以前有個手下佢上大陸結左婚, 佢成日都同我地講個老婆幾正幾好, 香港o既女仔同佢冇得揮. 有一天佢冇返工又冇請假, 成半個月冇返黎. 正直趕工趕到七彩, 佢一返黎就比我散到佢九彩.

原來條友娶左條大陸妹之後, 在羅湖度買左apartment 比佢個老婆住, 方便佢一放工就上去敘天倫. 點知有一日佢出門上班去到上水覺得唔舒服就折返羅湖, 一入屋多左個麻甩佬同佢老婆在睡房. 佢eq都算高馬上走人, 冇同佢地嘈. 等第二日至回去同佢so called 老婆講. 點知一入屋就比幾條麻甩佬夾. 仲逼佢簽dmug野協議書, 比左間屋個女人. 簽完之後仲比人打左一身, 要佢屋企人付離婚費至比佢返香港. 後來比左錢之後佢條氣唔順走去報公安, 公安勉強走去睇睇, 見到果幾條麻甩佬, 一問之下佢地同個女人o既關係係哥哥, 弟弟, 堂哥. 公安就咁話, 呢d家庭糾紛佢地唔會管, 拍拍羅油就走左.

最後我都冇 fire佢, 仲同佢老作話佢有申請年假, 我忙過頭唔記得批佢咁o既藉口同公司交代. 其實大陸有dmug野係靠得住的, 唔好自欺欺人啦.

引用:

原帖由 keibeast 於 2007-4-7 21:30 發表
以前有個手下佢上大陸結左婚, 佢成日都同我地講個老婆幾正幾好, 香港o既女仔同佢冇得揮. 有一天佢冇返工又冇請假, 成半個月冇返黎. 正直趕工趕到七彩, 佢一返黎就比我散到佢九彩.

原來條友娶左條大陸妹之後,  ...

beast兄... 唔同人鍾意唔同地方既人... 當然都有佢地自己既原因, 我覺得要尊重他人既選擇既...
但如果要靠踩底其他人黎托高自己選擇, 咁就算你既選擇有幾好都好, 都會令人反感...
雖然, 近呢幾年係網上見到好多人成日數香港女仔有幾衰...都真係令我覺得好驚... 驚左呢類男人...
不過, 我深信呢d只係小部份, 我覺得香港既男人唔係個個都咁偏激, 亦唔係個個都去叫雞既..
我都仲願意去相信香港大部份既男人都係有量度, 有自信, 識得尊重&愛錫女性既人...
當然, 我唔否認香港有部份女仔係有d貪務虛榮, 但絕對唔係全部都係咁既...
至少, 係我識既女仔當中, 唔貪務虛榮既佔左9成... 知慳識儉既又有好多...
都唔明點解d人成日話佢地絕晒種... 佢地只係一早比人mark晒o者...

thanks.......

引用:

原帖由 Double.Zeta 於 2007-3-28 01:55 發表
：基本上，有留意o既話，就會發覺果 D 成日對港女
       指指點點o既人，十個裡面起碼六個都係無乜本事
       o既男人，所以，姊妹們！唔好聽佢講呀！
       唔好自暴自棄呀！記住！港女唔係差！
...

完全同意

唔好話我話, 大陞有好多女仔都係拜金一族, 或者貪個居留權
因為我見唔少

只係識一竹戈打一船人? 知唔知咩叫以偏蓋全?
樓主就上去做下羊牯喇, 無人會阻止你的

引用:

原帖由 色即是空 於 2007-3-28 10:13 發表


如果你識到o既香港女仔都係咁樣.....我對你o既遭遇深表同情

笑死了

引用:

原帖由 Double.Zeta 於 2007-3-29 04:42 發表


：唔係話撐邊個！我係最憎有 D 人
       溝唔到女就話人扮上菜姐！

......
：本來都唔想彩你，不過睇完你講 D 野，
       想同你講一句：
       你就算唔尊重女性，都尊重 ...

