引用:

原帖由 flowingwater 於 2013-2-4 23:55 發表
好耐無見;請問邊間?

水兄，真係好耐無見，別來無恙？
那是北京西直門（德寶飯店旁）的惠丰老北京涮羊肉，用炭火的邊爐，一定要試手切鮮羊肉及黑百頁，手幹麵真係人手做，好正。

引用:

原帖由 mtpen 於 2013-2-5 07:48 發表



北京早辰!

唔係我筆猪脚作法, 係芋貴人出巡, 污煙瘴氣、邪魔妖道都要速速讓路咁啫!  

話口未完，今早迎來一場小雪，好美啊，多謝筆諸葛作法。

芋頭無知，推左三年，今日睇完春晚彩排才知以前走寶。現場氣氛非常震撼。雖然是彩排，但rundown 一樣，只有少數表演嘉賓無到，仍有那英，宋祖英，陳慧琳，張靚穎，孫楠，蘇有朋，三位太空人（我離開時等車，劉陽就站在我旁）及郎郎等。舞台真係一流，地面及天花由幾佰塊一平方米活動架組成，可隨時伸縮及升降，另有LED打出不同背景圖案，主持人出場時的天梯確實夠氣魄，天花可以灑水，水幕可以顯現字體，我墨水有限，各位街坊有空不容錯過二月九日央視直播。由於場內不准攝影，連手機亦不能攜帶入內，我是由領導帶入去，無被要求寄存手機，拍了一張，旁邊有人提醒嚴禁帶手機，再睇睇入場票始知差點闖禍，只能分享一張

按主持介紹，宋大姐會同CelineDion合唱茉莉花。Celine 姐今日無到場，今日代佢走位個替身真係好靚

引用:

原帖由 Tarocake 於 2013-2-6 01:16 發表

芋頭無知，推左三年，今日睇完春晚彩排才知以前走寶。現場氣氛非常震撼。雖然是彩排，但rundown 一樣，

芋兄你就好啦, 可以受到國家領導人級數之高規格款待, 咁春晚現場老兄會否是座上客之一呢?

你跟習太咁稔熟, 你覺得佢同送咀英邊個啲聲、色、藝犀利啲呢?

引用:

原帖由 Tarocake 於 2013-2-6 01:12 發表

話口未完，今早迎來一場小雪，好美啊，多謝筆諸葛作法。

落雪是回暖的跡象, 雪即是雨, 受濕暖空氣影響而形成。所以落雪其實仲會暖過早两日萬里晴空的日子的。


之不過以芋兄放上之「薄」雪就好大鑊, 「大」雪反而安全啲呢!

老兄小心撻直呀, 而揸車要行到好似送殯咁嘅速度就啱嘞, 除非條路已有好多車行過令啲雪已溶化了!

咁嘅情況呢幾天跌打師傅又或物理治療師會其門如市喔!

一婦人帶五歲女兒看牙醫,女兒恐懼大哭,
護士說,"看個牙齒哭成這樣,丟臉."
醫師還恐嚇,"再吵就割掉舌頭."
婦人怒告恐嚇,
醫師辯稱,他是說."再吵就割到舌頭."
官司還在打,

現很多牙醫診所不看小孩,這應該是主因.

一歲多的小孩,處理外傷的確頭痛,大醫院人手較足,
可把家屬阻隔在外,護士七手八腳把小孩壓制著,
(給家屬看到會告你),讓醫師處理.
有時甚至考慮送進開刀房,全身麻醉再處理,
理兄能理解嗎,

引用:

原帖由 1149 於 2013-2-6 17:45 發表

婦人怒告恐嚇,醫師辯稱,他是說."再吵就割到舌頭."官司還在打, ...

常見49大夫說怕自己被誣告醫人不當俾人無理取鬧告將官去, 貴國是很輕易去告人的嗎?

貴國是否行花旗system, i.e. no win no fee, 即類似包攬訴訟的呢?

香港行英國system, 不可出錢幫人打官司。

我最近幫筆嬸爭身家, 礙於輸了要付對方訟費, 不敢輕言吿人呢。若果法例容許律師幫人打官司贏咗才在對方罰款上扣訟費便好了。

引用:

原帖由 Tarocake 於 2013-2-6 01:16 發表
21芋頭無知，推左三年，今日睇完春晚彩排才知以前走寶。現場氣氛非常震撼。雖然是彩排，但rundown 一樣，只有少數表演嘉賓無到，仍有那英，宋祖英，陳慧琳，張靚穎，孫楠，蘇有朋，三位太空人（我離開時等車，劉陽就 ...

