引用:

原帖由 西南風 於 2011-12-28 20:07 發表


pen兄，50/60年代的香港貧民窟又是豈止大坑東呢，港島東都唔少。

不同者是你住山邊而我住海皮而矣

咁南風兄窮得嚟都有海景睇吖！

又有魚釣！

游吓水又得！



[ 本帖最後由 mtpen 於 2011-12-28 21:18 編輯 ]

筆兄好，唐人街旺記沒印象，2月中回倫敦時再幫你考察。現時Gerrard St中餐館開到密麻麻，雖然粵菜仍屬主流，這幾年間目睹很多外省風味進埸。例如巴蜀，梁山好漢，東北餃子，福州魚丸。傳統老店如海外天，文興，頂好，龍鳳，翠園等尚在，唐人街範圍不斷擴大，遲早吞併Convent Garden ,Soho.我每次回倫敦首個周末會到唐人街掃貨，人山人海，但大部份都講普通話，與6年前所見已有很大變化。現時中餐館在Mayfair,Dockland,Lewisham,Greenwich開到多不勝數。連Hounslaw 都有北京菜館，服未？筆兄筆嫂下次回英巡視，小弟一定盛情接待，不會令筆兄筆嫂失望。

引用:

原帖由 Tarocake 於 2011-12-29 09:50 發表

筆兄筆嫂下次回英巡視，小弟一定盛情接待，不會令筆兄筆嫂失望。...

非常感激Tarocake兄之盛情款待！有此兄弟無憾矣！

離英多年，或感陌生，我俩老到時有勞老兄帶路了！正所謂「禮失求諸野」！

大鑊！用錯字句添！犯上作大兼侮辱兄台之嫌！到時一於罰我俩請客陪罪好了！

筆兄言重，這樣才大家開心。筆兄筆嫂不要破費，由小弟做東吧。除唐餐外，我亦有幾間心水餐廳做得不錯。
說實話，我到現在還末完全適應英倫生活，恐怕已患上倫敦自閉症，要是不用出差或應酬，基本上都在住所煲碟渡日，所以每次回英前都會到常平搜購老翻，只要不是首輪西片，UK Border都不會有意見。除蔬果外，衣食住行都不及香港，因此筆兄回流香港的決定是正確。我愛香港！！！

引用:

原帖由 Tarocake 於 2011-12-29 19:29 發表
...除唐餐外，我亦有幾間心水餐廳做得不錯...

那到時就真係要Tarocake兄你這食家多多指點了！

我屈指一算，2013年春夏之間英倫將會是好時年！不過只是利我，不利紅毛鬼！揸定錢執平嘢！

2012係人都知乃全球凶年，哎吔祖家又搞乜鬼奧運，佢仇口多，我怕佢會五鬼拍門，暫無寧日，所謂危城勿入，務請小心！

等契媽奧運冲喜後，縱使大步𨂾過，亦會債台高築，將緊隨Eurozone，破產告終。樓市會下滑50%，而英鎊會見£1=HK$10！信焉？

引用:

原帖由 Tarocake 於 2011-12-26 04:32 發表
康兄好，原來你也喜歡此美食，志同道合。小弟為食非常，希望多交流其他人間美食。我對泰國佳餚亦甚欣賞，康兄亦然？

Tarocake 兄

康仔無乜嗜好, 最大癮係食 食 食, 特別係小吃
泰國野, 好香口, 岩晒香港人口味,
之前去過泰國旅遊, 係泰國食同香港食, 差好遠喎
香港本地食既泰國菜賣相已經超晒班,
講起泰國小食, 最正係炸香蕉片, 小小甜, 多多脆.

引用:

原帖由 西南風 於 2011-12-28 20:07 發表


pen兄，50/60年代的香港貧民窟又是豈止大坑東呢，港島東都唔少。

不同者是你住山邊而我住海皮而矣

西南風兄，你住在港島東？海皮？貧民窟？
咁係愛秩序灣抑或亞公岩？

兩者都經過大火災劫。

Oh My God.

