業，計劃將萬三平方的商場打造外國酒業進入中國的Marketplace.這樣CAPEX
投入會小，而且revenue stream 主收租金及服務，value chain 比較務實，唔直接做trading, cash flow 壓力不大，經反覆檢定，個business model sound and viable。為保險起見，02 年先攪個wine fair 作前期樣板試驗，掂喎，projectP&L 好靚，即時信心大增兼雄心萬丈，fullswing 去馬，向銀行按物業做 loan , 攪掂區政府延後繳付幾筆大行政費，速速聯絡channel partners , 落實Bplan 各項工作...

噩夢開始，SARS 光臨，銀行call loan , 書記親自來詐型，....，親自跑去英，法，意試圖力挽狂瀾，未落定酒商及協會全部對我敬而遠之，最後一站去到倫敦同酒業協會主席係Excel 傾，算係最有人情味，見我可憐，撻訂就算。（這幾年每當到Excel 附近吃飯，不期然會懷勉當年慘況）

唉，一鋪清袋，山窮水盡同時見盡人情冷暖。但我無放棄，開源截流，重谷電信，重組債務，做埋contingency plan, 一旦頂唔住，再打番工。終於天無絕人之路，04年開始有喜色，做掂幾個deal .全靠當年打工時建立的關係。我無太多冤SARS，反之，欣慰當年的堅持，講開慘痛往事差點收唔到筆，

再聊

引用:

原帖由 Tarocake 於 2012-6-6 02:37 發表



多謝方兄分享。又係SARS 累事，頓覺同病相憐。趁這兩天充了小小電，我亦湊湊熱鬧，分享小弟在SARS 期間的慘痛經驗，如何一鋪清袋。小弟創業初期薄有成就（下刪兩萬字芋記創業奮鬥史），有見於主業基礎雖穩 ...

睇完方兄嘅《真人真事真英雄---被挫愛國壯志》悲慘血淚史, 仲以為想引之以警惕芋兄你添, 誰不知老兄亦落過鑊一輪, 真替你慶幸執番身彩。

我倒有興趣聽聽老兄下删萬字之《芋頭落鑊被煑成糕血淚史》, 那將與《芋頭食神巡迴世界品嚐美食史》同樣咁受歡迎, 請兄盡訴心中情好了, 我定冼耳恭聽喔!

引用:

原帖由 rfong50/50 於 2012-6-5 13:58 發表


筆兄,水兄明鑑, 小弟自恃紅褲子出身又於番邦閉關數年, 再經寶X高壓力,高層次政治環境打滾凡五年. 自認文武雙全, 業內才俊. (小弟對於 3D CAE/CAD/CAM 生產製造糸統之一體化應用, 認識頗深.) 加上投資有道, 四十餘 ...

驚聞方兄那些年曾斷頭而歸, 甚感無奈。  


但望兄不用太過傷感, 要知Everything happens for a reason…或者你現今所得到的, 例如健康及家庭, 比失的還更多呢! 就當自我阿Q一番好了。又或你因此避過了2008年金融風暴仲大鑊果劑嘅災劫也說不定呢!

但我有樣嘢可以肯定, 你並非唯一的落鑊者, 你既非第一個, 也非最後一個。近嘅有芋兄陪你, 遠嘅有蔡東豪。你不妨摷番早两期, 即14/5/12出嘅第1159期《壹週刊》, 他寫嘅《中國很難》道出响大陸令幾許英雄盡折腰之辛酸。

佢 (當然還有你及芋兄之不快經歷) 令我更convinced我24年來也不踏足大陸乃明智之舉。佢暗示 (其實我一早係咁講) 中國係蠻荒世界, 行緊Jungle Law, 唔怕死當去探險都幾剌激吓, 不過我身嬌肉貴, 冇興趣同啲生番一堆。

引用:

原帖由 mtpen 於 2012-6-6 11:05 發表


驚聞方兄那些年曾斷頭而歸, 甚感無奈。  


但望兄不用太過傷感, 要知Everything happens for a reason…或者你現今所得到的, 例如健康及家庭, 比失的還更多呢! 就當自我阿Q一番好了。又或你因此避過了 ...

