童年的快樂是向媽媽拿五塊錢去東方戲院看查理士布朗臣(Charles Bronson (November 3, 1921 – August 30, 2003))、史提夫麥昆,正直,勇敢的男人.

[ 本帖最後由 PLAYERalex 於 2010-6-28 00:59 編輯 ]

歡迎PLAYERalex 兄，
「七俠蕩寇誌」和「龍虎榜」都係我的兒時至愛，
一做公餘場就晨咁早去排隊買飛，
成五蚊一張飛就真係買唔起喇，
如此說來你媽媽真係好錫你啊。

哈哈，師兄真富有，五塊錢？我每星期六只欏兩毫子，時值廣智戲院未拆，那戲院專做二輪電影，每套電影都只做兩至三天就轉畫，而逄星期六，就同老媽子欏兩毫子去買票睇黃飛鴻，前座咋。說也奇怪，星期六日都是做關德興黃飛鴻電影的。
一套電影就花一個下午，跟住睇下有冇錢剩，如果有，走去廟街推車仔食下烚蜆，一毫子一碟，用鹽水烚熟的，沒有豉椒炒的鑊氣，一大鍋酸甜汁，有少少似而家D海南雞飯既醬咁，但冇咁杰，每個人拿起隻蜆就往鍋裡點，然後就欏上黎擺入口食。
食完走去潛下籌(抽獎），廣智戲院後面有個阿叔搞潛籌別開生面，一大袋波子，一毫子潛兩次，要潛中五粒唔同色既波子就有獎。如果有兩粒相同，就馬上被中止。
唔想咁玩既可以去彈波子，那時小販真係多花款，彈波子機要彈中五粒在不同位置先有獎，彈完輸左，就欏個牌仔，儲夠一定數量又可換野。冇錢就走去租公仔書，一毫子最少有四個牌仔，四個牌仔可以租四本公仔或食四粒陳皮梅。
其實那時什麼都係玩賭運氣，潛籌又好，抽獎又好，就算租公仔書、食糖蔥餅都有得玩轉盤，轉得一定位置就會多些獎賞，如糖蔥餅轉盤就有一件、兩件、四件等，但最少都有一件，唔會完全輸晒既。但那時又沒人說會助長賭風，仍是個個樸素平實。今日既小童，太受保護，望下都話會學壞，但學壞不在環境，而在自己而已。

[ 本帖最後由 mygo 於 2010-7-2 14:39 編輯 ]

小時根本沒有什麼小販認可區，鍾意擺邊就邊，最多走鬼。
那時，油麻地廣智戲院一帶是小販集中地，因近廟街之故，小販特多。
有賣面粉公仔的，手工唯肖唯妙，有賣大菜糕的，一個雞旦或一隻小水杯，暴露在空氣中，汔車行過，行人行過都係咁食，食時小販盛一小匙水往上面沖一沖沙塵就吃了，今日，又話不衛生。
平安大廈後有講古佬，不過，都唔知佢講乜，從來唔聽，只有D伯父及伯爺公踎響處或坐響度聽。
晚上有人唱戲，唱完賣陳皮梅之類，都係一毛子粒，俾一毛子買包陳皮梅已多謝連聲，今日聞說已冇野賣，只係打賞，聽講話俾五十蚊都唔係幾高興，算了，從來都唔行去聽。
小販賣西瓜係至愛，同老豆行過，一定食一件，每件一毛子，清甜過而家多多聲。

引用:

原帖由 mygo 於 2010-7-2 11:07 發表
其實那時什麼都係玩賭運氣，潛籌又好，抽獎又好，就算租公仔書、食糖蔥餅都有得玩轉盤， ...

亞哥研究過, 發覺轉盤有"轎妙", 1 定中唔到大獎, 最多中 d 細獎, 而且多數唔中.

這裡我所知校長的童年最快樂

引用:

原帖由 suewong 於 2010-7-2 23:22 發表 亞哥研究過, 發覺轉盤有"轎妙", 1 定中唔到大獎, 最多中 d 細獎, 而且多數唔中.

就像賭神中田雞在台南賣燒腸那樣了，有磁石。

引用:

原帖由 理魯竇 於 2010-7-2 01:17 發表 歡迎PLAYERalex 兄，「七俠蕩寇誌」和「龍虎榜」都係我的兒時至愛，一做公餘場就晨咁早去排隊買飛，成五蚊一張飛就真係買唔起喇，如此說來你媽媽真係好錫你啊。

5毫子囉!
誇張少許都唔得!

