年復一年, 月復一月, 紅小將熱火朝天, 除三害後來個大練鋼, 有學生提出拆了學校門窗去天井練鋼, 學校不許, 謂什么消防條例不淮. 五七年左右, 首次聽到三面紅旗, 人民公社大鑊鈑, 學校老師輪流回國學習, 回來後大讚人民公社進步, 社員人人有工做, 有飯食, 糧食還多到食不完, 要運去幫助貧困國家, 與人民日報說的一樣. 看來祖國形勢不是很好, 而是大好, 美帝白費亡華之心, 一日一日爛下去.

六二年香港發生逃亡潮,  萬千大陸同胞翻山涉水來香港逃「荒」. 原來大陸發生大饑荒, 人以樹皮為食, 甚至傳人相食. 好傢伙, 人民日不是話畝產萬斤, 糧食多到食唔完嗎 ? 那來的飢民 ? 自此後學校氣紛有變..

[ 本帖最後由 牛奶蛇 於 2011-10-13 05:36 編輯 ]

引用:

原帖由 牛奶蛇 於 2011-10-13 02:25 發表


不止傳統名校多乘私家事用工人司機的學生, 左派名校也不相伯仲.

在我們貧苦大眾子弟中, 倍僑乃左校名牌, 事事馬首事瞻的好榜樣, 我一直以為倍僑学生是毛主席的好學生. 勞苦階級的模範. 一次學校來了一個 ...

當時我問亞哥 -

• 點解傅生咁積極, 屋企都有工人/司機服侍 ?
• 哩 d 唔係資產階級, 剝削貧苦大眾既行為 ?
• 點解鼓勵我地去勞校讀, 傅生個女就去一間咁貴族既學校 ?
• 點解傅生個女 d 衣著咁小公主 ?

p.s. 我都幾醒目, 唔問亞爸...

引用:

原帖由 牛奶蛇 於 2011-10-13 05:32 發表
六二年香港發生逃亡潮,  萬千大陸同胞翻山涉水來香港逃「荒」. 原來大陸發生大饑荒, 人以樹皮為食, 甚至傳人相食. 好傢伙, 人民日不是話畝產萬斤, 糧食多到食唔完嗎 ? 那來的飢民 ? 自此後學校氣紛有變..

...

好細個係電視睇到大陸人偷渡黎香港, 話食唔飽.

先父話 - 國民黨搵人扮既...

引用:

原帖由 牛奶蛇 於 2011-10-13 05:32 發表
年復一年, 月復一月, 紅小將熱火朝天, 除三害後來個大練鋼, 有學生提出拆了學校門窗去天井練鋼, 學校不許, 謂什么消防條例不淮. 五七年左右, 首次聽到三面紅旗, 人民公社大鑊鈑, 學校老師輪流回國學習, 回來後大讚人 ...

ah Sue 888, 牛 sir  點解你讀左校, 70 年代 都可以做政府工既 ?

家人 70 年代考 EO, 連去國貨公司, 都唔敢. 話影到相, 唔會請.

我 80 年代考政府工, 驗埋身, 等返工. Check 到有親戚入左工會...

引用:

原帖由 suewong 於 2011-10-13 19:44 發表


好細個係電視睇到大陸人偷渡黎香港, 話食唔飽.

先父話 - 國民黨搵人扮既...

看來你伯爺愛國得很.

引用:

原帖由 suewong 於 2011-10-13 19:49 發表


ah Sue 888, 牛 sir  點解你讀左校, 70 年代 都可以做政府工既 ?

家人 70 年代考 EO, 連去國貨公司, 都唔敢. 話影到相, 唔會請.

我 80 年代考政府工, 驗埋身, 等返工. Check 到有親戚入左工會...

那時情况確是如此, 尤其經過六七暴動, 港英對有左派背景人士的入職申請等同黑社會, 一律拒絕. 我被接納皆因我「洗底」洗得早.

引用:

原帖由 牛奶蛇 於 2011-10-13 22:05 發表


看來你伯爺愛國得很.

如果我係先父咁年紀, 都會咁 buy 共產黨...

點估到會一蟹不如一蟹...

