"虎" 初期型.




本來講完左四號坦克和佢一 d 變形車之後,應該是順序到五號的豹仔坦克,不過 Q 版公仔就跳過五仔先講六號坦克虎仔,冇問題,我地就按 Q 版本子辦事,有咩講咩啦!


虎式坦克都唔使再多講勒,因為我地之前都開過幾個快勞講佢既制作過程同其他部件既野,不過而家都同大家溫習下老虎既資料.


虎式坦克係德國佬响二戰推出既第一隻重型坦克,正名叫 Panzerkampfwagen VI Tiger Ausf E ,即係六式裝甲 E 型戰車,番號係 SdKfz 181 ,不過大家千祈唔好因為見到佢有個 "E 型" 既 "梯圖" ,就以為老虎重有其他唔同亞爸或者係唔同亞媽生既兄弟,因為老虎數黎數去都係得佢一個,冇錯,就係得佢 E 型一個咁大把.至於點差解德國 Huns 要將一千零一款老虎叫做 E 型咁多舊魚呢?在下細佬都唔地除勒,唯一大膽 dd 既想法就係用德國佬當推出老虎既時候,佢地既軍事資源已經開始干塘,於是就整招黎扮鬼嚇人作到死人咁大,叫左佢做 E 型,即係暗示後面重有大把貨跟尾,你地班盟軍要因坐至好!就好似有 d 爛鬼舖頭响佢隻招牌下面寫住 "第 xx 間分店" 咁,其實佢露眉全宇宙就得果一間,總之就打你唔死嚇到你死為止.


出街打仗既老虎只得一款,但係就分三期車型.由外型去分老虎期數都唔係太難,好似上面張公仔就係初期老虎,先睇佢炮塔上面左邊隻圓車長潛望艙,足足有成半呎咁高,而果件艙蓋係向上推高打開既.另外睇完頭就睇腳勒,睇下佢既路輪係有黑色圓邊既,果 d 係橡膠黎既.咁但凡有齊呢 d 特徵既,你答話係早期老虎就肯定 no problem 兼羅 100 分.



[ 本帖最後由 jj2jr 於 2011-3-3 16:55 編輯 ]

"虎" 中後期型.










虎式坦克中後期型和前期車型最大的分別在於路輪,上面提過了早期虎的路輪有膠邊,到了生產中和後期虎的時候,德國已經出現戰事敗跡和軍事資源短缺,因此中後期虎的路輪就省去路輪膠邊,這樣的安排對虎的整體表現沒多大影响,只是在避震上比早期虎為差.而有膠邊路輪和全鐵路輪在外觀上,是很容易就可以一眼看出來.

另外中後期虎炮塔上的車長潛望塔的高度也縮小了.打開塔蓋不再是向上推起,而是向橫水平方向移開.













當然,三個不同時期的老虎在事實上都有很多不同的改良和分別,例如是履帶擋泥板,車尾的空氣濾器和炮盾左方的潛望孔數量等特徵,都是可以用作分辨老虎的生產時期.但如果單由外觀去作初步和基本分辨的話,個人認為只用潛望塔高矮和塔蓋開關方向和路輪形狀兩點就足夠了.

"斐迪南 / 象" 式坦克殲擊車.


Panzerjäger Tiger(P) - Ferdinand / Elephant ,是在一架由 "波子老虎" 坦克底盤 (Porsche Tiger) 上裝一門 88mm Pak 43/2 L/71 反坦炮組成的反坦戰車.番號為 Sdkfz 184 .

早期產品別號 "費迪南" .







後期改良型號就叫 "象" .

184 可以說得上是德國人在二戰中的最成功的一款反坦克戰車,因為它有長程強大的火炮,和堅厚的裝甲,但這個成功是有前提,就是遠程對敵.

















184 在戰場上殺敵和自損的比率達 10 : 1 .但由於體重達 70 噸,加上頻發的機件故障,也做成了 184 的先天缺憾.在戰場上 184 的大多數損般竟然是來自因機件故障棄車自爆,而非為敵人做成的怪現象.

















當第一批 184 上東線打毛子的時候, 184 在遠距離上對敵是絕無問題,但當被敵人步兵或者是坦克接近之後,形勢就一面倒向對手了.因為 184 除了一門 88 炮之外,是沒有機槍任何對付近身敵人.




















經過同大鼻佬在庫爾斯克的大戰之後,德國人把所有的 184 運去奧大利改裝,首先加上正面的機槍,又在作戰部上方加一個車長潛望塔,改裝之後就由原來叫做 "費迪南" 改稱為 "象" .