正場前座好像是$1.20

引用:

原帖由 PLAYERalex 於 2010-7-3 01:24 發表 5毫子囉!誇張少許都唔得!正場前座好像是$1.20

正確。
普慶戲院正場座係$1.2，中座$1.7。
光明、第一新正場$0.6， 中座$1.2
廣智(二輪)前座 $0.2，中座$0.4。

引用:

原帖由 mygo 於 2010-7-2 11:07 發表 哈哈，師兄真富有，五塊錢？我每星期六只欏兩毫子， ...

誇張少許都唔得 ?
童年的快樂是乘媽媽心情好時要五仙銀, 二、三個月通常可以儲夠$1.5,
坐電車去東方戲院看戲,還有一毛子買雪條。

東方戲院,陳年往事,
以前成日,逃學同d學友一齊睇戲

睇完電影到雙喜樓地下凉茶鋪飲凉荼!

[ 本帖最後由 meijik622 於 2010-7-3 02:55 編輯 ]

引用:

原帖由 mygo 於 2010-7-2 23:59 發表

就像賭神中田雞在台南賣燒腸那樣了，有磁石。

亞哥話物理學原理 -- 傾斜.

[ 本帖最後由 suewong 於 2010-7-3 18:27 編輯 ]

引用:

原帖由 大隻西 於 2010-7-2 23:37 發表
這裡我所知校長的童年最快樂

我估是水哥. 水哥家境小康, 父母又錫.  

間唔中, 都聽到爸媽為家用 / 錢 煩.  

引用:

原帖由 PLAYERalex 於 2010-7-3 02:39 發表

誇張少許都唔得 ?
童年的快樂是乘媽媽心情好時要五仙銀, 二、三個月通常可以儲夠$1.5,
坐電車去東方戲院看戲,還有一毛子買雪條。

亞爸每天放工, 都比 1 毫子我, 70 年代, 應該幾好.

不過我懷疑入 side 家姐 / 亞哥袋.

引用:

原帖由 suewong 於 2010-7-2 23:22 發表 亞哥研究過, 發覺轉盤有"轎妙", 1 定中唔到大獎, 最多中 d 細獎, 而且多數唔中.

照理應該唔會既，因為個轉盤係圓既，上下左右(12點、3點、6點及9點位置)都有三件或四件的區域，傾鈄同等稱的位置沒有任何利益，只不過係細到好神奇而已，要支針停正個咁細小區域已有一定難度了，如果話加埋田雞既磁石效應，可能性會高DD。

引用:

原帖由 suewong 於 2010-7-3 18:31 發表 亞爸每天放工, 都比 1 毫子我, 70 年代, 應該幾好. 不過我懷疑入 side 家姐 / 亞哥袋.

一毫子可以食碗車仔面加豬紅豬皮Lu。
唔食都可以食街邊鹵味，生腸、雞腎一樣有兩味！再唔捨得咁快食完咪要兩隻橙色既雞腳，可以食成半個鐘。

引用:

原帖由 mygo 於 2010-7-3 19:33 發表 照理應該唔會既，因為個轉盤係圓既，上下左右(12點、3點、6點及9點位置)都有三件或四件的區域，傾鈄同等稱的位置沒有任何利益，只不過係細到好神奇而已，要支針停正個咁細小區域已有一定難度了，如果話加埋田雞既磁 ...

亞哥話, 支箭頭 / 轉針, 1 邊重, 1  邊輕. 個轉盤又唔係水平擺. 所以唔會停係大獎區.

[ 本帖最後由 suewong 於 2010-7-3 21:09 編輯 ]

引用:

原帖由 suewong 於 2010-7-3 21:06 發表
唔會停係大獎區.

另外有一種抽獎游戲,不知有誰玩過?
一大張紙牌,上面釘了很多的獎品,大概有20來個獎,各自寫上號碼,另外有幾個特別號碼的大獎。
下面則是用作抽獎的密封號碼("潛 Number"),抽中獎品的號碼就中獎。
一版大概有100~200個密封號碼。
你永遠不會中大獎,因為店主會自已先抽一、二張,用此號碼寫在特獎上!

[我想除非你也玩過,否則相信看不明白我寫什麽。原來要完整、準確描則一件東西很不容易]

小時在大坑東平房舖仔玩過,紙板掛滿實物獎品,心好其中一款射吸盤咀的膠槍,每天課餘必往進貢,從紙板下部貼滿密封號碼的小紙塊中撕下其一,小紙塊兩層,上蓋统一的圖案,下層則是抽獎號碼.