多謝 筆兄關心及安慰, 當年所失,現已近雙倍賺回. 小弟乃一個較豁達的人, 並不一定要在那裡跌到要在那裡企返起的人. 反而小弟覺得那次之失最大的原因乃小弟過冒進, 在未有完全掌握當時情況. 因急於追逐名利之下而作出錯誤決定, 怪不得他人. 國內地方官員的貪婪,官僚主莪與及人民的質素. 我們早就清楚而知道要防範不是失敗的理由, 天災人禍之破壞, 皆因急功近利而末有居安思危而矣. 因此, 這一次跌倒亦未有忐忑於懷, 衹因 水兄有興趣, 小弟才稍為解說而矣. 唯一可惜者, 乃當年小弟引進的先進机械(有些曾因被認為可作軍事用途拖延數月), 部份為全新的而其他的都是用了一年多. 落於部份國內同胞之手而大材少用,彧得物無所用, 至浪費而矣.

所以對於如 芋兄等與強國人民做生意, 衹要 芋兄遇重大決定時, 如小弟所說, 稍為退後一步睇睇, 心清眼亮, 自然有英明決定, 成功可期.

至於現時政治環境, 確是有點烏煙瘴氣, 我輩受過真正民主洗禮的人, 當知保皇黨及泛民皆不知所謂, 保皇黨不用說喇, 大狀黨就超然物外, 同市民距離已經越行越遠, 需知政治是須要妥協, 民主就係每個人的意見都可以表達及尊重. 非一本天書就可全面包納及照顧到. 民主黨及其餘民主派經常內鬨, 為自己爭取政治本錢而不遺餘力. 尤其係阿高達, 今朝講D野真不知所謂. 而惟一比較可取的阿富就唔玩, 可借.

不過, 平反六四小弟相信四五年後可以平反. 因為以強國D話事人怕乜做個順水人情啊, 既可取侻人民鞏固自己地位, 一個唔覺意連小平同志欏吾倒旳諾貝爾XX獎都欏到呀. 至於結束一黨專政, 以現時強國人民的素質, 相信小弟有生之年都睇唔到喇.

筆兄亦不必為香港的穩定而擔憂. 須知到如 National Front 等從來都冇市埸架喇. 吾等一定仲可以在香港安居樂業, 暢所欲言, 嘻笑怒罵, 遊戲人生.

恭喜方兄。向內及向外求都成功　

引用:

原帖由 flowingwater 於 2012-6-6 14:28 發表
恭喜方兄。向內及向外求都成功　

水兄,  

非也, 非也, 小弟未能於國內投資方面從跌下來的地方企番起身, 小弟自知自己未能習慣國內做生意的方式, 投資祖國最佳的方法係投資國內認識兼可信的人. 因此數年前以投資者身份投資於從事LCD TV  旳外殼生產,( silent partner 衹負責部份資金.) 約賺回當年虧蝕的兩三成而矣. 其他就是在香港和國外投資所得.

引用:

原帖由 mtpen 於 2012-6-6 09:21 發表


睇完方兄嘅《真人真事真英雄---被挫愛國壯志》悲慘血淚史, 仲以為想引之以警惕芋兄你添, 誰不知老兄亦落過鑊一輪, 真替你慶幸執番身彩。

我倒有興趣聽聽老兄下删萬字之《芋頭落鑊被煑成 ...

筆老大，下刪萬字部份應該叫芋頭升呢變芋泥好D, 因早期樂多於苦。但重溫SARS 期間苦況時，誰寥寥幾句，內含辛酸真係非筆墨所能形容。男人大丈夫，外面如何惡劣都能扛，兄弟及外邊鐵哥們支持，有來有往大家心照，最慘連累家母，令我痛心多年。

事緣當時縮到盡，每個月OPEX 都座底X00K,未計還loan ,黑起上來，最大個客更換財務，AR 掛左8個月，兄弟及老友們都借到自己唔敢再開口，於是遙控芋嫂在香港再變賣家當，誰料芋嫂揍埋仲差小小，於是乎同老媽商量暫時週轉。唉！老人家到銀行提款時不小心摔倒，手骨折，但怕我擔心，無講我知。當時搏殺階段，好小回老家，折完石膏我至見到，仲要訛老媽2句唔小心。直到04年初在北京closed 個 deal, 打翻來同芋嫂報喜，才獲知此事。嘩，個心酸到不得了。當晚唱K慶功仍佯裝無事免得掃興，到有條友唱"父母恩"時，即有所感觸，班友見我眼泛淚光仲取笑我開心到流淚。Ciao! 誰明我心！

好喇，執行李，明晚回倫敦，老大記着多發帖，以解我在彼邦寂寥。

引用:

原帖由 rfong50/50 於 2012-6-6 14:18 發表


多謝 筆兄關心及安慰, 當年所失,現已近雙倍賺回. 小弟乃一個較豁達的人, 並不一定要在那裡跌到要在那裡企返起的人. 反而小弟覺得那次之失最大的原因乃小弟過冒進, 在未有完全掌握當時情況. 因急於追逐名利之下而 ...