六二年的逃亡潮揭穿了畝產萬斤豐衣足食的謊言, 部份有良知的老師開始感到愧對學生, 一個走完又一個, 學生也不對勁, 初時三三两两竄竄私語, 後來半公開討論應否轉校. 學期未完, 同学紛紛請出外面學校報讀, 我老豆也有所覺悟, 強大富足的祖國原來是一個謊言, 歸根結底還是要生活在港英的庇護下的香港, 於是也要我去找学校. 第一次與外面的世界接觸, 發覺自己的程度差很遠, 雖然我小三時也學 a pen and a man, 我到中一還未弄清廾六個字母.

相信左校那年走了一半學生, 做造了很多無名私校.

六六年文化大革命開始, 七八億人隨着一人的魔棒集体發癲, 把社会倫常秩序破壞殆盡, 把黑說成白, 非說成是.

大陸武斗之處, 屍橫偏野, 死者五花大稭, 飄流到港. 試問一句, 何事如此深仇大恨, 為向一人爭寵, 就要把對方置諸死地.

[ 本帖最後由 牛奶蛇 於 2011-10-14 08:04 編輯 ]

說到這裹己沒有必要再說下去. 改革開放本應可以撥亂返正, 誰知中國人有康莊大路不走, 偏要摸着石头過河, 再度淪為權貴貪官天下, 一朝回到大清時.

[ 本帖最後由 牛奶蛇 於 2011-10-14 09:23 編輯 ]

引用:

原帖由 牛奶蛇 於 2011-10-13 22:16 發表


那時情况確是如此, 尤其經過六七暴動, 港英對有左派背景人士的入職申請等同黑社會, 一律拒絕. 我被接納皆因我「洗底」洗得早.

我相信牛Sir之可以成功「洗底」，純屬偶然！  

可能係港英政治部有人失職，當然亦有好多不可告人之原因！

我堂細佬70年代初乃革馬盟（革命馬克斯聯盟）極左組職核心成員，佢家姐70年代初港大畢業，以佢當年咁嘅quali入政府易如反掌，惟最終都入唔到。我哋有理由相信係佢細佬陀累之過！

以我親身目睹，左派呢個禁忌，到80年代中，响港英政府嚟講，仍然存在。我見過有啲部門公務員同事，撈夠唔想升，特登加入左派工會，並公然對外宣稱自己有左派背景，為的是想過唔到政治部Security Check嗰關，避開可能被調派入紀律部門，如警務處又或懲教處呢類麻煩兼山長水遠環頭出入。  

引用:

原帖由 牛奶蛇 於 2011-10-14 06:05 發表
六二年的逃亡潮揭穿了畝產萬斤豐衣足食的謊言, 部份有良知的老師開始感到愧對學生, 一個走完又一個, 學生也不對勁, 初時三三两两竄竄私語, 後來半公開討論應否轉校. 學期未完, 同学紛紛請出外面學 ...

六六年文化大革命開始, 七八億人隨着一人的魔棒集体發癲, 把社会倫常秩序破壞殆盡, 把黑說成白, 非說成是.

大陸武斗之處, 屍橫偏野, 死者五花大稭, 飄流到港. 試問一句, 何事如此深仇大恨, 為向一人爭寵, 就要把對方置諸死地.

亞爸未醒...

記得亞爸講國民黨貪污/金元券點貶值/中國 d 外債/租界.

先父帶我返大陸, 去到沙面, 話以前華人與狗.

國民黨真是做得太差啦...

引用:

原帖由 牛奶蛇 於 2011-10-12 23:33 發表
其實我乃老左一名, 論 seniority 不比曾氏兄弟淺, 分別是曾氏兄弟讀傳統港英名校, 我讀專供勞苦大眾子弟讀書的左校. 自少看人民日報紅旗雜誌,  ...

牛Sir能受正統愛國教育，根正苗紅，着實令人羡慕！

小弟當年亦曾受毛主席感召，試圖、意圖或企圖學人愛國，可惜1971年入職港英政府後，碍於當年公務員被嚴禁愛國，唯有每於周末，入落馬洲邊界與鬼子佬遊客並肩遥望祖國！

直至有一天忍唔住，「偷渡」返大陸。我跟住伯父母於年尾扮探親去廣州。見冇被部門發覺，於是開始年年返去親近偉大嘅社會主義祖國。

1975年我响奧地利維也納進修，識咗一班當地香港留學生，更加愛國。佢哋食飽飯冇屎疴，天天講、日日講階級鬥爭、無產階級專政…等等，但原來愛國都有分唔同路線嘅。

有幾個女「同志」，打扮跟江青同志一樣眼鏡服式，我因頭腦簡單，受唔住佢哋四人幫嗰派迷惑，加入佢哋陣線嚟批林批孔，以至大家嗌交，得失咗另一班好兄弟。

事後我先知，其實成班友仔柴娃娃講革命，以討論國是為名，搞爭風呷醋為實，互相攻擊，圍埋揭人男女感情私隱，真好笑！




[ 本帖最後由 mtpen 於 2011-10-14 19:43 編輯 ]

引用:

原帖由 牛奶蛇 於 2011-10-14 06:05 發表
大陸武斗之處, 屍橫偏野, 死者五花大稭, 飄流到港. 試問一句, 何事如此深仇大恨, 為向一人爭寵, 就要把對方置諸死地.

