引用:

原帖由 休谷客 於 2007-12-31 13:30 發表


嚴格黎講，韋陀真係無九霄九章既威力!  

我唸如果張三丰泉下有知，睇到自己套絕世內功傳人有咁"突出"既表現，一定吐完成擔血後，去"投世科"報到伸請還陽，等自己演譯九霄真正巔峰威力俾大家Look 吓...

引用:

原帖由 金屬狂人-Ⅱ 於 2008-1-13 11:00 發表
今期真係睇到有Ｄ怪怪地
飛妖話距輕功最好，所以由距同班忍者小隊去揾小龍，
但輕功最好都俾個セ鬼嘢天妖拮中
個セ鬼嘢天妖同飛妖的距離最少都有3、4米啦，
咁的距離 ...

唔係睇完狂人兄你的留言至咁講，我睇到飛妖俾個咩叉妖拮中時第一個反應就係: 佢拮中既只係飛妖既殘影，真正既飛妖已以超快身法躲過了。我係咁猜囉，即管睇吓下期係唔係咁講...

事隔多年，仲記得小龍俾玄難哈僕等高手追殺至楊氏祖孫度，楊祖兒與小龍合力鬥玄難，老楊單挑哈僕。楊家槍配降龍掌，同玄難都有得打吓，最後祖兒整盲左玄難既右眼，但代價都好大，俾玄難一記火焰爪重擊腹部而倒地不起，拍檔既小龍當堂激動到流下男兒睙，邊大叫"我可以死，楊小姐唔可以死!!"，邊運盡全身氣勁加上易筋老人既殘勁，一掌拍落玄難個光頭度，旁白重講明個掌係 "降龍精華，盡在一掌!!"。打到超級高手玄難頭暈暈咁楂車走人。

呢幕金童玉女鬥惡憎，打得好睇之餘仲有情義既描寫，真係好精彩!! 好過依家為左新鮮感而將楊氏祖孫變哂樣...唉!!

今日放工騎住架綿羊仔，在等紅綠燈時，突然間明白為何王小龍傳至今沒有邪神傳來得令人驚喜：王小龍傳缺乏了人性的描寫(或描寫得不夠動人)。

邱福龍寫邪神傳時，除左超激的武打場面外(易筋黑級突然有了高低階之分，一間易筋描寫得有如天下無敵)，最重要是有描寫邪神的成長背景或師承來歷，寫邪神年少時弒師及遇上老祖宗，都有算寫過邪神的心路歷程(弒師的果斷決擇及用計令老祖宗助其提升功力)等，都起碼令人感覺到即使老祖宗天下無敵，書中靈魂人物始宗係邪神西城勇。

如今王小龍傳，太過偏重離奇既情節輔排，反而應該有既人物描寫就少得可憐。可以咁講，將小龍換左第二個人一樣可以套落呢個奇遇記內，例如小龍換成黑龍，玉兒換左天娜都可以，原因就係小龍既憂鬱深情及重義既性格沒有深刻既描寫，反而為不斷而黎既"奇遇"變左行動佈景版，玉兒既出場亦因為沒有小龍既深刻描寫而變得缺乏令人動容既表現(一味清純美麗，即使講佢飲過洋墨水，亦無法令人感受到她應有的魅力)。

到目前為止，成套小龍傳好似成年男人版既愛麗絲夢遊仙境咁，不斷有奇奇怪怪既人及物出現，但即使用埋舊龍既人物，始終令人感覺本書就係咁多了，缺乏令人感動既人性刻劃(除左一小段寫小龍年幼時既慘痛經歷)。更枉論楊氏祖孫及大水牛令人有新不如舊既感覺 -- 楊祖兒無情情變左奸角，楊遠塵無左自悟"禪棍"既大宗師風範，大水牛在舊龍只係天真單純但心地好，唔似而家既低能兒咁，無左令人可以倚賴既感覺。

希望黎緊既小龍傳有改善啦，相信讀者唔係因為想睇"奇遇記"而看小龍傳，而係因為書中人物既魅力而追看不捨。

[ 本帖最後由 a1771550 於 2008-1-16 00:16 編輯 ]

引用:

原帖由 sammy20072007 於 2008-1-22 18:52 發表
小弟有個疑問，喺老黃嘅武林世界入面達摩祖師以一人之力創出“洗髓經、易筋經、金鐘罩、童子功”等少林系列神功橫掃古今中外武林，咁佢算唔算得係古往今來最好“抽”嘅人呢？佢一個人創出少林系 ...

