引用:

原帖由 唐不阿奴 於 2006-11-23 20:45 發表
殷承風就咁就死左，唉....
四大世家，死既死，傷既傷，之前出場全威係勢，而家四個高手都冇哂.....

又一問，有冇人可以列出唐門八十一絕藝係邊d???
成日講，但數來數去都冇咁多

正派人士...作者未准...應該未講他死都可能只係重傷吧...殷承風應該唔會例外,蹤使他係抵死...
唐門八十一絕藝係招牌吧...我想唔會列明所以出來(列來亦冇乜意義呢.)...例子~
正經的有少林三十六門絕技,咸的有江戶四十八手...會有幾許人知哂?

引用:

原帖由 小小力 於 2006-11-26 23:35 發表
唐門八十一絕技﹕
唐無相：易容術，鍛骨術，雷磷霸腿
唐失驚：失魂刀法
又算唔算係??

易容術/鍛骨術...應該係專業間諜有的技術吧...失魂刀法係習家莊的家傳刀法啊...雖然這代唐失驚用得最出色,但他係「搶學」吧...

引用:

原帖由 唐不阿奴 於 2006-12-9 15:47 發表
四劍一齊就夠功力同博父打平手，而家得兩個.....已經個個咩咩承相應該勁過博父，睇下佢又點編到佢兩個唔死.....上次不阿唔死既劇情已經好不知所謂

同博父打仲可以有件甲,今次承相(我想這人強唔過博父,畢竟博父係一線人物的手下,這承相只係二線人物的手下...但一物治一物.)確實有點麻煩...不過唐門係天下三大用毒名家之一,無情唔會冇預備吧...可能係扮中毒來令其輕敵來殺吧...

引用:

原帖由 酒徒 於 2006-12-11 01:41 發表
不過，我想不阿應該就死。（我估）  

睇完今集頗肯定周白宇已經瘋狂了,已經係逢唐的都想殺...而唐相縫應該走唔甩...而唐不阿恐怕周白宇難逃一死了...

引用:

原帖由 ncnd 於 2006-12-11 21:39 發表
唐門好似話玩完喎  咁四大係咪完呀....希望完啦 唔完真係悶q死.....

唐十五後著未出,八倍界王拳未出,唐灑雨和幕後勢力未出,唐刃真正目的亦未出...六分半堂先出了一個內鬼,其他不要講雷損,座下十二堂主又一個都未出...

大把玩意都未出啊...

引用:

原帖由 風中之神 於 2006-12-20 10:02 發表

結果是銀劍再見啦！下一期：最後一擊。

銀劍真係「收工」?我唔信...各位不知有冇留意~金劍的嘴唇在最後突然變成鮮豔的紅色?莫非金劍係女?會唔會由金劍咬破嘴唇來個嘴對嘴引血解毒?這方法在「隔離台」龍虎門一早就試過了...

劍橋莫非忘了唐十五的後著?又忘掉了唐灑雨?

引用:

原帖由 chunchunchun 於 2006-12-29 11:13 發表
同埋我想知唐十五既"八倍界王拳"依個名....係唔係你地作呀 ???
另外...冷血係唔係今個故事都唔會出場呢 ??

艷兒好似short左....唔知可唔可以醫得返呢 ?

界王拳係我作的....睇之前就知了...
以下兩條...實情唔知,但若討論...我想...冷血如到唐十五八倍界王拳都未出現的話,就應該唔駛出現,直接等第二回合(太多尾巴如唐十五的後著,唐刃和唐灑雨的去向等未交代,就算唐十五今次敗了都應該未到不能翻身的地步.)...
我想艷兒唔係short左,係失憶吧...之前我估(現在都係.)她的記憶只在和唐十五相戀的情況,無情對她來說只係童年玩伴...

今期真係好感慨...一開始唐十五一句「什麼做飯」...即他完全唔知小珍的事吧...也即是他完全冇想過要害對手身邊的人,而睇「正派」?整座大廈一次炸哂,雖然有部份戰鬥者,但我想既然係總壇,咁戰鬥者一家大小都在亦唔係奇怪,而「正派」一次炸哂豈不是要非戰者賠埋性命?

又連帶想起~金銀劍炸完人全家仲可以歡天喜地有講有笑,完全冇想過自己一次殺掉幾多人...


有點令人心寒...

引用:

原帖由 joelcs 於 2007-1-4 00:58 發表
人家打緊仗呀。。。。講仁慈

講得好啊...講仁慈...放仁慈在嘴邊而唔在心裡,正是我心寒的原因了....

引用:

原帖由 小小力 於 2007-2-7 09:13 發表
下期唐十五應該玩完,但唐瀟雨,蘇夢枕仲未出手,...會唔會唐瀟雨既目的根本唔係報仇?而蘇夢枕既真正計劃就帶出下一個故事呢??