芋兄：好多謝你的分享，但同時也請芋兄下次緊記要遵守當地電視台的規矩，免惹不必要的煩事，既然芋兄咁大力推薦這個央視春晚，那小弟就會留意香港那個電視台的播放，希望知道的街坊能在此揚聲，免街坊錯失欣賞的機會，謝謝各位街坊。

引用:

原帖由 1149 於 2013-2-6 09:45 發表
一婦人帶五歲女兒看牙醫,女兒恐懼大哭,
護士說,"看個牙齒哭成這樣,丟臉."
醫師還恐嚇,"再吵就割掉舌頭."
婦人怒告恐嚇,
醫師辯稱,他是說."再吵就割到舌頭."
官司還在打,

現很多牙醫診所不看小孩,這應該是主因 ...

書到用時方恨少 事非經過不知難

美國醫療費全球最高,因一半是用來訴訟.醫病都有人代勞,
台灣醫療費是美國的十分之一,出事自理,故內外婦兒急診
五大皆空,醫學生調查,將來願意做五大科者,只有6%

各位九龍仔街坊，蛇年話咁快就到，請問各位還否記得當年豆利事，燒炮仗，舞獅等過年場面呢？蕉仔自制了幾張揮春送給各位街坊。



[ 本帖最後由 蕉園仔 於 2013-2-8 19:05 編輯 ]

引用:

原帖由 蕉園仔 於 2013-2-8 10:38 發表

各位九龍仔街坊，蛇年話咁快就到，請問各位還否記得當年豆利事，燒炮仗，舞獅等過年場面呢？蕉仔自制了幾張揮春送給各位街坊。

蕉兄之揮春簡直靚得交關, 有着深層次的立體感, 醒, 極之有IT創意啊!

我大督筆亦借花敬佛, 借蕉兄之揮春跟各位街坊暨網友祝願大家新嘅一年萬事勝意、身體健康!

蕉兄之最佳創意果part係要就住字數將「九龍仔街坊暨大坑東及西仝人」simplified 為「九龍仔街坑仝人」, 確實犀飛利, 亦屬可以理解喔!

引用:

原帖由 mtpen 於 2013-2-8 14:49 發表
蕉兄之揮春簡直靚得交關, 有�茞`層次的立體感, 醒, 極之有IT創意啊!
我大督筆亦借花敬佛, 借蕉兄之揮春跟各位街坊暨網友祝願大家新�鴾@年萬事勝意、身體健康!
蕉兄之最佳創 ...

筆學長，閣下真眼利，咁都比你幫我兜返，謝謝你，不知學長有冇興趣自己玩下，說難不難，說易不易，慢慢摸摸應可通的，這個是我上次介紹你的軟件 Photocap 制作的，免費軟件，好玩好用，不過想學就一定要先登記，成為會員，才可跟著圖一步一步來做，登記比較麻煩，因登記完要等通知才可成為會員。

http://www.photocap.com.tw/forum/viewthread.php?tid=44884&extra=page%3D1

送多張揮春給學長

引用:

原帖由 蕉園仔 於 2013-2-8 15:30 發表


筆學長，閣下真眼利，咁都比你幫我兜返，謝謝你，不知學長有冇興趣自己玩下，說難不難，說易不易，慢慢摸摸應可通的，這個是我上次介紹你的軟件 Photocap 制作的，免費軟件，好玩好用，不過想學就一定要先登記， ...

非常感激蕉兄之好介紹, 我雖然老餅, 但勝在肯學。

我一定會登記玩玩, 老兄若有更荀free software, 不妨介紹我喔!

為回饋老兄之厚贈, 我以無比之喜悅心情熱烈向兄推介我昨天在灣仔電腦中心用咗$1,020買嘅呢個我夢寐以求之玩具。

我將會有一段好長時期唔得閒, 將我前半生影落之大量slides digital化, 最正係連菲林之negative 底片都可以咁digitize埋, 超好玩喔!

我隨手附上我於1976 至1978年之間在尖沙咀影之一幅slide相, 效果not too bad, isn’t it?