日前偶爾在某個談論老金著作既網站中，方得知老黃將少林三/四大神功皆創自達摩，其實也有抄老金一版(即最原始)既"射鵰三部曲"既嫌疑：因為老金原始版中，達摩先創"九陰真經"，然後再創"九陽神功"，係所有絕頂武功既創始人。

引用:

原帖由 iamkennyger 於 2008-1-24 01:50 發表

吓？老查係咪老人痴呆？將d 書改成咁，我以前睇果d 金庸小說算係乜？
即係家陣黃裳呢個角色已經取消？

Kennyer兄，我講既係"一版"(即"最原始版")，我唸你同我都無咩可能有機會睇到囉(除非去舊書攤搵)，你同我現在睇到既最多係二版/修正版/最新修正版呢三個版本，黃裳呢個角色係一版之後既版本至有，用黎取代達摩。

引用:

原帖由 喜歡足球 於 2008-1-24 15:19 發表


呢個方法,飛仙識唔識用啊?

話之飛仙識唔識用，又或者佢睇番舊龍，抄番條舊橋用頂頭盔去引開刀招；總之我覺得若新龍多D黎亭"有紋有路既絕招 --> 破招" 既模式，相信會更大有睇頭!!!

日本漫畫有唔少呢亭模式，"第一神拳" & "破壞王"(其實係"第一神拳"kuso版) 係兩個目前我想到既最佳例子。

引用:

原帖由 不平凡人 於 2008-1-23 04:12 發表

記得o個陣跟做左老祖宗隻狗一排....學左"刀仔飛行"...(冇記錯係控制把軍刀既..)
仲同雙皇走去挑老祖宗...o個陣都幾威下~~之後......

~ "刀仔飛行" ~

引用:

原帖由 金屬狂人-Ⅱ 於 2008-1-24 16:01 發表

但仲有個猩猩野種天妖未出場喎...
舊著的天妖都唔少嘢架

個天妖真係好Q勁，好似話佢功力拍得住飛仙，但因為個款太"前衛"同野性難馴至俾人鎖住係個山洞內。

當時佢打到有八關既黑龍嘔哂電，最後仲係要天妖(誤)殺左金牛後，激到黑龍火滾至埋天妖單...

今期睇到小虎又係將鐵鍊吊死天妖，心入面立刻覺得哂左時間睇呢一幕，因為死法同舊龍一樣，新龍D老編真係唔用腦...>*<

原本黑龍在老邪神既"武學圖書館"度，唔單止學識陳家絕學刻骨爪同無影無踪，仲有學埋北海絕學催心鏙，但出左好似一兩次後就無再出，而家小龍傳度又話催心鏙分開幾級，北海蛟龍一出就最高級個隻鑽碎左大金牛隻左手，唔知係咪老編唔記得左黑龍一早學識無份級數既催心鏙，定係黑龍學既係"水貨"???

引用:

原帖由 金屬狂人-Ⅱ 於 2008-2-4 22:13 發表

如果講新春孖寶版...小龍九陰七章初成獨戰黑心老叟果期就真係好睇喇

you can say that again, man!!

引用:

原帖由 喜歡足球 於 2008-2-5 16:03 發表


我個頭像,就係個期的封面!

球兄，請問是第幾期呢? 還有請問一掌斷橋又係第幾期呢? 因為想趁放年假重溫，先唔該你先!!

本來呢個要求跟呢區完全九唔搭八，但因年假有錢都無法在網路買軟體，請問各位兄台有沒有 Microsoft Script Editor 呢個軟體???? (若有安裝 Office XP/Office 2003，Microsoft Script Editor 就在 program files/microsoft office/OFFICE11/MSE7.exe...盡人事睇睇小弟有無彩數啦今劑...>"<

引用:

原帖由 喜歡足球 於 2008-2-5 23:48 發表


打低黑心老叟是245/246期

一掌斷橋,就真係唔記得左,sorry !

Tks!!

祝各位兄台 Happy New Year!!

引用:

原帖由 kincs 於 2008-2-6 01:33 發表
小龍一掌斷橋係第330期

Tks!!

祝各位兄台 Happy New Year!!

引用:

原帖由 iamkennyger 於 2008-2-14 00:00 發表

佢絕對唔係票房保證......