引用:

原帖由 mtpen 於 2011-12-28 17:55 發表


Tarocake兄食盡天下，不知老兄在英時，有否到過對正唐人街正街，即猪乸街，街口嗰間黑店謀人寺「旺記」呢？  

約20年前，強國尚未發，佢哋已發作，真係能夠做到中國人民有志氣！ ...

筆兄
康仔未曾踏足英倫, 都聽過旺記個大名, 真係幾響.
呢間野生存左甘多年, 可以話係奇蹟喎

康兄好，未知是否我在香港品嚐泰國美食範圍小（只懂九龍城區），總覺得較曼谷遜色。小弟一年總會蛇去曼谷好幾次充電，希望不會是先入為主。論小食，曼谷幾大商埸包括Central World, Siam Paragon,Emporium,MBK等food court的品種多，質量好。康兄既然喜歡炸香蕉，可以去Emporium或Siam Paragon,那裡是現炸的，還有芋頭及蕃薯，小弟只鍾情芋頭，通常會夾兩片蕃薯。如果康兄有機會去佛統府，市場兩旁小食更加目不暇給。有幾處小弟必到以供參考。Somboon建興酒樓的咖哩蟹，不要點餐牌，一定要去門前挑一隻活的，他們叫special.另加炒通菜，炭燒東風螺。甜品可選芒果糯米。坐地鐵Huai Kwang 站3號出口即見。最好不要打的，該路段非常塞車。倘與康嫂同往要小心，因地處紅燈區，怕康嫂有想法。其實Somboon有多間分店但這間最掂。TimeSquare的Jasmine,一定要點沙律蝦球及乳豬兩吃，豬殼要BBQ.Blue Elephant點Set Lunch,其他日後分享。
連康兄都聽過旺記那小弟真背，可有照片讓小弟知道位置。


筆兄好，若然預測正確，小弟真是欲哭無淚。06年14.65換，現時痛到入肉，依筆兄高見，應何時止蝕？謝謝

引用:

原帖由 理魯竇 於 2011-12-30 00:19 發表


西南風兄，你住在港島東？海皮？貧民窟？
咁係愛秩序灣抑或亞公岩？

兩者都經過大火災劫。

Oh My God.

係亞公岩，東大街祟真堂對落的海傍。

大火 災就未遇過，但50/60年代的幾場風就.....

尤其是"溫黛"........

當年境況多見08年的標題 "懷舊圖片大放送"~~eric54(樓主)

後記:--年前小姪女(高中二)自上海來港團年，我以''威迫利誘''之手段使其看畢上列題目，她的回應是

"大伯，係唔係真的咁淒涼鮁"

無語...

[ 本帖最後由 西南風 於 2011-12-30 09:12 編輯 ]

引用:

原帖由 西南風 於 2011-12-30 09:05 發表


...-我以''威迫利誘''之手段使其看畢上列題目，她的回應是"大伯，係唔係真的咁淒涼鮁" ...

咁南風兄又有冇講解一吓俾佢聽，邊個搞到你呢個大伯咁慘呢？

無！！！

如果一定要提供一個的話.......

就係個 "天"

引用:

原帖由 西南風 於 2011-12-30 09:05 發表


係亞公岩，東大街祟真堂對落的海傍。

大火 災就未遇過，但50/60年代的幾場風就.....

尤其是"溫黛"........

當年境況多見08年的標題 "懷舊圖片大放送"~~eric54(樓主)

後記:--年前小姪女( ...

溫黛來時，鬼哭神嚎，溫黛過後，滿目瘡痍。

亞公岩大火發生於1970年，那時候我在東大街尾某工廠大廈一電子廠工作，某天上班聽到哭聲震天，原來是昨晚一場大火，很多女工都無家可歸，但唔返工要罰錢，所以個個喊住開工，真淒涼.

