你有cable tv??
睇逢星期6晚亞so, 幾好咖, 一個hr教煮3味餸...
而且佢係由買, 洗, 切, 煮...一次過show晒出黎,
我覺得幾o岩俾d唔識煮飯o既人睇...



炒菜洗淨, 切好
燒紅鑊, 拍一舊薑/蒜蓉, 落油, 爆下有香味出, 咁可以落菜炒, 見佢乾要落下水(要幾次),
慢慢炒, 見到好似大火左要調細下咁, 想快d熟就'cup'個蓋(不過要有d水先好cup, 唔係就燶)
差唔多熟(唔試下點知喎)落鹽加dd糖個味會出d, 兜多幾下就食得喇

(好多人都係落左油, 先再落薑/蒜蓉, 但係有時d油燒得太紅就會一落蒜蓉即黑,
咁又要洗個隻鑊, 如果唔係用黑左o既蒜蓉炒出黎o既野會苦)


炒牛肉....真係都幾難
因為係屋企好難食到出面街o既效果
一來出面會走油, 同埋好多都會用鬆肉粉餣, 所以都無咩牛肉味
我睇亞so佢教過, 餣牛肉唔好用鹽, 要用豉油, 油, 水(多, 不過要慢慢加少少水, 攪下佢, 見到吸左, 又加, 又攪下咁, 到一個情況係拎上手好似海綿咁輕o既感覺) , 餣一陣(15-20mins)就可以落鑊炒, 睇下你自己鍾意食幾熟, 咪起鑊!!
我試過真係得喎, 不過要睇你煮咩, 牛肉先後落鑊o既次序都唔同
你記住牛肉係快熟, 咁就知點做, 如果好似菜遠牛肉, 要炒熟左d菜兜起先再落牛肉炒, 之後先再落翻菜一齊兜, 唔係會老晒, 兩樣都食唔到,
如果係菠蘿炒牛肉(賣非佛), 就煮牛肉先, 差唔多就落埋牛一齊兜幾野又食得!!



p.s. 煮野食係好靠感覺, 試下味覺得唔夠熟咪再兜囉, 乾咪加d水囉, 唔夠咸咪落d鹽囉.....

[ 本帖最後由 小丫環 於 2006-8-20 11:53 AM 編輯 ]

引用:

原帖由 stanwong 於 2006-8-20 22:32 發表


煎荷包蛋我都會，但炒蛋真係唔識喎，係咪打蛋之後將蛋發勻，落鑊加油炒就得喇

你係炒滑蛋蝦仁果d炒蛋??
先要將d蛋白同蛋黃分開, 蛋黃發勻佢, 但蛋白撩兩撩就得喇
(因為蛋白入面愈多空氣, 炒出o黎o既蛋會愈o鞋)
之後mix埋佢, 都係咁撩兩撩就算!!落d豉油(落鹽炒出黎唔勻咖)
之前先要炒好蝦仁!
起鑊要多油, 落蛋, (個鑊摌要不停摌底) 開始變糊, 可以落蝦, 蔥碎, 見d蛋仲有d濕濕地要起喇,
唔係又炒老蛋!!


如果係早餐炒蛋, 我會加埋花奶同牛油落d蛋度一齊炒, 香好多同滑好多咖

引用:

原帖由 stanwong 於 2006-8-20 22:39 發表
另外想問，如果在超級市場或City Super買的一大舊用保鮮紙包著的靚牛肉，係咪可以即刻落鑊炒，唔駛餣的呢？

我多數都係去街市買咖咋
同個牛肉檔話要炒牛肉, 林d, 要切埋(我唔識跟紋切)
多數都ok咖!!

如果你買d咁貴o既牛肉炒我覺得浪費左,
呢d牛肉我會買黎煎/燒, 都係落鑊前灑d幼鹽同黑椒就得, 都算唔駛點餣o既!!


p.s. 去街市買餸唔識煮, 你問下佢地賣野果d人得咖喇, 好多時佢地都會教到你點煮會好食

引用:

原帖由 stanwong 於 2006-8-22 02:02 發表
咁餣完牛肉的汁，係咪全部跟牛肉落鑊一齊炒？

係

引用:

另外，煎牛排／羊排須唔須要落油？

當然要啦.........