引用:

原帖由 蕉園仔 於 2013-2-7 00:39 發表


芋兄：好多謝你的分享，但同時也請芋兄下次緊記要遵守當地電視台的規矩，免惹不必要的煩事，既然芋兄咁大力推薦這個央視春晚，那小弟就會留意香港那個電視台的播放，希望知道的街坊能在此揚聲，免街坊錯失欣賞的 ...

蕉學長，收到！其實我都唔知，一路帶到我坐低先俾張票我，不過下次我會緊記你指示。

其實我都有小小心術不正，我諗著遇上一些春光乍洩情況就拍下來考敬筆老大，始終無緣讓我擦鞋。

我家用Cable TV好似有央視台，不然可上cctv.com看

PS,其中一男一女玩什耍非常精采

引用:

原帖由 蕉園仔 於 2013-2-8 10:38 發表
各位九龍仔街坊，蛇年話咁快就到，請問各位還否記得當年豆利事，燒炮仗，舞獅等過年場面呢？蕉仔自制了幾張揮春送給各位街坊。

2229574

蕉學長，多謝創意愛心揮春。亦祝你蛇年身體健康，萬事如意。

引用:

原帖由 mtpen 於 2013-2-8 16:20 發表


非常感激蕉兄之好介紹, 我雖然老餅, 但勝在肯學。

我一定會登記玩玩, 老兄若有更荀free software, 不妨介紹我喔!

為回饋老兄之厚贈, 我以無比之喜悅心情熱烈向兄推介我昨天在灣仔電腦 ...

老大，正呀，希望能多欣賞你的懷舊獵影，倘有九龍仔當年照片，麻煩給予優先分享，唔該哂。

跟大家拜個早年,祝蛇年行大運,個個蛇吞象,
肚滿腸肥,
當年九龍仔過年燒炮仗,沖天炮滿天飛,滿街通紅,
年初五,清道夫掃街,廢炮仗可堆成小山崗,
現在已沒有那種過年氣氛了.

引用:

原帖由 Tarocake 於 2013-2-8 16:46 發表


PS,其中一男一女玩什耍非常精采...

為防走雞, 請問芋兄所述嘅精彩雙人表演是否京漢推車?

係就担定凳仔look see the 真喔!

引用:

原帖由 Tarocake 於 2013-2-8 16:49 發表


老大，正呀，希望能多欣賞你的懷舊獵影，倘有九龍仔當年照片，麻煩給予優先分享，唔該哂。

一定, 之不過芋兄你一定失望, 因為到我發咗有錢做小資產階級可擁有3C之一, i.e. Camera時, 九龍仔已俾港英偽政府拆咗骨了!  

不是笑話,
在美國要找某某醫師,去法院找較快,
要找某某律師,去醫院找較快.

引用:

原帖由 mtpen 於 2013-2-8 16:20 發表
非常感激蕉兄之好介紹, 我雖然老餅, 但勝在肯學。
我一定會登記玩玩, 老兄若有更荀free software, 不妨介紹我喔!
為回饋老兄之厚贈, 我以無比之喜悅心情熱烈向兄推介我昨天在灣仔電腦 ...

筆學長，你這筆錢實在值得花，事隔多年的slides，經過數碼化後照片仍然很清晰，再加上學長這四個字，【勝在肯學】，經過若于時日，包學長可成為一位出色的電腦人才。

看到那些無冷氣的巴士，就想起有次返工坐過海隧道巴樓上，當時外面下雨，所有車窗都關上，但坐我隔離個女人還在煲煙，一支接一支，真想............XYZ佢

引用:

原帖由 蕉園仔 於 2013-2-8 19:21 發表


筆學長，你這筆錢實在值得花，事隔多年的slides，經過數碼化後照片仍然很清晰，再加上學長這四個字，【勝在肯學】，經過若于時日，包學長可成為一位出色的電腦人才。 ...

那就要蕉兄你哋啲後生仔多多過料俾我呢亭老鬼了!

其實今次我砌惦上載SD內已captured from slides/negatives之pictures乃要借助老兄很久之前介紹我用之FastStone Image Viewer內之MSDC (Mass Storage Device Class) Mode呢!

真係多得你唔少喔!

引用:

原帖由 mtpen 於 2013-2-8 18:22 發表


一定, 之不過芋兄你一定失望, 因為到我發咗有錢做小資產階級可擁有3C之一, i.e. Camera時, 九龍仔已俾港英偽政府拆咗骨了!   

Let me put it like that:

景尚在而機冇跡; 相欲影而仔不在!