...

人性/ we are animals.

有學者解釋 - 集體行動, 自己好像冇責任/羊群心理/公報私仇...

引用:

原帖由 牛奶蛇 於 2011-10-14 09:22 發表
說到這裹己沒有必要再說下去. 改革開放本應可以撥亂返正, 誰知中國人有康莊大路不走, 偏要摸着石头過河, 再度淪為權貴貪官天下, 一朝回到大清時.

無言而對...

大陸痛罵的清朝高官駱秉章, 鎮壓太平天國革命, 身前/後兩袖清風..

敝國還有清官嗎 ?

引用:

原帖由 mtpen 於 2011-10-14 18:38 發表


牛Sir能受正統愛國教育，根正苗紅，着實令人羡慕！

小弟當年亦曾受毛主席感召，試圖、意圖或企圖學人愛國，可惜1971年入職港英政府後，碍於當年公務員被嚴禁愛國，唯有每於周末，入落 ...

小弟受的愛國教育無令人羨慕之處. 對共產党而言, 愛國就是愛党, 是對「愛國」二字一种侮辱. 中共最懂得利用民族大義來蠱惑人心, 加上晚清受列强欺凌, 中共的仇外主義正合人心. 中共的私心比国民党更甚, 國民党時還能容納不同政党意見, 中共則一党專政, 對異見人士趕盡殺絕.

我讚成港英政府對入職人仕作政冶審查, 左仔都是搞顛履及說謊的能手, 港英若非如此, 香港法治早已盪而無存, 港英時的繁榮也無從說起.

我個女自從不做講師後一直做現職, 問她做什么工作, 答 usability. 問什么是 usability, 答 users' experience, 問什么是 users' experience, 答 machine human interaction, 至此我不再問下去, 因為逾問逾糊塗, 亦逾答逾糊塗.

Steve Jobs 身故, 生平介紹文章有 usability 此字, 大概是為用家着想的設計之意. Apple i 系產品簡潔易明, 深受歡迎, 可能與此字有関.

引用:

原帖由 牛奶蛇 於 2011-10-14 21:27 發表


... 中共最懂得利用民族大義來蠱惑人心....

牛Sir講起阿爺最興蠱惑人心，就讓我再講我响Vienna嗰年，我親身體驗、感覺到偉大嘅社會主義祖國當年响西歐所做嘅統戰工作，相當全面及成功！

因要同台灣國民黨競争收買人心，海外華人就有着數！我記得祖國用嚟攏絡人心個竇唔係大使館，而係維也納市中心第一區，即遊客區嗰間香港人開嘅「明閣」中餐舘。  

每日午市落場後，各路華人及香港留學生好多都會去打躉吹水，而大使館有乜function, 大家都可响「明閣」攞到消息。我話佢哋之中一定有幾個係共青團成員甚或共產黨員，至於你信不信，反正我信了！

我確信祖家當年一定有做咗大量地下工作，其在華人中之滲透率，比台灣國民黨多得多，我哋之中有幾個friends，當每次大使館或奧地利對華友好協會有function時，例必在場，從其積極參與程度看，唔係黨員至奇！

唉！可憐嘅大陸老伯姓辛勤勞動嘅血汗錢，就大量花响海外一場意識形態但無戰場嘅統戰上，慘！  

引用:

原帖由 mtpen 於 2011-10-14 18:38 發表


加入佢哋陣線嚟批林批孔，以至大家嗌交，得失咗另一班好兄弟。 ...