進貢一輪,心心不忿,乃想出一法,逢抽必中,各位,請先估一下...

引用:

原帖由 kintsun 於 2010-7-4 08:10 發表 小時在大坑東平房舖仔玩過,紙板掛滿實物獎品,心好其中一款射吸盤咀的膠槍,每天課餘必往進貢,從紙板下部貼滿密封號碼的小紙塊中撕下其一,小紙塊兩層,上蓋统一的圖案,下層則是抽獎號碼.進貢一輪,心心不忿,乃 ...

唔知Ching乜法子，有兩三個年代，早時年代或者可以，但後來小販都精左，但我就冇試過，諗過就有。

第一代，呢D潛籌紙仔，點呃得我地呢D成日響街做人既細路吖？其實有得賣，好平，如果件獎品值二元，有人可以去買番同一款既潛籌紙仔，所費只係一、二毫，買番來就自己開，跟住記住小販既獎品號碼，然後就欏中獎號碼去扮中獎...

第二代，小販可能發現有人咁做，就用箱頭筆在上面劃一條痕，小販對過其他筆痕是否吻合先俾獎。

第三代，潛籌印製者可能已發現這一問題，在所有潛籌面上都有特定編號，如：838、344等，這一些編號是沒有相同的，這等號碼外還有花紋，想用這方法，已沒有可能。

順帶一提，這三代應該在一年間左右全部發生，時間極短。

[ 本帖最後由 mygo 於 2010-7-4 10:13 編輯 ]

引用:

原帖由 PLAYERalex 於 2010-7-4 01:49 發表 另外有一種抽獎游戲,不知有誰玩過?一大張紙牌,上面釘了很多的獎品,大概有20來個獎,各自寫上號碼,另外有幾個特別號碼的大獎。下面則是用作抽獎的密封號碼("潛 Number"),抽中獎品的號碼就中獎。一版大概有10 ...

呢個問題我地好細個時已有諗過。但證實未必個個店主如此。
事關我地靚仔日日行過，佢有乜野獎品，知道晒，一般我地會睇住佢係新既潛籌板我地先會去抽，佢成排既，如果欏出黎冇左一兩個，一眼就睇得出，唔抽。同時，亦都會話俾同學仔知唔好抽。

同時見到個獎品唔見左，突然間又痴番響度，就係俾人做手腳。

但我地幫襯開既幾個店主都冇個情況。

童年時係快樂多一d ，因為無憂無慮，
窮也快樂，被人呃都快樂。

最近湊個孫放學，途經一間書局，
門口擺左兩部遊戲機，一部彈乒乓球，另一部是夾毛公仔，
他指住乒乓球機說：「呃人�鵅v、
然後跳過另一部機再說：「呢架都係呃人�鵅v，
我以為佢咁早就開竅，
點知佢跟住就同我講：「公公，有無兩蚊？」

補充一下：呢D潛籌板既獎品，如果唔係有序既唔好潛，多數呃人。

例如，獎品編號多係1字結尾，如1號，11號，21號，31號等，即係話逢抽到1字或1字尾都會有獎。呢D比較可靠，因為做手腳好難響紙板上抽晒1字出黎。

如果，獎品係亂數，就係有古怪，有可能店主自己抽左幾個出黎之後再寫上獎品編號。

引用:

原帖由 PLAYERalex 於 2010-7-4 01:49 發表


另外有一種抽獎游戲,不知有誰玩過?
一大張紙牌,上面釘了很多的獎品,大概有20來個獎,各自寫上號碼,另外有幾個特別號碼的大獎。
下面則是用作抽獎的密封號碼("潛 Number"),抽中獎品的號碼就中獎。
一版大概有10 ...

有印象。

細個好蠢，中獎都唔知。當同學提我時，老闆個樣，好唔 likely.

記得食雪條，中左大獎，老闆想用 1 枝雪條，換我支棍。但佢個女 (10 多歲)，出聲話佢爸爸。

引用:

原帖由 mygo 於 2010-7-4 08:32 發表
唔知Ching乜法子，有兩三個年代，早時年代或者可以，但後來小販都精左，但我就冇試過，諗過就有。

第一代，呢D潛籌紙仔，點呃得我地呢D成日響街做人既細路�魽H其實有得賣，好平，如果件獎品值二元，有人可 ...

你地好醒目。

我仲諗住回 帖，話而家 d 細路，唔會好像我地當時咁蠢上當。

我估 Kintsun 用哩個方法，抽到心頭好。

[ 本帖最後由 suewong 於 2010-7-4 17:12 編輯 ]