184 象有很厚的裝甲,正面 200mm ,其他部位是 80mm ,可以說是刀槍不入.它的動力系統幾過癮,是採用了 "汽油 - 電力" 動力系統.

車內正中放了兩台 Maybach HL120 電油偈拖起兩個發電機,再用輸出的直流電驅動兩個摩打,兩隻摩打分別帶動車尾左右兩邊的後置驅動齒提供動力.

184 內部實照很難找到,不過找個模型反而容易和清楚,下面是 184 的動力系統,大家睇睇 :
正中兩台電油偈,車尾兩邊是驅動輪,車頭驅動輪沒有動力,只有剎車.

突擊虎.



正式名稱是 Sturmmörserwagen 606/4 mit 38 cm RW 61,簡稱 Sturmtiger / 突擊虎.車子沒有番號.設計理念是為進行城市巷戰時提供強大的對敵殺傷和爆破能力.車子是在虎一坦克底盤上加一個裝甲作戰部,再裝上一門海軍戰艦用的 RW-61 380mm 火箭炮.

突擊虎全部做了 19 架,當中一架是樣車,即是出街只有 18 架.車載 380mm 炮彈 14 發,每發彈重約 380 kg ,射程可達 6 km ,可以打穿 2.5m 厚的水泥工事.








RW-61 是一支後膛火箭動力發射炮,在放入炮彈後首先擊發炮彈的第一度推進藥,在炮彈出膛時又燃點炮彈的第二度火箭推進藥,令炮彈以每秒 250m 的速度射向目標.

突擊虎的 380mm L/5.4 RW-61 炮.

令人望而生畏的突擊虎.

"黑豹" D 型.






"豹式" Panther 坦克,番號 Sdkfz 171,本來也叫五號坦克,不過希特拉有一天突然得到神既指示,就落命令話以後唔俾再叫豹仔做五仔.

上面呢架係豹仔 D 型車,豹仔有三個車款 (以出左街俾人見過同打過交既黎計.),第一期叫 D ,跟住順序係 A 同 G .三款車外型一樣,都係掛左支 75mm Kwk 42 L/70 長管戰車炮,不過 D 車比較易認,就係佢炮塔上面既車長潛望艙係上下兩頭鈿而中間肥大既 "鼓形" .

"黑豹" G 型.







是三款已面世出街既豹仔當中最喇屎同數量最多既一個車款,一共做左成 2,953 架.不過如同希特拉其他好料一樣,連云點多都冇用,就算耶穌幫手都打唔贏人家.


















總之最慘既都係老百姓.

[ 本帖最後由 jj2jr 於 2011-3-12 21:00 編輯 ]

"黑豹" F 型.





收窄炮塔同取消原來長方形炮盾,改為用一個喇叭狀炮盾既豹式改良車,不過希先生佢老人家都未見到呢個 "豹 F" 面世就早早打柴,當然豹 F 都係冇出過世.

出少 d 大家死少 d 人咪好羅!

德國佬真係叻,要英美蘇夾埋先打得贏佢。

'獵豹" 重型坦克殲擊車.



  


番號 Sdkfz 173 ,是以豹式坦克底盤加上固定斜向作戰部再加上一門 88 炮而成的一架反坦克兼突擊兩用戰車.

173 分有前後期兩個不同型號,即是 G-1 型和 G-2 型 (但也有細分為前中後三期,在此只討論前後二期.),全部都配有一門 88mm 反坦炮,前期車配單節式的 88mm Pak 43/3 L/71 反坦炮,後期配兩節式 Pak 43/4 L/71 反坦炮,都是備彈 57 發 (有說 60 發),另有一門裝在前斜裝甲右方的 MG-34 機槍,備彈 600 發 (有說是 1,200 發).

如果要由 173 的外型上去分別前後期車款,可以由以下幾個特徵去了解 :
( 1 )炮盾外圍.
前期炮盾外圍是一個光滑的外框,後期的外框上有鏍釘.

( 2 )前甲左側觀察孔.
前期車的有兩個察孔,而後期車只得一個.

( 3 )主炮炮管.
前期車炮管是一節過,後期車炮管分大小兩節.

前期車.





後期車.






但也有 173 是同時在一架車子上面兼備上述前後期車款的特徵是全不出奇,因為有可能出現前期車換上了後期主炮.或者是那產品是介乎前和後期車間的過渡產品.所以大家不必過份執著於上面的特徵.即如以下這架打壞了的 173 ,有著鏍釘炮盾外圍和兩節主炮,但觀察孔卻是兩孔式.