佢咁中意上去咪俾佢試下囉, 有d男人係咁架喇
自己失敗又唔肯發憤(or even只係承認), 係都要扮大爺、大男人
做大男人唔係唔得(雖然我好憎呢d男人),
不過都要睇下自己夠唔夠班的

上去溝d妹妹仔就話自己幾掂幾掂
因為交易成份>感情基礎
所以日後頭上出現綠色彩霞的機會比較大

引用:

原帖由 Orange+Fai 於 2007-4-9 11:24 PM 發表

佢咁中意上去咪俾佢試下囉, 有d男人係咁架喇
自己失敗又唔肯發憤(or even只係承認), 係都要扮大爺、大男人
做大男人唔係唔得(雖然我好憎呢d男人),
不過都要睇下自己夠唔夠班的

上去溝d妹妹仔就話自己幾掂 ...

發奮呀fai fai

又係咁o既文章,
令我想起只有唔長進o既人先會自怨自艾

引用:

原帖由 allure 於 2007-4-8 04:14 AM 發表

beast兄... 唔同人鍾意唔同地方既人... 當然都有佢地自己既原因, 我覺得要尊重他人既選擇既...
但如果要靠踩底其他人黎托高自己選擇, 咁就算你既選擇有幾好都好, 都會令人反感...
雖然, 近呢幾年係網上見到好 ...

唉! 而家d人愛情同 一夜夫妻百二蚊都好似分唔清楚. 最近見到個師兄, 講開兩個師姐, 自從畢業後(都成廿年了)比男友飛左之後就搵唔到人要, 個師兄問有冇人可以介紹比佢地. 可惜我d朋友個個都結曬婚啦.

我身邊就有兩個"極品", 一個係我細佬既女友, 一個係我好朋友既女友, 兩個既特點可謂相差無幾, 筆墨難以形容, 小氣, 脾氣大, 要男友付出晒(金錢, 時間, 心機, 精神), 係應份既, 自己付出就係"恩典", 人地同其他同事有工作上來往, 或者只係同一大班女同事去lunch就問長問短, 大興問罪之師, 掉轉自己就話"關你mug事呀", "mug你咁小氣架"之類的說話. 我絕對唔係老作, 我親身經歷(一年前) 有一次, 我細佬同佢女友去完街好夜返屋企, 果時我同我老婆同埋我個仔(出世無幾耐), 同埋我爸媽一齊住(因為我同我老婆都要返工, 爸媽幫我照顧BB), 一返到黎就打電話俾佢女友報到(事後細佬同我講拍拖咁耐, 規定每晚都要準時報到, 如果唔係就鬥鬧到佢死), 起初, 我聽到佢話"只係遲左幾分鐘啫!唔好咁喇"後來愈講愈大聲, 大聲到連我BB都嘈醒, 喊左好耐, 好耐都瞓唔番, 我火都黎埋, 真係想搶個電話"小"佢. 後來大家冷靜左之後, 知道, 已經唔係第一次, 幾乎每星期都幾鑊, 不過因為之前小朋友未出世, 自己同老婆有自己的地方, 所以唔知姐(都成幾年), 至於我的好友, 情況幾乎翻版一樣(佢同佢女友都係我同事), 佢因為厘件事, 攪到佢好大壓力, 加上突如其來的肝病, 佢係上年十二月頭, 已經過身.

我細佬最近已經頂唔順, 分左手, 已經無任何接觸, 事情可謂告一段落, 至於我好友, 佢已經"永遠"告一段落了.

其實真係唔知我係唔係咁"好彩", 我的朋友, 同事, "極品","港女"的比率相當之高.

大家千祈唔好當我係玩針對, 公平D講, 我身邊都有不少好的例子(包括我自己), 但這些好例子有一共通點, 都係年紀相對較大(三十幾至四十歲), 而大家所講的"港女"好多都係年輕, 貌美(見人見智), 持靚行兇.

只係大家見到d nice o既人唔會覺得點, 但係就會記得果d特別出位果d人.