唐十五他八倍界王拳未出,後著亦未動用...加上你講的...所以我估只係玩完一個Round吧...

引用:

原帖由 小小力 於 2007-2-14 10:32 發表
唐十五最終都冇出八倍界王拳,反而蘇夢枕出手救左佢,祕密交易係咪指蘇夢枕將唐十五交俾唐瀟雨,等佢折磨唐十五,令唐十五俾死更難受?? 而蘇夢枕要既,就係唐門既財寶??

唐十五需要改名做白次男嗎?

睇預告...覺得下個死的唐門中人應該係唐冰冰嗎?

元顏決真係咁快可以東山再起?以他老哥一個鬼佬身份,加上莫財...就算小草為他賣身加上日做夜做都杯水車薪吧...除非回老家,但阿骨打應該唔能夠死的...點好呢?

引用:

原帖由 小小力 於 2007-2-14 10:37 發表
無情最後係咪接住左唐十五既暗器黎反擊唐十五呢?? 如果唐十五最後係用殺器對付冷血,唐十五係咪已經贏左呢??

殺器的根本係令唐門其餘三大器(劍/毒/暗)威力倍增的技術,唐十五就算有思考的空間都唔會用...大概他的體力仲有平常狀態的三至五招左右,出殺器可能令自己無力再應付立場不明的蘇生(他...應該話兩方都肯定知蘇生在扮死的.)和不知所蹤但肯定在虎視中的唐灑雨...不過想唔到無情來招暗器太極...不過如果係我都唔除最後一隻手襪了,除了以自己體力明顯作用唔大...

引用:

原帖由 酒徒 於 2007-2-28 11:48 發表


的確，唐刃的出現十分意外，令人驚喜。可能如你所猜，大頭佛跟唐刃又有關聯。

何止聯系?我懷疑擋路的大路佛(大頭佛唔止一個人.)根本係唐刃...
1-氣勁的表達~元陽無限係燈紅色條狀,元陰無限係紫黑色條狀...擋路的大頭佛發出的惡鬼氣勁就係紫黑色條狀組成...
2-唐刃身上的創傷~唐不何用的指勁,理論上受創部位係深凹的點狀,而「這刻」唐刃兩臂的創傷係長而淺...船上的水手可以在瞬間被殺,明顯實力係連蛋散都不如,點傷到咁多?應該話有什麼資格傷到唐刃呢?最近期恐怕只有八大刀王之其五這類成名的蕃薯級高手就應該有實力令唐刃這程度的輕創了...
3-正如小力兄所講~點知逃生路線?世界上咁多船偏偏可以揀到這艘嗎?

引用:

原帖由 風中之神 於 2007-3-1 02:26 發表
"最忠心的叛徒"大概就是要讓唐十五高興一瞬間的唐刃吧！

遲唔出來早唔出來,唐十五大概應該估到吧...

巧合?才不信唐刃的廢話呢...
咁大隻船咁細個倉塞個大隻佬落去可以冇人知?有可能嗎?

嗯~元陰無限唔係唐刃父母的遺物嗎?

引用:

原帖由 小小力 於 2007-3-15 09:18 發表
唐冰冰當日對唐明皇既時候,同樣對唐門八十一技熟到爛,但結果都唔夠打!! 咁係體力問題,當日既唐冰冰同今日既唐十五一樣,受左重傷!

至於唐刃,我覺得佢同大頭佛仲有發展空間喎!!佢又打得,又知唐門寶藏所在,話唔定 ...

唐十五唔同唐冰冰,他仲冇了一臂,俾他出到八倍界王拳應該都無補於事...嗯~突然想起~那兩隻脫掉的指套冇了點算?係特別製造,搵唔番喎...點講蘇夢枕應該冇可以幫他拾番吧...他師傅講過脫太耐他經脈頂唔順會輕則廢功重則死人,莫非如我之前所料~唐十五的下場係變了慕容複?

下期既然講大頭佛的內在,即他會出場有重戲吧...即唐十五應該唔會衰在唐刃手,情形會點呢...怒火可能令他出招狠些,但恐怕頂多一臂換一臂,唐刃應該唔會咁就退...唐灑雨的阿鼻道亦唔見得可以頂得住陰陽無限,莫非有幫手?

引用:

原帖由 小小力 於 2007-3-16 12:41 發表
唐灑雨的阿鼻道應該頂得住唐刃的陰陽交泰!!

這個我唔認同了...唐灑雨和唐刃都係統領一部門,理論上功力應該相差唔大...但「相差唔大」係因為唐刃未出陰陽交泰,咁除非唐灑雨有「奇遇」,唔係應該唔夠有以前倍多(當他受傷而冇十成功力好了.)的唐刃打...

引用:

原帖由 小小力 於 2007-3-19 08:53 發表
儘管唐灑雨和唐刃都係統領一部門,但唐灑雨始終係唐門第二高手,唐十五唯一害怕的唐門中人。加上唐灑雨同唐十五上一次在唐門決鬥都冇交代清楚唐灑雨係唔係武功上輸,只有交代唐十五受左傷同贏左。所以估計唐灑雨武功應該同唐十五差不多!!