[ 本帖最後由 jj2jr 於 2011-3-12 20:42 編輯 ]

173 的主炮可以作上下俯仰由 -8 ~ +14 度,左右就可以各轉向 11 度.

下面有些 173 都是有著前後期車的特徵.

"虎王" .



虎王坦克,又叫六號坦克 Panzerkampfwagen VI ,也叫 "虎二" 坦克 Tiger II ,番號是 Sdkfz 182 Ausf B .

提到虎王坦克,和它的兄弟虎式坦克一樣,這又是一場介於 "看高 Henschel" 和 "波子 Porsche" 兩家製做商之爭,不過我想那已經變成名譽大於利益的鬥爭了.

1942 年在製做虎一坦克之爭上,"看高" 廠打倒了 "波子" 廠取得了製做虎一的權利,到了 1943 年希老板又要求來個更大更猛的坦克,於是這兩家公司再次交手,就是爭奪建做更大的虎二坦克.

不過很可惜的是,波子又一次敗在看高手下,而虎二坦克最後還是讓看高搞上手.另一方面,波子老細在事前是信心爆燈,認為今次一定可以穩奪製做權,在訂單沒有到手就叫人做了好幾十個炮塔,這些後來被叫做 "波子炮塔" 的炮塔,就賣了給看高廠放在第一批虎王坦克上,阿 Q 點去看,波子廠在爭奪虎二坦克製做權上是沒有全輸.

看高的虎二坦克.







波子的虎二坦克.

看高廠和波子廠在設計虎二坦克的時候,都是把自己設計的炮塔外判給Krupp 製做,下面看看兩家公司設計的炮塔,看看有什麼不同.

看高的虎二炮塔,是整體的方正設計.






波子的虎王炮塔.前方上下端呈彎曲形狀.






在討論虎二坦克兩款炮塔的問題的時候,不禁令人想起我們常說的一句說話 :

"盡信書不如無書!"


在上面我說到過波子在投標虎二之前就叫 Krupp 替波子先做了幾十個 "波子炮塔" ,這是由 <中文維基> 上得知來的資料,不過從 <英文維基> 上聽來的說話又是另一回事. Wiki 說那個叫 "波子炮塔" 只是一個誤傳,那本來是 Krupp 自己為虎二設計的炮塔,和波子廠無關.

在同一個網站上只因不同的文字就出現對同一件事情的不同版本,真叫人為難!

而又在另一個權威德國二戰坦克網站 <坦克來了 achtungpanzer> 上面說,看高和波子廠自己都沒有設計過虎二坦克炮塔,只是由 Krupp 分別給他們兩家公司各自設計了不同的兩款炮塔而已.既然是二家網站各有和話,那麼大家都不必太過在意了,總之識得分別兩種不同炮塔就是了,反正說到底虎王坦克都只此一家並無分號,對嗎?

大家可以分得出下面的虎王坦克是用上了那些不同的炮塔嗎?

"獵虎" 重型坦克殲擊車.





希特拉在二戰末期開始發神經一味希望以大取勝的另一個失敗之作,番號 Sdkfz 186 ,是在虎王坦克底盤上加上一個配有沉重厚實裝甲和一門 128mm Pak 44 L/55 反坦炮的組合.如果只是作為一個防禦式炮堡就著實一流,不過要作為一個流動射擊平台,就實在是適得其反的令人失望了.

[ 本帖最後由 jj2jr 於 2011-3-14 08:32 編輯 ]

186 重達 71 噸,正前裝甲厚 250mm ,自身裝有一門 128mm 反坦炮,可以說是天下無敵.不過成也蕭何而敗也蕭何,就因為厚甲的重量令引發動機長期過車而故障頻生.由兩線戰場上的事實証明,許多 186 不是被敵人炮火打掉,而多是因為機件故障,乘員要棄車保命,順手在棄車前把 186 自爆.

186 做了 88 架,開始時是用虎王的波子底盤,因為波子底盤的建做工時比看高的底盤短,在 1944 年中的要命時刻,對德國而言時間就是金錢和生命,所以採納波子的虎王底盤.不過在生產了 11 架之後,發現波子虎王的避震實在不行,所以又重新採用看高底盤.看來波子在兩次的虎一虎二投標失利自有其一定的原因.

波子 186 和看高 186 在外型上可以一眼看出,前者是每邊 8 組路輪,而後者是每邊 9 隻.下面找來兩個不同的 186 比較一下.


8 隻路輪的波子獵虎.






9 隻路輪的看高獵虎.

最後大家來看看這個名大於實的 186 .