依家諗番起幾十年前大家朋友一場，人在海外，居然會無聊到為祖家一啲跟自己無關嘅路線鬥爭、運動反面嗌交，都唔知為乜？  

情况跟依家大家日日响度爭辯強國內政一樣，以至大家反面，相信日後或會有我感受，何必呢？Don’t take it serious 嘛！

祖家嘅嘢，少理為妙！

引用:

原帖由 mtpen 於 2011-10-14 21:56 發表


牛Sir講起阿爺最興蠱惑人心，就讓我再講我响Vienna嗰年，我親身體驗、感覺到偉大嘅社會主義祖國當年响西歐所做嘅統戰工作，相當全面及成功！

因要同台灣國民黨競& ...

中共對人的控制可謂 「無微不至」, 海外華文報章大多數歸晒边, 日日唱好. CCTV 登堂入室, 每日新聞三部曲. 第一部是領導十分忙碌, 忙於開會, 忙於接見外賓. 忙於受人民愛戴. 第二部國內形勢大好, 什么什么世界第一, 什么什么世界最大, 日日都令世界震驚. 第三是外面如何如何混亂, 以美國為首的西方國家如何如何的混將.  孔子學院總有家在附近.

[ 本帖最後由 牛奶蛇 於 2011-10-14 22:52 編輯 ]

母與女.

牛sir, 筆兄

今晚忍唔住, 答兩句咀 sorry sorry

話時話, 以戰績而論, 大6既宣傳部真係唔錯,
雖則要有廣大無知既愚民配合.

上文毋與女是一張照片, 是一個中國美女与她媽合照, 美女全身赤裸坐一張椅上, 她媽站後面, 酥胸半裸, 用双手抓住女兒双乳, 向中間擠壓, 形成一條乳溝, 母親陰陰嘴笑得很得戚, 女兒好像冇一回事. 美女据云是中國明星, 圖片總共有四張, 在大陸网站熱轉, 亦引起很大議論.

小弟無意在此宣淫誨盜, 只是覺得世夙日下, 女冇女樣, 毋冇母樣, 可噗可悲.

對网主柵除照片沒有異意.

引用:

原帖由 scottiehong 於 2011-10-14 23:55 發表
牛sir, 筆兄

今晚忍唔住, 答兩句咀 sorry sorry

話時話, 以戰績而論, 大6既宣傳部真係唔錯,
雖則要有廣大無知既愚民配合.

大陸搞宣傳慱好感乃世界之最. 美國的唐人街己是中共天下,七月四獨立日本應是美國國慶, 唐人街掛五星旗多過美國旗, 無他, 都因利之所在, 掛五星, 回中國入唐山雜貨, 礼品玩具有着數.

領事館人員不停「落區」洗腦, ABC 也不放過.  很多年前参加一個唐人街婚宴, 席中就有個中國領事, 開席前走上台長篇大論, 什么祖國好, 祖國如何對華僑寬侍, 在美國有事可找領事出头.  Holy Mol, 這裹是美國, 那些華僑都是美國公民, 真想知道中國領事如何代美國人出头.

印尼排華, 印尼政府牽头向華人姦殺搶掠, 中共一聲抗議也沒有, 話這些華人乃印尼籍, 不関中國人事, 反倒由美帝出面制止.

[ 本帖最後由 牛奶蛇 於 2011-10-15 06:19 編輯 ]

引用:

原帖由 suewong 於 2011-10-14 18:40 發表 人性/ we are animals.有學者解釋 - 集體行動, 自己好像冇責任/羊群心理/公報私仇...

Herd instinct & security in numbers!

引用:

原帖由 scottiehong 於 2011-10-14 23:55 發表

話時話, 以戰績而論, 大6既宣傳部真係唔錯,雖則要有廣大無知既愚民配合.

康兄一啲都冇講錯，我當年咪就係咁俾阿爺佢滾咗囉！嘥我時間做埋哂啲non-productive嘅嘢，死蠢！

要怪就怪自己太幼稚、太天真，人叫你去死又唔見你去死？

千言萬語就是一句話：「撳錢有理！」，有便宜就唔好使頸！既然阿爺依家需要你十扑，有着數就袋，不吃不吃白不吃！你話我衰仔契弟都係咁講！

等於當年台灣國民黨一樣有跟共產黨响奧利地争奪地盆收買人心，揾「中國時報」做嘢派着數，依家？冇啦！所以話，有就唔使客氣啦，蘇州過後冇艇搭呀！

其實我哋香港人都習慣哂做順民�謚捸I以前向西而順，依家稍改方向朝北順，加埋换過支旗而已！咪咁多聲氣啦！

你就當我代西環傳話好了！

[ 本帖最後由 mtpen 於 2011-10-15 11:23 編輯 ]