可能西南風兄當年已經上樓或另覓居所矣。

引用:

原帖由 西南風 於 2011-12-30 09:37 發表

無！！！如果一定要提供一個的話.......就係個 "天"

唉！天啊！問天何太狠？

惟天曰: 「天若有情天亦老！吾老矣，無能為力矣！Sorry 囉！」

引用:

原帖由 scottiehong 於 2011-12-30 00:19 發表



筆兄
康仔未曾踏足英倫, 都聽過旺記個大名, 真係幾響.
呢間野生存左甘多年, 可以話係奇蹟喎

好想諸事八掛一吓，請問康兄是否有親友亦有我之遭遇，甚或有過之？  

哦...７０年己經上咗樓囉，在九龍東。

當年"溫黛"掛＋號波時，得幾個舅父幫手摸黑撤離，還帶走了惟一的生財工具____衣車(家山有福、祖先保祐,感恩)在外公家住了十多日就搬到了淺水碼頭村山腰的一間石屋往......咁又過了一劫。

"溫黛"過後，在"寳文街"極目所及，海面上、一隻船都冇見到









-

[ 本帖最後由 西南風 於 2011-12-30 11:59 編輯 ]

引用:

原帖由 西南風 於 2011-12-30 11:41 發表

.,,摸黑撤離，還帶走了惟一的生財工具____衣車. ...

乜走難模式咁相似嘅？

當年小弟响九龍仔寮屋走火警時，家人亦是托住部衣車往山上逃！

引用:

原帖由 西南風 於 2011-12-30 11:41 發表
"溫黛"過後，在"寳文街"極目所及，海面上、一隻船都冇見到...

變哂 yellow submarine！

引用:

原帖由 mtpen 於 2011-12-30 12:40 發表


變哂 yellow submarine！  

溫黛過後，呢隻沉船我在西環岸邊親眼見過，
過左一二天後，成隻反轉咗，
真係十足十一隻submarine.

引用:

原帖由 理魯竇 於 2011-12-30 14:15 發表


溫黛過後，呢隻沉船我在西環岸邊親眼見過，
過左一二天後，成隻反轉咗，
真係十足十一隻submarine.

乜原來真係咁大鑊㗎？

呢幅圖我都係第一次見。以前未有電視，報紙都冇錢買，只係聽講而已，冇睇見咁震撼！

引用:

原帖由 Tarocake 於 2011-12-30 05:54 發表
筆兄好，若然預測正確，小弟真是欲哭無淚。06年14.65換，現時痛到入肉，依筆兄高見，應何時止蝕？謝謝
...

慘聞芋兄於高位入貨做咗蟹，喊亦無謂，因止蝕位已過哂龍，返鄉已無望矣！

如今之計，唯有溝貨一途！

嗱！咁喇，等£1=HK$10開始掃貨，逢低吸納，希望愈溝愈淡，見£1= HK$1（到時我死俾你睇）才好停手，然後反手止賺 (點止法唔好問我)！

不過若有日啲英鎊變成哎吔契媽簽名嘅 IOU (I Owe You) 白條子唔好賴我！

更請老兄於我哋2013年响London見面時，拜托唔好再提呢單嘢，無謂流淚眼望流淚人，免生掃興，okay?

阿筆我乃玉石商人一名，斷嚿估㗎咋，萬望醜嘅唔靈好嘅靈啦！

筆兄，我只能認命。常言道，有早知，無愛滋。算啦。一到13即放，免得眼冤。

引用:

原帖由 mtpen 於 2011-12-30 11:11 發表


好想諸事八掛一吓，請問康兄是否有親友亦有我之遭遇，甚或有過之？   

筆兄

康仔有朋友是新界原居民,
當年政府要收地發展, 同佢地傾 "以地換地"
太公地, 要成條村既男丁同意先可以決定
幾十年前, 新界佬好多走去英倫批薯仔, 洗大餅
個老友咪去英國搵返佢d叔伯兄弟簽同意書,
佢去過旺記, 講返呢單奇聞, 所以聽過呢間寶號.

新的2012年快來臨了，在此祝願大家九龍仔老街坊身體健康，心想事成！

引用:

原帖由 小師弟 於 2011-12-31 22:54 發表
新的2012年快來臨了，在此祝願大家九龍仔老街坊身體健康，心想事成！

Happy New Year 搶先做今年第一個留言