本來係咁答的~好似冇印象唐十五害怕唐灑雨喎...而且唐十五又冇同唐刃打過...資料上不能用來參考...

不過今期睇來唐刃好似冇乜可能贏到...

引用:

原帖由 急電 於 2007-3-26 03:02 發表
我只係記得係好耐之前唐敗同唐十五係演武廳隻抽果陣，唐刃曾經提到唐敗既嫡系弟子叫「五大皆兇」(第60期)，但同中原群雄決戰黃金道果陣並無出陣，唔知係編劇唔記得左...定係仲有伏線了...抑或當佢地係大爆炸中瓜晒.....

殷乘風應該唔會死...如果死左一早都會交待....而且原著中既逆水寒都有佢既戲份...唔會就咁被ko既....反而周白宇應該一早就死左至真....

五個?賭場五個當家?何其巧合...但我唔信排第四的已經可以卸開十成狀態唐十五的兩倍界王拳喎...

逆水寒好似係唐拾義之前喎...唐門人士都死得八八九九...唐拾義這小說人物應該唔出了...

引用:

原帖由 急電 於 2007-3-27 21:06 發表
由於係說英雄誰是英雄入面仍然都有雷損同狄飛驚既戲份，所以係四大入面佢兩個一定唔使死.....既然武力解決唔到，咁究竟四大名捕點去同六分半堂講掂數呢?.....

看來黎緊既新故事都唔會係原著中既故事了.....

說英雄誰是英雄內六分半堂唔受政府支持,這會唔會一種因素?

不過講落我唔太信南寨係他倆做...那九個和尚應該算二線蕃薯級,但死狀係一個凹印...即應該俾人一拳打死,電兄都應該知~狄飛驚用禽拿手或者算爪類功夫,雷損係用刀輔以手印,係唔會做成咁的傷口...二堂主用掌心雷之類,中招又唔會咁「完整」,三堂主一個女人應該唔會用拳(就算「表面」都好.)...往下的印象最深係五堂主雷恨係用拳,但他有冇功力一擊攪掂二線蕃薯級的「高手」?

環顧漫畫四大內,有能力一擊攪掂二線蕃薯級的「高手」拳法高手,應該只有元顏決了...之前我都講過專欄內講過磨拳已久的反派莫非係元顏決?
我反而估狄飛驚和雷損係去幫手保持南寨「完整」,賣個順水人情俾布條仔...話哂四大家他已經玩哂了...

引用:

原帖由 小小力 於 2007-4-24 14:30 發表
今期,唐瀟雨+唐刃，連唐十五都覺得更勝元顏決，但就鬥唔過三件不知名既旦散，而且差D連毛都摸唔到!! 呢三件旦散，連同上次o個七個名都冇既粉腸，個個都話可以獨當一面，名動江湖。要知道佢地呢D旦散粉腸都只係僕人/手下，照計佢地既主人應該天下無敵。唐十五仲學咩人講「天下一唐」，分分鐘連人地既手下都打唔過。中原武林就更不知所為，咁多人都打唔贏一個人地手下都不如既唐十五。點解中原武林到今時今日都唔滅亡呢??? 「飛天」已經去到會飛既地步，佢地既主人可能一拳已經可以毀滅京師，相信無情既「倚雲座」至少要安裝高射砲先至得喇!!

唐十五真係瘋了...無情可能還需要將殺他擺在第一位,但他係唔係需要第一件事去殺無情啊?當務之急他係唔係應該休養生色啊...

引用:

原帖由 小小力 於 2007-5-8 19:36 發表


更吐血啦,諸葛先生一個打十一個喎!!
十一翼中相信只有銅面人係超級高手,所以中原群英應該冇事!!

我唔信小花咁易敗...反而覺得他想睇睇幕後主腦是誰而扮輸成份較多..

引用:

原帖由 小小力 於 2007-5-15 16:11 發表
今期，金帝十一翼，最好打o個個叫「第三」，但連元顏決都打唔過!! 其實十一翼應該大部份都武功平平，但就各有所長，如飛天，游水，鑽地，射箭，用毒等等。要對付呢班人應該唔難。
我估中原群雄中計係扮既。另外，除左四大之外，海幫主，三絕劍等都唔似唔差!!
反而好想睇下金帝元顏阿骨打，原來佢識武功，而且仲好打過元顏決!!

所以我想小花都係扮俾人捉吧...他那招「鹹豬手」都未出就敗?他見兩劍走得咁易就知班友都係想「活捉」他呢...

中計係扮就確實似了...但我想中原群雄中應該有內鬼(有幾個「巧合」呢.),阿嬸和戲班小子應該唔係...我想係三絕劍之一...