但係佢套"殺破狼"又真係打得好激喎!! 小弟睇左兩次，仲有興趣睇第三次添!! 尤其佢同吳京同洪金寶對打呢兩幕，好有格鬥feel!!

引用:

原帖由 sammy20072007 於 2008-2-14 13:50 發表

"殺破狼"好睇，但係小弟仲有心水介紹，就係"甄子丹"嘅"導火線"，佢同釋武尊、鄒世龍打嗰幾場真係勁過龍虎門(漫畫噃)，心水推介，好睇過電龍多多聲，師兄不妨& ...

哦! 咁勁??? 真係唔睇就對唔住自己咯!! 多謝Sammy兄推介!!! (但希望台北呢度搵得到租黎睇...)

引用:

原帖由 喜歡足球 於 2008-2-14 14:24 發表


又會咁0岩,我噚晚先係ppstream重看導火線,打得超勁!

但有樣野都幾諷刺,葉偉信同甄子丹合作三套電影-「殺破狼」,「導火線」,「電龍」,口碑最差是「電龍」,但偏偏票房收入,影碟收入佢最高

但台北呢度"電龍"在租帶店係送既!! 真係丟港片面!!

引用:

原帖由 sammy20072007 於 2008-2-14 14:31 發表
今期黑龍果然真係因禍得福，俾雷震子電到佢本來唔通嘅第八關經脈一嘢通，為佢步進第九關揭開序幕，揭開序幕好似唔止係佢嘅武功，仲有佢嘅愛情都好似有着落，今期佢考遇伊賀愛仲真係 ...

唓!! 換著我係邪神，呢D女真係話之佢啦!! 以邪神既Quali(有財有勢，靚仔得黎仲係羅剎轉世)，直頭係男人中既XO，D索女排隊等阿勇哥呀!!!

引用:

原帖由 gregoryliu 於 2008-2-14 16:02 發表
新龍電影真係悶,其實我最頂唔順甄子丹做王小龍! 佢做東方無敵, 火雲邪神或者王伏虎我都OK!

電龍入面既石黑龍，由始至終都木口木面，根本同漫畫既鬼馬性格完全唔搭，仲俾人有種可有可無既感覺(同余文樂演技無關，因為根本無咩機會俾佢發揮)...失敗中既失敗!!

引用:

原帖由 sammy20072007 於 2008-2-15 19:03 發表

揾唔到嘅話Send個E-mail俾我寄隻俾你又點話！

先多謝sammy兄，豪氣!!

引用:

原帖由 Batman_HongKong 於 2008-3-6 02:14 發表
為何小虎會是龍虎門的領袖呢?

論武功, 小虎未必是最高, 而且, 在小虎的練功戲中便缺乏了讓人驚嘆的艱苦過程 (如風雷九死一生的苦練), 一切都是因為小虎的武學智慧? 得來太易了, 讓讀者覺得小虎運氣太好o

談 ...

十分同意batman兄所言，小弟亦一早說過論社會歷練及人情世故，自幼便在江湖打滾的小龍比小虎更有資格帶領一眾兄弟。此話並非本人是小龍迷才如此說，純係以事論事。

前排大家推舉"虎少帥"個幕真係突兀兼覺得老黃又玩佢最愛既小虎做阿頭既戲碼...

樓上有兄台說黑龍常常因禍得福，小龍又何嘗不是呢，他的九陰降龍也是歷經截殺及廢功而得(而家又多左跌落山唔死得仲溝到個天仙化人既玉兒及練埋金童九陰Fusion)，只不過無黑龍"咁多"禍福相倚既遭遇而已。不過雙龍既"福"起碼要先經歷"禍"而得，唔似得"虎少帥"咁，D絕頂神功&美女自動送上門，完全無驚無險個隻...

[ 本帖最後由 a1771550 於 2008-3-6 07:12 編輯 ]

總覺得邪神西城勇似小龍傳主角多D，出鏡率多個小龍多多聲，而且主導整個故事發展...

引用:

原帖由 亞佳佳 於 2008-4-1 15:25 發表


劍痴都多過小龍.........

仲有武功設定時強時弱：
金童寶典初出時，配合玉女心經都可以同易筋黑級中階有得打吓(雖然最後都要輸)；但而家小龍玉兒再會邪神，竟唔再聯手，小龍又變番二打六，咁同舊龍時小龍遇親邪神都被打到嘔電又有何分別???