多謝方兄提點。極具參考價值。希望多向兄台學習。

小弟較方兄幸運，我果行比較規範，有些小官僚，但 manageable .投資風險低，但 margin 及一些固定收益模型沒有以前正。無計，只能穩守突擊，期望日後與方兄多交流國內營商之道

引用:

原帖由 rfong50/50 於 2012-6-4 23:58 發表

筆兄所說的黑店乃皇朝是也, 是我回流香港後才開的, 應該都有十多年歷史了. 我們就比較喜歡去Bayswater果邊個聞, Putney 我初到倫敦的時候差不多每天都經過. 因楂車返學是由Richmond 經Barnes沿河邊經過 Putney B ...

該黑店正是皇朝!

我原想姑諱其名以存忠厚, 惟方兄已開了名, 我亦直指可也!

Bayswater那邊我只偶爾跟朋友相聚才去, 那裡太高尚了, 也無像樣之唐人雜貨店, parking又超麻煩。始終猪乸街果邊方便得多, 龍鳳、金門行、泗和行…超市多間,
可上足成個星期雜貨, 早茶與晚飯時段打完書釘辦完貨仲有時間剩又可行去附近Regent Street or Oxford Street逛吓, 冇使條條fing。

泊車我鍾意花園仔一帶, 貪佢一買到咁上下雜貨, 如米之類, 方便先存於車尾, 再行返猪乸街買過。

引用:

原帖由 Tarocake 於 2012-6-6 21:39 發表


好喇，執行李，明晚回倫敦，老大記着多發帖，以解我在彼邦寂寥 ...

Sure, stay in touch, mate!

記得幫我揾個完美之Aubergine呀!

Bon Vovage!

引用:

原帖由 mtpen 於 2012-6-6 21:42 發表


該黑店正是皇朝!

我原想姑諱其名以存忠厚, 惟方兄已開了名, 我亦直指可也!

Bayswater那邊我只偶爾跟朋友相聚才去, 那裡太高尚了, 也無像樣之唐人雜貨店, parking又超麻煩。始終猪&# ...

筆兄，需唔需要幫你同牛哥（老板）反映？

Bayswater 間文興好似正D. Canary Wharf 間Royal China 唔知筆兄及方兄有無去過？

引用:

原帖由 mtpen 於 2012-6-6 21:51 發表


Sure, stay in touch, mate!

記得幫我揾個完美之Aubergine呀!

Bon Vovage!
  

My Lord,
will try but you may wish to draw your dream aubergine just in case. HeHe

引用:

原帖由 1149 於 2012-6-5 14:50 發表
多謝方兄分享經驗,也是我們的一面鏡子,

板橋市,台北縣的一個城市,鄰近台北市,本是2-3線城市,
但現在是高鈇,火車,捷運,輕軌及各長途巴士的總站,已成
1線城市,我在1991年買了一個房子,1坪19萬,現在那褢
新建大樓 ...

板橋市多年前我也曾到過，主要原因都是因為有高鐵，那些年台灣高鐵通車不久，我專程到台灣搭它，作為人生第一次搭高鐵，先從台灣去桃園，回程時在板橋下車順道一遊，那時好像是一個小鎮，想不到現時已是繁盛市鎮，可見高鐵之威力。

板橋市有一球場，晚上有很多小朋友玩滾軸溜冰，亦有很多家長一起支持，真的是樂也融融，未知現時仍然是否有此歡樂景象。

香港好在還有保皇黨，可以令到高鐵起得成及總站在西九龍(在市心近佐敦)，現時該站附近為豪宅區，每平方呎1-3萬左右，但不知道是多少萬一坪。(1149兄，一坪是否等於36平方呎?)

今日剛剛在大陸搭了兩程高鐵，先由珠海北站到廣州南站，再由廣州南站到深圳北站，第二程車係由武漢到深圳北站，全車16節，最高303公里，廣州南站到深圳北站沿途不停站只用了27分鐘，全車爆滿。

那些當年及現時仍反對的應該好好三思。

理兄預左好快比人炳

我都係以事論事嗟。

珠海拱北站因為收地問題，短期內都不能通車，想搭高鐵要坐接駁巴士到珠海北站，足足要大半粒鐘，如果火車直通，十分鐘都唔駛。

另外，火車停在深圳北站，即使轉乘地鐵，亦都要40多分鐘先至到羅湖， 可見點都係要在市中心設站才可發揮最大威力。

btw，乜今次又無比你見到呢。

今次你行程太轉折。